賞茶

營業中

休息中

.‼️❤️ 記得CLICK我PROFILE關注我呀 ❤️‼️.🤩 𝗦𝗶𝗽 𝗶𝗻𝘁𝗼 𝗦𝗶𝗴𝗻𝗮𝘁𝘂𝗿𝗲 𝗧𝗲𝗮 𝗝𝗲𝗹𝗹𝘆 𝗖𝗿𝗲𝗮𝘁𝗶𝗼𝗻𝘀 @ 🌟 賞茶《👽食神大媽愛飲嘢》.💁‍♀️ 圖中展示飲品為；Milk (UHT) Tea with Signature Tea Jelly HKD 34Milk Green Tea with Signature Tea Jelly and Pearls HKD 34Osmanthus Colong Tea with Aloe HKD 30Milk Tea with Brown Sugar Milk Foam and Pearls HKD 39.🥳 作為香港人點可以唔支持香港地道品牌「賞茶」？！每次經過都一定會飲番杯飲下。原來不知不覺，「賞茶」十歲啦！.😚 今次同朋友仔們經過太古分店，正當我哋一路望餐牌一路選擇困難症嘅時候，發現佢推出左全港首創嘅「紅茶粉粿」系列，當然要即刻試吓啦！.🧋 我哋叫咗「粉棵牛奶招牌紅」、「粉棵珍珠招牌奶綠」、「桂花烏龍蘆薈」同「黑糖奶蓋珍珠奶茶」。新出嘅紅茶粉粿真係非常之好味！好煙韌，但係又唔會硬，有紅茶嘅味道，又唔會過甜。同埋

【粉粿桂花檸檬】路過。一直好想知咩係粉粿。 唔想食糖水。唔想飲奶茶。唔想食仙草。有諗過問店員：「可唔可以一杯淨粉粿？」但佢應該會覺得我係度玩野。 竟然有一款飲品符合我今日的心情／要求。好飲。 酸味味。粉粿個口感有啲似仙草，但無苦味。杯野好開胃。

之前已經飲過好多次，今次終於記得影張相喇，因為想影張相放上嚟，讚揚一位高高瘦瘦，配戴眼鏡嘅男職員好有禮貌，女職員也不錯喔！每次飲佢嘅奶茶底，都唔會失望，另外，綠茶底都不錯。

天氣凍行街越行越凍，買杯熱茶暖暖身。叫左杯307茶王加珍珠。即使客人唔算多，但都等左約10分鐘先有，可能撞正新煮珍珠，不過都可以接受既。茶味香，入口有回甘，而且唔會轉眼即逝，茶底唔錯。配合黑糖煮既珍珠，兩者味道都夾。黑糖珍珠有咬口得來黑糖味慢慢滲出來，越咬越有味，配茶唔錯。不過唯一要挑剔就係份量唔算多，感覺吸2，3啖就基本唔太搵到珍珠，令到後半杯都基本係淨飲茶。整體來講可以算係幾好既茶飲，珍珠唔會甜到影響茶飲。

好好食，本身以為只會係普普通通無咩特別既糖水，點知比預期中既好食。聽人講佢d野飲幾好飲，下次會試埋佢d野飲。紅豆芋圓仙草凍 $26🌟🌟🌟🌟🌟成碗都好足料，比好多紅豆同仙草，芋圓就無數一碗有幾多粒，約莫十粒到。佢芋圓有三隻款，有蕃薯，芋頭，重有一隻係白色既，我都唔太知係咩味。芋圓都好Q彈，紅豆都係用糖水去煲出黎，所以都好甜，佢仙草就比較特別，平時食開既都會係有陣甘同少少苦既味道，但係佢首先係甜既，最後先會帶少少甘味出黎。粉粿芋圓仙草凍 $29🌟🌟🌟🌟🌟成碗都係好足料，比好多。芋圓同仙草頭先就講左啦，就講粉粿啦。本身唔知粉粿係d咩，以為係同芋圓差不多既野，點知原來唔同既，佢比我感覺有d似蒴餅，顏色啡黃，帶少少透明，比仙草甜少少，幾好食既。Ps 兩碗比較會中意食紅豆多d，可能因為我中意食紅豆啦。同紅豆果碗會比較甜少少，如果中意無禁甜既，可以揀粉粿果碗。

　行開吉之島買聖誕禮物， 行行下口乾即刻諗起康怡廣場既賞茶， 忍唔住買返杯波霸奶綠。 太古不嬲都少珍珠奶茶店， 特別係良心奶茶店。 原本叫左杯無糖奶綠加珍珠， 店員仲超級好心咁提我直接叫波霸奶綠其實一樣仲要平d～ so sweet!賞茶d 珍珠質量一向好穩定， 次次都keep 到好煙un好有咬口， 超級鍾意有咬口既大珍珠。 奶綠茶份量比較少又唔怕訓唔著今次個杯仲係聖誕節特別版， 好有節日氣氛， 期待新年會唔會出虎年特別版紙杯， 俾人打咭hehe

I have been wanting to try this restaurant out with a friend of mine for quite a while now. We decided to give it a go yesterday. I have heard good things about this place and after giving it a try, I have to say I am definitely not disappointed. I ordered a bubble milk tea and it was delicious! It was a perfect afternoon snack/drink. The service there was great as well and I did not have to wait long for my drink.

賞茶 A Nice Gift行街行到好口渴，就地搵咗間嘢飲鋪，仲要係黃店。 —————————————————————   1. 奶蓋綠茶💸$28叫咗徵糖，正常冰，唔係好多人，所以都唔洗點等，我第一次飲奶蓋係用唔透明嘅杯，我會好想睇住啲奶蓋嚟飲，佢個奶蓋奶味好重，應該冇加cream cheese，冇平時嗰種鹹香，但我反而更加中意呢個味，茶叫微甜就啱啱好，雖然睇唔到佢啲奶蓋，但我一路飲，就覺得奶蓋個份量有啲少，呢個有少少失望，但總結其實佢杯嘢係幾好飲。—————————————————————  📍賞茶 A Nice Gift太古康山道1-2號康怡廣場北座地下G13號舖

員工態度差唔係新鮮事，35蚊買珍珠奶茶， 珍珠賣晒唔卑換其他配料， 咁你無珍珠係我錯？ 點解我要on top加錢？？？？？加加埋埋42蚊買杯奶茶？？？ 咁點解你唔卑翻珍珠錢我？？？？what？？？

之前已經經歷咗一次我個心諗冇所謂啦都係買埋杯嘢飲就走 點知今日去買 個收銀態度又係勁差 雖然唔係話顧客就係上帝 不過都唔係奉旨要食個收銀啲脾氣 真係太誇張 講嘢又串又黑口黑面 唔知道經歷咗啲咩事不過如果真係要返工面對顧客嘅話 就唔該唔好黑口黑面喺度趕客

賞茶係其中一間又抵飲又多分店嘅台式飲品店，最鍾意係佢舖頭門面同埋隻杯嘅設計都十分之靚，好有心思，睇得又飲得🥳🥳呢度嘅珍珠有分普通珍珠同埋波霸系列，即係再大粒啲，咬落會更加有口感，如果鍾意珍珠嘅話一定要試吓波霸系列👍🏻👍🏻今日口淡淡，所以開開心心加個奶蓋，唔加奶蓋其實只係20幾蚊，一杯珍珠奶茶來講真係算中低價位。奶蓋都有分原味同埋黑糖，隨自己喜歡可以揀想要咩味，佢本身原味都已經有少少鹹鹹地嘅味嘅，加埋黑糖呢就可以多一層味道🤗🤗今日揀咗奶茶，想飲健康啲可以揀鮮奶茶，查底都可以揀要紅定綠，好個人化😊

香港都唔少分店嘅台式飲品舖由第一次飲已經好欣賞佢隻杯嘅設計次次都好鬼靚😍😍😍仲要不定期換下款以下係之前飲嘅時候遇過嘅款之前都係點普通珍奶多🧋但啲珍珠都有少許黑糖味而且只係$22同天仁茗茶都係爭$1但係佢大杯好多！！今次點左極品波霸賞奶茶雖然今年棵聖誕樹冇咁宏偉但我覺得都唔錯講返個味道賞奶茶比普通奶茶濃少少貴$2我覺得都可以接受🤤🤤另外佢有得加蘆薈蘆薈有少少蜂蜜味而且個人覺得同珍珠奶茶冇乜違和感賞茶另一個好處係佢真係比好多料次次飲到最後 都仲有珍珠淨今次就連蘆薈都有淨另一樣特別之處就係每張單都會有聖經嘅節錄都係不定期更新最近嘅如下😏😏😏極品波霸賞奶茶 $24加蘆薈 $4

我本身好鍾意飲賞茶既波霸奶茶個職員唔知係咪新來定係點我第一次飲珍珠水。。。完全冇味得個珍珠有味佢係咪冇落到奶茶呢⋯⋯因為疫情又唔可以即刻喺嗰度飲唔係嘅話即刻退又唔係住太古最衰

途經康怡廣場，原來地下個層變左咁多，多左好多不同既食店和飲料店。依家日日三十幾度，仲要帶口罩，最好就飲反杯消暑果茶。叫左推薦既極品波霸牛奶茶(半糖)同葡萄柚綠(少糖)，珍珠奶茶就同其他同類飲料差不多,水果茶就有驚喜，粒粒果肉，feel到用左好多新鮮果肉，清新得黎晤會好甜。👍🏻👍🏻👍🏻礙於疫情嚴重，我係買外賣反屋企先飲既。大家都要注重衞生，尼段時間就忍下避免係街飲啦！！身體要緊💪🏻💪🏻💪🏻💪🏻

天時暑熱本來想買杯凍飲。除了平時的選擇外，還有粉粿配黑糖檸檬及奶茶，夠特別。嘩，看到有台式甜品芋圓同粉粿仲有仙草凍，結果要了這個結合了這三種我的最愛的甜品😜😜粉粿芋圓仙草凍 $28裡面原來好滿料，正如名字所說，有粉粉粿、芋圓、仙草凍。仙草凍夠爽，特別適合夏天，粉粿煙韌，芋圓直程煙韌到有彈牙口感，好喜歡，讚👍..這個甜品足料，都只係$28，我覺得抵過其他珍珠奶茶系列飲品。推介。尤其如果你同我一樣喜歡煙韌彈牙如糯米的口感就相信會喜歡這甜品，又抵食。👍