超人燒鵝

營業中

休息中

lee間三餸飯算性價比高！$40堂食有水飲，青瓜肉片可以啦，苦瓜炒豆豉鯪魚惹味；西芹雞柳不過不失。豐富滋味鋪滿米飯，飽腹感十足，每一啖都是平凡又滿足的市井美味，冇味精例湯五蚊抵飲。

Lee間三餸飯性價比可以！正正常常過得去啦，青瓜炒肉片可以，醬汁唔算濃烈；苦瓜炒豆豉鯪魚；算幾入味。西芹炒木耳，清清地啱我，每一啖都係平凡又滿足的市井美味，冇味精例湯五蚊先抵飲！係我嘅平民飯堂。

之前屋企人買過幾好食，但上個禮拜已經聽佢哋講話唔會再買，話差咗好多。但今晚我唔記得咗我走咗去買，然後真係激到我一肚氣！都已經八點幾，仲有好多餸淨，但嗰兩個姐姐仲慳住咁樣俾啲餸你，好似乞兒咁。佢淨係俾得嗰少少我，我就笑笑口話「唔該姐姐可唔可以俾多少少菜我呀？」（都差唔多收舖啦其實）然後佢不停用鄉下話鬧我！我都忍佢，當唔識聽聽唔到！然後佢將我個飯盒擺咗喺Cashier,咁我就俾錢,比完錢都要放返個銀包架，嗰5秒都冇，個姐姐又鬧我，叫我好快啲拎走佢！（完全係冇人排隊，無阻住佢做生意！！）我都忍佢，我真係覺得自己好高EQ! 但係個心真係嬲到震！！返到去打開個飯盒，真係好似食豬潲一樣！油笠笠，見到都唔開胃！！仲要有毛！！ 真係好嘔心我成個飯盒掉咗佢！！！ 太唔開胃！！

平時路過見到好多排隊，所以都好少去睇吓有咩食，今晚路過望到燒味雙拼都只係$28 ，覺得幾抵，所以排隊試一試。門口有兩條隊，長嗰條係買兩餸飯，短嗰條通常都係買燒味外賣。叫咗個叉燒燒肉飯，因為太多人，收錢個姐姐唔會理你想要肥叉定瘦叉，總之出乜你就食乜。個份量細過平時去街市食發泡膠盒嘅雙拼飯，但反而個份量係啱啱好，仲有一條油菜，性價比幾高！叉燒燒得唔錯，個皮有啲焦香，咬落去仲有少少脆，燒肉就稍為太肥，全部都係肥膏咁滯，不過睇返個價錢，仲想點。