貴香園

營業中

休息中

好似好耐無幫襯, 今晚過來太子, 忽然想食, 不過真係有一定客人, 所以查實都坐得幾迫😅之後望下餐牌, 叫左酸辣紅薯粉最少辣, 加左通菜韭菜餃🥟同豬軟骨🐷, 再加凍🍋茶走甜少冰, 等左一陣凍🍋茶先到, 係真係走甜變左無乜味😅, 係勁凍的冷氣機底下, 立即要找圍巾😂再加上凍飲就更加覺得凍, 再隔多一陣送來紅薯粉😋, 飲啖湯先, 熱辣辣好味👍, 果然品質保持到, 不過就無乜酸同辣, 紅薯粉都比得幾多, 食落去煮得剛剛好👍唔會要太花時間去咬先食到,有其他好多款配菜, 食落爽口開胃, 通菜好嫩,浸左湯就更加好食, 豬軟骨🐷有些三大件, 炆得好淋, 味道唔差, 但佢依個豬軟骨🐷食落感覺有d油膩😆, 但可以接受, 之後食韭菜餃🥟外層的餃皮厚左dd, 但入面饀料幾豐富, 咬開見到入面好多韭菜, 食落勁香👍之後見其他客人食撈薯粉, 都有興趣試下😍

喺旺角行街，見到呢間貴香園點咗小鍋酸辣米線，可以加好多配菜。最鍾意加生菜、瘦腩肉、豬軟骨、豬耳，上嚟一大碗，食得好滿足夏天唔怕熱，冷氣夠晒凍米線軟糯，肉又入味，酸辣湯底好開胃！Tips：所以座位好逼，搭檯好正常只收現金只收現金只收現金！！！💰

📍環境 & 地理位置：貴香園其實位置上算方便，都近地鐵站嘅，不過呢度長期都排曬長龍，尤其係午市同晚市繁忙時間，想食預左要等下位。舖面細細，座位逼夾，走廊窄到拎住個袋都難轉身，搭枱係必然嘅，如果想靜靜哋食餐飯嘅就未必適合喇。 🍜雞絲豬膶雲南米線：小鍋米線係貴香園必食，湯底有酸辣、麻辣、沙嗲等等畀食客揀，辣度今次試咗小辣，湯底酸度夠勁，辣度溫和，仲有少少肉碎同炸蒜吊味，飲落唔會死鹹，食完都唔算好口渴。 🐔雞絲：唔係一般嚡烚烚咬唔到嘅雞胸絲，而係似手撕雞個種，都有keep到少少嫩滑，份量都幾多，撈埋湯索曬汁一齊食都濃味！ 🐖豬膶：算係厚切風格嚟，煮得剛剛好，唔會太熟變硬口，咬落去仲有少少粉，湯底關係食落完全冇覺得有腥味，叫做過關喇。🍜米線：煮得啱啱好，煙韌彈牙，唔會太淋或者好易斷開一截截，掛湯能力一流，每啖都食到湯底嘅惹味。 🌟總結：貴香園嘅米線水準保持到，湯底夠濃郁，雞絲同豬膶都合格，算係旺角區高性價比米線之選！不過環境真係逼夾，服務就睇彩數，繁忙時段可能會有甩漏。唔怕排隊可以一戰。

今天去了旺角的金魚街買魚，順便先在那裡吃了午餐選了一間雲南米線吃-貴香園。😍😍😍😍😍😍😍😍😍😍真的好多人排隊，我自己都要等大概六七個才可以進去,點了一個小小辣加韭菜餃還有五花白肉，我已經很久沒來這一家吃了，他的味道還是很好吃很香很濃，難怪那麼多人排隊，價錢也很合理，我點了整個套餐才要$58，所以才是他排隊主要因素，便宜又好吃😋🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰

呢間鋪係排隊小店，我大大話話幫襯咗起碼十年，幾時想食都會特登搭車去食，我貪佢同南記、譚仔唔同，酸辣湯底夠濃夠味，嗰陣啲豬膶仲好大塊，炸魚蛋係另上，特別好食。仲記得疫情嗰陣我都keep住有幫襯 …我IG仲成日post佢地啲相添。呢排係少咗去，尋日再去返，唔知點解整體感覺好差。🙁首先，間嘢其實不嬲坐得好迫，走廊只夠一個人出入，如果你拎住一袋二袋就勸你唔好去食喇——因為無位俾你擺嘢，我尋日就係攬住個袋攬住件褸好辛苦咁食（因為坐得太迫+又熱+焗住同成餐飯無停過用鄉下話bilibala嘅優質食客搭枱），然後發覺食完見佢地抹枱係乜都掃落地下 🤢。講返食物先，我食親米線食嚟食去都係膽拖豬膶+韮菜，或者再加魚腐三個餸，尋日去食就唔知道佢地無魚腐，我就揀咗竹笙，跟手凍奶茶少甜。碗嘢嚟到…咦？點解我額外加嘅韮菜都係得幾條鋪响面？我問佢：呢啲韮菜少到呢！仲衰過配菜喎！佢之後就烚返一碗韮菜俾我…咁…咦？啲豬膶呢？以前係一塊塊撻响面架喎，而家呢？搵下啦，湯入面碎濕濕的確係有幾塊嘅… 😒杯奶茶唔駛講啦…有啲似我屋企飲剩兩啖奶茶跟住拎隻杯去浸咁樣囉。咁樣嘅用餐體驗，盛惠$71蚊…仲要，我發現我已經唔係佢哋嘅「目標客

喺旺角嘅話有時唔知食乜，又想食米線，第一間就諗到貴香園，酸辣湯底一如既往咁出色，唔會太鹹，瘦腩肉嘅腩肉瘦得來唔會好韌，豬軟骨亦都好軟腍腍，午膳時間去食要排隊，不過自己一個人就比較方便可以搭枱唔使等太耐

本身係見到有人推薦呢間米線先去食（因為本身好中意食米線）但其實係唔知食左啲咩應該係普通正常既米線吧（？）一入去我地三個人被安排坐左係最入嗰張枱米線一送到黎 只係食左一啖我就瞄到旁邊個櫃就爬左隻小強出黎已經淨係想即刻走但又已經食左幾啖 就快快手食多幾啖就埋單走（坐喺我哋旁邊嗰個 見到呢個情況都用最快嘅速度食完走咗）所以我都唔記得左個米線係咩味一到望住佢爬一直怕佢跌落黎咩味都冇下次😵‍💫😵‍💫😵‍💫

呢間上網見推介佢沙嗲湯底 去試試6點幾都差唔多坐滿 過一陣就full左menu都係同其他米線鋪大同小異小鍋米線、薯粉、涼皮都有沙嗲湯米線 ($32) 配雞絲 ($8) 鮮蝦雲吞 ($9)勁大碗 沙嗲湯未去到勁濃郁但又唔會好漏沙嗲味岩岩好 唔辣 有好多炸蒜 好香雞絲唔係平時一絲絲好嚡嗰啲係一片片都幾滑嘅雞絲 仲要都幾多雲吞有三粒 每一粒入面都有蝦 唔錯米線都唔會太軟 口感啱啱好😎整體真係幾好食又抵食👍🏼

同一條街有幾間都食小鍋米線，比較下感覺這一間較有特式。果然沒有選錯。最愛小鍋米線的我，最愛當然是小鍋本身已包肉碎，很多餐廳也不包肉碎，但這間不用另外再揀肉碎一餸，今次我揀了小辣，小試牛刀，辣度適中，下次應該可再揀高1-2度辣度；湯底夠熱夠濃，明顯是煮滾後再上枱，熱乎乎，很有誠意。另外也加配了豬腸及雲吞。很足料，夠晒份量，每舊豬腸也厚厚的；雲吞也有三粒，絕無欺場。下次值得再試，每碗水準之作，怪不得平日晚上也經常滿客。

旺角正宗酸辣粉面 舖頭細 姐姐有人情味今次點都酸辣湯中辣 配上韭菜餃 廚師推介🐟魚角 🥬生菜 每一碗酸辣米線湯底都有一啲芽菜 肉碎 佢嘅酸辣湯易入口 唔係死啦 湯底偏甜 食晒成碗面都唔會覺得太重口味 韭菜餃好大粒 入邊都好多餡 餃子皮厚度適中 都唔會煮到爛晒 魚角就比較薄 有魚肉味 口感偏甜 有四片 份量都足夠 生菜份量反而比較少 最後就係米線煮得比較軟身 如果鍾意食硬身少少嘅 記得落單時提醒 另外湯底嘅芽菜好爽口 份量都比較多 唔鍾意食嘅記得叫佢走芽菜

貴香園比其他連鎖既好食好多🙈🙈今次食左個瘦腩肉酸辣撈紅薯粉小辣=譚仔2小辣如果食唔到辣既記得叫小小辣窄醬好好味，而且係食得出既肉碎，唔係肉醬撈埋薯粉都好夠味瘦腩肉有少少辣，食落好野味😋😋雖然瘦但都唔會好柴不過舖頭比較細，大部分時間都要等位同搭枱。

又嚟encore依間貴香園🤣一樣平日嚟食係好多人好迫～今次好彩坐咗個闊少少嘅位🤣🤣因為兩人一男一女都唔係好肚餓~所以嗌咗一碗米線加一個小菜😃麻辣湯底🌶️我就鍾意呢種麻麻嘅感覺☺️👍🏻炸鮮蝦雲吞🦐都唔錯，會想再食😙鍾意食韭菜餃嘅人，可以嗌依個餸😙兩個人本身飽飽地嚟食，圍返$50一個人💰好味又滿足💛😛俾埋餐牌大家睇吓～下次再試其他🤤

放工同朋友黎食貴香園！座位都幾迫，本身坐咗個好入嘅位，大小小嘅袋都冇位放～後尾侍應姐姐見前邊大少少有位轉左我哋過去～同放工時間勁多人好爆場😯好多人但今次7點幾入去咁岩即刻有位😁嗌左個沙嗲湯底米粉，配蘿白、響鈴同粟米餃🥟朋友介紹沙嗲湯底，話次次嚟都係嗌依個！個湯底又幾好食😋湯底夠熱，但啲餸就要浸下啲湯熱返先♨️🙂‍↔️🙂‍↔️朋友個碗冇依個問題～粟米餃都唔錯😆啲餡夠實！今次食嘅粟米餃喺餐牌上有讚好～會再encore!😁

貴香園，位於旺角西洋菜南街216號地舖。 餐廳主打雲南酸辣米線， 見到好多人都話好食， 我又過嚟試下。晚餐🥢 ～ 酸辣雲南米線，牛腩，豬大腸，龍蝦丸$59、 酸辣雲南米線豬潤，粟米餃$50、 涼拌秋葵$25、凍檸茶&$8、凍華田$8。   ▪️酸辣雲南米線，牛腩，豬大腸，龍蝦丸 ～ 湯底點了微辣，好啱口味， 牛腩偏硬， 豬大腸好正。 ▪️酸辣雲南米線豬潤，粟米餃 ～ 豬潤口感嫩爽，粟米餃的皮太厚，但湯底加米線真係好惹味。 ▪️涼拌秋葵 ～ 秋葵明明是點了涼拌，到的時候是熱的。 ▪️凍檸茶 ～ 凍檸茶跟酸辣雲南米線是絕配， 開胃解膩。 ▪️凍華田 ～ 明明是點了熱華田， 但來了凍華田， 不過都算了。 整體米線的湯底是不錯的，就是落單的姐姐冷熱不分了😅。 🏷️溫馨提示～ 整個用餐體驗均屬個人分享意見， 只作參考😊。

作為一個酸辣粉愛好者，今次就黎貴香園試下，星期日去真係好多菲傭🙈呢個可以話係旺角好食小鍋米線，有時都要排隊但唔太出名😗 旺角有好多米線，連鎖嘅但呢間小鍋米線最地道又足料，仲有涼皮可供選擇，鍾意雲南米線/涼皮嘅要試下呢間小鍋米線好足料，酸菜、芽菜、炸醬肉碎、韮菜、腐皮、辣椒碎，夾埋好好食，一定要有少少辣先食得過隱，帶到鮮味🤤啲餸份量多；腩肉小辣，厚身，啖啖肉加少少肥好正！冬菇都好大粒，厚，一啖都食唔晒，亦燉得好入味。🍴雲南酸辣米線(中小辣)：$44📌貴香園🍽️旺角西洋菜南街216號地舖