越棧越式湯粉專門店 (已搬遷) 新店位置

與朋友結伴到荃灣廣場越棧晚餐。餐廳位於商場的角落位，雖然位置較偏僻，但都算易找得到。由於我們到達的時間很早（大約6:00pm)，因此不用等候就可就坐。餐廳裝潢特別，除了落地玻璃可看到外面景色外，周圍亦放了些人像擺設及假窗的設計，增加了餐廳的藝術感。食物方面，我們點了雞絲撈檬及豬頸肉撈金邊粉。☝🏻雞絲撈檬雞絲及其他配料都算多，雞絲有一點點嚡，檬粉不太硬又不太軟☝🏻豬頸肉撈金邊粉同樣地，豬頸肉及其他配料都算多，唯金邊粉好像不太適合撈這種食法，味道有一點怪，建議不要以撈的方式食金邊粉整體而言，荃灣越棧裝潢不錯，很舒適很適合聊天，唯食物質素有待改善。

是日一人晚餐, 見到呢間唔洗等位就入左去｡ 7pm 左右都未算有好多客人, 不過餐廳室內環境好大, 所以有好多枱剩｡ 餐牌上食物嘅款式都幾多, 而且仲寫明所有湯底都係用鮮牛骨熬制｡特別牛河俾呢個名吸引左我 Order, “特別牛河” 其實只係有4 款牛嘅配料: 胡椒牛扎肉、金肚絲、牛腩片 & 生牛肉｡ 睇張相其實都幾吸引, 但真實嘅樣就 …. 4 款牛配料份量好少, 而且切到好薄, 食唔出牛嘅味道｡香茅串燒 (牛 + 雞)可以選兩款, 烤到有焦香味, 食落去香料味比較濃, 肉質唔會燒到好柴｡

上星期同朋友睇完套移動迷宮就上黎食越南野,因為突然對越南野有興趣,哈就入左呢間從未食過既越棧,名就改得幾好既,不過就唔算好食啦我因為想食飯,叫左個紅米飯,豬扒就好好味,不過個紅米飯就比我屋企煮既差,因為屋企都係食紅米飯有比較,就知好唔好食朋友就叫左個撈唔記得咩 ,佢話都幾好食喎,應該再去既機會真係好細

Whenever I want a quick lunch would come to this Vietnamese restaurant, the food is quite reasonable and portion is usually more than enough for one person.I tried the two person noodle bowl which equates to a XL bowl of pho, definitely more than enough for two person to share. The set also comes with 2 drinks.On a normal weekday, majority of the people eating there are students and it can get packed during lunch time.Seating is alright, spacious and clean.

行左好耐都諗唔到食咩所以就是但搵左間餐廳見餐牌都好似幾好因為免加一今次就叫左 生牛肉河 健康三色紅米飯生牛肉河個湯碗好大 但其實只係多湯河粉分量唔算多生牛肉上枱時已經變左做熟牛肉了但牛肉唔會太韌 肉質不錯湯底都幾清 佢話係用純牛骨熬製架但飲完會口渴要飲水晏就時段要飲野既要加$8特飲加$12所以我就無加了另一個健康紅米三色飯有香矛雞翼同豬扒豬扒幾好食唔會太硬但個雞翼就稍嫌有點焦總括黎講價錢有點貴如果包埋野飲會好d看似下午茶餐比較抵食可一試

今日約見一位忙碌的朋友去荃灣逛街，行完AEON 發現勁多人排隊埋單，聽講有做折扣，$5蔬菜水果什麼的，千辛萬苦從人潮擠出黎，心有餘悸，都是搵個地方嘆下午茶算了。朋友突然想食越棧，見荃灣廣場入面有就決定下午茶係佢啦！叫左一個豬扒撈檬，一個扎肉雞翼湯河。另加兩杯飲品，湯河味道足，河粉不碎，加上扎肉更滿足。本身還想另叫串燒，可惜肚仔容量不夠，只可下次再試。餐廳環境大，靠窗位可以欣賞外面環境，服務員也有禮貌，伴著音樂，非常寫意，總體非常滿意今次既下午茶。。

可能我比較黑仔，最近食親野都撞啱間超難食嘅！同屋企人2點鐘到荃灣廣場搵食，搵到呢間野！佢哋話未有下午茶，唔緊要，差幾廿蚊，唔通要屋企人等咩！我本身由細到大都有食越南野（響加拿大食開，如果響加拿大返嚟嘅應該知我講乜）！好啦，最簡單嘅，食越南河，加甜醬辣醬已經係常識吧！你冇？唔緊要，當我腌尖囉！你們所謂嘅牛肉粉，點解個湯淡到衰過出前一丁雞容麵？我阿爸仲問我，似唔似味精溝水？ 大佬，你收成六十幾蚊一碗，可唔可以俾返小小誠意？如果係咁，我比多＄40食一蘭好過啦？我知道食越南野，去九龍城就當然有保證啦，但係都唔使撐咁遠下話？順帶一提，呢一間野，服務態度也是一般！啲小食叫咗，可以到你想買單都未出俾你，到我問佢可唔可以取消，就馬上奉上！你有冇衰到咁樣樣啊？有時真係好想出街消費，但係咁樣嘅質素，我真係接受唔到！各位讀者，純粹個人意見，你自己決定啦！

天時暑熱，食啲酸酸甜甜嘅野刺激食慾星期六食飯時間，完全唔洗等位，原因係餐廳入面好大，好多位而且呢間越棧感覺上無咁重口味！唔算太咸，唔會食完飯勁口渴要係咁飲水。香茅雞翼撈檬，啲雞翼唔算太咸，但就無乜香茅味，所以唔算重口味，但雞翼比較細隻。撈檬就正常嘅，檬粉唔會好碎，都幾爽口彈牙，加埋魚露一齊食，食慾大增！而友人就叫左牛腩片金邊粉，湯底都係唔會太咸，幾清，食完唔會勁口渴，抵讚可惜牛腩片太多肥肉，四塊牛腩片中有三塊都係肥膏

經過昨天lunch嘅洗禮今天要吃平時幫襯開的-即使只是lunch. 之前做過小型裝修將鋪頭旁邊細細個用餐area合併的越棧還是吃越式Pho好地方.生牛肉金邊粉 ($44)每次吃都有個疑品就是為甚麼那些生牛肉一點都不生(笑). 通常都是有關食環問題吧! 薄切牛肉很大塊, 它不是肥牛, 而是薄切牛肉, 所以有不用紋理的牛肉片在碗中. 牛肉味真心濃, 勁易咬開. 感覺不到湯底用了味精, 有大量"芽車泰"提味, 金邊粉也很多而且淥得夠林亦沒有麵碎. 每次來都嘗到這個味道. 凍檸茶 (+$8)太多冰了吧!!!!

食過翻尋味指數：🌕🌘🌑🌑🌑新年到處都排滿了人或提早收店亦或是東主有喜，唯獨越棧有位置。又因許久沒吃越南菜，於是滿心歡心地，吃！越！棧！天氣轉冷想吃熱湯，就點生熟牛肉湯河！服務生說，沒有這個了。但好像他迷迷糊糊說了半天，才說清楚是沒有湯河only，而不是沒有熱食..牛肉根本分不清生/熟，都過熟而且很老。檬粉有點硬，而湯嘛，就正常law。津白快要煮爛了，單片菜葉的就入口即溶，而完整一顆的就弄不動。十分後悔口渴嘴饞加了個椰汁紅豆冰，紅豆超級少不單止，上面的椰汁煉奶也超級稀。明顯能看見椰汁粉都沒有攪拌均勻至完全溶解就送上來，我感覺就是喝著一口微甜的冰水，伴隨著一兩顆紅豆和椰汁粉末可以嚼一嚼。其實整個餐廳都給人一種hea的感覺。也許是因為新年開工，無論是廚房還是樓面都心繫家庭，無心上班而已，人之常情吧🤔🤔

今天我叫左碗特別牛河價值$52，加$8有飲品做晚餐，內裏有牛扎肉兩片、肥牛、還有三舊牛腩片，D牛腩片超級唔掂，不是人食，咬極咬唔開（本人牙齒正常）。真係唔明，D牛腩片敢差都放出來賣，送比我都唔會食，不如刪除這味餸，唔知係咪個別店舖先係這樣。因為本人第一次試這間牛腩片，之前食開豬頸肉、春卷、豬扒，都ok。但今次一試就出事，無下次。本來send e-mail去投訴，搵極搵唔到，最終係這裏分享我的食後感，讓所有人知，牛腩片千奇不要叫，

2016最後一個返工日，係呀，唔使返星期六㗎，呵呵，朋友話接收工兼請食飯，本來去食中菜，不過所有酒樓都只有大枱同圍餐，咁食下越南野都ok嘅，隔離間X壽司等位等到爆，相反呢便嘅越棧人都無，一陣伏味……叫左個二人餐廢事諗，188ok啦。落單後廿十分鐘先有飲品，人手完全不足，朋友要椰汁紅豆冰，佢話ok，我要左凍檸蜜，無檸無蜜味，水～我其實係一杯水～再等五分鐘先到嘅雞翼，煎得香口嘅。再黎蓮藕餅，好細塊，薄切，二人餐得三塊嘅意思係……？唔難食但無乜味咁囉，點汁食吧。等到天荒地老嘅津白，又係無味，齋有色嘅湯底，呢個上湯係咩料，咁白灼又唔會難食嘅，健康啲食個白灼囉。朋友碗生牛豬脛肉湯河，深不見底的大碗伴著超少份量的河粉～我呢碗正常啲，至少見到有河粉，要左生牛牛腩湯河，生牛嫩滑，牛腩硬過柴片，原來越南人食牛腩係一片片的？湯底不夠熱，亦沒鮮味，連鎖店果然係無期待嘅。由落單到碗粉黎用左四十分鐘，但黎到所有野都係半溫不熱的，究竟係煮唔切定係上唔切？店員神龍見首不見尾，毫無禮貌可言，呢一餐除左係填飽個肚外真係不知所謂，不過其實唔飽，轉戰老麥食個甜品哈哈。

$36 下午茶連飲品，叫左豬頸肉湯河配熱薑蜜，不過不失。份量味道均一般。女仔食當lunch 也足夠嘅。平日冇人等位上菜也極快，落單5分鐘上枱。簡單想食個粉面冇要求。

我一入到去就點左個扎肉雞翼檬，問一個操大陸口音的女waitress雞翼可另上嗎? 竟回覆我不可，上菜時都是這樣，跟menu 上的相片一樣。完全百思不解為何一家小型的港式茶餐廳都有另上服務，而一家中型的連鎖餐廳竟然沒有。我想她是不想多做功夫抑或公司根本沒有該服務呢？

平時經過唔會想入去食因為裡面太暗入到去更加唔洗講好似食西餐咁 黑蚊蚊不過咁 環境係衰d但野食比其他分店好味！· 香茅雞翼撈檬平時出去食可能得2隻雞翼咁，呢到雞翼有4隻咁多😂 雞翼入味，粉好大碗，食唔晒· 香茅豬頸肉撈檬豬頸肉厚肉，都好juice 完全唔會乾爭爭· 拼盤 $13x有紮肉，春卷，豬扒同蝦餅我淨係食左後面兩樣豬扒一樣唔會乾爭爭，蝦餅卜卜趣* 兩個餐都附送飲品分別飲左玫瑰柚子蜜同玫瑰檸檬茶隻杯太肉酸無影-_-味道一般啦 好似無玫瑰好味d