影片
以上資料只供參考, 請與餐廳確認詳情
食評 (30)
話說上次同一班人gathering食過，的確味道不錯。吾知係咪上次一班人中有一個朋友同個老闆係细交……所以服務特別好而且又好味道。今次我獨自帶一個朋友，二人行去食。就同上次差左了……豬頸肉，這個一般般，有D燒得over 左。有DD硬過頭。泰式飯，忘記了什麼名堂。也是一般般……味道很特別不是人人都接受。大蝦粉絲煲，很讚。上次都同今次都有叫，真係好好味的一個。生菜包，好味，味道同一般泰菜不同，感覺比較地道，不過比較辣。應該要少辣。總結，服務一點差，食物也算ok……
繼續閱讀
星期日出嚟尖沙咀, 諗住早啲食晏, 朋友話想食泰國嘢, 搵到呢間。散嗌, 價錢略貴, 但考慮到店舖位置, 都覺得屬正常, 十二點半, 無人黎開飯。 點左青咖哩豬同濕炒雞肉河, 份量真係令人感到意外的少, 青咖哩味道還算可以, 豬肉入口, 瘦的還算嫰, 肥肉部分怪怪的, 不好吃, 沒有茄子或豆角之類配菜, 只得兩小塊看上去像紅蘿蔔, 口感卻像南瓜的物體, 整體看上去不吸引, 故點了一碗白飯伴食, 算起來連加一要90蚊, 比起來去厚福街果間泰國嘢貴三十蚊以上, 環境同服務差好遠。炒河味道不錯, 雞肉有煎/ 炸過, 份量比茶餐廳午市餐仲少。飲品叫左泰式熱奶茶同龍眼冰。食完覺得口渴, 可能啲嘢有啲鹹嘅關係啦。
繼續閱讀
友人約了我dinning足足幾年 今天終於蒲頭他知道我有點宿醉 提意去吃泰菜令我回神~因他是這裡是吃過最爽的泰菜~不用等位 餐廳裡的待應都是泰國人 充滿期待~好快點菜 其實2個人 無諗過點咁多 但個waiter不停提意叫我地點乜點乜~呢樣我有點唔太喜歡~ 先叫椰青跟青檸soda~椰青好鮮甜 厚肉 ~ 生蝦刺身 整得好靚 個汁系正宗泰國個種~呢種汁我系hk只系系我朋友既home食過 因為佢系泰國人~佢話個d青椒要去到9龍城先買到架~ 不過講起都好耐無入去痴餐了!蝦新鮮 已溶冰 唔會食到仲硬冰冰咁 ~ 鳳爪 分量少 不入味 只夠酸 一點軟骨都無 !馬拉盞介蘭 炒得唔暈 有d太咸有d太淡 而且介蘭唔靚 好老 多渣 又硬 ~波羅炒飯 多料 不過不失 ~~~~
繼續閱讀
老公帶左我去呢間老字號泰國餐廳，感覺都幾好，比較多外籍人仕用餐，好彩等得唔耐，大概十分鍾就有得坐。服務都唔錯Ｄ人幾有禮貌，上菜又好快，整體感覺都好唔錯。兩個人食左醃生蝦，柚子沙律，冬陰功，胡椒蟹，炒雜菜；除左細份之外，其實真心係幾有水準，尤其係柚子沙律好少會有地方識得落椰糖，冬陰功海都好足料不過又係好細碗，胡椒蟹係意料之外好味，一為一般泰國餐廳淨係拿手咖哩蟹，而佢又炒得唔錯，蟹係新鮮的。其實以上望住個餐牌嗌都知大概咩價，係貴但係係接受得到的；但係最後嗌左個芒果糯米飯，心諗終於有碟正常ＳＩＺＥ，食得好開心，之後埋單發現呢碟糯米飯＄１１６，加埋一咪成＄１３０！心入面就有小小唔抵咁，佢係我咁大個女食過最貴既芒果糯米飯，仲要係咁地道的餐廳；其實真係好味既，不過咁的價錢，係靚小小的地方食會感覺舒服Ｄ。加埋兩杯野飲約＄１３００。真心貴。
繼續閱讀
4個人去到尖沙咀唔知食咩好, 行左幾間都覺得麻麻地咁, 最後行到都餓啦, 就入左去呢間野到食. 見到個meun覺得價錢比我食開的都高, 而且都座低左, 所以唔里啦! 照叫野食, 叫左一個餐 $4xx 再加左一碟串燒同酥皮咖哩雞, 野食到啦, 一打開個咖哩酥皮雞之後見到裡面得半滿的咖哩汁, 搞搞佢先見到有四大舊雞肉仔加少許的菜. total飲左唔記得係4杯定6杯啤酒再加兩杯泰式飲品. 跟往佢見我地食完就走來講, 你地仲叫唔叫野, 唔叫就埋單出面有客等緊! 我地還想再座多一陣都唔得, 佢里頭講完, 個頭張單就到啦, 快到冇朋友. 跟住我地望住張單來時個個都睇到傻左, Total $14xx. 食左8碟野飲幾杯野要$14xx仲要比人趕走王真差勁, 比錢都唔係問題, 最近要大家食得開心, 講下野輕輕鬆鬆都冇所謂, 最慶的係仲要比人講走. 以後都唔會再去里間野, 未試過4個人食咁少野要$14xx 仲要趕人走.
繼續閱讀