貴緣小鍋米線 (和富)

最近試咗北角一間米線小店，今次試咗兩款招牌米線，整體有驚喜，同大家分享下～🍴 特濃新鮮蕃茄湯米線（雞肉絲+生菜+蘿蔔）$65 ⭐️⭐️⭐️⭐️湯底真係夠濃郁，飲得出用新鮮蕃茄熬製，酸甜自然，帶微微辣勁，好開胃！雞肉絲撕得夠幼，吸晒湯汁好入味；蘿蔔煮到軟淋，清甜無渣；生菜爽脆，加埋一齊食口感豐富。$65 呢個價錢算合理，蕃茄控可以一試！🍴 元祖金酸魚片濃湯米線（炸魚皮）$82 ⭐️⭐️⭐️⭐️金酸湯同一般酸菜魚湯唔同，酸得嚟溫和，帶少少香料香，唔會太刺激。魚片份量足，嫩滑無骨，追加嘅炸魚皮浸湯後半脆半軟，吸盡湯汁好過癮！如果鍾意酸辣口味，呢款值得一試～🍴 巴蜀狂惹雞翼 $29 ⭐️⭐️⭐️雞翼即炸上枱，外皮幾脆，蜜糖同黑椒嘅配搭算惹味，不過肉質未算好Juicy，可以再改善。如果鍾意香口小食，都可以試下，但未算必點。📝 總結* 蕃茄湯米線係必試之選，湯底真材實料；* 金酸魚片湯適合鍾意酸辣但唔想太重口味嘅人；* 雞翼中規中矩，可以一試但未算驚艷。
整體嚟講，小店湯底用心，米線質素唔錯！.............................. 貴緣小鍋米線 (和富) 地址📍: 北角和富道21-53號和富B樓B15-16號舖總評分: 8/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️ …查看更多

今次想介紹這間位於北角的米線小店，這是一間近來我的米線的新寵，店舖的賣點是湯底無味精，啱晒我這個喜歡食米線又喜歡飲湯底的米線控。🍲🤩👏🏼這店同樣也是先選湯底，再追加配料，滿足個人口味偏好。😋🍜特濃新鮮番茄湯米線（$68），湯底以鮮番茄熬製，加入少許辣度，酸甜中帶微微辛辣，味道超夾。在配料方面，揀了魚肉春卷、雞肉絲和白蘿蔔三款配料。一絲絲的雞肉絲撕得很幼細，浸在番茄湯底很開胃美味。白蘿蔔煮得軟腍入味，平衡了整體口感。 🍅🍜豬骨鮮濃湯米線（$61），豬骨湯是用上新鮮的豬骨熬製，其湯底仲可以選擇濃度，店員推薦「5分濃」最適合一口飲晒碗底。這款米線配料選了肥牛、炸響鈴和貢丸。幾值得推介就是炸響鈴，吸滿湯汁後變得超級入味。🐖🦴🥓烤豬仔骨（+$38），這是今期期間限定的新產品，豬仔骨的肉質較為實淨，整個表面調滿了孜然和麻辣粉，充滿了川式風味。咬開時微麻微辣，味蕾也有相當過癮的衝擊。🍗🐷貴緣雞絲火山（$29），雞絲的份量也很多，加入了辣粉，放在雞絲底下就是酸蘿蔔，清爽又開胃。🌶️🐥…查看更多

呢間小鍋米線喺土瓜灣好出名趁住放假 去北角區探朋友先發現和富開咗新店 而且坐得仲舒服舖位喺商場裏面 keep住都滿座餐牌跟以前食開差不多最吸引就係酸辣湯底和金酸湯底食材選擇多 價錢合理用QR code單 好快就上菜//招牌酸辣湯米線配秘製腩肉(微辣),滷水大腸,豬紅 $65//一定要叫酸辣湯底 真係keep到水準酸感較強 又唔會好鹹 腩肉切得較碎 但煮得好入味微辣腩肉跟湯底好夾 而大腸和豬紅的份量也多//青花椒麻濃湯米線配魚肉春卷,肥牛 $58//另一款比較推介係青花椒麻濃湯無論川式台式都好多青花椒味唔會好實辣 但惹味而後勁較強魚肉春卷較淋身 肥牛也多//巴蜀狂惹雞翼黑椒味 $29//小食的價位好抵 平均30蚊入都有我地叫左巴蜀黑椒雞翼 共5隻煮得入味 又唔會太乾或太淋身雞翼也大隻 值得一試//蒜泥白肉肉 $28//蒜泥白肉同樣份量都多調味唔會過辣或過鹹蒜味好香 肉質肥瘦均勻//可樂 $8//另外加左汽水 食得開心既一…查看更多

✨北角和富「貴緣米線」一向人流多、生意好，今日嚟開呢頭梗係唔可以錯過。這裏餐牌有很多選擇，湯底都有幾款，而且不含味精，湯都可以飲埋落肚唔會頸渴。***** ***** ***** ***** *****招牌酸辣湯米線🍜湯底5分濃滷水雞翼冬菇王滷水雞翼軟腍腍，非常入味，所以我每次都會加呢個，湯底保持水準，非常惹味。招牌酸辣魚片米線🍜另外魚肉春卷酸菜魚米線真係超正。巴蜀狂野雞翼🐔這個做法雞翼口感非常Juicy，面層有少少甜味，實在令人開胃。最後叫埋支裝豆漿，非常滿足。…查看更多

適合一個人靜靜享受一碗熱騰騰的米線，也適合與朋友小聚，分享美食的快樂。這次點了招牌酸辣湯米線，選擇3分濃的湯底，味道恰到好處，酸中帶辣，微辣的口感讓人胃口大開。特別要求走芽菜，加入辣筍絲增添脆爽口感，酸辣湯的濃郁與筍絲的鮮香完美融合，讓每一口米線都充滿層次。米線軟滑有彈性，吸附了湯底的精華，令人滿足。另一道試了元祖金酸魚片濃湯底，搭配米粉，湯頭濃郁卻不膩，魚片的鮮嫩與湯底的酸香相得益彰。去掉芽菜，加入冬菇皇、札肉、金菇菜和蕃茄，配料豐富多樣，冬菇皇的鮮甜、札肉的軟嫩、金菇菜的爽脆以及蕃茄的微酸，讓這碗米線吃起來既豐富又均衡，每一口都是驚喜。特別值得一提的是新品川味藤椒魚皮，魚皮炸得酥脆，帶著藤椒獨特的麻香，作為小吃別有一番風味。點了一份走蒜油的菜心，清爽的口感正好平衡主菜的濃郁，讓整餐更顯和諧。…查看更多

‼️ 大 角 咀 米 線 ‼️ ️·①［ 特濃新鮮蕃茄湯 米線 （ 小辣 ）+ 秘製豚肉（微辣）+ 炸醬（微辣）// 酒煮醉香鮮雞湯底 米線 + 需要辣椒油 + 魚肉春卷 // 蒜泥白肉肉 // 蒜香醬油雞翼 ]| 兩個湯底 個人比較喜歡 「 特濃新鮮蕃茄湯 米線 」 ૮(˶ᵔ ᵕ ᵔ˶)ა 🍅湯都偏濃，同埋好𝐦𝐚𝐭𝐜𝐡 個辣度的！豚肉幾彈口但 炸醬有少少咸。「 酒煮醉香鮮雞湯底 米線 」 都好多雞～酒味係堅出，👦🏾就比較想酒味淡返啲就𝐩𝐞𝐫𝐟𝐞𝐜𝐭「 蒜泥白肉肉 」嘅蒜就有少少辣的，好香口「 蒜香醬油雞翼 」 係凍食，蒜味重。｜𓋪7/10•貴緣小鍋米線 (大角咀)大角咀櫻桃街38號西九匯2樓205號舖 #貴緣 #貴緣小窩米線 #guiyuansiuwokmixian #米線 #北角美食  #美食推薦 #香港好去處 #小鍋米線 #米線關注組…查看更多

喺米線關注組見過好多人推介呢間店嘅米線.係咪真係咁好食啊?今次就同同事一行8人去試!間店唔係好大.平日Lunch time嚟食要等下位.我哋分兩張枱, 等咗10分鐘左右啦, 就可以入座.招牌酸辣湯米線 - 蘿蔔 & 豬軟骨 (HK$54)米線有幾款湯底選擇.酸度、辣度、配料同米線嘅軟硬度都任你揀!第一次嚟, 梗係要試吓佢個招牌酸辣湯啦.餸方面, 我叫咗蘿蔔同豬軟骨, 兩款都係呢間店嘅推介.蘿蔔清甜冇渣.如果再入味啲就更好喇.豬軟骨勁大嚿.炆到好腍好入味.呢個真係要試.除咗啲餸, 佢個湯底都值得一讚.佢標榜係大量豬骨新鮮熬製, 冇加味精.講真, 飲完佢啲湯真係唔會覺得口渴.湯底酸辣度平衡, 亦唔會過鹹, 真係幾好味嘅.整體嚟講, 呢度嘅米線幾好食, 起碼個湯底好味得嚟唔會好濃味.但係唔係好味到想食米線就會諗起佢呢?我又覺得未至於.但以呢個價錢同質素, 絕對值得再encore!…查看更多

平時諗唔到食咩米線就係我嘅Comfort Food🩷係簡單樸實嘅美味😀呢間最大冇味精湯底既米線真係好有質素😊 配料豐富而且湯底真係好正值得一試😍⭐️ 酒煮醉香鮮雞湯底紅薯粉 🐔醉香雞湯底果然係真材實料💛 絲絲既酒香配上雞湯好暖胃🥂入口又唔會太哽好溫和🥹雞肉份量豐富唔會太肥恰到好處😎⭐️ 招牌酸辣湯米線 🍜招牌嘅酸辣湯調味真係好唔錯🌶️酸度辣度同香料嘅平衡啱啱好🌾好有雲南嘅風味但係唔會太重口味😙揀咗肥牛魚肉春卷同炸魚皮🐮吸收曬湯汁好滋味⭐️ 巴蜀狂野雞翼 🍗用上巴蜀香料同埋芝麻調味好入味🤍作為小食啱啱好👍🏻⭐️ 大漠烤豬仔髀 🍖孜然嘅香料好有大漠嘅風味🏜️啖啖肉嘅口感好正…查看更多

7/9 大約20:30入店，得知21:20會打8號風，一入舖我先生就問「你地閂門未呀」，有個員工答「應該未嘅」。我地坐低嗌野食，大約5分鐘上齊三個米線，食左大約15分鐘，樓面當正已經收左工咁，自己電話播住啲大聲music,夾雜住舖頭自己播music，成個環境係吵雜到講唔到野呀，我地都算啦。當我先生食到2/4碗麵嘅時候，樓面同我地講，可唔可以埋左單先，我地都體諒你要收工埋數，起身行出去俾錢，搞掂坐低繼續食，5分鐘後，成間舖頭熄晒燈，熄晒冷氣，當其時我睇時間，嗰陣時係21:00。我先生食緊麻辣米線出曬汗。只能食多兩啖就走。我地附近街訪，周圍食過咁多舖，未試過俾人咁樣對待。當我地過街老鼠咁，又要做我地生意，利用完即棄，生意唔係咁做。碗麵有幾好食都好啦，以後唔會再幫襯！！難怪我地8:30入黎個陣先得一兩臺客，終於明啦。…查看更多

佢係我係和富咁多間餐廳入面，食完一次後，會再去食2 3 4 5 6次嘅餐廳，湯底冇味精，可以成碗飲晒。個人唔係好食得辣，所以會揀唔辣嘅湯，豬骨濃湯同埋蕃茄湯底都好食，小朋友亦都鍾意，材料加到成碗都係，都係$100-120，夠飽！用手機點QR code攞餐後，上菜等一陣都好快就嚟到。跟餐加錢的炸魚皮細細份都幾好，不過要盡快食，放耐咗一陣，可能吸咗空氣嘅水份，就變咗冇咁脆身，淋咗啲。另外魚腐、魚片頭、豬大腸、仲有豬軟骨都好好食，豬軟骨係每次嚟都會嗌嘅食物，炆得好腍又夠入味。見到隔籬枱嘅酸辣魚片湯都唔錯，又好多魚片，而且魚肉都好嫩滑。…查看更多

第一次食 價錢同食材完全唔成正比 酸辣唔酸 芽菜多過米線？ 完全唔好食🥲 失望 又貴 如果唔係附近冇咩食米線既餐廳真心唔會揀 而且中午繁忙時間都要排隊 🙃好似得個辣字咁 唔夠香 …查看更多

今日經過北角和富商場呢度，食咗佢哋嘅貴緣米線，自從佢哋喺紅磡搬咗過嚟之後一直都幾鍾意佢哋嘅新舖，非常乾淨，但係味道都係依然咁好青花椒麻濃湯米線🔥🔥湯底麻香濃郁，中小辣適中帶麻感，特登加咗多蔥加倍香氣，豬軟骨軟腍有膠質，手打魚腐嫩滑，冬菇皇鮮美，紫菜清新又有健康感，整碗配搭豐富，湯底唔會話飲到好口渴，而且麻味十足💪💪招牌酸辣湯紅薯粉🥒酸辣味夠勁，多酸多湯超開胃，紅薯粉滑順彈牙，手打魚腐同冬菇皇帶來豐富口感，札肉鮮嫩富肉味，幾鍾意呢個湯底有得揀濃度，啱晒唔同人士，今次嗌咗5分濃，相當唔錯🔥🔥貴緣雞絲火山🍲 雞絲嫩滑入味，湯底味道濃郁帶香，食落香氣四溢，好有層次感，而且有非常多榨菜，唔會過鹹菜心（走蠔油）🥬 都幾清爽，係新鮮菜…查看更多

招牌酸辣湯米線✨配料 ：秘製豚肉 ｜雞肉絲｜蘿蔔湯底酸辣適中，秘製豚肉軟嫩，雞肉絲好多！仲好鮮香，搭配清爽的蘿蔔，層次分明，米線吸收湯汁後，口感滑順，令人欲罷不能，正呀✨酒煮醉杳鮮雞湯米線配料 ：魚肉春卷 ｜ 冬菇皇 ｜ 金菇菜湯底清香醇厚，酒香四溢，魚肉春卷軟嫩，增添了口感的層次。冬菇皇鮮美滑口，金菇菜與米線完美融合，令人品嚐到每一口的鮮甜。巴屬狂惹雞翼 ［黑椒味］雞翼外皮焦香酥脆，肉質鮮嫩多汁，黑椒香濃郁，帶來微辣刺激，令人一口接一口。每一口都散發著香氣，更加提升了整體的味覺享受。生菜-油菜好爽口，蔬菜好新鮮。簡單的調味讓其本身的鮮甜得以展現，作為配菜或主菜的搭配。…查看更多

招牌酸辣湯紅薯粉配卤水雞翼螺旋藻 🍜 $54湯底夠濃郁🥰酸辣平衡得啱啱好😆唔會得個死辣🤧而係帶少少甜酸🤣好開胃👍紅薯粉煙韌有咬口😋掛湯能力一流🤩卤水雞翼煮得入味😆肉質嫩滑😝加埋螺旋藻😜(即係平時嘅海帶絲）😗爽口又健康好酒煮醉香鮮雞豬軟骨湯米線🍶 $82呢個湯底好特別😍雞湯味香濃😌真係飲唔出味精😊雞肉份量多🥳而且煮得夠淋🤭米線吸晒湯汁精華🤓食完唔會覺得油膩😄大漠烤豬仔脾 (2隻)🍖 $38必食🔥 外脆內嫩🤩孜然粉令成隻豬仔脾更香更惹味😍豬仔脾燒得啱啱好😝外皮微脆😎肉質唔錯😊唔會話好乾柴🤣兩隻份量啱啱好🥰配米線一流☺️生菜 🥬 $14新鮮爽脆😆加少少蠔油已經好夠味🥰健康之選🙆🏻‍♀️…查看更多

八點幾去食米線，叫咗螺旋藻同埋豬紅。湯底唔錯，米線唔會太淋，份量都好多。螺旋藻份量都多味道都不錯，但係餐牌上有👍🏻嘅豬紅，咬左一半發現好紅有血水，店員話一定係熟嘅，因為佢哋由晏晝煮到夜晚。雖然佢咁講，但係我都夾走晒冇食到。…查看更多