賞茶 (已結業)

買左戲飛同女朋友睇戲，但仲有一個鐘先開場，所以我地去左賞茶買野飲，貪佢有兩個corner比人坐低。我只有一杯荔枝蘆薈，半糖，少冰。$24蚊一杯都幾大杯，飲落有荔枝香又唔會太甜，不過飲唔出係咩茶底。題外話，原來屯門分店4月頭就結業啦，以後少左一個可以坐低休息既地方…查看更多

今日星期日，同朋友做完Facial後搵地方食下午茶，經過賞茶，見到佢除咗有米線之類嘅主食之外又有小食同吐司，所以就坐低幫襯喇。佢位置唔算多，好似cafe咁， 只有8-10張張枱，可惜冇人清潔枱面，只好自已動手。春卷豬扒卡邦尼芝士撈烏冬烏冬唔夠彈牙，不過有好濃郁嘅芝士味，豬扒唔算厚不過份量算OK，仲有嗰兩條春卷脆脆的，幾好食。芋頭奶茶，芋頭蓉唔算多，但係都啜到，不過叫咗少甜都係偏甜，奶茶正常。花生醬厚多士中規中矩，如果佢用粒粒花生醬就更加正。…查看更多

大鄉里又出省, 港島人的我, 平時真的好少出新界。為了約朋友而來到新界區的這天, 她帶我來食這一家。本來是沒有說要吃哪一家的, 本想著"看到想吃的就進去吃吧!"的心情, 但奈何假日的屯門市廣場真的很多人, 要搵餐廳有位都難。剛好很絕望的時候, 就看到這一家「賞茶」還有位置! 立馬就手刀跑過去坐下了。我們三人, 每人一個套餐。台式肉燥鹽酥雞排飯食台式的食物, 怎可能不點鹽酥雞啦!? 這一家的鹽酥雞炸得跟台灣吃到的很接近! 果然是台灣來的, 連調味都很台灣的味道。雞肉很嫩, 不會乾, 但沒有去到很多汁的那種。是中上的鹽酥雞。反而肉燥就有點令人失望, 因為太油了! 油到令人很不想去吃它...雖然味道是蠻好的。台式肉燥豬排飯豬排的調味也是很好, 有一點點的黑胡椒, 更香。肉質也很嫩, 好易就咬開, 一點都不乾。咖哩鹽酥雞翅併杏鮑菇飯咖哩有驚喜! 很好吃! 超級的惹味! 鹽酥的雞翅也好吃, 不過個人就覺得有一點點的乾身。但內裡肉質是很滑的。杏鮑菇就有點不好吃了, 因為太太太太太太乾!!!!好像是炸了很久或是放了很久的菇, 不好吃。大家都飲同一樣的飲品, 波霸奶茶! 要少糖不過還是很甜, 奶味有點淡, 不過還是OK, 順口的。整體滿意!…查看更多

早一段時間見有人讚過，於是臨歸家前就買杯試試。對上一次黎講緊已經係超過年半，時間過得真快。當時生意唔算好，我仲諗呢個位做得住嗎，今日再訪，發現呢個諗法係錯的，特別係週末，想喺屯市搵個位食飯都難，呢間都滿座架。下午茶時間都有少量人排隊買飲料，畢竟天氣太熱，眼見買黑糖飲料客人就唔多。餐牌分原茶、冬瓜、果茶、奶茶、奶蓋等，定價$17-28，可加波霸、仙草、椰果、胚牙等。而黑糖系列分鮮奶、奶茶，分別售$28/25，每日下午兩點起供應，話就話係期間限定產品。奶蓋黑糖波霸鮮奶 $28等候前面嘅客人拎左飲品後，店員先叫號，明明飲品已喺眼前沖好一段時間，飲料到手時杯底已是常溫，黑糖紋路亦已向下流。不過都冇相干，反正有佢嘅logo貼紙覆蓋。直接飲用一口，黑糖屬於甜，但唔香，味道唔持久；面頭一層奶泡仔，奶味反而頗厚、味濃，攪拌後基本上就係一杯奶，可惜一直飲都有顆粒感，兼有點似荳奶。珍珠約1/3，細粒偏腍身，有微弱黑糖味。口感唔夠煙韌，比較軟腍整體俾我嘅感覺還是一般般，不過眼見各間分店成品完全唔一樣，質素係點都要撞手神吧。…查看更多

話說某日老媽子罷工，同妹妹馬上決定叫美食速遞。屯門可以送的餐廳真的不多，價錢合理的更少。賞茶是其中之一。-明明是一家台式飲品店，卻兼賣食物，自然可以想像，不會是餐廳級數，大多是簡餐。煎豬排併腐皮花枝卷卡邦尼起司撈即食面配波霸奶茶 $48豬排正常,不硬已滿意；花枝卷default味,炸過香口；卡邦尼?不似,比較像白汁；起司不濃味，所以面變成最差的。波霸奶茶，珍珠還是軟的，算不錯。-不需太多技巧，簡單煎炸煮就完成，品質較穩定。炸物公仔面配珍奶，感覺很不健康，但邪惡的食物味道總是不錯的，偶爾食食還是可以的。…查看更多