赤山日本料理 (已結業)

諗住全家去食日式放題，定赤山有蠔食，點知一去到發現比之前少人食，一坐低見到點餐紙菜式吾同晒，中伏，中晒伏！頂一心諗住食日本野，點知係雞煲，雞，全部都係雞~~~食雞煲我洗咩幫襯依間呀。最後，只點了唯一的日本野刺身幾隻蠔。同一煲雞煲。好失望，超失望，一定冇下次。…查看更多

店細位迫．但出品(勝過好多間)．魚生，生蚝新鮮分量足．牛脷．羊架．串燒都好食．炸蝦各樣天婦羅 都好食．臨尾上的雞㷛味道幾好，服務員有禮貌招呼．值得讚．可讚平靚正．…查看更多

見到雜誌介紹過，這裡食評不錯，有生蠔任食，膽粗粗就黎試下。訂左8點半，8點半前已經到了門口等左陣間，好多人食，full晒，仲有walk in問有無位，職員答唔訂無位，最快9點半，心諗，好彩訂左位啫。。夠鐘好盡時比我地入場，order紙未見過咁少的。首先講個生蠔，size可以的，味道：會反胃的，無海水味，無鮮甜味，只有腥味，同有沙。出面雪櫃自己拎前菜，真係唔好拎，拎左海哲同中華沙律，唔好食，無麻油味，只有好腥同雪藏味。天婦羅最正常係燒雞翼，南瓜無南瓜味。火鍋雞煲唔係一般傳統果d雞煲味，配菜都係一般貨識，芝士腸仲要怪怪地唔知點講，唔係平時食開果隻。擺菜用既盤，有生蠔味，好明顯係擺完生蠔，無洗過又拎黎擺菜比客人食。總之完全唔知想點，伏店，不可一不可再，其實100蚊位都要考慮，點樣收人地228一位仲要加一。…查看更多

一行入商場已自行調節期望，到達店舖時就像十年前的平民日式料理店感覺，因為訂咗位，一到就入得。食物方面可能到達時已調整心情，所以都無要求可言，冷盤小食、飲品及甜品放在飲品櫃內自取，但小食已放到乾晒和醬汁已凝固像漿糊，沙津的菜和粟米都乾水。點菜紙選擇不太多，但這放題賣點是生蠔任食，以任食來說生蠔算不錯，但其他食物如刺身、天婦羅等都不要有期望。這店的最強可說是送你一個雞煲，可能食完基本野已半放棄，所以最後的雞煲都是無期望的結束。食完呢餐以可以引用東昇金句『一試無妨，再試投降』。—完—…查看更多

其實呢度都係上網睇倒，見價錢都幾平，又有得任食生蠔，咁就冇抱太大嘅期望嚟喇。不過嚟到雖然人都幾多，員工服務態度依然良好，食物都好快到，刺身仲好靚好大舊。雖然佢依家冇左壽司menu變左火鍋，但係一路放題同打邊爐又真係幾滿足！任食生蠔依然有，打邊爐問員工拎芝麻醬佢仲俾左好大兜我！…查看更多

公司派左去新浦崗出差，做完野鬼死咁肚餓，諗住食完野先走，同同事行行下見到間放題，二百o靚蚊咪試下囉。果個商場外面睇落都伏伏地，都係本住試下心態，上到去阿姐態度都好好，一路都有人入黎食。由於太肚餓，拎左d野飲同小食，小食都不過不失，反正志不在此，當然係叫一埋刺身。估唔到佢有埋生蠔，仲要係任食，雖然無寫生蠔名，但食落都唔差，唔會好腥，加檸檬汁食，裙帶有點脆，肉質都肥。刺身都好新鮮，夠鮮甜，反而d蝦肉質一般，油甘魚同三文魚好食可以食多d。之後叫左d燒物，鍾意食燒青魚，燒得夠脆，夠乾身，雞翼加d七味粉食會比較好，我對於魷魚就麻麻，不過都可以一試。牛舌的味道不錯，雖然未做到入口即溶，但感受到個種燒牛的惹味，再食多個燒羊架，羊肉的蘇味唔太濃烈，食落都幾好。串燒燒得乾身，我就比佢合格架啦。不得不提雞軟骨，炸得脆，同熱，食落口卡卡聲。最瘋狂係，食完頭兩輪都飽飽地，阿姐仲同你講有雞煲，食埋先比走，好啦，兩人食半隻雞煲，可以叫辣d，唔係唔夠味，再叫d肥牛同薄豬灼灼下，肥牛算唔話得，咁既價位，肥牛都仲有返d牛味，我比佢過骨，豬肉都ok，不過要滾得快，過火就唔好食，芝士腸就必叫必食，生菜叫黎清腸胃，最後食埋個烏冬索一索汁，就功德圓滿啦。埋單每位251，放題價算中間位，價錢同食物質素都正比。…查看更多

天氣咁熱，晏晝都唔想食熱辣辣嘅野，食到身水身汗🤔所以揀左三文魚飯，涼涼地食起上黎都清爽啲😊仲配麵鼓湯，吾會食到口乾乾💁魚生睇落都幾新鮮，紋理清晰而且都系厚厚一片，吾會好吝嗇😀三文魚尚算肥美，入口嫩滑，都幾鮮甜☺️飯嘅味道同壽司一樣～酸酸地好開胃，酸味適中！份量黎講都幾大碟🙂絕對夠食！…查看更多

即係咁，唔係每間餐廳我都會比第二次機會，都要間餐廳值得的，赤山係我少有Encore的餐廳（麥當勞唔計啦！)任食生蠔！我黎啦！黎到有點失望，因為無左壽司食，只有刺身呢度啲壽司都好好味的，侍應話無左壽司就送雞煲，但友人唔想要，我地嗌其他野食好了！先叫兩隻生蠔先，蠔雖然無乜海水味，但係都偏少少咸，肉質飽滿肥美，仲要隻隻都一樣咁大隻！我地Total 叫左3次！刺身類一向都是放題的主打！三文魚雖然唔多厚，但食落好滑，有啲融化的感覺。吞拿魚顏色不是鮮紅，可能因為咁，食落無咁澀，幾爽口。帶子切成一粒粒細細粒，更易入口，但嚼感無咁強，帶子純白色，尚算剔透。因為無左壽司供應，所以餐單上比上次多左"壽司飯"，估唔到壽司飯的確只有飯:(得啲紫菜同少量蟹籽，無乜特別。但多左我愛的火鍋類，嘆住冷氣打邊爐是非常正！我地揀左豬骨湯底，豬骨味一般，配料都有好多豬骨，粟米，蘿白。我地叫左肥牛，雜丸，午餐肉，豆腐等，肥牛雪花的肥肉部份不多，顏色係鮮紅色，有少許韌，其他都不過不失。串燒方面，燒帶子是我的最愛，一串4粒，粒粒都有一個$5 Coin咁大！熟帶子有時會過於煙韌，有痴牙的感覺，但呢個係爽口的，燒物仲有汁淋係面，令帶子變得好Juicy。雞肉串也是一樣，本身雞肉已經嫩滑，加埋燒汁不單調左個味，仲提高左質素！雞翼就一般，偏細隻，唔打緊，放題黎的，叫多幾Round！今次再來，完全無令我失望！Good Job！…查看更多

因為上網睇過話係任食生蠔放題，而且亦有日式放題，雞煲同打邊爐，見好似幾抵咁，於是訂左位過黎食。本來想訂第一輪，但因為full左，所以訂左第二輪。一去到，原來係分幾間細舖咁食，座位逼，地方不大。由於我地唔係坐主舖，所以拎甜品/冷盤要行返過去主舖。首先當然要叫生蠔先。每次叫生蠔既數目根據人數而定，所以冇得寫要幾多隻。味道唔錯，滿心歡喜咁想再叫。結果等左20-25 分鐘，先至有第二輪生蠔送到黎。（筆者心諗：原來任食意思係要等20 分鐘先有？）喺等緊既期間我地都有食其他野。刺身真係好食既，鮑魚片大，有咬口。甜蝦唔係太大但都唔錯，都叫有口感。三文魚厚而且鮮，最鐘意食既都係帆立貝，大細適中，一啖過，正！雞煲按照人數計算份量，有得揀辣定唔辣，，我地揀左唔辣。雞煲味道濃，雞肉唔多骨，超好食！係略縑多左d 雞腳同雞爪 .....炸物最鐘意係大蝦天婦羅。大蝦係真係大既。炸粉唔多，重點係真係好熱，係新鮮炸，好好食！！食到咁上下，第二輪生蠔終於到！ 食完之後又係等左20分鐘左右，諗住問下侍應d 生蠔幾時有。果時個侍應先講d 生蠔賣曬！！！賣曬！！！！任食生蠔賣曬！！！！只係食左兩轉就賣曬！！！！！明明因為間舖以任食生蠔作宣傳賣點，可惜每人只食了2 隻生蠔就賣曬！ 確實係令人失望 ,.,,不過公道講句，野食大部分都好好食而且夠新鮮，只係差在任食生蠔賣曬，座位較逼，同埋食物選擇不多。…查看更多

睇中呢度有任食生蠔⋯價錢又同普通放題差不多⋯就黎試下～晚市分左六點半同八點半⋯Book 左八點半⋯黎到就即刻入得～舖頭位於商場既角落⋯細細地但都好多人黎食～坐低後當然要攞晒d order紙睇下有咩食～ 選擇好少～ 得5 6款紙～ 刺身叫多d款式⋯其他類別都係within 10款野食揀～比起其他放題選擇少好多～本身念在佢有任食生蠔份上⋯就冇咩所謂～反正都唔係主打熟食～Waiter仲話有雞煲送～要落左單先～ 有辣或唔辣～先嗌刺身同生蠔！勁快就到！超快～ 擺盤都唔錯～ 款式同我落既一樣～但數量師傅好明顯隨心😂😂😂 叫5隻黎左10隻～叫10片黎5片咁😂😂😂 生蠔大大隻望落好吸引！好貼心有埋叉提供～ 好肥美蠔身都好厚肉～食落只有淡淡海水味～ 但最大敗筆係有沙！第一輪食左2隻⋯之後叫多一隻～全部都有！朋友果3隻都有😵😵 之前食buffet兩個人加埋可以食廿幾三十隻⋯但今日隻蠔幾肥美都好⋯有沙就已經唔想再食🙈🙈🙈 本來為生蠔而黎⋯即刻sad左😞😞😞 見其他人好似冇呢個問題⋯我今日唔好彩掛🙈🙈🙈刺身一般～ 甜蝦同帶子叫可以encore～ 三文魚厚切但未夠肥美～ 鮑魚片同蟹柳未解夠凍🙈🙈🙈 榮螺平時出面好容易食到好鮮甜～呢度就麻麻😞😞食完兩輪刺身雞煲就到～ waiter放低後kum住蓋又冇話要等幾耐先食得就走左～我地等左一排先問⋯燶燶地添🙈🙈🙈 我地揀辣～其實都唔太辣既😂😂😂（我唔係食得好辣😝😝）有around十舊好細既雞～都好既～唔會搞到食飽左冇肚食其他野 😝😝😝 醬汁都幾惹味～ 仲有火鍋料揀可以加湯打邊爐～ 但見d配料好普通⋯加上燶左個底⋯所以冇加lu～ 前菜同飲品自助既～出去攞左d前菜～ 芝麻八爪魚正常野～ 右邊既唔知咩～ 好爽都幾好味 😋😋之後嗌左d燒物同炸物～ 完全冇漏單呢樣都抵讚👍🏻👍🏻👍🏻 燒鯖魚～比想像中大條好多！不過我冇食 😝😝汁燒牛舌～ 超厚切！係唔太夠味🙈🙈燒帆立貝～唯一一個食落口會即刻話「好味呀！」芝士年糕～唔夠煙靭🙈🙈鹽燒雞翼～食到炭燒既苦味～外表脆身肉質嫩滑～仲嗌左d冇影到相😝😝七味雞軟骨～ OK～蕃薯天婦羅～ 呢個都唔錯～ 蕃薯夠粉～炸粉唔會過厚👍🏻👍🏻炸帶子～正常野～甜品有雪糕⋯啫喱等～已經太飽食唔落🙈🙈地點唔算太方便～ 特登黎食生蠔😞😞 但有少少失望😔😔😔 唔值呢個價🙈🙈🙈…查看更多

如平時行旺角，想食吃日式放題同雞煲真的不難搵！但今日同家人行開新蒲崗嘅Mikki，突然想吃日式放題，家人又想吃雞煲，於是問問住附近嘅同事，他就推介呢到抵食夾大件嘅地方，每位$228 兩小時，重有生蠔任食！地方雖然沒有新場咁靚，但最緊要係食物質素！好食抵吃自然就有口碑！知我愛吃的同事推介這裡有日式放題同雞煲加打邊爐先吃刺身！首輪刺身船上放滿三文魚、生蠔、油甘魚、帆立貝！新鮮！生蠔爽口，三文魚肥美，帆立貝彈牙甜美！重有爽口串燒帆立貝，彈牙蟹肉讓蟹蓋，香脆炸魚片頭再一轉刺身生蠔，份量十足！一輪日式放題後，就叫店員上雞煲雞煲材料十足，嚿嚿都係入晒味嘅雞肉，一輪餓風後，再請店員加湯打邊爐！一晚三種食法！一個價錢！必吃午餐肉，丸丸，芝士腸...你食得幾多，個胃係唔會欺騙你！食到抱住個肚走！雖然唔係係一個新式商場，但店員服務及食物質素不錯，值得推介！…查看更多

放假放假走去行 mikiki貪佢人少少行得好舒服一田購物之外仲有幾間skincareInitial 我都岩心水順便約住喺附近嘅朋友食晚飯朋友就住喺新蒲崗廣場帶我地去食放題因為佢勁鍾意食生蠔赤山係任食果然係地頭虫好大隻刺身船生蠔真係幾新鮮賣相跟味道都不錯有淡淡的海水味厚切帶子都幾新鮮好有口感三文魚、油甘魚都很新鮮鮮甜冇渣叫咗幾款炸物當然有炸雞翼啦串燒即制蝦天婦羅很香脆可口最後原來仲送雞煲tim咁就抵上加抵雞件肉嫩又惹味雞煲頗有水準撈匀個煲每件雞都沾滿汁食完雞煲仲送火鍋任食食完雞~店員就會加湯KEEP住雞既香味可以打邊爐喇超多配料餐廳嘅飲品同雪糕都任食任飲裝修簡約平實坐位有d迫7點已經滿座睇得出大家都係街坊二小時密密食計落真係幾抵食食完飽到捧住個肚走 XD…查看更多

食左2次，價錢同食物都比想像好👍🏻啲生蝦好鮮甜😍😍只係生蠔就真係睇運氣，今隻得，下隻又可能爭啲。每次只可以叫人頭兩隻一次叫3隻都唔得😳同啲魚生厚切得太厚🙈🙈食兩舊都漏了。。…查看更多

去左新蒲崗探朋友， 朋友話去赤山日本料理食日式放題，坐低睇下有d咩食先， 點知個侍應問我地食雞煲定豬骨湯底打邊爐， 雞煲重有辣有唔辣選擇，朋友話這裡放題比較特別有雞煲或火煱可以選擇， 重有生蠔食嫁，諗下現在真係唔係好多日式放題點可以有咁多選擇。叫左生蠔、三文魚、油甘魚、蟹棒、帶子、 甜蝦、榮螺同蟹棒， 生蠔都算幾大隻， 但我最鍾意食帶子同榮螺好新鮮好好食， 刺生選擇都算多不過冇我鍾意食嘅吞拿魚。燒物同天婦羅都算多選擇， 個炸蝦天婦羅皮薄餡靚，鹽燒雞翼燒到皮脆內軟，仲有雞汁流出最後揀左個豬骨湯底火鍋， 火鍋配料選擇都可以， 最正係個海蝦同蜆，好先甜甜品有雪糕、沙律， 飲品選擇都有好多有紙包飲品童汽水。整體離計算平面加一兩位都係二百五十蚊左右、 可以滿足你三個願望食到咁多野唔係好多地方有， 有機會再去新蒲崗都會去呢間赤山日本料理食影左 隔離抬過雞煲， 都好豐富下次呢試下先…查看更多

今日去新蒲崗探朋友，朋友帶我去食一間日式任食放題！這間餐廳不是太容易找得到，是在一個小商場2樓，朋友告訴我，香港現在租金貴，很多做放題的餐廳已經不是給你高質素食物了，很多都是用金錢去交了租金，雖然餐廳不容易找到，但他常常去，因為他覺得食物好食，款式也很多 ！好吧，就去試試啦！＄228任食刺身，火鍋，生蠔，串燒-真的很抵！首先當然要點生蠔，油甘魚，三文魚刺身，它們是我的最愛！刺身很新鮮，也沒有雪味！生蠔大大隻，而且也有海水味！看到海報說如果三至六人在Facebook打卡，便可以送馬糞海膽一板！什麼，這真的是超級抵食！可惜只有我們二人，下次吧！
我也非常喜歡食串燒和日本熟食！試過他們的汁燒牛舌，羊鞍，鹽燒雞翼，也覺得非常惹味！羊鞍還給我食了三次😂我最喜歡的竟然是雞煲！雞煲超級入味，好像是在雞煲專門店食的一樣！可以選擇辣或不辣，雞肉超級惹味和嫩滑,而且大大鍋，一點也不吝嗇！現在出面雞煲也需要二百幾蚊一鍋，而我在這兒食，已經可以食到這種風味，再加上有刺身和其他日式食物，其實真的是很抵呀！還有，他們其實是可以再食日式火鍋的，但因為已經太飽的關係，所以今次沒有試！還有飲品，雪糕，少許前菜和甜品也是任食的！其實我見到有其他人的reviews，話沒有生蠔食，又覺得貴，我又覺喎！我覺得物有所值！唔通要$50任食先叫抵 ？ 我諗我不敢食太便宜的食物，我覺得食物夠新鮮已經足夠了！…查看更多