賀苗記包點

賀苗記包點在元朗都算係幾出名，經常大排長龍，大多數人為既都係招牌生煎包，$20 有 3 個，價格親民，唔少元朗既學生街坊成日幫襯！聽聞一個好味既生煎包，皮薄底脆、汁豐肉鮮缺一不可。賀苗記包點既生煎包絕對稱得上係一個好味既生煎包，皮唔只薄，非常軟熟，而且個個生煎包既底都係煎到金黃香脆，個個生煎包一咬都爆汁夠哂汁豐，生煎包入面既肉餡鮮甜，新鮮出爐，熱辣辣，味道濃郁，口感層次豐富，一個人食 3 個生煎包好似都唔夠！…查看更多

見有好多YouTuber介紹過呢間小店, 我又係生煎包 fan, 今日入到元朗就去試吓呢間店嘅生煎包。唔同嘅店都有自己唔同嘅做法，我自己就比較喜歡發酵過嘅麵皮，會有種鬆軟嘅層次口感，包裏面要有爆汁嘅汁水。店舖是外賣形式，買了3個生煎包 $20。生煎包嘅size都幾大個， 但味道就比較令我失望，不是我喜歡的那種。麵皮似未有發酵過，包嘅底部煎得不夠酥脆， 包入面亦應沒放入湯凍, 所以不夠湯汁。但豬肉嘅分量和味道係ok嘅。…查看更多

話說呢間小店呢1，2年被雜誌所追捧，雖然有人覺得不外如是，但我自己就覺得好驚喜啦😆。位置上，如果特登嚟搵真係唔算易搵（當日係停車喺附近見到） ，鋪頭位置唔大，主打做外賣生意。店內的食品種類都唔算多，主打生煎包、鍋貼、菜肉包。今次嚟鍋貼就煎緊，趕時間所以就order咗2份生煎包啦。生煎包（$7/隻，$20/3隻）雖然包唔算大隻，但價錢嚟講算抵買（畢竟宜家物價好貴呀！）。生煎包的外皮煎到香脆，入口又唔會太油膩（外面好多都好油膩）。包的皮算係偏薄，好快就食到啖啖肉餡😋，肉質扎實，而且肉汁滿滿！加上味道上岩岩好，會好覺得味精，食落去就感覺好新鮮。小朋友好快就咁KO咗6隻😆！賀苗記 星期日至五 11am-8pm (逢星期六休息地址：元朗大陂頭徑14-24號福星樓地下2B號舖…查看更多

💬 好老舊嘅一間鋪仔，本身冇乜為意，後尾發現次次經過都有人幫襯😳，所以就試吓。佢得生煎包、菜肉包同鍋貼賣，我買1隻生煎包 ($7/1 $20/3) 試吓。皮薄少少脆之餘，keep到包嘅口感，而唔係成個皮都係脆、乾嗰種(有冇人明我講咩😂）。肉餡雖然未去到一咬落去爆汁💦，但都好juicy，而且好軟嫰！簡單啲講唔係好震驚嗰種好食，但小店嚟講都幾唔錯👍🏻…查看更多

有日想去食生煎包，見到呢間野都幾多人排隊老闆基本上係即叫即整，所以能夠確保食物嘅新鮮程度。冇耐食物就上左黎，我地拎上手個陣個煎包仲熱辣辣的。裡面包的肉都好大舊，而且仲非常juicy，咬開個下啲汁仲不停流出黎。想接都接唔切。此外，佢仲有鍋貼賣，價錢都差不多。如果下次再經過呢間小食店一定會幫襯，哈哈哈~…查看更多

生煎包（$20/3個）生煎包整體質素係中上，做到對生煎包既基本要求，每個都皮脆多汁，質素穩定，肉餡調味都正常，唔會太淡或太咸，整體性價比係高，經過值得一試！亦都欣賞店家可以一個個咁單買，見到一直keep住有人買，啲貨去得好快，應該會keep住整。…查看更多

賀苗記包點睇住去開，當時生煎包$5一隻，而家$7一隻，由最初冇乜人識，到而家假期門口通常都排隊等先買到，仲要開埋分店，提供早餐套餐，真係好厲害。而家佢哋主店主打食品包括生煎包、菜肉包和鍋貼，三種食品味道都不俗。先講生煎包，外皮金黃酥脆，內餡鮮美多汁，十分美味。菜肉包之前食過，記得餡料舊肉都唔少。鍋貼則是每一個都煎得金黃酥脆，內餡鮮美可口，恰到好處。雖然佢係外賣店，都不減外區人對佢嘅熱情，好多人都係買完，即刻企喺舖頭外的地方，立即享用食物。喺而家物價高企嘅時代，店家的價格算是合理。…查看更多

非常有名氣嘅一間小店！全間鋪頭正係賣三樣野，分別係生煎包、菜肉包、鍋貼。細細間鋪仔，但人龍卻源源不絕。✨生煎包 ($7/1隻；$20/3隻)半蒸半煎嘅方式整成！即叫即煎，熱辣辣同香噴噴！麵包咬落好鬆軟而底部金黃鬆脆。咬開肉餡飽滿，都幾新鮮而且會流少少肉汁，但覺得可以再多啲汁🤣 ———————————————————————🌼評分：5個🌕為滿分🫧味道：🌕🌕🌕🫧環境：🌕🌕🌗🫧性價：🌕🌕🌕🌕🫧回頭：🌕🌕🌕🌗…查看更多

朋友住元朗，介紹我食呢間嘅生煎包。見師傅密密包密密煎，新鮮熱辣，香噴噴，好吸引，就決定外賣三隻返去食。皮底金黃鬆脆，皮面軟硬度適中，裡面的豬肉肉汁味濃，肉質鬆軟，咬落去有少少汁，但略嫌唔夠多。店內仲有煎鍋貼和菜肉包買的，下次順路經過會買黎試下。整體來說，是值得一試的，性價比高，真的不錯。…查看更多

元朗抵食脆皮鍋貼包點 路過見到生煎包$20/3隻 又去試試 呢日大概7點去到 啱啱賣晒 佢哋即刻整 大概等咗15分鐘 keep住都多客人買.⭐️生煎包$20 3隻望到佢哋用咗半蒸半煎既方法所以包底做到脆底 包身都蒸得軟熟咬開肉餡飽滿 會流出少少肉汁雖然做唔到爆汁 但呢個價錢 超級抵食.#hkfunfoodrecord窮遊香港#hkfunfoodrecord_元朗.#賀苗記包點（元朗）地址：元朗大陂頭徑14-24號福星樓地下2B號舖.鐘意睇野食既朋友仔 記住幫手like分享 同撳埋右上鐘仔超感謝 你既支持🙏🏻一齊見證 我脂肪既成長.⭐️評分：味道：4/5環境：-/5服務：-/5抵食：4.5/5.‼️想睇更多資訊‼️ig/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #hongkongfood #吃貨 #食評 #增肥 #搵食 #食好西 #相機食先 #香港美食 #元朗美食 #麵包 #生煎包 #小食…查看更多

🤰🏻元朗掃街, 除咗食香蕉🍌煎餅↩️附近都有間深受街坊喜愛嘅中式包點小店🤫✨賀苗記 著名生煎包 ♨️新鮮出爐即刻啪返粒先🙊🔸生煎包 $7/隻 8/10包底煎得金黃香脆💛, 脆卜卜🤩～包身鬆軟, 豬肉餡調味適宜 juicy😽有啲肉汁, 但未至於爆汁type油膩感唔重👍🏻, 最怕食到成口油🥴🔸鍋貼 $15/3隻 7/10味道正正常常👌🏻如果鍋貼再煎香啲會更佳～💰價錢平又有質素, 經過可一戰🥳⚠️提提你: 分店逢星期六休息…查看更多

見朋友講呢間生煎包，於是試下。。咁arm 撞正佢剛出爐同煎好。。所以熱辣辣😁👍🏻.生煎包$20/3 隻好味度：⭐️⭐️⭐️⭐️入面有汁，但又未至於d 人形容的爆汁。。始終佢呢個係 包做皮的質地，平時出面爆汁款，見偏向小籠包果種質地～所以不同的😁😁不過呢個都唔差ge~.見師傅耐唔耐打開個蓋😁.生煎包， 鍋貼～新鮮煎好👍🏻.價錢平，味道都唔錯，所以都值得大家去支持下小店😀💪🏻💪🏻逢星期6 休息～…查看更多

入元朗掃街，揀平靚正既小食，呢間一定係排行榜十名內。暫時有兩間分店，據網上資料，呢間人流相對少，但因為即叫即整，落完單都要等十分鐘先有得拎。以呢個價錢，等一陣係可以接受既～生煎包味道ok, 熱到辣嘴，有d 肉汁，底煎到少脆，整體唔錯。暫時食過最好食既生煎包，仍係米芝蓮祥x記。…查看更多

見到都幾多人排隊食完香蕉仔之後就過嚟呢度買咗生煎包同鍋貼收工時間都幾多人幫襯20蚊三個生煎包幾好食見到啲人都買兩三份鍋貼可以不是正常未又唔係太差嘅個人覺得生煎包比較出色有肉汁然後都幾香鍋貼就正正常常普通煎餃味道下次有機會可以試下菜肉包…查看更多

今日7:00pm嚟到，佢哋好似就快收工，所以擺喺焗爐裏面嘅生煎包，相信已經係煎好有一段時間。咬開之後，完全冇汁！肉餡嘅調味係唔錯，包底都算煎得香脆，包身都算鬆軟，但就完全冇爆汁，係完全冇爆汁，絕對係完全冇爆汁！因為好重要，所以必須重複三次！見到網上不斷推介，唔同嘅KOL又出嚟吹捧，結果原來係完全冇爆汁！！！冇呀，包裏面一啲汁都冇呀！諗住入嚟元朗掃街擺佢喺尾門，結果中大伏！好彩，我都醒，淨係叫咗一隻包嚟試吓先，真係冇下次！…查看更多