越男仔

營業中

休息中

今日有少少雨，就唔出市區，留返係沙田區搵食。去到勵城花園樓下，呢度成條街都係食肆，選擇好多，今晚揀左呢間越南仔餐廳食飯。 門口已經見到餐牌有好多選擇，入內見全部係sofa櫈，坐得好舒服🤩我哋叫左 原隻魷魚釀咖喱炒飯🦑 +招牌芝心蝦多士 首先上菜係蝦多士 ，一上枱我哋已經聞到好香芝士味，仲炸到金黃色🤩好吸引👍🏻流心嘅香滑芝士+金黃香脆嘅蝦多士 ， 唔怪得呢個係餐廳no 1 嘅必叫食物👍🏻之後到魷魚釀咖喱炒飯。從飯菜嘅擺盤已經見到餐牌好用心做好菜，呢個一睇就知係心機菜。每格魷魚都塞滿咖喱炒飯，但咖喱味唔會太重，十分適中，唔會搶左魷魚嘅海鮮鮮味👍🏻我仲見餐廳而家叫套餐外賣有9折仲有飲品👍🏻👍🏻下次先再試

之前外賣自取過，都覺得有啲偏貴，但未堂食過，有朋友話坐低食過係唔錯，而且平日夜晚都無人排隊，就入去食了。女待應服務態度好好。生牛生蝦椰汁酸湯檬($108)椰汁湯底濃郁，生蝦配上炸咗既蝦頭🫣成碗湯檬好好味，二個人share，湯都無剩。份量夠晒。原隻魷魚釀咖哩炒飯($132)味道麻麻地，原隻原來都大條，啲飯太冧無咖哩味，加埋魷魚🦑都無咩味，無咩咬感，平時魷魚應該會有啲咸味🤔不過魷魚包到啲飯好實唔會散出黎。

又同媽咪去覓食啦😆今次去左位於沙田圍既越男仔，聽講係一間越式Fusion 餐廳，見咁得意一於就去試下😝法式芝心蝦多士🥪芝麻多士炸得好酥脆，外脆內軟🤩中間夾住流心芝士同蝦膠，蝦膠爽口彈牙又有蝦味😙配埋芝士一齊食，成個口感好豐富，而且一D油膩感都冇😊燒吞拿魚柚子檬紙卷吞拿魚切得幾厚身，而且仲燒得幾香添🤤上面有柚子著為點綴，食落甜甜酸酸咁好正，再配埋蔬菜同檬粉，層次更豐富，記得淋上酸酸甜甜醬汁食落感覺好清新🤗🤗椰汁酸湯浸雞拼大蝦粉絲煲超中意佢地既湯底，酸酸地勁開胃😋而且椰汁味都幾重，忍唔住飲都幾啖😎雞既份量都幾多，食落仲幾嫩滑，而兩隻蝦都好大隻，仲好貼心咁串好燒埋𠝹開添😚唔洗用手都食到，最重要梗係粉絲，吸晒湯汁超入味😍😍

今日黎到沙田勵城花園既越男仔，時間尚早所以唔洗等位就可以入座餐廳環境裝修幾特別，好舒服夏日炎炎，美食未到之前，飲返兩杯非常清涼冰凍水果茶，茶香而甜度適中，一路飲真係好解渴，透心涼！椰汁冰同樣好香濃，飲落口係滿滿既椰香味，好足料法式芝心蝦多士，作為招牌小食，果然好高質！見到入面既芝士非常邪惡，熱辣辣。咬一淡落去真係爆發晒芝士出黎，而且好鬆脆，絕對會食上癮主菜方面，當日叫左胡志明紅蕃茄火車頭配粉絲。原鍋上，好抵食，份量多到幾乎滿瀉而且keep住不斷加熱，可以慢慢享受有齊烤牛肉、牛根、牛栢葉，非常軟嫩！加上粉絲漸漸吸收蕃茄湯底，入晒味另一份主菜係金菠蘿海鮮炒飯，一樣係大大份，原個菠蘿，好吸引炒飯粒粒分明，唔油膩，菠蘿肉亦好甜！

今晚約左個住沙田嘅朋友食晚飯，由佢帶路嚟到”越男仔”。門口見到寫住”十三週年”慶祝活動，可見佢喺河畔花園附近眾多食店中都有一定歷史。店外已見到兩個大餐牌，部分小食仲有優惠大激賞外賣自取除咗有9折外，滿$90 可以加$1就有一份例牌海南雞，真係好抵。餐廳內佈置有趣，貼左好多溫馨提示，真係幾有趣。1. 越南蒜香牛油雞翼(5件)($65)，首先職員好細心，上左雞翼後立即送上骨碟，值得一讚。雞翼炸得外皮香脆，充滿牛油同蒜香，內裡雞肉好熱辣辣，好好味嘅一道前菜2. 手撕雞椰汁酸湯檬粉($82)，碗粉上枱時真係嚇咗一跳，真係好大碗，份量十分足料。最出色係個湯底，由越南酸配上椰汁，少少酸，食落十分醒胃，好適合夏天食用，酸湯底係重點推介另外，手撕雞份量十分多，配上黑椒調味，確係出色上粉後，職員好主動遞上調味架供客人隨心使用，又一細心表現。3. 串燒拼盤($142)，內容豐富，牛肉、豬頸肉、雞肉各兩串，菠蘿一大塊。菠蘿新鮮好甜，豬頸肉肥瘦適中，再配上有花生香味嘅沙嗲醬汁，又一驚喜之作整體而言，職員服務態度良好，食物水準之上，值得一試再試。

精緻高質的越南菜🟡💛相當獨特的越南菜式，貌相精緻，味道一流，非常高質。✨✨人氣No.1《胡志明市紅茄火車頭煲》$128鮮紅蕃茄的湯底，非常香濃，並以多款牛類為食材，包括：生牛肉、牛筋、牛丸、烤牛肉、牛柏葉和雜菜。食材非常豐富、足料！！💛另外配蒜蓉包$15蒜蓉包十分軟熟，點一點紅茄湯底，很惹味！🥳《三色檬紙卷拼盤》$178相當有特色的檬紙卷，大大份，足料！有三款，包括：海膽、燒吞拿魚和手撕雞。非常吸睛的外貌，食材也較獨特，且好吃！👍🏻《生牛肉生蝦椰汁酸湯檬》$108使用了阿根廷紅蝦，很大隻，蝦頭更以渣的方式上碗，非常美味香口，蝦膏也很豐富，相當好吃！湯底是隆重推介，非常好喝！！！香濃的椰汁味加上微微的酸味，非常惹味！連湯也喝光光！👏🏻👏🏻總結：高質精緻的越南菜，創意獨特，非常好味！👍🏻

先用一句說話形容這間餐廳足料足料 非常足料先來一個三色濛紙卷拼盤唔好以為越南菜平平無奇 但係配合其他飲食文化就非常新奇 海膽及牛肉原來同濛紙可以配搭得咁好 加上選擇選擇配料好味非常去到食主菜就整返個胡志明市紅蕃茄火車頭淨係見到依度係人氣之選一定要試吓名不虛傳所所有食材非常新鮮鮮味無窮 原來蕃茄同牛肉可以配搭變成一個火車頭主菜係咁好食 配料非常豐富 生牛肉牛筋牛丸牛柏葉烤牛肉雜菜同埋蒜蓉包 而且個蒜蓉包非常香脆點一點蕃茄湯底食得非常過癮最後見到都開晒胃嘅生牛肉生蝦椰汁酸湯濛 淨係見到個蝦頭都不得了同食日本拉麵一樣先飲一飲個湯你就知道依度嘅師傅並非等閑之輩 加埋配料價就好似去咗東南亞旅行一樣 因為嗰啲麵檔一定有不同嘅配料任君選擇好似去咗旅行一樣咁開心唔信 馬上過嚟試吓就知道而且呢一度嘅裝修格局氣氛完全係啱晒有品味嘅香港人 伊度嘅服務真係非常之好完全係自己友 總之識食一定要過嚟搵越男仔啦

喺沙田圍河畔花園附近有間越式fushion餐廳，裝修風格既有越南風味又有香港冰室懷舊復古feel，牆上貼左唔同花紋嘅瓷磚做裝飾，又有「今朝有酒今朝醉」搞笑標語。我地叫左海膽手撕雞檬紙卷，一客六件，海膽口感creamy ，肉質新鮮，配埋蔬菜，檬粉，手撕雞包嘅檬紙卷，淋上酸酸甜甜嘅撈檬汁好清新。仲有酸辣無骨鳳爪沙律～雖然賣相比一般嘅泰式鳳爪沙律深色，原因係鳳爪醃得好入味，而且加咗蕃茄，分量幾多，有大量新鮮蔬菜，包括椰菜，蘿蔔絲，洋蔥等，酸酸甜甜好開胃。店員服務殷勤，經常會主動清理枱面同添水；餐牌款式都幾多，適合三五知己來聚餐。

今日嚟沙田圍食晚餐，呢間越南fushion 餐廳係一間黃店，裝修陳設有越式風味，仲有啲好盞鬼嘅標語，例如寧可得罪君子，不可得罪Boss😂餐牌款式都幾多，主食同小食都有好多款式🍄鎮店焗珍寶蘑菇釀生蠔🦪/烤牛肉🐮店員推介，買一送一。生蠔焗珍寶蘑菇一切開生蠔嘅肉汁同香味就出晒嚟，焗到半熟，蠔味香濃，配埋芝士🧀同珍寶蘑菇好夾；烤牛肉味都唔錯，牛味香濃，不過個人比較推薦生蠔個款生牛生蝦椰汁酸湯檬本身所有材料都係生嘅，但係我怕太生所以廚師幫我走油煮熟左，好細心❤️採用咗阿根廷紅蝦🦐，蝦肉肉質結實鮮味，蝦頭仲有好香的蝦膏，加上走咗油外殼脆卜卜又香口；🐮牛肉肉味香濃，肉質結實又唔老；椰汁酸湯好特別，有椰香味 🥥 又酸酸地好開胃，檬粉嘅份量都幾多。整體來講，食物質素都OK，環境有特色，店員服務態度有禮。

小米喜歡巴士, 今天BUSCATION來到沙田. 餐廳, 就由小米選擇吧! 小米找到這家越南餐廳, 就在中途站田園閣下車, 來到目標餐廳. 中午時分幾乎客滿, 我倆要在內堂卡位就座了. 越式生牛肉牛骨湯河粉            到越南菜館, 小米通常會點<生牛肉湯河>. 因為小米喜歡牛肉呀! 而且PHO的牛肉都是薄薄一片, 肉質纖維短, 再以熱辣辣湯底來浸熟, 可保持肉質滑滑不會過老, 容易咀嚼. 這次小米要求走青走洋蔥, 走青檸, 變為純牛肉湯河了.  先把表面的牛肉攤開, 令生勾勾的部份都浸熟, 才放心讓小米享用.    招牌原隻海南雞脾椰汁酸湯檬粉  越南牛肉PHO很出名, 但自己想試一試酸湯檬. 對比散點和午市套餐, 套餐更抵食.   視覺: 雞脾己碎上, 半透明的奶白色湯底表面伴有黃油, 應該是來自雞脾.    嗅覺: 雖然名曰<酸湯檬>, 但鼻子感覺不到酸味, 就連嗅覺敏銳的小米也没有發現.   手感: 上層的雞脾面積大, 把在檬粉壓在下層, 需要多點手力才可夾出底部份檬粉.     口感&味道: 先舀出一匙湯底, 淡淡的椰汁味, 感覺似椰

與好朋友一起，吃什麼都是美食。大家都喜歡越式粉麵，就在朋友家附近的越式餐廳來個午聚吧！這天假期人多，職員也不忘送來兩杯水讓我們好好坐坐。餐廳環境運用了裝飾藝術，以畫和文字結合出玩味，啤酒樽在告訴你及時行樂，色彩對比強烈得令人心情愉悅，在等食物上桌時慢慢欣賞，頗有意思的。這裏的午餐都有餐飲，可以選越式奶茶，很合我胃口呢！朋友選擇升級龍眼花蜜茶加$12, 滋潤一下。喜歡越式奶茶，口感幼滑，茶味淡一點而多一分奶香。朋友的龍眼花蜜很大杯，清甜又有龍眼肉吃，滋潤又養生。招牌越南仔手撕雞椰汁酸湯檬粉$62, 第一次吃椰汁酸湯，味道很不錯哦！有椰汁香又有微微酸味，開胃而不會膩。手撕雞份量頗多，加了炸蒜蓉和胡椒粉適當調味，不會太鹹但夠香。檬粉浸在湯裏，口感仍然滑溜，軟硬度適中。王牌3+2撈檬$68,被5款配料吸引了，包括有手撕雞﹑豬頸肉絲﹑脆豬肉﹑烤牛肉和扎肉絲。最喜歡脆豬肉，醬汁味濃，半肥瘦的豬肉外脆内滑，很香口；烤牛肉有沙嗲醬的花生香，像串燒；豬頸肉絲爽口味濃；扎肉絲和手撕雞味道相對清淡，但伴著濃味的肉一起吃，與撈檬味道非常相配。魚露味道偏甜，酸味適中，如果可以加辣味，我會更喜歡。套餐可加$33配

餐廳好有裝修有格調真係有一種越南🇻🇳地道嘅感覺餐牌寫得幾靚，設計唔錯有圖片令人覺得好吸引最終俾佢啲圖片吸引咗點咗兩樣嘢越式海南雞飯$89窩蛋烤牛肉生菜包$89越式海南雞飯$89海南雞上枱見到雞肉好滑上面已經鋪滿咗啲蔥油所以睇落緊更加立體有誠意，個飯係黃姜飯黃姜飯有淡淡的椰香味道一粒粒立體嘅黃姜飯 煙韌有口感令人忍唔住食多幾啖窩蛋烤牛肉生菜包$89必食未食過越南嘅生菜包，平時都係食開泰國嘅真係好想試吓上枱見到好多遍新鮮嘅生菜🥬出面嘅牛肉有沙嗲味道，配搭香蔥、紅白蘿蔔絲、洋蔥、等等調味惹味得來又健康再加上佢嘅窩蛋點睛好味呢喺沙田河畔呢一區嚟講，呢個價錢算係比較貴但係今次呢兩味餸都吸引有驚喜絕對可以一試話唔定你會愛上下次我哋應該會試吓佢嘅飲品越南飲品好多都好吸引呢

今日同朋友收左工黎沙田呢間越男仔食下午茶，我地分別叫左2個下午茶餐+一個小食。選擇勁多，樣樣都好想食！上次食過串燒唔錯，本身諗住叫串燒拼盤，但原來得3串，怕唔夠飽，所以最後都係放棄左，唯有下次先再試啦！最後我地分別叫左招牌海南雞配黃薑飯（$51）同埋豬頸肉豬仔包（$41），再額外加多個推介小食-法式芝心蝦多士（$39）。海南雞飯方面，係雞髀黎架！雞肉嫩滑，份量都唔少，唯一一個可惜嘅位就係薑黃飯味道略為有點淡，不過由於我個人本身食得比較淡口味，所以覺得都唔錯，但重口味嘅人就未必滿意！越式豬仔包方面，有幾個位值得欣賞，第一，材料豐富；第二，包脆唔硬；第三，醬汁美味。入面材料勁豐富，有青瓜絲，生菜，蕃茄，酸蘿蔔，豬頸肉，除了材料豐富之外，個包都超級脆，脆得黎又唔硬，完全唔係出面有時會食到嘅脆得黎好硬嘅法包，所以應該就唔係返熱俾你嘅麵包，個醬汁先係令我回味嘅地方，本身打開見到燈燈黃黃，以為係千島醬，略知食落去完全唔係個回事，麵包面頭塗滿嘅原來係沙律醬，配埋酸蘿蔔，味道酸酸甜甜勁開胃！但唯一一個有少失望嘅位係豬頸肉份量唔多，只有薄薄三片，對於肉食愛好者嘅我黎講完全唔夠，下次再叫可能就會叫豬扒啦！

趁著這幾天復活節假期，與老婆二人可以忙裡偷閒找下午茶吃。今次老婆想飲滴漏咖啡，於是去了這間越男仔(她之前去過，覺得好飲)。今次下午茶分別叫了皇牌小食拼盤及香茅脆雞豬仔包。先講小食拼盤，裡面分別有無骨鳳爪、春卷及蒸粉包。鳳爪去咗骨，味道酸酸甜甜，亦帶少少辣，而且啲鳳爪皮幾爽脆，食落唔錯(其實本身我對鳳爪無乜興趣，甚少食)。只於春卷方面，無咩特別，不過食落去熱同脆口，應該係即炸的。而蒸粉包塊皮幾煙韌，同埋入面都幾多料，唔錯。另外到香茅脆雞豬仔包，上枱時有驚喜。首先個包好足料，厚厚的炸雞扒、生菜、蕃茄、越式酸菜，同埋個豬仔包都好脆口。食呢個包要用刀叉，個包都熱，塊雞扒就應該即炸，同埋都幾大塊，配埋啲酸菜一齊食個味道唔錯。至於飲品方面，方別就係滴漏咖啡同越式拉茶。杯咖啡味道係幾濃，睇住佢慢慢滴落隻杯度，與杯中的奶慢慢散開，望落去幾靚。另外杯拉茶飲落去幾滑，同埋甜甜哋，唔錯。整體嚟講今餐下午茶ok，遲啲晚市堂食會搵時間嚟多次。

呢間餐廳外面有個電視介紹吓自己📺個老細本身開私房菜 而且見佢都有d名人去食過 仲係2018飲食天王得獎名單雖然夜晚無得堂食 但都見餐廳環境特別 手斯雞椰汁酸湯檬粉 $82手斯雞好嫩滑 👍🏻 椰汁同酸湯底好特別 估唔到兩樣野個味會夾呢個外賣的話 個湯同粉會分開放 唔會番到屋企個粉就吸哂水燒吞拿魚柚子檬紙卷 $128呢個幾清新 感覺有魚、肉、菜、水果、澱粉 有齊幾種營養 幾健康而且配吞拿魚 有越南同日式fusion ge 感覺🤪其實另外有個海膽檬卷都想試吓外賣買滿$90 仲可以加$1買一份招牌海南雞飯🤑