越悅 (已結業)

垃圾，等成個鐘啲嘢先黎，午餐等到下午茶，問啲呀姐又話炸緊，仲要黑口黑面，最後上菜之後無論飯同餸都係凍嘅，豬扒又咸到飛起。野食又少，食完個餐要出返去食m記先飽，再總結一次，垃圾。

午餐都幾抵食 (下午茶更抵呀!), 大概$40一碗生牛河，河粉質地佳，牛肉薄切肉味濃，不過湯底略嫌味精重。餐廳以快餐定位既話，環境算非常舒適。最近生意好似差左少少，可能係新開既芽莊搶左不少客 以價錢計，呢間抵食d

個人都幾中意食越南菜，不過好少食，因為好多都麻麻，唔係湯唔得，就係汁唔得，一係就啲肉整得太乾！呢間各方面都中上，湯河個湯底夠味得黎唔會咸，河粉好滑，夾埋啲生洋蔥一啖過非常清甜，個牛腩片好重牛肉味，好正！另外個撈檬要左生牛肉同豬頸肉，豬頸肉爽口得黎唔乾，不過個生牛肉6過龍，老哂！好彩個汁都ok春卷值得一試，入口好香有驚喜！蒸粉包個皮略厭厚左少少～～飲品要左玫瑰柚了特飲，係梳打黎，都幾特別！店鋪內罷位略為狹窄，有幾張4人台，但係要我地坐2人台（老公頗為大件頭），跟住叫個2人餐之後張台滿左！

最後一日假期入左黎探朋友～見到成個V city都係人，好得人驚睇個勢周圍都冇位食野架啦，朋友就提議呢間唔駛等，結果都等左好耐。。。係門口已經睇晒食咩，諗住入到去即刻嗌！分秒必爭麻。。。餓到C啦。。。嗌左一個A1兩個B1～我既A1牛腩片雞亦撈檬最快上檯！粉既份量都幾多，薄片牛腩都幾好食既，不過就得幾片，兩隻雞亦都偏細隻。另外兩個B1係豬扒雞絲河粉, 上檯時都熱辣辣的！但豬扒沒有另上，不夠香脆掙D啦！

點了個紅米飯；有豬扒及雞翼；從未見過如此的乾豬扒。很明顯是炸過了時間；乾身到不能入口；投訴都無用。除了此豬扒外；雞翼還算可以入得口；只是感覺吃一次；便無下次了。

點了碗豬頸肉湯檬，都不是第一次食，我一向都很喜歡食這裡的豬頸肉。每間餐廳煮的豬頸肉都非常不同，這餐廳煮的豬頸肉是十分嫩滑的，湯底亦很香濃的，在鋪外都會聞到其香味。但紅豆冰就不行了。雖然椰奶夠濃，但粒粒紅豆偏硬，沒紅豆蓉，甜味也不足，糖水落不夠。只能給"OK"。

自己一人帶著BB逛vcity, 見越悅不是太多人，打算簡單吃個麵醫肚。未到中午12時，餐廳只是兩成滿，入去要求要BB櫈，服務員要我們坐門囗旁長枱位置，因怕多人出入會撞到BB, 要求想坐入些少也被拒絕。☝️☝可見其實超多位，但也不准坐其他位置。點了特別牛河，有扎肉、牛肚、牛腩片、生牛肉，味道不錯，湯底也很好味。只是金肚絲真的是很絲，很幼很薄，師傅好刀法。用餐時正值侍應午餐時間，他們則坐我旁邊同枱用餐。其實我不介意同枱，只是不喜歡門囗位，跟餐廳外差不多是零距離，怕小朋友有碰撞。最後出外結賬，侍應不知在收銀機內忙着入什麼單，在站在她面前兩分鐘也不望我一眼(我有開口跟她說唔該埋單），完全被無視!!!

今日岩岩過左下午茶餐時間，18:01到左，見到越式豬頸肉河粉，豬肉都幾入味，唔太"un", 幾彈牙，有小小"鹽茜"味。但係啲員工態度極差，西口西臉，好聲好氣話落單，就聲都唔聲走左去揾人同我落，叫左五分鐘先慢慢行過嚟好唔願意咁款，出左單就一野劈過嚟，個水杯就一下放落嚟，唔係慢慢放低既，啲水瀉左出嚟，員工望住都唔整返乾淨。

今日下午茶時間見到下午茶餐好抵食，叫左香茅豬扒湯金邊粉，加杯飲品都係$36，仲免加一服務費。湯底依舊濃郁，而豬扒好淋，唔會有“鞋”口既感覺。店內環境舒服，不過就暗左少少。除左湯粉麵之外，還有其他小食，都好抵。

越悅呢間餐廳喺v city黎講都算係經濟，今次叫左香茅豬扒撈檬，香茅豬扒夠晒入味，而且仲有啲乾蔥碎，好香口惹味，另外又有蘿白絲伴碟，酸酸甜甜真係好開胃！再加埋獨有魚露，唔酸又唔太甜，檬粉同魚露都真係幾夾幾正！不得不提佢個蔥油，好香，計返50鬆啲連野飲，一定再encore!

很久以前，在屯門要吃到大眾化的越菜，就只有小巴黎和越棧兩個選擇。後來，屯門市中心的越棧結業了，再過一些時候，V City便出現了越悅。心水清的屯門友該會知道，越悅就是越棧，改了名字，卻是換湯不換藥。越悅走的是年輕路線，用餐環境舒適，只是店面較小，二人桌不免擠迫。越式快餐格局，餐牌上有一人餐、二人餐、四人餐可選，也可以優惠價搭配飲品，人均一頓不過五十元，在V City來說算是抵食之選。香茅雞翼撈檬($50)檬粉份量多，加上酸青瓜絲、蘿蔔絲、花生碎、炸蔥頭、香茅增添口感，檬汁偏酸，帶淡淡蒜香，味道可再濃一點。較為失色的是那香茅雞翼，放涼了的雞翼顯得甚油膩，口感乾硬之餘也欠缺肉味。 特別牛河($54)河粉粗細不一，不算滑身。湯頭的牛香尚算濃香，但摻了不少味精，湯不夠熱絕對是致命傷。配料有生牛肉、牛扎肉、牛肚、肥牛、牛腩，牛腩切得太薄身，肥牛脂肪太多，其他配料食味只是中規中矩吧! 胡椒肉卷(半份)($38)小食可選一份或半份，抵讚! 一客四件，內餡是生菜、酸蘿蔔和炸豬扒，豬扒脆身之餘帶點肉汁，胡椒味重，捲着肉的該不是米紙，煙煙靱靱的質感，味道還好吧。 鮮橙梳打(+$4)用濃縮橙汁加梳打水調成，

推住bb車，呀囡又訓左，見到呢間可以推入去唔使收車本身見到門口50蚊個餐都覺得貴。 入到去坐低原來已經到下午茶時間了！三十幾蚊一個餐我就叫左香茅豬扒凍朦。一來已聞到好香的香矛味！豬扒軟軟的，好易咬開，又唔肥，太正了！不過佢既朦汁就酸左點，如果可以甜點就好呢。 朋友叫呢個雞絲湯朦都她是越南人，佢話做得好正宗。但我就咁睇個賣相就一點都唔吸引我了。 不過每個人既喜好都唔同，我會再來既，嘻嘻

好耐冇食撈檬,所以一行五人踏進越悅入到門口就有好香濃嘅扎肉鹹香~店內環境陰暗 有播越南音樂(但唔知係咩) 都幾有格調但冷氣涷 怕涷人士記得帶件衫叫左個四人餐$338加多個特別牛河(轉金邊粉)$58仲有加$48要6條串燒(3雞3牛)香茅雞翼雞絲撈檬我就當然叫左撈檬啦有紅蘿蔔絲,花生碎,魚乾,蔥油,青瓜番茄一片撈檬汁(碌冧)固然係佢嘅靈魂(用左幾乎1/4榨),夠蒜味同夠酸, 醒胃!檬粉好爽,每條唔太長,可方便倒汁落隻羹再夾d粉一口食,又食到汁,又食到粉不過青瓜就想佢切絲多,混入粉中可以更爽口雞翼方面一般,有d細隻,皮有少少韌同少肉汁,好在仲有足夠鹹味雞絲響撈檬好重要,就算唔值錢嘅餸都咁講,雞絲可以吸d撈檬汁,食檬粉有更濃醋同蒜味牛脷牛扎肉撈檬呢個係身旁家人嘅牛扎肉好鹹香,唔乾唔韌,爽口彈牙,好食又抵食(3片)之選,牛脷(好多條)雖然係眾配菜中鹹度最低,不過清清地,幾出眾,食一條清理味蕾,然後再食撈檬重新刺激味蕾雞肉牛肉串燒加錢要嘅串燒雞肉肉質韌,乾身缺汁,唔太好相反出奇地牛冇咁韌,初放入口都冇咩汁,不過越嚼越多汁附帶嘅沙嗲醬冇太夠鹹同辣,反而點拼盤附帶嘅甜辣醬仲好不過串燒可惜嘅地方係冷氣太

見完客已是12時許，但早餐未食，於是來到這兒，之前吃過一次，覺得OK，今次再吃，其實感覺幾好，加上夠早，人唔多，可以慢慢享受。椰汁紅豆冰有椰汁香，但紅豆沒有甜味，如果用大粒紅豆我更鐘意，感覺比較淡。香茅豬排湯河個湯好香好鮮甜，想喝多二啖，豬排夠入味，肉汁，不夠如果係煎會更好！加上環境及服務幾好，可以列入選擇之一！

今日約左屯門朋友，但因為大家都係住屯門，都有好多間食過吾知食咩好。。。所以去openrice找地方食，見到有間越悅的越南餐廳，未食過又應該坐係舒服，所以今日下午一點去試試。怎料原來係越棧，係絕對失望，只係個名轉左，餐牌都係寫越棧。。。如果之前知道絕對不來，因為個人覺得越棧係吾好味道。最後叫左一個併盤餐，豬扒撈檬，生牛肉河同2杯飲品，味道當然都係只作普通。飲品係冇味道。待應叫黎叫去都冇人理。唯有好就是坐得舒服可以傾計。最後每人每位＄110作午餐，其實以這個價錢黎講還有很多選擇。