越旺美食 (裝修中)

📍 越旺美食 Yuet Wong Restaurant🌍 大角咀中匯街37-39號地舖G/F, 37-39 Chung Wui Street, Tai Kok Tsui📝 整體評分：10／10🥢印度洋蔥咖哩牛腩配千層薄餅🥢 $59咖哩配搭有好多種比你選擇，豬/牛/雞/海鮮/菜，仲有印度/越式。印度咖哩用左好多香料，燉煮淋哂洋蔥，辛中帶甜千層薄餅似硬版手抓餅，要侵入咖哩軟泡最正~🥢叻沙海鮮河🥢 $95超多海鮮，常見既青口、蝦、蜆魚片，竟然仲有螄蚶，勁足料，2個女仔食都夠飽。香料炒成叻沙湯底濃厚，香氣十足，辣味剛好。🥢燒豬頸肉炒河🥢 $78豬頸肉大大件又多，勁爽脆，用左幼身河粉，條條分明且有鑊氣， 配菜好簡單芽菜紅蘿蔔絲蔥段同埋炸乾蔥，爽甜香口。🥢紅燒腩肉🥢 $68半肥瘦腩肉超正，肥肉好Q彈唔膩，好帶出醬油既香味，甜咋balance，好下飯，仲要好抵食，勁多件肉！！！

近日朋友搵到間 隱世越南野 好似幾正😎就搵埋我黎一齊試吓 一去到餐廳門口其實我有啲嫌棄 因為佢格局好似普通茶餐廳 但試完 我揀直係一試難忘😍😍😍😍一到打依篇野 一到回味緊🤤🤤🤤🤤我同朋友2個叫左5樣野🤭必食推介 馬來奶油蝦🦐佢係由 牛油 奶 蒜 咖喱葉 整成既汁 配上大大隻又好肉既大蝦 🍤 而下面舖左少少米粉 撈埋啲汁食 揀直一流 😋 如果有碗白飯就正😆 👍🏻👍🏻 我同朋友都食到讚不絕口😍 但係食既過程有啲論盡 店員好貼心咁 拎左濕紙巾比我地抹手 仲準備左檸檬水俾我哋洗手🥳私心推薦 一定要叫既 生菜包！🥳🥳🥳原本已經好鍾意食生菜包 黎到呢到 絕對冇後悔叫既一個餸 🤩 食到尾都忍唔住問店員 佢個汁用咩黎整 依個菜絕對係我一定一定會encore 既餸之一 🫶🏻🫶🏻🫶🏻大大件蝦餅原本以為佢係好普通既蝦餅 點知黎到 賣相已經吸引左我 🤩 好大件 好厚身 仲好彈牙🤤🤤 食落有蝦味 唔肉出面果啲蝦餅會落麵粉黎打 一句講哂 好食到 食唔停口😋😋😋蝦醬炒飯 聽個名以為係好普通既蝦醬炒飯 點知蝦醬炒飯入面加入左櫻花蝦仲有雞蛋同臘腸 🤭唔單止大大提升味道仲更有口感 👍🏻👍🏻 飯底仲舖咗一塊生菜用黎吸油，睇

好少踏足大角咀！今日朋友揸開車去嗰頭於是去食埋晚飯！朋友食過呢間嘅咖哩好回味，所以諗都唔使諗直接去呢間「 越旺美食 」！睇餐廳名以為食越南野，但其實係一間惹味東南亞菜餐廳。主打馬來奶油蝦（牛油 奶 蒜 咖喱葉），而且仲有喇沙海鮮、濃湯蝦麵等推介菜式！朋友想食咖哩梗係要嗌嚟試吓！《 秘製咖喱牛腩 配印度千層薄餅 $67 》辣度我揀左最小 ，反而我覺得更加突出咖哩本身嘅香濃味道！ 牛腩腍身份味，連筋又係好腍，好有骨膠原嘅感覺。 好多餐廳嗌印度千層薄餅都要加錢另嗌，但呢度係包埋架，好抵食！《 越式酸辣鳳爪 $45 》好多隻鳳爪，覺得甜味多於酸辣，口感好爽。《 越式小食拼盤 $88 》有越式春卷配生菜、牛油雞翼、沙嗲串燒、蝦片雞肉及扎肉五款食物。 炸物好香脆，春卷蘸酸汁再用生菜包住食好味。《 馬拉盞炒什菜 $69 》好大碟，炒得惹味～ 《 汽水 $15/罐 》邊食咖嘛、邊飲汽水係正嘅～

大角咀有好多隱世小店 今日就嚟到呢間越旺美食試試佢餐廳環境光猛潔淨 座位闊落店員態度友善馬來奶油蝦 $102自從喺泰國食過奶油蝦就好鍾意 不過香港好少餐廳有得食足足有六隻大蝦 每隻蝦都開咗邊 方便食用蝦殼炸得好香脆 蝦非常新鮮 好厚肉 肉質彈牙 將隻蝦沾上滿滿嘅奶油 好鮮甜惹味 底下仲有檬粉紅燒排骨 $68呢個排骨煮得非常軟腍 輕輕一夾已經可以骨肉分離排骨好入味夠鹹香 唔會柴而且大大份肥瘦適中雜菜炒豬頸肉 $76雜菜炒得非常有鑊氣 仲有多款唔同嘅蔬菜有蕃茄 西蘭花 椰菜 生菜 菜心 青椒 菇 炒得蒜香味十足豬頸肉份量充足 唔會太肥膩白飯 $10珍多冰 $28珍多冰大大杯 一邊除咗有珍多仲有類似西米露嘅粒粒 椰奶香濃 口感層次好豐富雪碧 $15Menu:

越旺美食 (大角咀)位於大角咀中匯街37-39號地舖，由奧運站A1出口，步行8-10分鐘到達。餐廳主打東南亞美食，有單點和午市套餐，份量又夠大，而且不設加一服務費，非常抵食。餐廳環境寬敞，光猛企理，座位與座位之間不逼狹，坐得舒適。生牛肉湯河（$49）+升級加配蒸扎肉（$20）湯底夠熱，牛肉上枱時接近半生熟，靠熱湯浸一浸已經熟晒，牛肉夠腍，河粉份量足夠，河粉夠滑溜，而且唔會一夾就散晒。越南炸蝦餅（$58）蝦餅炸得金黃香脆，蝦餅好厚身，蝦肉爽口彈牙。越南小食拼盤（$88）拼盤好豐富，有沙嗲串燒、蒜蓉牛油雞翼、炸春卷、 蝦片、扎肉，炸春卷和蒜蓉牛油雞翼炸得非常香脆，而且好入味，2個人share 一齊食，份量剛剛好。三色冰以到既三色冰好特別，有紅豆、綠豆、西米，椰汁味香濃越南咖啡超鐘意越南咖啡，咖啡味道濃郁，清醇中帶點微苦

今日擺底架車去維修，順便係附近食Lunch，今日我地去左越旺美食食Lunch。餐廳主打東南亞美食，餐牌款式多元化，有越南小食、越南飯類、越南炒飯類、越式湯粉、秘製咖哩、海鮮類、越南特飲等等，超級多選擇。咖哩魷魚以到既咖哩有分印度咖哩和越南咖哩，印度咖哩用好多香料炒，味道較為辛辣，而越南咖喱椰汁味會比較重，辣度都可以選擇，我地簡左印度咖哩，3分辣度，印度咖喱辣度強烈兼濃郁，入面有大量魷魚，配以千層薄餅一齊食，好滋味。蒜蓉牛油雞翼雞翼新鮮熱辣辣炸起，炸得非常香脆，雞翼夠入味。避風塘金蒜炒蝦炒得好有穫氣，入面有大量韭菜、蒜頭、辣椒，每隻蝦都好大隻，聞起來香味強勁，最緊要夠辣，非常惹味越南咖啡喜歡越南咖啡的苦味，加入煉奶帶出的甜膩口感。

今日係大角咀見客，見完客直接收工，咁就約住附近既朋友出黎見下食個飯。朋友叫我係呢間餐廳門口等，睇落新開，所有裝修都好新，光猛，衛生乾淨，入面座位都好闊落，坐得好舒服～我地叫左一個二人套餐C($240)，再另加多個咖哩青口($59)二人套餐份量真係多，有蝦餅、馬拉盞炒通菜、生菜包、蝦醬炒飯、仲包兩杯餐飲。蝦餅炸得金黃色，幾香口，馬拉盞炒通菜味道調得岩岩好，唔會好咸，生菜包既材料亦都好豐富，有好多肉碎，洋蔥，蒜頭，好惹味，我覺得最好食係「蝦醬炒飯，」，唔會咸，而好足料，有蛋、臘腸、蝦仁、魚露同蝦醬～另外咖哩青口唔會好辣，青口亦都算大隻份量多，再配埋薄餅一齊食，味道岩岩好～朋友同我都食到抱住個肚走，呢間越南菜餐廳性價比高～

我作為一個專業食貨客，周圍揾美食係我的興趣，所以今日我就來大角咀發掘啲美食啦，今日就去一間 食越南菜。餐廳環境新淨，而場內燈光好光猛，枱與枱之間的通道都好闊落。我同朋友就叫左個晚市二人餐$210，有一個小食，一個菜、一個餸、兩個白飯及兩杯飲品，呢個個價錢真係好超值。蒸粉卷呢個蒸粉卷果餡料勁多，每個精粉卷都脹卜卜，而味道真係幾正。馬拉盞炒通菜馬拉盞炒通菜好惹味，如果通菜好有鑊氣及香👍🏻。同埋佢真係勁大碟好抵食又好食😋。越式咖喱牛腩煲越式咖喱牛腩煲同果通菜一樣都好有份量，而咖喱好香牛腩冧道啱啱好又入味，真係勁好送飯。越式小食拼盤有越式春卷、蝦片、沙嗲串燒及越式扎肉，而每樣都有成4-5件真係分量十足👍🏻。

記得之前跟朋友去大角咀食過一間抵食夾大件嘅越南餐廳，喺舊樓地舖，地方細細，坐得比較迫，但食物係幾好質素，而且性價比係好高嘅，可惜再去返就見唔返，連大廈都拆埋。當有啲失望之際，問返街坊先知原來舖頭已經搬咗去中匯街，見到新舖大咗好多，又光猛又乾淨，即刻入去試試水準如何。我無食過奶油蝦，無諗過呢間越南野會有樣咁特別嘅菜式，我以為奶油會好肥，但原來唔算，蝦有差唔多十二隻，可以夠四個人食，我覺得最特別嘅係佢呢個奶油蝦有粉可以當做主吃，而且佢個粉幾乾身，撈奶油汁一流。蝦算好容易剝，我覺得呢個係必吃推介。食咗咁多嘢，想叫返一啲菜，炒通菜似乎係必然選擇，佢呢度嘅通菜唯一唔好嘅就係唔係用上泰國通菜，但係超級大碟。另外必點嘅係印度咖喱，叫咗咖喱雞，又有雞胸又有雞髀，你可以選擇食飯或者食薄餅，咁就試吓薄餅啦，當然薄餅唔會好似重慶大廈嗰啲熱辣辣又脆，但一次食下無妨。本來想叫香茅牛肉河。但係做完天灸唔食得牛，咁就試吓雞扒啦，原來雞扒算幾好。再點多個馬來亞蝦湯麵，聽講又係好出名，佢同蝦麵店一樣個湯底真係非常之濃，呢隻蝦同頭先食奶油蝦嘅種類有唔同，你可以見得佢哋真係幾講究食物的種類，小店都唔係求其買啲嘢俾你。叫咗杯

喺大角咀匯豐返過工嘅朋友仔，相信一定食過呢間越旺美食，好多同事都好鐘意，同海南雞，神廚館都係三大下午開飯美食。前排有人話佢執笠，心寒左一下，好彩原來佢地只係搬左舖，知道佢有新舖後，就一定搵個機會黎食下。有排training成日過黎食，以前成日好鍾意食佢啲湯粉，當然仲有晚上先有嘅生牛肉鍋，可惜問老闆娘而家仲有冇，佢話改咗Menu就冇得食呢樣嘢，雖然有少少失望，但係對比而家飲食業倒閉潮，有得繼續食已經執到。簡單的香茅雞扒河，那個湯當然精彩，呢一個同舊店嘅水準完全一樣，雞扒超大塊，而且河粉還是夠掛湯。除咗越南嘢之外，Menu都好多馬來西亞同泰國食材，叻沙海鮮河，絕對有驚喜嘅原因因為佢哋竟然會有螄蛤係入邊，小店嘅喇沙竟然做到呢個水準同講究，而且價錢唔貴，蝦，豆腐，青口，多種唔同嘅海鮮，當然不會令你失望。印度咖哩雞配薄餅，記得曾經試過咖喱，咖喱會有越南同印度式兩種，頭先食咗越南嘢，今次試返印度嘅傳統咖喱，唔算太辣，幾開胃，如果你食開重慶咖喱嗰啲款式，呢個一定會適合你。聽人講奶油蝦喺呢度嘅手本名菜，以前喺舊店反而一次都未食過，十幾隻大蝦，加上米粉底，奶油汁沾上拆好嘅蝦肉，再吃一口淋淋嘅米粉，咁嘅陣

大角咀出名多嘢食，今晚揀左呢一間越南小店食晚飯。座位十分寬敞舒適，餐牌都有好多款菜式選擇提供。越式小食拼盤我們先點了這個越式小食拼盤，一次過試到幾款招牌小食，有蒜蓉牛油雞翼、越式扎肉、沙爹串燒、炸春捲和雞肉粒粉絲蝦片。我最喜歡係牛油雞翼，每次食越南菜都會點，雞翼炸到金黃色好香脆，而且蒜蓉牛油入雞翼入面。另外炸春捲入面包住豬肉粒雲耳等，豐富口感。馬來奶油蝦另外我們點了招牌菜之一的奶油蝦，每隻蝦都大大隻，由於蝦外層有炸過，所以外層好脆口。重點係奶油醬汁，好creamy醬汁味道調配得好好，有種越式卡邦尼的感覺，蝦蘸上奶油醬兩者好夾。大家一定要點嚟試下。馬拉濃湯蝦摻摻另外我們點了濃湯蝦摻摻，呢個會帶微微辣，材料方面包括楠肉片、豆卜、蝦、魚片頭等，配上摻摻，整個配搭好味，雖然係濃湯但唔會過鹹，唔鍾意食摻摻仲可以揀其他麵底。青檸梳打飲品方面點了一杯青檸梳打，飲落酸酸甜甜好清新。支持小店系列，下次嚟大角咀又多一間越南餐廳食了。

大角咀係舊區嘅關係 好多舊式小店保留住傳統風味 今日去咗呢間越式餐廳試吓 估唔到除咗鑊氣小菜之外仲有海鮮食😍🍲生菜炒蝦球 係鑊氣呀! 估唔到生菜配蝦球又幾好食而且唔會太濃味好健康🍗蒜蓉牛油雞翼 炸到卜卜脆 大大隻咁啱晒我口味🍢串燒豬肉 賣相認真唔錯呀 仲好好食添🥤紅豆冰 跟餐仲可以配紅豆冰 唔使成日都係奶茶咖啡🦪豉椒炒蜆 呢度同出邊專食海鮮嘅舖頭有得媲美 🥘牛腩飯 牛腩相當淋身 推介呢度保留住舊式有鑊氣嘅風味 值得一試

今次同阿女黎到大角咀搵食，記得朋友話呢度有間越旺美食 ，越南菜好味抵食，今晚去試吓先！餐廳燈光明亮，地方整潔乾淨，座位寬敞舒適。叻沙海鮮河：湯底喺有濃厚的香料味，椰奶味重，入口順滑，用料亦好豐富，青口、魷魚、魚片、豆卜等都夠新鮮，滑溜的河粉吸盡叻沙湯汁精華超級美味！香茅雞翼炒河，炒河夠鑊氣又滑溜，雞翼用上香茅醃製，不單皮脆肉嫩，更香氣逼人。越南炸春卷酥脆美味！蒜蓉牛油雞翼，新鮮即炸的雞中翼夠大隻，外皮香脆肉質嫩滑。送啤酒一流！菠蘿紅豆冰，紅豆林甜，加多左菠蘿更香更好味！

大角咀出名多好嘢食，今日見到呢間鋪好新簇簇，即刻試下佢。🪑環境：新裝修十分光猛企理，環境非常闊落，可以放四人枱嘅位置只放二人枱，係寸金尺土嘅香港好難得👍叫咗一個晚市二人C餐 $240，無加一。🐷越式豬頸肉出乎意料唔太肥，少少爽口，一啲都唔油膩。🥬馬拉盞炒芥蘭馬拉盞惹味香口，好香海鮮味，配芥蘭幾好食。🐮炆牛腩味道係中式柱侯牛腩嘅味道，好軟腍，而且份．量．超．大！可以煮三碗牛腩麵😂抵食！🦐海鮮叻沙金邊粉 （+$10）海鮮好足料，有蝦、魚蛋、青口、螄蚶、魷魚等，當然唔少得吸汁嘅豆卜。叻沙湯椰奶味比較淡，香料味相對較濃。🥥珍多冰 （半價+$14）珍多冰色彩繽紛又有咬口，椰汁味少少甜，好飲。🍋咸檸檬梳打 （半價 +$14）生酮低碳恩物😂無糖，咸香清新解渴，正！埋單唔洗$300，捧住個肚走，真係好抵食👍飯後睇番原來呢間餐廳係小鋪搬大鋪，疫市下擴張，果然係有啲實力👍📍 越旺美食 (大角咀)大角咀中匯街37-39號地舖

約左住附近嘅朋友食個lunch，之後順便去旺角街市買餸。天氣熱唔想食飯，所以揀左食越南野。越旺店面都算大，地方光猛企理，雖然有個越字，但其實都有其他東南亞菜同港式碟頭飯，例如喇沙、咖哩等等。香茅豬扒河($49) - 豬扒已經預先切件方便食，肉質唔會太韌太鞋，河粉都幾薄幾滑，河粉量都算多。越式金牛河($71) - 金河牛好大碗，入面有生熟牛肉、牛丸、牛腩同牛肚，非常足料，湯底用牛骨煮成，牛味清甜唔過油，食完都唔覺口渴。越式炸蝦餅($28/半客) - 所有粉麵飯都可以用優惠價追加小食，份量大約係正常size一半。蝦餅蝦味十足，非常彈口，蘸埋甜酸醬食更好食。越式蒸粉卷($20/2件) - 蒸粉卷唔係間間越南食店都有，哩度嘅蒸粉卷粉卷皮唔會太厚，入面釀滿沙葛、紅蘿蔔、木耳、洋葱、芫荽、豬肉，口感非常豐富，就咁蘸魚露食已經好食。越式小食拼盤($88) - 拼盤有雞翼、越南春卷、串燒、扎肉同蝦片扎肉，足夠二至四人share食。雞翼同春卷幾香脆但又唔會太油，串燒肉質軟嫩，沙嗲味都幾香。椰汁綠豆冰 & 菠蘿紅豆冰(跟餐半價$14/杯) - 跟餐特飲半價，椰汁綠豆冰幾重椰汁味，除左綠豆，仲有啲珍多喺入面