27
8
1
港鐵將軍澳站 A2 出口, 步行約8分鐘
繼續閱讀
電話號碼
67020868
營業時間
今日營業
12:00 - 15:30
18:00 - 21:30
星期一至日
12:00 - 15:30
18:00 - 21:30
公眾假期
12:00 - 15:30
18:00 - 21:30
公眾假期前夕
12:00 - 15:30
18:00 - 21:30
以上資料只供參考, 請與餐廳確認詳情
有關餐廳
有關獎賞計劃
相關文章
2129 瀏覽
香港有很多新派日式居酒屋，日式料理款式選擇多元化，基本上你想得到的日式料理都有，種類之多，日本當地的居酒屋也及不上。歸根究底，香港的日式居酒屋其實已經超出居酒屋的範疇，更正確地說，已經是一間綜合日式餐廳。【賀天】也是其中一間。採用淺色木材作為主要裝修材料，加上天花的日系風格圖案，突顯了居酒屋嘅裝修風格。靠近門口一邊又有三間榻榻米個室，加重了東瀛風味。秋冬時分，如果碰巧室外有陽光、又沒有海風，露天長廊的座位區也是一個相當不錯的選擇。打開餐牌，差不多每款日式料理都有齊。雖然每種料理的款式選擇不多，但已夠花多眼亂，如果有選擇困難症，也要考慮一段時間才能決定。六本壽司拼海鮮太卷（$168）採用赤醋飯制作壽司，食材分別係三文魚腩、帆立貝、中とろ、火炙左口魚裙邊、熟蝦及油甘魚。壽司外型幾好，食材新鮮度及味道方面亦相當不錯，固然好吃過迴轉壽司店，亦好味過很多同級居酒屋。太卷的食材也不差，除了漬蘿蔔、青瓜及玉子之外，亦有其他魚生，但就冇必要地加入人造蟹柳，影響了太卷的級數。未試過在居酒屋吃過真正好味的日式拉麵，今次也沒有例外。鹿兒島雞白湯拉麵（$118）的湯底竟然呈現啡色，同雞白湯完全無法聯想有任何關係。飲一啖湯，味道唔夠鮮濃，偏稀身、唔可以稱得上為濃湯。味道方面，只有淡淡豚骨味、亦未算濃郁，更加嚐不到任何雞的鮮甜。總括一句，這碗絕對唔係雞白湯。麵條係幼身直麵，煙韌彈牙。流心雞蛋亦好味，蛋黃香濃；又有充足醬油浸漬時間，蛋白夠色亦入味。火炙叉燒卻是另一個失分之處，選用半肥瘦腩肉捲紥、再切厚件做成日式叉燒本來幾吸引，但入口肉質唔夠鬆化；而且只用火炙其中一面，反轉叉燒就會發現竟然沒有火炙另一面。雖然對叉燒味道影響未必很大，但就顯得餐廳處理未夠細心。拉麵還附有兩件鰻魚反卷。鰻魚味道一般，欠缺濃稠的鰻魚醬汁。江戶前天丼（$108）的天婦羅食材有兩隻海蝦、鱚魚、蟹棒、秋葵及紫菜；以天丼來說，這個價錢很抵食。當然，一分錢一分貨，蟹棒只是人造蟹柳；不過就用了較為貴價、像真度高的食材。蘿蔔蓉天婦羅汁分開另上，好處是避免弄腍天婦羅；但就失去了天丼的精粹：正宗天丼應該用特製的濃郁醬汁直接淋在天婦羅上面，這樣醬汁才可同時滲入飯粒內，才可以品嚐到真正的天丼。不如索性將天婦羅及白飯分開上菜，將天丼改名為變天婦羅定食更好。出品質素唔平均，拉麵唔好味，天丼中規中矩，壽司比預期中好味道 ⋯⋯ 太多選擇原來未必好！勝在價錢合理，只要揀啱菜式、又住在附近，都係一個開餐嘅好選擇！
繼續閱讀
將軍澳站近海皮好多餐廳揀但大都比較貴，賀天暫時仲係我最愛食的又食最多嘅日本餐廳之一（可以說是首選日本菜）地方：寬敞開陽（有室外方便帶狗狗人士）食物質素：高（新鮮魚生）飽足程度：10分 （尤其係中午抵食仲有茶碗蒸）優惠：100蚊一個印仔（5個可以當50蚊用）地點：商場地點雖不眾（其實好簡單將軍澳站A 出口向海皮直行差不多到尾，向右行入巷子就會發現商場）晚餐都有set 都唔算貴但就無午餐咁多選擇，午餐真係無得頂啊，勝價比特別高
繼續閱讀
第一次黎賀天呢間日本餐廳食飯，今次黎慶祝母親節🥰入到去之後到完餐，服務態度很好，店員都十分幫忙，安排咗榻榻米房俾我哋。環境舒適，都乾淨，同屋企人一齊食，感覺幾好👍🏻好有氣氛！食物黎講，都算可以啦。我哋無叫套餐，都係單點，4個人食最後埋單hkd$1700左右，比想像中貴。先黎嘅有2份前菜，餸下啤酒不錯👌🏻刺身同壽司算新鮮，價錢唔係貴，但質素比外面食的一般。我哋有叫到燒牛舌，反而幾岀色😛仲有叫和牛炒飯，我哋都覺得係全部食物入面最好食的🤣雖然有啲咸，但熱辣辣咁食，十分之好味😋
繼續閱讀
我今天去咗一間日式餐廳，試咗佢哋嘅三色刺身丼。這道菜式係由三種不同嘅生魚片，即三文魚、吞拿魚同埋甜蝦，配以白飯、海苔、醬油同埋芥末而成。首先講講壽司飯，我覺得飯的口感比較緊實，但有啲偏硬，可能因為我本身喜歡較軟身嘅飯，所以有啲不習慣。不過，飯粒都煮得恰到好處，不會太硬或太軟。至於生魚片，三文魚同甜蝦都新鮮，質量都好，而吞拿魚就有啲普通，質感有啲粗糙。但係，我覺得呢個菜式嘅優勝之處在於三種魚片嘅調味，因為唔會太鹹或太淡，食落味道平衡，而且加上啲芥末，更增加啲風味。不過，我都想提返意見係啱啱嗰啲配料嘅份量好少，只有一啖啖嘅份量，有啲令人失望。同樣地，醬油同芥末嘅份量都少咗啲，可能需要要求服務員加多啲嘅份量。總括而言，我認為三色刺身丼係一個不錯嘅選擇，價格合理，味道平衡，但啲配料同份量可以再加強啲。如果你係魚生愛好者，你可能會喜歡呢道菜。
繼續閱讀
唔知係咪因為坐室外，我哋點了一客爐端燒牛肉套餐，每隔五分鐘爐下面嘅酒精塊已經得返一點火焰，根本已經不能再煮食。食左一個鐘左右，已經無火左四次，每次要求更換都要等五至十分鐘先有人過嚟換。可想而知啲牛肉由浸油再吸返曬d油變成乜嘢狀態。仲要每次都只係肯換半塊酒精塊。我哋曾要求可否多一點酒精塊或大塊一點，唔使每舊肉都未熟又要再換，但待應卻無視。其中一次要求完更換後，待應掛住同另一張枱落單，完全忘記咗我哋既要求，直至要再襟鐘先有人記得。好啦，到第四次，同個待應反影想搵經理講吓個情況但完全冇理我哋。再襟鐘另一個女待應走埋嚟，我又問佢可唔可以搵經理傾吓？佢話今日冇經理。咁我就直接同佢反映個情況，話俾佢聽啲火根本就唔夠力燒啲牛肉，每嚿肉未燒熟已經要換酒精塊。佢竟然答我，呢啲爐端燒碟傳熱係冇咁好。真係激死！講緊嗰火嘅問題，佢答我隻碟！人哋個設計原本就係可以燒熟啲牛肉，只不過係佢個火力唔夠，又遲遲唔更換先會有咁嘅問題！跟住個待應仲要話其實佢已經問咗同事，嗰幾次更換既時候，都仲有火。我答佢，火柴咁大嘅火吖嘛，點燒呀？！啲肉已經完全冇晒反應，完全唔係喺一個煮食嘅狀態！佢講左句唔好意思就走左。個時我d 肉都未食曬，但已經又冇火啦！即係第五次冇火啦！咁我哋唯有埋單，真係唔想再食啦！啲牛肉咁樣煮法真係好難食。亦都唔想再等佢慢慢換。我心諗，食大家樂雜扒餐鐵板上仲好過佢！起碼人哋啲肉係燒到出煙先！我食成餐啲火細到燒啲肉都冇出過煙！個女侍應再走埋嚟，送咗一件芝士蛋糕比我地話唔好意思，但我哋完全冇掂過。啲服務態度咁差，真係送乜比我都唔想再食！題外話，叫左兒童餐，裡面既明太子竟然係有辣味既！另外叫左串牛舌亦係咸到不得了！無下次！
繼續閱讀