赤

營業中

休息中

赤居酒屋係銅鑼灣百德新街難得安靜既角落，木質裝潢，有，有一種置身日本小巷內的感覺，非常適合同朋友小酌。我地叫左幾樣野食，我可以話每一樣都好食。芝麻雞翼外層香脆，芝麻香氣濃郁，咬下去仲感受到雞肉的肉汁。柚子胡椒炸雞配蛋黃醬 這道菜係剛推出的新菜式，我們竟然成為第一台食的客人，感覺超幸運。炸雞外脆內嫩，沾上蛋黃醬後，增添了濃郁的口感，必食!豚肉荔枝卷荔枝的清甜中和了豚肉的油脂，口感層次豐富。牛肉烏冬牛肉軟嫩，烏冬吸收了湯汁，有濃濃既日式風味。蟹籽沙律清新爽口，蟹籽同沙律醬都超級多，鐘意蟹籽沙律既人一定要試下。汁燒大蔥雞肉/雞胸軟骨口感爽脆，作為下酒菜非常合適。雞肉嫩滑，大蔥帶出微甜的香氣，燒汁讓整體味道更濃郁。魷魚筒魷魚外層微微焦脆，內裡彈牙多汁，份量比想象中多。這次的用餐體驗相當滿意，特別是新推出的炸雞，再加上餐廳寧靜舒適的氛圍，又唔係太多人，好岩同朋友慢慢享受美食，放鬆一下。

話說我同朋友去咗銅鑼灣嘅赤 食飯，呢間日式居酒屋位於百德新街，地舖好搵，環境帶點和風簡約feel，木系桌椅同暖色燈光，坐得舒服又唔失格調。店內氣氛熱鬧，啱晒同朋友一邊食串燒一邊傾計。服務員好有禮，仲會推介啲當日新鮮食材。😋前菜係青瓜西芹蘿蔔生菜，青瓜同西芹切成幼條，白蘿蔔絲同生菜新鮮脆口，配上日式芝麻醬，微甜帶點堅果香。整體味道清新，幫到解膩！🥗三文魚腩刺身一上枱就賣相靚到爆，魚腩切得厚薄適中，油脂分佈均勻，入口軟滑，帶點甘香嘅鮮甜。沾少少醬油同芥末，魚肉嘅鮮味更突出，無半點腥味。新鮮度一流，食落好滿足，係刺身控嘅心頭好！🐟雞翼串燒烤得金黃誘人，外皮微焦，咬落去好香脆，內裏雞肉嫩滑多汁。調味簡單，淨係用鹽同少少胡椒，突顯雞肉嘅原味。火候控制得好好，食完一串即刻想再encore，配杯啤酒真是一個絕配！🍗豚肉荔枝卷，豚肉薄片捲住荔枝，燒完豚肉外層微脆，荔枝嘅甜汁滲出，帶點果香同肉香嘅融合。豚肉肥瘦適中，荔枝清甜解膩，食落好有層次，份量啱啱好，係一個驚喜嘅組合！🍡大蔥雞肉串燒簡單但好味，雞肉同大蔥交錯串好，燒得外層微焦，雞肉保持嫩滑，蔥段帶點清甜同炭燒香。調味偏鹹香，咬落去雞肉同大蔥嘅味道好

魂 (Tamashii) - 松露溫泉蛋茶碗蒸 (必試！)點解推介： 佢哋嘅茶碗蒸，真係一絕！ 蛋滑到好似絲綢咁，入口即溶，唔係講笑。最殺食係面頭嗰浸香到呢嘅黑松露油，同埋一篤穿就有流心效果嘅溫泉蛋黃，兩樣夾埋，個香味同濃郁感昇華晒！高湯底好清甜，完全唔會搶味，仲有啲蟹肉、雞肉粒增加口感。係貴少少，但個味道同質素，絕對係銅鑼灣嘅頂級體驗，食過就明點解咁多人讚！寿司芳 (Sushiyoshi) - 毛蟹茶碗蒸 (高級之選)點解推介： 如果你 budget 鬆動少少，想試更高級嘅版本，呢間米芝蓮星級壽司店嘅茶碗蒸絕對係藝術品！佢哋用嘅蛋同高湯都係頂級貨，蒸出來嘅蛋滑溜無比，鮮味濃到化唔開。最大亮點係鋪滿面嘅新鮮毛蟹肉，鮮甜到不得了，仲有機會配埋蟹膏，將成碗蒸蛋嘅鮮味推到極致。每一啖都係奢華享受，食材配搭極之講究。綱八日本料理 (Tsunahachi) - 傳統風味茶碗蒸 (穩陣好味)點解推介： 想食返碗正宗、穩穩陣陣又好好味嘅傳統日式茶碗蒸？。佢哋嘅茶碗蒸蛋身非常嫩滑，高湯底鮮甜自然，唔會過鹹。配料足料，通常有雞肉、冬菇、銀杏、蟹柳等，味道樸實但係好舒服，充滿日式家常風味。性價比唔錯，係食

好鍾意銅鑼灣呢一帶嘅餐廳，唔會同人迫，而且可以好好咁樣坐一晚。汁燒鵪鶉蛋雞肉丸($48): 一串有兩舊，自製肉丸包住鵪鶉蛋，感覺特別，而且調味都好好，食得出係真係自己打嘅雞肉丸，感覺新奇。厚切牛舌心($78): 一串有三嚿，外皮烤得ok，咬落去有少少脆身，食落去都係軟林林，調味都做得啱啱好，少少鹽同埋胡椒已經好夠味啦，但係師傅可能有少少燒過咗龍，所以有少少太煙靭。豚肉荔枝卷($36): 呢個係我每一次食居酒屋都必點嘅，自己覺得豬肉同荔枝好夾，荔枝好甜，而且豚肉都係唔算太多調味，唔會太過overpowering。日本長崎雞腎($36): 一串4嚿，好juicy! 熟嘅程度剛好。燒飯團($30): 呢個大概食到最尾先上，但係睇到師傅嘅用心，燒得好靚！而且本身以為會係有燒汁，但係原來係海苔飯團配上燒過嘅海苔，好有咸香味。 稻庭烏冬(凍): 附上鵪鶉蛋同埋葱，正常發揮。Sapporo ($39): 值得一讚嘅係用上冰嘅杯。用心做食物。總結：自己覺得呢一間居酒屋環境好好坐，真係可以同一班朋友渡過幾個鐘又飲又食嘅晚上，而且燒物都好有水準，所以絕對係會坐得耐嘅一間餐廳。

銅鑼灣居酒屋小店🏮銅鑼灣百德新街嗰頭，有條小巷有唔同嘅餐廳，早排去咗呢間居酒屋，係小店經營feel, 見到在場都唔少熟客，食物質素應該都有一定保證。餐廳職員都好主動，成晚都會主動斟茶。我哋嗌咗啲串燒，豚肉荔枝串、牛舌、雞軟骨～而家餐廳仲做緊優惠，由14:30pm到22:30pm, 指定串燒做緊優惠價$38/2串🔥另外仲嗌左刺身拼盤3盛（有三文魚、吞拿魚赤身、油甘魚）、玉子燒、芝麻雞翼，味道都正常！

今曰去左銅鑼灣百德新街美食街食午餐，呢間叫赤，門面已充滿高級日式餐廳的感覺，不過價錢又不算貴，就試一試。正是中午時分，有午餐set，揀左這份「三色刺身丼」，以吞拿魚、三文魚、油甘魚為主角，魚生切得厚薄適中，色澤鮮亮，一眼就能看出新鮮度十足。吞拿魚口感柔軟帶微甜，三文魚油脂豐潤，油甘魚則有獨特的爽脆與甘香，三種魚肉在口中交織出層次豐富的風味。米飯溫度恰到好處，醋飯的酸甜比例平衡，不會搶走刺身的鮮味，超好味啊。 這個set搭配的前菜也毫不馬虎，有四樣咁多，首先椰菜絲沙律，清爽開胃，可以自行加醬汁調味，另外茶碗蒸，滑嫩細緻，仲有漬物和麵豉湯則為整套餐點增添了傳統日式的溫暖感。以$148的價格來說，無論是食材品質還是整體搭配都物有所值，刺身用料真係非常高質，超好食！ 令我最後仲點咗一個燒原隻魷魚筒，燒物都好出色，佢燒得一點也不乾，仲包留到魷魚新鮮肉汁，而且配上特製醬汁，令佢魷魚鮮味再提升，整餐飯都很滿意，一定再來。

百德新街區域有不少美食,當中一間日本餐廳,光猛明亮,窗外更可以看到藍天白雲景色,來個慢活午餐也不錯.午市套餐選擇有生有熟,套餐前菜包括有自家醃漬蘿蔔,更可任添脆爽椰菜絲,配搭柚子汁或麻醬清新開胃~茶碗蒸雞蛋滑溜,內裏更有蟹柳和香菇.角切魚生丼有吞拿魚,三文魚及油甘魚.切割成粒狀,顏色鮮艷.赤極上丼更加豐富吸引,有馬糞海膽、吞拿魚、三文魚、三文魚籽、油甘魚、赤蝦及帆立貝,大大碗魚丼豐富吸睛,每片魚生厚身亮澤,最愛海膽金黃新鮮.


同朋友係社交平台搵到呢間係銅鑼灣嘅「日式小巷」裡面嘅日式餐廳,見條reel都好似幾好味就入去試下。見到餐廳做緊割引,其中部分串燒$38/2串價錢都幾抵，下次行開呢邊可以再黎食～—————————————————————📍 赤(香港)地址: 香港銅鑼灣百德新街66-72號地下A號舖✍🏻/食評/◍ 燒原隻魷魚筒 $128原隻魷魚筒中型size, 賣相好吸引,醬汁同燒魷魚好夾，唔會搶咗炭烤味，就算3-4人都夠食，份量好多！◍龍蝦沙律 $78唔好睇個樣以為好細冇咩餡，其實入面滿滿都係龍蝦肉，而且係細龍蝦肉而唔係龍蝦碎粒，肉質有咬口啖啖肉🤤◍ 玉子燒 $58呢個玉子燒可以做到外皮都好嫩滑，成舊都唔鞋涮涮,外皮邊有少少焦香味！◍味醂魚乾 $88調味調得好好，味道唔會過鹹，好適合做送酒小食

今次同朋友行銅鑼灣，呢間小店門口有啲低調，裝修風格簡約，帶有濃厚嘅和風氣息。點咗兩款主餐，整體體驗唔錯👍刺身三色丼（吞拿魚、三文魚、油甘魚）+ 溫泉蛋三色刺身丼嘅刺身品質相當新鮮，切片厚薄適中，三款刺表現都好好，丼飯粒粒分明🤤加咗隻溫泉蛋，蛋黃流心，拌飯一流，令整碗丼飯更加有層次。牛肉壽喜燒套餐 + 海苔飯 + 溫泉蛋壽喜燒湯底甜鹹適中，牛肉片勁大塊唔欺場，而且油脂好香，煮得剛剛好，嫩滑而不柴。配埋海苔飯，飯香中帶少許鹹香，加埋壽喜燒湯汁後更惹味。再加隻溫泉蛋，一啖飯一啖肉，好滿足！ 服務員態度親切，落單速度快，食材介紹詳細。餐廳雖然唔大，但座位好闊落，適合朋友聚餐或者輕鬆用餐。總結表現令人滿意，食材新鮮，性價比高，值得再訪！價錢中等偏高，但以質素計，絕對值得一試。

雞皮酥脆焦香，蝦肉彈嫩鮮甜，油脂交融，口感豐富，炭火香氣畫龍點睛。木魚花輕盈鹹鮮，蘆筍清脆微苦，和風清爽層次分明。椰菜脆嫩清甜，芝麻醬醇厚濃郁，柚子醬酸甜清新，雙醬交織，爽口開胃，層次鮮明。海膽如奶油般綿密滑潤，濃郁的海洋甘甜在舌尖化開，帶著礦物質的深邃餘韻；吞拿魚赤身微酸鮮美，大腹油脂豐腴入口即化，散發淡雅血香；三文魚肥潤甜美，橙紅魚肉透出淡淡堅果香；三文魚子晶瑩爆漿，鹹鮮迸發後湧現海洋的甘美；紅蝦肉質黏糯鮮甜，尾韻縈繞一絲海水清冽；帶子柔嫩如絲綢，清甜中帶有乳香，餘味如海風拂過般純淨。

同同事去銅鑼灣日料餐廳「赤」食lunch, 午市供應多款lunch set, 刺身同熟食都有選擇。唐陽河蝦：河蝦炸得香脆不油，食落非常香口，送酒一流。豚肉鵪𪂹蛋：豚肉片包住鵪𪂹蛋，豚肉燒得偏向乾身，不覺半點油膩，整個入口鵪𪂹蛋嘅蛋黃平衡到豚肉餘下嘅膩。午市定食可享無享任添椰菜絲，自行加入柚子醋同埋芝麻醬，爽脆清新。另外更配有漬物、麵豉湯同埋茶碗蒸，蒸蛋鮮味，滑得入口即化。吉列海鮮（蝦、蠔、配凍烏冬定食）：吉列蝦同蠔炸得金黃鬆脆，不過炸皮稍為厚咗少少，不太食出炸蝦口感，反而炸蠔內裡juicy，蠔味濃郁。凍烏冬彈牙，沾上汁醬，清新美味。牛肉壽喜燒鍋定食：雖然壽喜燒鍋冇火爐熱住上，嚟到嘅時候牛肉已經係半生熟，配料豐富，有金菇、高麗菜、冬菇、幾片紅蘿蔔、半熟雞蛋。湯底味道適中唔會太鹹，牛肉鮮嫩，配有紫菜飯，夠哂飽肚。

今日放工係百德新街行下行下，竟然搵到咁正既美食。 呢間赤既日本居酒屋，行到門口已佢優雅既門口吸引住，朋友話都想去試，就入左去。 好在時間仲早，未駛等位，不過都有幾枱客。 天氣都仲幾熱，所以我地都決定食串燒。 點好野食，竟然有蔬菜棒做前菜，比起一般既沙律特別好多，亦意外地好好食。 因蔬菜都好新鮮，咬落爽脆又帶點甜味，好啱我地既口味。然後串燒續一上菜。 免治雞肉棒好嫩口又有少少軟骨係入面增加口感，夾埋日本蛋醬油，真係好正。 柚子糊麻豬腩肉好穩身，又有少少糊椒味，好開胃。 雞翼都唔係求其燒，佢用竹籤定住少少雞皮，等佢冇咁易甩，可見廚師既細心。 仲有最正既白鱔，肉厚冇腥味，好爽口。 而雞皮都燒得特別脆身，而且好大串，同出面既好唔同。而豚肉烏冬都好大碗，烏冬好軟糯，唔係平時食開既口感，豚肉都好滑口。 最後食埋超甜既燒菠蘿真係超滿足。冇諗過銅鑼灣都會有間咁與別不同既居酒屋，真係意外驚喜。

難得約到朋友weekday食晏，特別搵間好啲嘅餐廳慢慢坐慢慢傾馬糞海膽吞拿魚蓉丼 - 一望就覺得好吸引，半碗厚厚馬糞海膽，味道鮮甜，半碗滿滿吞拿魚蓉，鮮味十足，係高質嘅丼飯牛肉壽喜燒鍋定食 - 壽喜燒好香甜，牛肉味道濃郁，口感鮮嫩，配菜豆腐、洋蔥、金菇等等好入味，份量十足lunch set有茶碗蒸、漬物同味增汁，好開胃可以任食椰菜絲，新鮮爽口，有柚子汁同麻醬可以揀裝修好新，整體環境乾淨闊落，播住日本歌，感覺好悠閑好放鬆，服務亦好，嚟食晏好寫意

值得一讚：燒岩手懸生蠔（味噌）、燒北海道帆立貝（味噌）：燒得嚟仍然 充滿肉汁同埋鮮味, 帶一份燒烤嘅味道, 帆立貝size 好大! 生蠔入口嫩滑！朋友最鍾意食：燒花魚一夜干cp值高！燒得好靚！外脆 內裏魚肉嫩滑, 魚肉帶有鹹鮮味！我哋都好鍾意：燒羊架羊架調味得好好, 尤其係面頭上嘅大蔥, 配搭得好好, 而且羊肉軟滑、充滿肉汁！日本長崎雞腎、日本薩摩赤雞雞皮、雞翼、多春魚：全部嘅鹹鮮味啱啱好！係串燒嘅靈魂！雞皮同雞翼咬落好脆口, 會有卜卜聲！雞腎咬落去軟硬度適中！秋葵：燒過嘅秋葵, 別有一番風味, 而裏面嘅口感 仍然係滑捋捋！燒菠蘿Wow, 十分鮮甜多汁, 作為飯後水果, 喺一個完美嘅句號！黃昏嚟食個 early dinner, 靜靜地, 有其他食客, 但唔會太多, 所以氣氛係比較 chill, 遠望街景, 三五知己傾下計, 或者放空！

銅鑼灣百德新街新開的赤居酒屋，多款午市套餐親民價位打造和食體驗！前菜四重奏先以清新開場：脆爽椰菜絲沙律、滑若凝脂的茶碗蒸透出高湯底蘊，自家醃漬蘿蔔酸香醒胃，暖心的味噌湯輕撫脾胃!必點「刺身盛丼」$178 （赤蝦，吞拿魚，三文魚，油甘魚）大大碗刺身丼驚艷視覺：赤蝦蜷曲如紅寶石，甘甜在舌尖化開；厚切吞拿魚赤身泛著櫻花色光澤，三文魚脂香豐腴卻不膩，油甘魚片透出淡粉銀輝，每片刺身都像剛離海般鮮活🤩醋飯溫度拿捏精準，粒粒分明裹著淡雅酸香，與刺身共譜和諧二重奏!貼心供應無限續添的椰菜絲，更顯性價比十足🤤