赤柱大街 (已結業)

今日係情人節前夕，所以我們今晚去咗赤柱大街嘅「Main Street Stanley Bar & Cafe」食晚飯！我們叫咗幾個晚餐香煎路易士鯧魚、燒紐西蘭肉眼扒同夏威夷肋排！跟餐有意大利雜菜湯同泰式牛肉沙律！香煎路易士鯧魚嘅表面煎得相當金黃香脆，入面嘅肉質非常嫩滑！燒紐西蘭肉眼扒嘅肉質相當軟滑多汁，肉味亦好濃郁！夏威夷肋排嘅肉質好鬆軟，醬汁嘅味道相當香甜惹味！意大利雜菜湯嘅味道唔算太香濃，但材料都幾豐富！:)泰式牛肉沙律嘅牛肉好嫩滑，泰式醬汁令到味道非常清新！…查看更多

來到赤柱大街，必定會選一間餐廳飲一杯，吃些小食。 Main Street是赤柱大街一間比較港式的酒吧餐廳，氣氛亦比較本土。是次點的Nachos, 脆片上鋪上牛肉碎醬料，夠多夠味，令脆片帶點濕潤，不會慘口，加上少許橄欖和辣椒令味道提升，面層再鋪上一層覆蓋全部脆片的芝士，焗得又夠香，沾上三款醬料，酸忌廉，牛油果醬和番茄醬，一淡食落去，將脆片和全部醬料混合，滋味無窮！…查看更多

五個人的午餐當日天氣非常好，大約下午兩時，餐廳除咗我哋之外其他全部都係遊客，當日時段有午餐供應，我嗌咗fish and chips 連咖啡或茶$128fish and chips ﹣ 炸魚好大件，但粉漿非常厚，魚無腥味無雪味，但炸魚同薯條都炸得有點過火，仲要係用塑膠碟上菜﹣失望，整體感覺食物水準下降。龍蝦湯$78－龍蝦湯帶有苦味兼唔夠creamy另外叫了兩款甜品－三球雪糕同埋士多啤梨crepe ﹣ 雪糕應該係牛奶公司雪糕﹣ crepe有驚喜，crepe薄身連士多啤梨肉同士多啤梨糖醬，熱熱地唔太甜好味。總結：這餐廳不是為食物以來，侍應非常殷勤款待有禮貌，餐廳外嘅環境亦非常宜人。…查看更多

難得的半天假期，決定到赤柱走一趟，加上蠔癮隨著腳步走上赤柱大街路旁的露天茶座自然而起，最終選了這間既有高桌露天茶座，又有數款生蠔供應的餐廳。開揚的門面和海景，絕對是赤柱大街最能吸引中外人士留步用膳之處，甫坐下已能感受到儼如身處渡假勝地的優閒自在氣息。在溫暖耀眼的陽光下，邊欣賞醉人海景邊享受陣陣微風，在這種氣氛下，吃海鮮是不二之選。聽說吃蠔(oyster)的最佳月份，就是英文字母包含ber的這幾個月，包括現時October十月份。每次吃蠔總少不了海水和礦物味濃厚的法國蠔，這次餐廳卻並無提供法國蠔，主打三款時令石蠔。石蠔生長在石灘的岩石上，海水味不如法國蠔重，但味道不乏海鮮鮮味，仍值得一試。三款石蠔包括Irish Rock, Scottish Rock, 及Pacific Rock；半打均一價198元，要半打正好可每款嚐二隻。依次由最淡味的IrishRock開始品嚐，再而是Scottish Rock，最後吃海鮮味相對較濃郁的美國石蠔Pacific Rock。Irish Rock愛爾蘭石蠔肉身較薄，蠔味海水味均較淺，但勝在爽身入口甘甜，整體味道含蓄，可視為對舌頭輕輕親吻，作為第一款入口的生蠔十分合適。 第二款入口的Scottish Rock蘇格蘭石蠔蠔身略大，殼薄而肉身飽滿,富有少許creamy而又不失彈性的清爽口感, 鮮甜味比Irish Rock較重。味道屬於爽甜清脆、蠔味鮮甜的一種蠔；而且海鮮味留在口中良久不散，沒有過重咸味金屬味反而更能感受蠔本身的鮮甜。 最後一款Pacific Rock美國太平洋石蠔，入口滑溜、清新、海水味屬中性程度，跟Scottish Rock不相伯仲，但肉質更creamy，蠔肉肥瘦適中，初入口能感受到濃郁的海水味道，而後是淡淡的甜味，餘韻清新自然，有如含著青瓜片在口中。整體來說，後兩款石蠔較肥美和清甜鮮味，雖不及法國蠔重口味，但卻入口清新自然，相信少吃生蠔的人也會喜愛。價錢只比廉價蠔吧略貴，卻能邊歎海景吹著微風一邊慢慢細心品嚐，細吃慢嚐更能感受每款生蠔的餘韻，滋味確不同。友人點了同是當造的荷蘭黑青口，以白酒忌廉汁烹調。青口不算巨大，但勝在爽滑肥美，鮮甜無腥味，味道和肉質都比本地青口來得鮮美爽甜，配充滿洋蔥碎的白汁也十分入味，用來沾伴上的法包也不錯。唯一要彈的是麵包有點硬不夠鬆軟，相信不是即日出爐，故此口感不佳，唯一多沾一點白汁令其變軟。吃罷簡簡單單的海鮮餐，份量和款式雖不算豐富，單看美景已令人夠滿足了。…查看更多

我想，它是我吃過最難吃的赤柱食肆。似屋企亂煮一通就開鋪做生意。價錢並不便宜，今餐非常不值。赤柱大街外看洋化，但看餐牌什麼國家的食物都有。法式洋蔥湯差，沒有什麼洋蔥味，系罐頭湯的比他濃味。你當我冇飲過傳統正式的法式洋蔥湯嗎，太惡劣冬蔭公仲差，水汪汪的冬蔭公吃過了沒有，好像不太懂煮泰式冬蔭公湯白汁藍青口這個相對較好味，至少可以吃完它，略腥。白汁有煙肉伴碟薯條最正常牛柳我們點了7成，但上桌時是全熟，肉非常刃又鞋口，而且味道淡，非常差劣的牛扒…查看更多

新年放假最後一擊去了赤柱逛逛，東找西找終於坐下在這間餐廳吃下午茶。赤柱做的是遊客生意，很多時候的餐廳都是屬於西式的，而且啤酒款式很多。這裡最不好的地方是餐廳是不會端上給閣下的，如要喝水煩請付38大元買枝礦泉水。。。肉醬意粉$118：肉醬茄味香濃，帶有微微的蒜香及香草味，意粉煮得恰當，亦能充份的混和肉醬。純美國牛肉漢堡扒包$128：認真不錯，待應會先問食客幾成熟，可見漢堡扒並不是預先製作的，而我們當下要求七分熟。漢堡包送上時芳香四溢，打開麵包即發 現漢堡扒油油亮亮的，麵包則充份地塗滿牛油，漢堡扒底下則放上了生菜及蕃茄。切開漢堡扒後即發現粉嫩的牛肉，肉汁則從肉裡四溢。吃上一口香噴噴的牛肉，令 人回味無窮！美式肉眼扒三文治$128：肉眼扒亦有得選擇熟度，當然亦是選擇了七分熟。肉眼煮得七分熟，保留了牛肉原有肉味。法式麵包外脆肉軟，麵包內裡配搭上生菜，吃上口不會太乾。其實這類的三文治的好味與否最大取決於食材是否新鮮，而這三文治則做到了。凱撒沙拉$118：羅馬生菜爽脆，新鮮度十足，麵包粒及煙肉碎香脆，算是上乘的凱撒沙拉。整體不錯，一般的美式食物做得出式。唯一的是價錢並不便宜，當然在遊客區價錢較貴是無可厚非。…查看更多

29.Dec.2013 (SUN)無野做, 入左赤柱周圍行下, 輕鬆一下.行行下見肚餓就入左哩間餐廳食個Lunch.我朋友就點左半隻龍蝦.由於佢地即刻整, 所以都等左幾內時間先有得食.味道又真係幾好味, 又爽.不過, 龍蝦就真係唔多夠飽. . . . 哈哈哈而我就點左個"銀雪魚".我覺得好好味, 又夠多肉, 又滑.我自己食晒成碟, 飽晒.總結:其實當坐左入餐廳後, 周圍都係外籍人士, 再加上當日天氣極之好;所以我感覺好似係外地度享受緊午餐.真係好舒服, 好輕鬆.服務: 不錯, 完全無茶餐廳感覺.價錢; ok.味道: 好味.…查看更多

由蒲苔島回到赤柱差不多是下午五點，所以決定不出人多車多的銅鑼灣了，反正出去到都六﹑七點了，去那一間食飯都一定要等位，所以決心在赤柱逛到六點再開餐。趁著這個時候我們周圍去找餐廳，巡視過後，還是對赤柱大街這一帶的食肆較有興趣，未知道今天是否遊客不多關係，我們每走過一次，站在餐廳外的店員都會前來賣力拉客。大街的幾間食肆主打都是西餐，還以為消費好貴，但竟然不是，散叫食物的價錢，如沙律或麵食大約都是一百左右(當然海鮮和牛類要二百起)，重點是幾間餐廳都有晚市套餐供應，只需要百幾元便可以在赤柱享受海邊餐。最後決定去赤柱大街，沒錯，中文店名以街名為名。選擇它是因為晚餐價錢比隔離間平約十元之外，而且看到入面全是外國人進餐，估計出品的食物應該是有足夠的"外國風味"吧。店員招呼我們入去，安排我倆住牆邊的二人的半梳化座位。店子並不是太大間，但是晚人流不多的情況之下，加上與隔離枱分得好開(因為他們有十幾人，店方將五張二人枱合併到另一牆邊)，整個用餐過程，我們都坐得輕鬆自在。店舖的環境較為昏暗，看著枱上的蠟燭台，聽著不斷播放英文音樂，連我都感覺到那份情調；周圍都佈置及擺放了不同的聖誕裝飾，充滿節日氣氛﹗晚餐包括有沙律或餐湯，主菜及飲品，一心以為好細份，本來想加多個小吃，但選擇的多數是炸物，暫時我又吃不得，唯有食完才決定加些什麼吧。(最後我們是飽到無需額外加食物啊!)今天餐湯是周打魚湯，我不想飲就食沙律，而沙律都有兩款選擇，分別是美式沙律或泰式生牛肉沙律，我們都不吃生牛肉，所以齊齊食美式，當中有幾款菜﹑青蘋果片﹑紅椒絲﹑青椒絲及洋蔥絲，配上黑醋及少少黑椒粒，既清新又開胃。飲品方面，可以有紅酒﹑白酒﹑啤酒及幾款指定凍特飲，好似有雜果賓治﹑Lemonade等非常吸引我啊，可是咳到今時今日都未好，唯有忍口飲熱檸茶吧。檸茶的茶底好淡好淡，好似沖了數次的茶包之後的味道，而檸檬三片，對切了一半變相有六片，幸好檸檬是新鮮多汁，唯有當檸檬水飲吧。因為我忘記影餐牌所以我不記正式的餸名了，只記得主菜有十幾款的選擇，非常多，有牛扒﹑有羊架﹑有豬肋骨﹑有魚扒等等，我們估不到主菜的價值並不是平價的呢，而且份量都是極大，大到我們都難以相信。今餐我們的兩個主菜就一齊分享，烤羊架有三件，每一件都不是細，我們點了全熟羊，不過肉質仍然嫩滑可人，配上少少羊酥味，咀嚼之下會感覺到那少少香草味，而肉質經烤過後，表面上帶著幾分香口，整體味道及質素的確好高，很吸引。看到另一個主菜後我們都驚訝起來，怎估到半份的豬肋骨會多達六﹑七條骨，而每一條骨又厚又大的呢﹗我第一個想法是"幣喇...唔知食唔食得哂!!"。以前在外吃過的豬肋骨都是以鹹味醬汁做調味，而這裡用上的是酸甜醬，味道有點似黃梅醬的，配上肉食真的好配合，既可解油膩也可以增加胃口。肉質不乾不鞋，骨邊的肉實在好厚身，所以我食了一條骨已經覺得好滿足了﹗骨頭吸盡醬汁，忍不住啜骨起來，一樂也。底部墊有大量厚切薯條，香口得很又充滿薯香，不過經友人努力之下都食剩少少薯條，因為實在太多了啦﹗全晚的食客多數都是外國人，而店員們對我們的服務不會因我們是香港人而怠慢。整晚的人流都不多，基本上一枱客又食又傾是好幾小時，也有外國人手握啤酒和友人傾計，所以在這裡絕對是可以慢慢坐，不用趕。如果天氣不是太冷的話，可以坐外邊的位置，聽聽海聲，看看燈飾，好不寫意。…查看更多

一早約左友人到平日請假到赤柱享受一個下午，點知天氣報告話今日氣温急降，初時有點擔心，因為我地係想坐海邊露天餐廳食lunch, 好彩最後有陽光都好舒服。我地個個都叫左一個肉眼扒午餐，包一杯咖啡。侍應提意先叫5成熟，因為呢間既7成係比較熟，雖然已經叫5成，我個份都係太熟唔見血，朋友d 扒可能厚少少，有d 見血，所以我塊扒有d 'un'.咖啡係蒸餾既，都幾香。…查看更多

入到赤柱好多人，所以早D食，六點唔洗等位。set dinner $168。 菜湯唔錯，但個garlic bread唔掂，番炸/焗的。baby ribs一般，唔夠焾。煎魚最差，好乾好腥。生蠔只得一款冇得揀，太salty。個男waiter有D impolite, 女的好好多。條街有好多餐廳，上去商場都有好多選擇。下次食第二間。…查看更多

4 of us went to Stanley for a walk with doggies (Dog friendly place) on Sunday, easy for parking. We chose this bar & cafe along the sea shore. We ordered 4 dishes and beer that night. Appetizer is salad and nachos. Main dish we ordered pork ribs - full and spinach chicken spaghetti. The portion is small than expected, especially the salad and the spaghetti, not worth it :( Luckily the ribs is good so we ended up in a happy face:) …查看更多

一向都無習慣寫食評，但為了記低呢一餐，小妹特地開左個ａｃｃ！希望為食朋友可以有參考是次用了團購，＄１９９二人晚餐其實很久以前小妹已有留意呢間餐廳，但一直未有機會嘗試餐廳向海，未食已被其環境情調吸引了餐牌正常：）吃過露比的baby ribs的確唔錯，心思思想試下呢度既水準如何思前想後，同男友雙雙ｏｒｄｅｒ呢個之前見食評寫只有美式沙律，本已對是次沙律冇期望，但黎到又發覺有牛肉沙律　興奮！味道好！但牛肉可以多少少　餐湯係全場最差既一樣！一兜似大家樂湯面既味精湯，加ｄ洋蔥！差。而garlic bread就好好味:) 夠熱夠香選餐飲時發現可配house red/ white來到赤柱，寧靜晚刻配清涼海風house white絕對係最佳配搭主菜！冇失望！仲好有驚喜，baby ribs好林，份量大，味道都可以下面既薯條有質素！團購黎講，計環境地點同食物質素份量，真係物超所值我跟男友７：３０入座，離開時已是９：１５餐廳的侍應也沒趕沒黑面，算佢啦：ｐ接近兩小時的晚餐，是整天赤柱之旅的重點同男友都有愉快既回憶　開心！…查看更多

好一個星期日! 打開雙眼時已經差唔多晏晝2點, 無無聊即興約個 friend 去赤柱食個 tea... (哈哈~ 如果日日都可以咁就好 )Weekend 既赤柱大街真係幾熱鬧, 行過呢間鋪, 好似幾岩食又見到個妹妹咁努力sell, 好啦, 就揀呢間! 不過可惜佢露天座位已經 full 左...所以我地坐左入餐廳!一坐低就好肚餓喇, 沿路入餐廳見到有人食青口, 但望來望去都唔見餐牌有, 原來係bar area 附近有塊 chef recommendation 既 blackboard! 除左青口, 我地都叫左個 fish n chips, 好期待! 因為真係好肚餓, 哈哈 好在啲野食都好快送來青口大大隻 仲跟埋法包同薯條, 賣相唔錯! 食落啲青口好新鮮, 仲有啖啖海水既味道, 不過就略嫌個湯鹹左少少! (因為友人實在太肚餓, 所以等唔切我映相已經偷食左少少, 哈哈~) 以為 fish n chips 啲魚都係一條條, 同埋會係長身扁薯條, 不過無乜所謂, 因為都炸得好香脆! 好味! 總括來講, 呢個下午茶真係好relax, 望住出面個海, 一路飲飲食食傾吓計! 咁就度過左一個愉快既下午 …查看更多

咁難得嚟到赤柱仲要係lunch time，試吓赤柱大街上嗰啲好有歐陸feel 嘅餐廳。由於花多眼亂同埋已經好肚餓嘅關係，餐廳門口個姐姐無須大費唇舌就已經成功咁sell 到我哋行入去喇。又由於當日天氣都有少少熱嘅關係，我哋一班壞鬼後生放棄咗比較好feel 嘅門口位而選擇咗室內嘅冷氣位。經過一輪選擇困難症嘅煎熬之後，終於點咗以下嘅食物：呢個都可算係全場最抵食嘅餐——大大條熱狗腸加埋脆卜卜嘅薯條都只係５０幾蚊，以呢度嘅環境簡直係抵食過唔少茶餐廳。好一個半生熟嘅肉眼扒——有一陣炭燒嘅香味，伴碟嘅薯條亦係脆卜卜；只可惜個扒上嘅時候已經有少少凍咗。呢個炸魚薯條絕對係值得推介——點菜嘅時候其實已經本住”爆瘡就爆瘡啦“嘅心理準備，但勢估唔到食落口嘅時候一啲都唔覺油膩，仲有皮薄餡靚嘅感覺㖭！呢條肉腸雖然製作需時，不過絕對值得等待——熱辣辣、好好食。整體嚟講呢間餐廳令人十分滿意；唯一美中不足嘅係有一兩隻烏蠅keep 住騷擾我哋，不過可以理解嘅係間餐廳冇門分隔室內外嘅範圍，所以啲烏蠅要入嚟都真係吹佢哋唔漲。…查看更多

Beecrazy $199 二人晚餐~ 美式沙律 - 全菜~ 微酸~ 餐湯, 蒜蓉包 - 喝不出是西蘭花打成的湯~ 很特別~ 蒜蓉包又軟又熱, 超好味~ 燒三文魚扒- 三文魚兩邊油脂較多, 正~ 中間不會過熟~ (最怕熟三文魚又乾又鞋)夏威夷肋排 - 男朋友的~ 伴碟的薯條超好味~環境 - 有大電視播著昨晚的球賽~ 氣氛仍然很好~ 水吧/bar台就在眼前~ 坐在梳化的角位, 很適合情侶~ 服務 - ok~ 有禮~…查看更多