越大哥越式小廚

營業中

休息中

尼間店路過唔起眼，亦原吸眼球。今日無事間食左下午茶，飲左杯鴛鴦。超驚喜！因本人鐘愛咖啡、香草奶茶、手工麵包，所以會自己做以上食品 & 有啲要求。但估唔到，一飲啖鴛鴦…….即被順喉、微香的香草味吸引。再細心品嘗咖啡時，咖啡豆的品種係屬於微酸的味。亦因可能店係做越式滴漏咖啡，所以酸味不重好舒服。食物方面：今次食咗 香茅豬扒飯，哈哈，有心形煎蛋🤭。豬扒炸得外脆而有肉汁👍在食嘢途中，聽到老闆 同 員工們 討論個越式法包點做/配搭 會再好味。尼種態度，香港好耐都未見過了………怪不得食物和飲品質素咁好，佩服、佩服。衷心推介此小店 & 繼續努力制做多啲好嘢俾我哋食！

第一次嚟呢間餐廳亦都係第一次寫食評，因為真係好好食。 而且價錢都Ok. 叫咗豬扒法包，豬頸肉撈檬同春卷。豬扒法包嘅麵包外脆內軟，啲餡都好足料，肉同入面嘅配菜都係夠熱同新鮮 👍🏻 豬頸肉都好食，有煎到脆脆地。 春卷都夠脆。 如果再過開嚟，會再黎食😋😋

住咗鴨脷洲成3年，才發覺有間越南餐廳，佢的門面同裝修就唔好有期望。不過，佢個法包超超正，一定要試。牛油雞翼都好食，不過唔夠咸味。另外試咗湯河同檬都唔錯。一定會繼續幫襯佢，支持本地食店。

今次我就帶大家去食個重口味攻擊！先話你知呢間店嘅生牛河，真係夠晒嘢分🥩！牛肉嘅滑度就似嬌嫩初戀嘅輕撫，融化係口邊，唔使多解釋，食咗絕對回味無窮！湯底呀，正宗得滯，味道鮮美到不得了，完全冇味精後味，飲一啖已經覺得人間值得。越式春卷撈檬呢，干身干骨嘅春卷外皮脆卜卜，檬檬就爽滑得嚟有啲QQ嘅口感，真係開胃到不得了😋！甜品方面，青檸蜜就清新得來，唔係太甜膩，仲有種淡淡嘅果香，飯後飲一杯，簡直完美。至於越南咖啡，今次可能手法有啲失準，花奶略嫌重手，不過咖啡本身嘅香氣仍然撲鼻而來，愛咖啡嘅朋友唔好錯過喇！大家下次想搵啲啱口又平民嘅好茶，記住留意我新介紹嘅呢間店㗎喇👍！咁好味，仲唔快啲黎一試？

家陣雞好貴咩，4個大薯仔占成碗野一大半，鷄得果3件，一次貨仔無回頭。祝早日發遣散費。成百蚊，早知道食其他好過。以為貴d實好d，仲衰。人做外賣你做外賣，做到咁，抵你發啦。

平日夜晚係鴨脷洲，無意中發現到一間越南平民美食，外表平平無奇，其實內有乾坤。餐廳似足港式茶記，冇乜裝修，行過只會比佢大大個招牌吸引，咁啱想食越南河，就入咗去，食落又唔錯喎，性價比高😆越南牛油雞翼 $18/2隻正宗嘅牛油雞翼好好味，呢個都唔差，夠香，炸得又夠脆👍🏻豬頸肉湯河 $60湯底非常清甜，比想像中出色，而且豬頸肉的肉質好爽彈，有驚喜～招牌海鮮肉丸鮮茄蟹湯檬 $74呢個就較為遜色，略嫌番茄湯未夠濃郁，蟹肉丸味道一般，以蕃茄蟹湯來講，都係比較推薦油麻地Q1群🙈

午飯時間嚟到唔洗排隊就有位坐，落單同上菜都好快手，啱哂打工仔嚟食🥰大部份都係卡位，一個人嚟食預咗要搭枱😊基本嘅越南食物，飯類、湯粉、撈粉、小食都有提供🥢🍜香茅豬扒撈檬 $56香茅豬扒份量足夠，厚薄適中，炸得好腍好脆🤩檬粉都算幼滑，食落好爽口🙂甜酸汁夠酸，不過有D咸🙁而蒜粒、蘿蔔絲、青瓜絲、花生碎份量一般🌟 Lamlam脷指數 😋😋(2/5)🌟整體評價: 食物質素一般，出面同一個價錢有更好味嘅選擇，不過喺鴨脷洲可以選擇嘅越南菜唔多😢🌟 Encore指數 ⭐️⭐️ (2/5)

尼間鋪頭成日我地經過都有好多人排隊，我地就叫左生牛+雞絲湯河粉（$66），豬頸肉撈檬（$56），鮮茄牛肉飯（$60），生牛肉湯河既湯底真係唔錯，牛肉同雞絲分量都唔少，豬頸肉都外脆內軟，好好食！！仲要有成十幾舊，真係唔錯，鮮茄牛肉飯就不過不失啦🤣🤣

今日叫咗外賣拎返屋企食,叫咗香茅豬扒加春卷撈檬粉，啱晒落雨天或者天氣熱嘅時候食.豬扒超多件,好juicy同埋唔會那度好梅好林，有少少咬口，醃得超級入味，冇肉嘅臊味同雪藏味，香茅味幾重,一啲都唔乾身.春卷一條切開兩件,行返屋企嘅路應該要10分鐘左右,但係拎上屋企嘅時候春卷竟然仲係脆，好surprise ,同埋唔太肥膩嘅,好香口檬粉嘅魚露係分開裝，分量絕對夠，檬粉剪得比較碎但係食落口就會比較方便，幾細心.甜甜酸酸好開胃，但係份量實在太多所以食咗一半就已經飽啦,好滿足嘅一餐.值得一提係杯凍咖啡好好飲

又一次黎到鴨脷洲 其實美食真係無乜😅 今次搵到呢間良心小店💛 主打越南菜感覺好似幾地道🇻🇳 店鋪真係比較細🤣 正唔正宗唔係好食得出 唯獨感覺價錢都幾進取呢🌝⭐️ 燒牛拼蝦餅撈檬 🍝整體感覺檬粉份量比較多🥹 餸菜比例少 調味偏淡 蝦餅夠彈牙夠脆口🍘 反而牛肉份量偏少 缺乏碳香味🍖 以呢個價錢我會Expect更多⭐️ 越南咖啡 ☕️反而呢杯咖啡有點驚喜🤎 真係同越南飲到既一樣特別香濃👍🏻挽回呢一餐飯既整體印象

鴨脷洲越式小店中午時段，好想吃越南野，好好彩一出港鐵站，行一陣就見到。點左豬肉米紙卷$52 配酸辣醬，令淡淡的米香提升，餡料有好多新鮮薄荷葉，燒豬肉，米粉加小小紅蘿蔔絲。同埋主食是魚餅湯檬$56，湯檬大大碗有芽菜，葱花，洋蔥，食極都有，湯底有肉汁加超微辣（一般人一定食到）兩件厚厚的魚餅，好彈牙，分開上，所以外層仍有些脆的感覺。有機會，去試吓，好正的越南湯河

-//位於鴨脷洲·越南餐廳🇻🇳，暫時有三間分店主打越南菜，如米紙卷、湯河粉、燒雞等等估唔到餐牌勁多選擇，總有一款啱你口味😎📍香芋雞翼湯粉 $48如果唔想食河粉，都可以轉成檬粉架🍲就咁睇 份量好似唔多，但其實係勁多粉🤣$48蚊價錢都幾抵食😏仲有大量洋蔥、芽菜個人幾鍾意個湯底 好清甜😋好似冇咩味精再落埋辣椒+青檸，令到湯底更加濃郁🤤另外香芋雞翼有4隻，味道唔錯 都幾入味但雞翼竟然冇分開上，搞到浸淋哂啊😢📍凍奶茶+$3蚊奶茶都幾香濃，茶奶比例啱啱好🤩唔會太甜#鴨脷洲美食 #餐廳推介不設加一服務費✖️抵食程度：🌝🌝🌝🌘🌚📍越大哥越式小廚 (鴨脷洲)鴨脷洲鴨脷洲大街46號地舖

·越大哥鴨脷洲大街😌性價比高既越南菜🇻🇳😍💛💛💛💛💛～～～～～～～～1️⃣香茅燒雞撈檬($50)＊香茅燒雞做得好好，燒得好香有熱辣辣，唯獨啲雞肉連埋雞皮，食起上嚟會覺得有啲油膩😂但整體來講都好香口好juicy幾正😙😙＊撈檬而檬粉既份量又好多，蘿蔔絲、青瓜絲等等嘅配料都好夠，撈埋晒食一流😋😋😋😍😍(score: 4/5)·2️⃣香茅燒豬頸肉撈檬($56)＊燒豬頸肉極之出色，仲燒得好食過雞肉，豬頸肉燒到個邊脆一脆，配埋撈檬一齊食簡直無敵🤭😋😋💯💯💯(score: 5/5)·3️⃣燒豬頸肉沙律($52)＊燒豬頸肉依然出色，但估唔到沙律嘅份量得咁少，得啲青瓜片、洋蔥絲、蘿蔔絲等等，面頭有啲花生碎，食落會香啲，但都係略嫌蔬菜嘅份量實在太少，食完好似冇食過嘢咁😂😂🙈🙈🙈(score: 3/5)•其他：＊飲品黎講好需要改進，冇咩味道，嗌梳打，都可以淡如水🙈🙈🙈•-評分👑賣相：✨✨✨✨味道：👅👅👅👅👅價錢：💰💰💰推介：⭐️⭐️⭐⭐⭐(5分滿分)~~~~~~~~~~

路過鴨利洲大街，突然想食越南野，就亂入「越大哥」；門面內裡裝修，感覺都比較港式茶餐廳，甚有親民街坊感覺，店員唔少講外語，係唔係越南話，我就唔多識聽，點都好啦… 就試吓😊生牛肉湯河不過不失，牛肉浸耐咗就開始韌，但湯底是清甜的，唧埋青檸，甜味就更突出！越南春卷炸得香口又唔多油！配埋酸蘿蔔絲係幾醒胃，青瓜都係沙律級，感覺誠意俾客人食，絕非伴碟！（最後我食晒）雞翼（原自雞翼湯河，因心急食咗個河，無影相）雞翼炸得金黃脆口，味道就ok啦，無咩特別嘅好味道，但勝在唔乾身，仲有啲肉汁！越南咖啡最最最失望係越南咖啡☕️⋯⋯ 跟著餐牌上的圖示去點餐，點餐前都問清楚店員，本著是煉奶底，有個銀色滴漏器的那款越南咖啡，誰不知上枱嘅時候就是這樣了（打卡無望）PS. 咸檸七係沒有「半粒咸檸」的模樣，喜歡篤咸檸嘅朋友要留意啦！

港人開飯辛辣瘋 泰式美食稱英雄越南菜系欲反攻 深信肯做不貧窮今日坐船鴨脷洲 久聞大哥小島中西貢小姐苗條多 本人卻是不倒翁最怕湯粉水「姐姐」 惟有撈檬雙番東香茅雞扒勁多件 蔥頭碌冧卻失蹤 天才詩蓓游水叻 家朗慶祝食蟹公蟹湯河粉有隻蝦 披甲上陣眼睛紅豆卜銀芽做主角 招牌肉丸來補充牛柳沙律用料豐 可惜大廚嘥刀工又凍又嚡好失望 蒜蓉法包行唔通蝦餅熱氣爆唇瘡 阿媽哦我及時聾小食雖然沒新意 今餐表現最顛峰 平衡營養叫碟菜 蝦醬何處未相逢 飲來飲去茶檸啡 青檸梳打是老馮聽聞咖啡好鬼甜 惟有努力加水沖服務小妹頻頻撲 走單錯單真大懵埋單找數三百幾 祝願質素與價同食客好評空穴風 細雨點點雷聲隆《蝦醬炒農家菜》-$52《牛柳沙律配蒜蓉包》-$82《香茅雞扒撈檬》-$56《招牌海鮮肉丸鮮茄蟹湯河》-$74《蝦餅》-$58《青檸梳打》-$20《滴漏咖啡》-$28