超香園

營業中

休息中

今日去元朗搵食, 買咗一盒據聞好難買到、限量發售嘅著名手工蛋卷, 每一條都係人手製作, 誠意可嘉👍🏻 返到屋企即時試食, 真係好鬆脆, 連喺個罐攞出嚟嗰吓都要好小心...味道方面, 入口有蛋香, 濃淡適中, 甜度都OK, 唔會太甜太漏; 口感方面, 極度香脆鬆化, 如果再厚少少應該會更正😋我無食過北角區著名嘅蛋卷, 所以無得比較, 但呢間真心高質, 不過價錢就稍為貴咗些少, 如果份量多少少或者定價平返少少就perfect喇~~

好老實我係住新界嘅咁唔係新界所有地方都識去㗎嘛我覺得超香園呢個舖頭地點真係超級之偏僻驅使我去嘅原因就係因為佢啲嘢真係好好食因為新年期間去咗朋友屋企玩朋友喺新年之前就已經落order訂咗佢哋嘅蛋捲同埋鳳凰卷喺佢屋企食過之後就覺得真係好出色要親自去買咁啱今日去咗元朗所以就順便去啦但係原來真係唔識去所以再去搭的士嘅朋友有提我記得佢之前呢一定要打電話order咗先因為我去嗰日呢其實天氣好差我諗住唔買所以之前一日冇打電話但係我又覺得我咁順路去到元朗都唔買真係勁戇居所以出發前先打電話問有冇貨好彩係有貨嘅一入到去就見到啲姐姐好努力咁樣卷緊蛋捲冇花冇假真係佢哋親手做嘅雖然係好食不過都幾貴仲要每人限買兩盒我個friend仲起初叫我幫佢買埋真係唔使旨意幫人買呀自己都唔夠quota我有問過姐姐鳳凰夾心係乜嘢口味但係我唔記得咗😂😂當晚即刻開咗嚟食真係好好味好鬆脆同埋好香蛋味

係呀係呀又係蛋卷呀😂🤣 - 超香園喺元朗呢個美食天堂，連續食咗兩間普普通通嘅午餐同埋甜品之後，我哋決定再深入啲，尋找一間隱世、好耐好耐冇幫襯過，都唔係太記得佢嘅位置嘅蛋卷舖。我哋起程嗰時其實都唔記exact7y間舖頭名同埋個位置，只係知道朗屏附近有條村，村入面有間鋪，鋪入面有蛋卷，蛋卷又幾好食，就係咁多🙈今日嘅天氣都幾好，起碼冇落雨，喺元朗西鐵站行過去朗屏西鐵站附近，雖然身水身汗，但起碼都消化返啱啱食左嘅糖水同埋午餐。行左大概30分鐘終於到。其實附近環境都冇乜點變，都係村屋，依間鋪面同普通嘅民居冇分別。終於買到依盒蛋卷🤘依度嘅蛋卷分兩種：原味（$100），同埋紫菜肉鬆（$108）價錢比以前貴左好多，不過見到個婆婆70幾80歲，都無謂太計較個十蚊廿蚊。我買左盒紫菜肉鬆，個樣有啲似鳳凰卷。我記憶中依個牌子嘅蛋卷好特別，好鬆脆。今日一食落口，都無乜點變。好鬆好脆，奶粉味都幾重，唔太甜；入面嘅紫菜同肉鬆都唔多，而味道唔係話好特別，但唔知點解食下食下就會想繼續食，好神奇。太耐冇試過呢種感覺，童年嘅感覺。Mcmug 綜合評分：5/10，童年回憶+1，6/10Mcdull 綜合評分：6/10，好香脆

呢一罐蛋卷係我新年之前買嘅，上年試過已經覺得好好食，於是乎今次再揸車入元朗，要搵返呢間隱世蛋卷。去到冇乜人招待我哋，要撳鐘仔。跟住就有個人落嚟問我哋要幾罐。態度都好好，好斯文。買咗返屋企梗係即刻試啦！佢嘅蛋卷係幾好味，比較重蛋味，我鍾意呀(˶‾᷄ ⁻̫ ‾᷅˵)不過唯一唔好嘅地方，就係佢太過鬆化，一拎起就差唔多碎咗半條，跌晒落個罐度。總括而言，我覺得唔需要再去北角排隊買嗰間高竇蛋捲，呢間我都會繼續幫襯！

唔食過都仲有想像空間，點知不外如是，😌想試好耐，終於經開就入去買了兩盒！仲要咁貴一盒？食落的味道比起果d交貨不知名的蛋卷也比不上，連我小朋友都指平時我買果d都好吃！這次連一條蛋卷都吃不完！還說唔食！所以唔會再光顧。那些雜誌報導引述不能盡信，唔食過都唔知，但係都有人試既，我就係其中一個，點解冇人比劣評架？如果我見到就唔會去試，仲見到有人話邊駛買北角排隊蛋卷！希望他們可以見到檢討一下，改變一下，如果唔係真的可惜！

放假入新界玩，細妹話之前睇介紹話呢間元朗隱世蛋卷好吸引，好想試吓。對於住港島綫嘅我，雖然地點比較遠，反正未去過，就跟著openrice路線去買手作蛋卷。我有睇食評㗎，知道可能會有機會撲空，所以大約12:00去到大埔就打電話問店家，而家入嚟仲有冇蛋卷買，回覆係三款都有出發💪🏼路痴嘅我好彩有GPS帶路都唔難搵嘅😅，見到停車場入口更亭，問吓當值姨姨，佢話第五街行到尾就係啦終於到啦最新價目表我每款買咗一盒返去同屋企人分享鳳凰夾心卷～超級好味好濃蛋香，內有椰絲芝麻砂糖，口感豐富紫菜肉鬆蛋卷～我覺得紫菜味道被肉鬆蓋過咗家鄉雞蛋卷～蛋香鬆化整體嚟講好正，只係比較遠

謝謝一位元朗地膽朋友,  圖文並茂教導點樣前往呢間店，呢間蛋卷店係區內其實已經大名鼎鼎知道左好耐（另, 水邊圍 OK對面果間分銷舖唔係定時開，有時亦有機會提早賣晒），怕醜仔始終一直唔敢直接揸車入去人地條村，你知道啦，元朗圍村真係唔敢亂入，擔心唔熟路泊錯人地個位（出唔返來）就唔好啦，有時要先尊重人地本土文化，才可以去探秘，咁就玩/食得安心開心啦幸好管理員指示清晰，村尾有個好大的停車場可以短暫停泊的，一泊好車下車，遠遠已經聞到濃濃蛋香，迷迷糊糊合上眼都可以跟住香味入去買左了。現場唔需要排隊，但真係人手制作，而且目測訂單都頗多，(見圖) 已經做好可交貨的都已經堆到一座小山咁樣了。最後買左鳳凰卷乙盒，先試過合味道的話才大手買入。夠蛋香，夠鬆脆，價錢亦不貴，絕對會再次前往購買更多作手信。

早前和朋友去元朗食飯，佢話想去買蛋卷，就係東張西望介紹嗰間，一向支持香港小店嘅我當然十分落意去看看喇，Google Map 嘅帶領吓順利到達，老實講，其實位置的確好唔方便，不在元朗市中心，是市中心外圍嘅大型村屋屋苑外圍嘅一個地鋪，真係幾難揾去到大約三點，門口已經大大隻字話所有蛋卷售罄，只有失望而回，唯有下次check 咗有無先來早幾日又去元朗食晏，又想試吓，今次記得要先問清楚，店員知道我哋只買兩盒，就話賣尐訂咗放飛機無去拎嘅我哋，咁我哋咪即刻去一去到就話我哋頭先打咗電話來留了兩盒，門口嗰店員正打算pack 嘅時間，入面嗰亞姐就問長問短，好似我哋講大話咁，態度好差，完全覺得自己去咗跑馬地蓮園咁，雖然最後都買到，但係條氣就真係唔太順，心諗就睇吓你有幾好食一試之後，不外如是，和普通蛋卷無乜分別，又不見得蛋香濃郁，完全覺得只係傳媒效應

去開粉嶺心思思去埋元朗只為了這家傳統蛋卷😊有Google map 帶路，這間舖都不太難找。差不多每次都買家鄉雞蛋卷因喜歡它口感香脆不太甜。 除了罐裝，也供應袋裝共8條，兩口子忍不住一瞬間便吃完😋今次去到碰巧店内剛做長蛋卷，蛋香四溢，所以買兩罐回公司跟同事分享🤗此款蛋巻是全蛋做所以好香蛋味，入口非常鬆化香脆及不覺油膩。下次會試其他味道。用心做食物的店子要好好珍惜，我必定期拜訪👏🏼👏🏼👏🏼

朋友話呢間係家庭式經營嘅街坊店，見店內除罐裝外重有獨立細包裝，就買包細嘅試一試～蛋卷蛋味、香脆度及甜度都唔錯，可惜食後口腔殘留久久不散的油"益"味，令人有點失望。但服務態度同埋比客人嘅親切感卻值得一讚！期待呢間店會做得更好~ I'll be back!