賞茶 (已結業)

總共買咗兩杯 芝士奶蓋烏龍 烏龍奶茶之前都飲過正正常常，但唔知最近買嘅幾次都係奶蓋有沉澱物，口感好核突，似有一粒粒牛油嘅感覺，梅下會融嘅質地。似奶蓋嘅食材可能出現問題。奶蓋有顆粒感直接影響到茶都有顆粒感，成杯野好頂唔順。可以講話有啲核突，飲唔落。第2杯烏龍奶茶就ok，飲落去都好OK冇咩問題，一直飲開都係同一樣水準。奶蓋茶唔係第1次飲，哩個口感似係食材問題。以前飲都冇問題係哩幾個月飲就出事，希望可以跟進下。

前幾日行街突然好想飲珍珠奶茶，於是黎到賞茶買野飲😋佢地主打台灣地道茶飲，喺香港已經有十幾間分店，一於黎試試啦～🧋小時候波霸奶茶 $24✨奶茶味道香濃，入口好順滑😋飲落有淡淡堅果香，珍珠都夠煙韌～而且茶底不含咖啡因，大人細路都啱飲❤️-🍹黑糖奶蓋賞紅茶 $30✨第一次試黑糖奶蓋，味道都唔錯！飲落甜甜地，黑糖味好香🤤賞紅茶底夠清新，飲完都唔會覺得膩👍🏻🥣粉粿芋圓仙草凍 $29✨佢地仲有提供台灣小食同飲品，叫左款甜品試試～望落大大碗，好足料！粉粿好Q彈，有啲似啫喱🤣配埋芋圓、仙草一齊食，口感十分豐富❤️

✨賞茶 ✨ 賞茶係一間道地既台飲店，佢地既台灣好茶，甘醇天然。香港有超過十間分店。飲品選擇好多，實有款啱你。🌟小時候波霸奶茶 $24 台灣人小時候係夜市會飲到既一種味道，賞茶捕捉並帶黎香港，讓大眾品嚐。唔單止有堅果香，呢款茶底不含咖啡因，適合小朋友飲用，有時下晝飲都唔會有負擔而影響睡眠。🌟桂花烏龍蘆薈 $26桂花烏龍飲落比較清新，仲有啲蘆薈粒，如果唔想飲奶類都可以試下呢款，不過桂花烏龍只可以少甜。🌟粉粿芋圓仙草凍 $29係台灣道地甜品，佢提供咗三款波霸、紅豆同粉粿。粉粿同芋圓口感煙韌，不過有少少甜。🌟香酥芋泥卷 $20飲品加配有優惠。裏面係香軟芋泥，仲有滑滑蛋黃，炸到外脆內軟嘅口感，買野飲可以加配試下.📍賞茶 唐德街9號將軍澳中心1樓137A號舖

手工芋頭奶綠 (熱、微甜) $30 ⭐️⭐️⭐️💫我要微甜，剛剛好，3.5分，芋頭味是有的，如果有多一點芋頭粒會比較好，感覺料不太多。.要讚的是杯的插畫，好靚，好似藝術品，如果是膠杯的話，我會好想洗乾淨留起。除飲品外，也有甜點。粉粿是另一特色，配以奶茶都好特別，下次一定要試下。之前試過紅豆芋圓仙草凍，$25好抵，喜歡甜點的我好喜歡，都好飽肚，要留個位才吃得下，份量十分足。.服務方面不是差，同時亦可大大提升。

見到賞茶同Beans聯乘兩款甜品，先至知道賞茶有黑糖奶蓋嘅飲品🤭因平時多數飲冬瓜茶同波霸奶茶😳🍼黑糖奶蓋波霸奶茶 $33珍珠一如既往咁Q彈，有咬口，唔太黏牙🦷今次奶蓋唔同平時嘅鹹味芝士奶蓋，而係黑糖味頗濃嘅奶蓋，但奶粉味太重，似以前細個食茶凍配個種奶味，同埋一定要盡量少甜，如果唔係成杯就會超級甜😖下次都係會嗌返其他野飲🤫

經朋友介紹，試下呢間台式店，朋友非常推薦呢間既桂花烏龍，同埋芋圓仙草，其他小食都話值得試下。將軍澳呢間分店非常隔涉，響最入既位置，平時經過開都冇留意到間鋪。去到既時候，係平日既下午6:00左右，已經見到幾pair人坐響附近食芋圓仙草。今日淨係想飲野飲，又諗住加d口感，所以揀左桂花烏龍蘆薈。本身想要半糖，但職員話桂花已經係調教好，冇甜度選擇。飲落都幾好味，飲到桂花香，不過認真覺得蘆薈有影響杯茶既味道，令茶味冇咁出，反而有微微酸味。口感同味道之間抉擇，我會選擇桂花既清新味道。整體都算可以既。下次會試下佢d小食。

支持黃店，價錢唔貴，但質素有待改善。叫咗紅豆芋圓，只有一個字「甜」，紅豆太甜，甜到要飲水中和返。涼粉唔錯，芋圓有咬口，但食唔出蕃薯/芋頭味，成碗似糖加水有啲失望

將軍澳附近真係冇乜小食舖，去到將軍澳中心的賞茶，居然有小食賣，就試一試。叫左鹽蘇花枝丸，人不太多，但都等左超過十幾分鐘先有。花枝丸是即炸出來的，審上不少的鹽蘇，可惜即炸出來好似冇”鯨”油，好似一層油包住，然後啲鹽蘇俾啲油整到漿住漿住咁。不過好在花枝丸本身好好味，彈牙，有墨魚粒有咬口。Ps. 紙杯好靚

呢間新台式飲品店開左一段時間，最近終於有幾會試！位置上唔係太方便顯眼，要行到將中最入，係商務隔離，但係相當值得。已經去過好幾次，飲過桂花烏龍、奶綠、極品賞奶茶。每樣茶味都唔錯，但留意返佢味道比較甜，我會直接叫半甜或微甜。賞奶茶茶味有啲似天仁，桂花烏龍都好特別。今次仲食埋佢地啲小食，好正。係即叫即炸，新鮮熱辣。鹽酥雞啖啖雞脾肉，好juicy唔會太油。調味鹽唔會好重口味，好食又冇罪惡感。薯條都好食，粗細剛好，加上即炸出黎。仲有套餐可以買，舖位有兩張枱，可以坐低chill下。平日唔多人，環境相當唔錯。

將軍澳新開的台式珍珠奶茶舖(其實都開了一段時間)，夏天當然想飲凍冰冰的奶茶，因應未試過便決定試試。極品波霸賞奶茶（$24）珍珠比想像中好，有咬口味道亦有黑糖味，奶茶有茶味，$24一杯算中等價格，可以再試。

將軍澳不嬲比較少台式飲品店而家開多左間就黎試下啦甘岩佢做緊開張優惠 頭7天都有優惠甘我就黎試下啦我見到佢正常價錢都唔算平 所以期望都高甘我就叫左杯烏龍奶茶同波霸奶綠甘兩杯都偏甜我而家叫左75%糖都好甜 我諗叫25%就會差唔多甘烏龍奶茶 茶底好味 不過奶味就唔太突出 唔似用緊啲靚既奶 飲到烏龍陣茶香味至於波霸奶綠 我個人唔太鐘意佢啲珍珠 冇咩味 同埋偏硬左少少而奶綠既綠茶味都一如既往唔會太飲得出綠茶味 同普通奶茶差唔多不過佢甘既價錢 呢個質素有啲唔值下次黎既話會想試下佢既芝士奶蓋茶既