越式素食

營業中

休息中

今日經whatapps落order，叫左4個餐，加兩個小食外賣，12點落單話1點黎拎，要d時間整，咁1點就去到餐廳俾錢，等左好耐都未有，最後等到1點45分先有得拎。外面其他人都係之前打電話落單，但等左起碼半個鐘先有。最嬲係唔知點解有d後黎先現場落單，竟然仲早高外面d人有，可能佢地d嘢易整掛。講返食物味道，都係正常素食嘢味道，牛柳飯ok嘅，最好飲反而係杯越南咖啡。總結而言，如果去到無人，可以試一次嘅。

河粉好好味，店員好搞笑好細心，分咗好多唔同種類嘅素食，走蛋走蔥蒜等，春卷好足料， 全部新鮮炸，炒金邊粉都好有，鑊氣即叫即齊，價錢都好熱民，他們六月不做了，所以大家有機會可以去支持一下

見open rice 顯示營業中，就特登搭車過去食lunch, 點知去到無開門，食閉門羹，這已是第二次。最終去咗太古素年食，攪到二點幾先到，好肚餓🥲上次打電話問老闆娘當日晚市有冇開，佢話有呀，點知6:30pm 去到，鐵閘半開未營業，在附近等咗十幾分鐘差唔多七點，最後決定放棄啦。無辦法啦下次唔會再去啦😐。

當我同一眾素食朋友發現有新開，而且又有點特色的素食店，我們一定會設計一個 event 好讓大家一聚同試下新菜式。這一次，就是以慶祝生日來做主題，大伙兒就來到鰂魚涌試一家叫《越式素食》的新店。似乎是真越南人開的小店，我們一入門口，就已經感覺到，這會是一頓好地道的越南粉麵餐。小店，原來只老闆娘一人在主理。我們一行7個人來到，立即令一腳踢的她忙到喘不過氣來。而快快趣決定好吃什麼的我們，就令到老闆娘非常的安心，亦首先把大家的飲品沖好端過來。只中一個令大家都開心的飲料，就是越式的青檸梳打。半隻青檸，再加半杯的青檸汁。酸甜味絕對是 200分。越式凍咖啡，是傳統，加上的煉奶的越式咖啡。味道香甜的，咖啡味獨特而濃郁。最重要就是那煉奶的香，是越式咖啡才能有的味覺感受。之後，老闆娘開始為我們準備食物了。她說，最快趣的，會是炸點。所以，第一個出場的美食是素春卷。香脆，可口，再加上店方特別提供的素魚露，味道更佳。然後我想說的，是最遲上檯，但卻是那天最是好食的東西。是一系列用米紙製作的美食。只中一個大家都覺得精彩的，叫素蒸粉包。一件純蔬菜加香菇餡料的蒸粉包，再夾上一片素扎肉一起吃，又香又軟糯的口感，非常之好。當

今日天氣落雨凍凍地 ，想食啲飯溫暖吓個胃 最近因為揀咗一次黑椒牛柳紅飯 今次就試吓個咖喱牛柳飯 ！可能因為同老闆娘講咗要多飯🫣 佢俾咗勁大碗 然後啲汁都好多 🤣係撈飯食嘅基本. 啲牛柳配咗咖喱汁之後一樣入味🫡 裏面仲有配埋啲薯仔❤️基本上呢個價錢都物超所值！！

見到素食group介紹呢度，喺附近行山後就過嚟食。因為一般越南河粉嘅湯都係用牛骨熬出嚟，所以都好耐冇食河粉。所以就叫咗個湯河。素扎肉魚餅湯河：河粉最好食，而且好多，湯清甜，同一般非素食越式湯河味道有六七成似。扎肉同魚餅嘅感覺有點兒加工（可能因為顏色）。但食完唔口渴，感覺好好 。炸蟹餅（細份）：仲以為係用麵包糠炸得好犀利嗰啲炸蟹餅，個皮薄薄的脆，感覺健康啲，味道自然啲，而且口感唔錯。當然唔會期望素食同非素食嘅越南菜一樣味道，但可以有素食選擇而且喺呢個經濟咁差嘅時候真係唔容易 。下次會行返同一條路線過嚟食，希望小店支持到啦 。

沒有選擇及沒有善心的素食店開業將近一個月，外賣沒有選擇 購買外賣時，店員多次要求揀指定外賣餸菜，等候時間非常耐大約45分鐘 ，完全不明白為什麼未準備好就開店？ 而一位同事沒有合適飯餸而沒有購買更被閂門趕走不明白為什麼現在還有呢啲服務態度都可以喺熱門地方開舖態度非常之差沒有禮貌極度不推薦此素食店因為吃素食的人應該有善良嘅心態。 如果餐廳40款餐單裏便只有一款選擇 可以貼喺門口而唔係逼人去食一個自己唔想食嘅飯菜，如果唔選擇就黑面對待。食物味道淡而無味，米飯不熱好硬。如果沒有善心建議不要開素菜餐廳。

越式素食係今年新開，前身係陽光素食。由鰂魚涌地鐵站B出口，落天橋後，行過1個街口轉左就到越式素食，店舖對面係學校。店舖環境唔大，只有2張4人枱同2張2人枱。食物本身係五辛素，但全部都可以走五辛，老闆娘係落單時會特意問使唔使走五辛，十分體貼。枱面上有一壺充滿辣椒嘅素魚露，係有五辛，冇五辛嘅版本可以問老闆娘攞，素魚露味道酸酸辣辣，可以用嚟撈檬粉，我亦見到有客人倒入湯河到調味。雖然係小店，但菜式選擇好多，有撈檬、湯河、炒飯、客飯、炒金邊粉、咖喱、米紙卷、春卷、越南咖啡、椰青等，絕對值得再訪。D4 素牛油果芒果米紙卷 ($55)米紙卷入面嘅食材本身好夠水份，有芒果、青瓜、生菜、牛油果等，所以將成件米紙卷放入口，都唔會覺得好乾，整體感覺好清新。D9 素小食拼盤 ($98)春卷、粉包、蟹餅、沙律春卷似炸腐皮卷，春卷皮薄、好脆，餡料有粉絲、木耳、蘿蔔等。粉包感覺似酒樓嘅雞絲粉卷，入面包住冬菇、素扎肉碎、甘筍等食材。蟹餅爽口、似素魚片。沙律嘅材料有椰菜絲、青瓜絲、甘筍、紫椰菜、花生等，本身已經撈埋素魚露，味道偏辣，不過幾開胃。A1 豆腐茄子撈檬 (轉湯河) ($55)當日冇茄子，所以只有豆腐配湯河。湯