越廚 (已結業)

有一天，途經屯門的建生邨，本身自己都好中意食越南的美食，所以見到越南餐廳就情不自禁入去試試。餐廳的環境都尚算整潔，但可能因為都係街坊生意，吾預你坐好耐，所以都係最基本的枱同木椅子。今次，我選擇叫左一個香茅豬扒撈檬粉，加一杯凍朱古力。香茅豬扒的尺寸都算正常，但略嫌煎/炸得吾夠香脆。即使我食的係撈檬，本身無湯，都覺得塊豬扒淋身左少少，所有尼一方面就略遜一籌。檬粉同個撈汁都係預期之內的表現，檬粉爽口、乾身，撈汁酸酸甜甜，吾會覺得辣。可惜，撈汁的樽口過細，有時D渣會阻礙到D汁倒吾到出黎，不過都係小事一椿。…查看更多

平日真係好少機會入屯門，今日入屯門做嘢，又唔係中心附近，本身都唔知食乜嘢好。。。好彩有個朋友喺屯門醫院附近做嘢，佢又話未食過呢一間，所以我哋就入去試下啦！店舖門面比較不顯眼，入到去裝修都冇特別嘅設計，不過牆上嘅一幅油畫吸引咗我，因為圖畫用色鮮豔，上面嘅人仔個個都笑得好燦爛好得意，望下真係會令人會心微笑！我哋叫咗兩碗河粉，但係就要等大約10至15分鐘先上到。喺咁短嘅lunch hour入面，其實值得改善一下。越式牛湯河(肩胛生牛片) ($48)湯河嘅賣相有誠意，牛肉清湯配上洋蔥、芽菜、蘿蔔絲、花生碎、炸蒜同紅蔥片，湯底味道都幾濃郁，配上河粉味道合適。生牛片味道還好，但係就比較韌。香茅雞翼湯河 ($45)呢一碗雞翼湯河我叫咗全走嘅，所以望落去好似比較清淡。香茅雞翼就有四隻，大細適中，炸得甘脆可口，但有少少乾身， 不過浸入湯底就剛剛好！…查看更多

是一間开了不久的越式小店，有各類的越南粉面。我最喜欢吃他们的春卷撈檬，加上酸酸咸咸的伴汁，味道不错。春卷很香趣，很有特色。还有無骨鳳爪，冰冰涼涼又弹牙，加上汁回酱，確实不会差。鱼饼也很好味，颇弹牙爽口。不過价钱有点贵，午歺吃一碗粉面，加一杯凍饮，要五十几元，对这种小店來讲一点也不便宜。…查看更多

番完教會，同弟兄姊妹一齊去午餐😊當日一行成10個人，仲落住雨☔️於是見到最近，又有位嘅餐廳就入左去坐低平時都唔常食越南菜，但都算鍾意食😆一坐低睇餐牌，睇到香茅豬扒同越南式豬頸肉掙扎左好耐揀邊個😂結果覺得豬扒多肉食啲就揀左豬扒🙈旁邊嘅姊妹就揀左豬頸肉佢見我咁難抉擇就俾左一片豬頸肉我食😆唔錯，令我好期待我果碗豬扒湯矇點知黎到個樣有啲同平時食嘅唔同睇落有啲「鞋」😣而且平時嘅香茅豬扒應該係煎到靚靚咁先放麵上呢塊好明顯係烚嘅....呀‼️食落冇乜香茅味...而且有啲「鞋」....有啲後悔冇揀豬頸肉豬頸肉相對較Juicy而且夠味💓個湯都算幾夠味，連粉食唔會淡茂茂唔錯👍🏻不過下次真係唔會再叫豬扒😅…查看更多

呢間餐廳收費好平，味道都ok，不過不失！我點左個三寶湯河加碟菜連飲品先$58。佢個湯河既牛肉湯味道唔錯，幾鮮甜，飲完唔會口乾，同出面既味精湯唔同。而牛肉都新鮮，但唔夠滑，札肉同個丸都ok，同普通既冇咩分別。不過佢既河粉就麻麻，唔滑同好碎，散開哂。…查看更多