越玥 (已結業)

難食不突止，炸雞翼裏面肉完全生的，當你向服務員反映時，他完全不當一回事，當若無其事話換過另外兩隻給你，當換上兩隻雞翼時，完全是油淋淋的，你看見都不想食，其他的例如豬頸肉，炸魚餅，等完全食油一樣，另外一碟標明濃味蝦醬越式炒飯，蝦醬好像消失了，應該要改名是沒有蝦醬味道的蝦醬炒飯才對！簡直係貼錢買難食！服務態度又差，叫攞杯水，問返你轉頭是不是用來飲用的，問完又唔去，攞等咗10分鐘，要自己行去熱水煲度按制，真係可笑！

食咗個咖喱牛腩飯配法包，入邊得四舊牛腩，仲要啲肉超韌，咬唔開的，全部肉都連住啲筋，以為食緊牛筋腩，勁差勁差。嗰啲燒烤嗰啲都係得每樣幾舊，啲雞翼又細隻啲扎肉有得兩片，所有配菜都係嗰啲紅蘿蔔洋蔥，完全一樣，唔建議再食，對唔住呢個價錢，請各位不要中伏。同埋間嘢主打越南菜，但係啲嘢好唔越南，所有嘢都整得好Hea，永不錄用。走去嗰間嘢對面食酸菜魚都冇咁嬲，各位唔好真係唔好。Bad Vietnam food ever in Hong Kong

土瓜灣食街一有新店，我都會去試食。越南菜近兩年先進注依區，今次見個裝修有d越南特式，一心以為正宗越南菜。menu就只有套餐，每種人數嘅套餐又分平價同貴價，仲要冇得食我最愛嘅法包，湯檬，撈檬，同米紙卷。每道菜都加個越式xx，就睇下你有幾越式。結果。。。。出現眼前就係依一堆泰式多過越式嘅野，餐牌不停強調越式，都只係此地無銀咁提緊你食緊越式野，冇特色，冇特別。到底我食左d乜🤷‍♀️生存喺食街好現實，好食就留，唔好食就會消失。依間我唔會再去。

門口寫住整仲以為佢真係正宗越南菜寫住三寶，點知得幾片迷你扎肉，店員話係咁樣只得一樣！烤肉跟本都冇，仲要落卡夫奇妙醬！個包真係好難食🤮我真係未食過落沙律醬嘅越包

去完啓德聖誕市集行完就轉場去附近土瓜灣搵食，比間越南餐廳既menu吸引左入去叫左個二人套餐越式菠蘿炒飯原個菠蘿炒飯上，好睇又好食魷魚好新鮮又爽口，菠蘿又鮮甜，連埋腰果炒飯一齊食又甲又香口，飯又都夠軟熟雜錦拼盤春捲，蝦餅，豬頸肉，雞翼都煎到個邊好香脆好食。特別係個春捲真係好正，個皮又薄又脆連札肉都唔係普通一塊札肉，係有一粒粒好有咬口越式椒鹽豬扒一樣煎得好香口，又唔會硬，面頭加左唔知咩特別香加多$48 要個蝦醬炒芥蘭蝦醬好香，欣賞佢將芥蘭斜切，令到條莖更加淋同入味叫左位椰汁冰少冰，好飲。朋友叫左個鹹梅水，佢話都唔錯唔洗加一，成餐唔洗三百蚊，重點係好食！再有黎土瓜灣，都會心思思想encore 多次

北帝街新開的，當然要試下。地方雖然淺窄，但服務尚算貼心。我與細佬一齊去試，打算叫二人餐，因為食物多，店員立即為我們安排４人座位，讓我們食得開心，不用就住。二人餐包括沙律，有湯河、飯或檬粉選擇，然後再選雜錦或串燒拼盤，亦包兩杯飲品。我們同時要了香茅豬扒湯河，豬扒很入入味，我們選了雜錦拼盤，有雞翼、豬頸肉、魚餅及春卷。後來見到鄰枱要串燒拼盤，原來有蝦，感覺會更抵。其實越南菜很適合夏天享用，因為湯清，身體負擔較少，湯河若加檸檬及辣椒，更醒胃。套餐份量多，需要打包拎走。難怪一到週末，就要等位。

我發覺自己真的挺喜歡東南亞食品，新加坡，馬來西亞，越南，台灣等食品，尤其麵食。越南牛肉湯粉我也很喜歡，曾經一星期食四晚，只是那店不在香港😅。今次試了土瓜灣這家話係越南人開的小店的牛肉湯粉，店的座位不算多，服務員也不多。可惜只有河粉和檬粉但無金邊粉，粉送上就即用熱湯和粉將生牛肉和芽菜焗熟，再學舊時越南朋友混合醬料來沾肉吃😋。相片是已翻了粉來焗肉，所以不好看，旁邊的小碟就是混醬。吃過很多越南食店，竟然部份會沒有我所需的醬🙄，但這店都有，我要求多點芽菜，店並且自動送上青檸和紅椒，目測鄰桌沒有給🤔。湯底算清甜幾好味，但覺得醬油味稍為重了點，牛肉嫩滑，以我標準來說，可以回頭😋。另見鄰桌的燒🦐好靚，但小家的我下次再試吧。

N年無寫過食評，今次真係忍唔住本身諗住求其食，估唔到有驚喜午餐$168 2個飯/粉，沙律，串燒拼盤，2杯越式飲品生牛河/咖哩牛飯正常發揮，份量足最驚喜喺d串燒又大串又好味正過九龍城果d多多聲下次再唻食過

呢間越南菜自開張以來成為了我的飯堂，位於土瓜灣食街旺區。不時都坐滿人！我點左扎肉，蝦餅河粉，扎肉，炸蝦餅另上，碗河粉都好大碗。我要讚嘅係個河粉好好味個湯底，清清地，河粉十分滑，再加入芽菜、蔥、香葉，食落好有口感，配料樣樣都好香口，食大辣既我當然叫老闆攞多啲辣椒🌶️，而且老闆都依舊慷慨俾好多辣椒我🤗另外一碗係牛展河粉，老闆俾我一半轉豬頸肉，真係勁好，一次過滿足我兩個需要，牛展一食落口係勁淋勁入味❤️好有驚喜。店員好好有禮貌，絕對要推介我的飯堂👍🏻

全場最好食嘅就一定係嗰個紅酒牛肉粒菠蘿炒飯同埋個越式小食拼盤味道一般般但係可能真係新店所以仲有待改善但係個份量有少少唔夠我哋兩個人食完之後都仲有少少肚餓之後第二次再食多次午餐捱咗個牛生牛肉河加個椰青子(需加廿蚊)嗰個就好飽到飽肚新店嚟嘅所以有時佢哋做出賽唔係出得咁快煮嘢食款方面係較為多亦都有啲較為另類嘅越南菜尤其是啲嘢飲係有好多唔同嘅選擇overall嚟講ok冇話特別好食咁我特別顏色難食可以改進嘅地方就係晚餐個套餐份量可以大少少

晏晝諗吓唔知食咩好，經過土瓜灣屋企附近新開嗰間越南嘢不如就試吓啦。當日下晝兩點嗰啲時間，餐廳都幾受歡迎新開張，已經坐滿人而且外面要等位。👍🏻諗唔到食乜就叫咗個雜河粉（真心唔記得咗個名），因為隔咗幾日。只係記得個河粉係配左扎肉、香茅豬扒、香茅雞翼，好豐富。買單好似係$70幾$80，抵食！碗河粉都好大碗。我要讚嘅係個河粉好好味個湯底，清清地，而且河粉非常非常之滑，再加入芽菜、蔥、香葉，食落好有口感，配料樣樣都好香口。真心喺越南我未食過咁好食嘅河粉。座位算係舒服，店員好好有禮貌，我相信都係一家人嘅小本經營。會再返轉頭食！