影片
由港島區轉戰到佐敦越火越式湯粉，新開將期間還有折扣優惠，食物份量十足，難怪吸引不少食客入座，安座不久便得快滿座。越火越式湯粉就在柯士甸站附近，地方不算很大都有足夠座位。餐牌以湯粉為主，小量飯和小食，飲品等，價錢都很實惠。4重享套餐非常優惠，一個價錢包主食、2款小食和飲品，散點主食都可以優惠價加配飲品，午餐時段都有優惠價小食。4重享套餐是一人餐，包括2款小食、一主食和一飲品 HKD128，都很實惠，就來一個試試。套餐小食，蒜蓉牛油雞翼，一份2隻，配酸蘿蔔絲，雞翼很香蒜蓉和牛油味，配上酸蘿蔔好開胃。套餐小食，扎肉米紙卷，一份有2件，配酸蘿蔔絲，米紙卷都大隻，清清地配上酸汁都不錯。套餐主食，香茅豬扒撈檬，沒想到撈檬一樣大大碗，檬內生菜絲、蘿蔔絲、青瓜絲如此多，加上酸汁帶點微辣很開胃。香茅豬扒都大塊，味道都不錯。散點，牛三寶湯粉 HKD73，包括生牛肉、牛腩和牛丸配金邊粉，沒想到送上枱時如此大碗，食材份量都不少。先喝一口湯底，湯底清甜，金邊粉都滿滿清湯甜味。生牛肉還帶點粉嫩，牛丸牛味香濃，牛腩都煮得淋。金邊粉內還有芽菜、洋蔥、芫茜、蔥粉和九層塔，配上清湯底好味。散點凍椰汁涼粉冰 HKD18，散點加配優惠價，椰汁冰的冰是打碎，入口冰涼透心，味道不甜，加入涼粉又可消暑。跟餐凍椰汁珍多冰，椰汁和冰一起打碎，所以味道不甜，又有粿條吃，不錯。
繼續閱讀
今天下午，我決定去食一頓好味又性價比高的越南料理。於是，便選擇了「越火越式湯粉」在佐敦的分店。這間店位於文英街31號地下A號舖，交通方便，實在是個好地方。我點了火車頭湯粉，裡面有生牛肉、牛腩、牛丸、牛柏葉和魷魚，真係豐富到不得了！湯底濃郁，味道非常惹味，正好滿足我對越南粉的渴望。為了搭配這碗美味，我還加了一個炸蝦餅，外脆內嫩，口感一流。飲品方面，我選擇了西洋菜蜜，特意要求濃啲，少甜，正好解渴。整體來說，這餐不但美味，性價比亦非常高，值得一試！#越火越式湯粉 #佐敦文英街31號地下A號舖
繼續閱讀
尋晚聽朋友話呢間越南嘢幾好食, 所以就去試下.呢間係新開門幾耐嘅店舖, 地方乾淨整齊, 服務員好有禮貌. 晚餐又有個四重奏套餐, 有個主食同埋兩個小食, 飲品, 都好抵食.生牛肉湯河： 好香, 啖啖都有芫茜同香蔥嘅味, 湯底味道嚇到好處, 河粉入口爽滑, 生牛肉片夾起入口,生熟到粉粉嫩嫩啱啱好, 好快食曬.炸蝦餅： 表面金黃色, 入口質感唔錯, 點甜酸醬食好滋味.香茅豬扒： 好香口, 如果肉質再鬆軟多少少仲正.春捲配生菜： 生菜非常新鮮, 春捲香脆, 用生菜包住食, 中和油膩感得嚟, 口感好好.椰青, 話梅蜂蜜柚子茶, 增添風味.
繼續閱讀
最近喺佐敦食咗間好正嘅小店！就係越火越式湯粉，呢度每碗粉麵都好大碗好足料，CP值爆燈！🍲 招牌超滿足撈檬 $82招牌撈檬超多餸！有齊香茅雞扒、豬扒、雞翼、扎肉，雞扒、豬扒、雞蛋都煎得好香口，仲有啲脆皮🤩 撈檬加入特式酸甜魚露，食極唔厭！🐥 香茅雞翼湯粉 $66朋友叫嘅湯粉都好香！湯底清清哋、鹹鹹哋，雞翼大大隻又香脆，仲好多肉🥳🦐 鮮蝦米紙卷 $52米紙卷切成4舊，做法正宗，加埋甜酸汁好開胃🤤🍋 檸檬水 +$8🍹 青檸薄荷梳打 +$18跟餐飲品仲有平🥰越火越式湯粉📍佐敦文英街31號
繼續閱讀
今日同friend去佐敦試咗間新開嘅越南餐廳，幾有驚喜！生牛肉牛腩湯河湯底夠甜，牛肉夠嫩，牛腩煮得淋又入味。朋友嗌嘅雞絲湯河都唔錯，雞肉幾滑，湯底清得嚟夠味。 小食叫咗炸春卷，外皮脆，入面嘅肉餡香口，點魚露好夾。馬拉盞通菜炒得夠鑊氣，蝦醬味濃但唔會太鹹，好開胃。飲品試咗話梅蜂蜜柚子茶，酸甜,,,,解膩，幾特別。環境乾淨，上菜速度快，服務態度好,價錢合理,整體質素唔錯，值得一試！下次想試吓佢哋嘅其他嘢食！
繼續閱讀