影片
港鐵灣仔站 A3 出口, 步行約7分鐘
繼續閱讀
電話號碼
64381628
21158880
開飯介紹
貴德宫為少有以fusion素菜為主題的私房菜，合東洋小吃、西洋美食、南方廚藝、北方風味於一身。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
相關文章
好朋友係佛教徒，所以今日特登帶佢嚟咗呢間食素嘅私房菜。最鍾意係佢哋嘅間隔富有私隱度，每張枱嘅距離適當，而且有屏風。另外餐廳都會經常轉換Menu，都係根據當季食材而定。今次餐單：脆藕小卷干色拼盤金湯福祿袋四季心花放芝士焗小啡菇冬瓜清補養生湯甘竹銀絲卷～晚餐百寶生菜包椰香咖喱素雜錦配黃油法包乳香鮮竹翠柳精美甜品（香芒西米凍）鮮磨合桃露～晚餐雖然我平時都係食肉獸，但係估唔到素菜都可以好好味，菜式嘅份量有啲係一口大小，例如福袋同埋小啡菇，咁就可以試多啲唔同嘅菜式！今晚最驚喜嘅菜式係心花放，外型真係好似一朵花朵🌺！食落去酸酸甜甜，有果醬嘅味道，好開胃！
繼續閱讀
餐廳環境私隱度非常高，每張枱旁都擺放了屏風做間隔，裝修簡潔，坐得舒服。🥢脆藕小卷千色拼盤清香海苔脆脆蓮藕片，插在小卷上，令小卷嘅口感及層次豐富起來，素燻蹄口感很好，蘸少少芥辣一齊食更加正，芝麻醬與青瓜絲及粉皮非常之夾，整個拼盤都好好味。🥢金湯福祿袋福袋料頭充足，沐浴在熱辣辣而濃香滑溜嘅南瓜湯內，食落很窩心。🥢四季心花放整到好似朵花一般嘅春卷，面頭嘅柚子蜜好像花朵中嘅蜜糖般清甜，春卷裏面嘅南瓜蓉好綿滑，好味道亦完全唔覺油膩。🥢芝士焗小啡菇焗到熱辣辣，juicy嘅小啡菇內釀上牛油果蓉，面頭以芝士烤焗，清新中見惹味。🥣冬瓜清補養生湯足料靚湯除咗有冬瓜之外仲有粟米、蓮子、薏米、菇菌等，湯頭清甜，仲好養生添。🥢甘竹銀絲卷腐皮好香豆味，捲入素肉絲、粉絲、木耳、甘筍等材料，口感非常豐富。🥢百寶生菜包炒雜錦樣樣有啲夠鹹香，放在爽口生菜上，清爽又滋味。🥢椰香咖喱素雜錦配黃油法包椰香濃郁並帶甜香嘅咖哩，無論配脆脆法包或健康藜麥飯都一流， 雜錦餸有豆卜、薯仔、椰菜花、車厘茄、素魚蛋及素貢丸，素魚蛋及素貢丸無論口感及味道都幾可亂真。🥢乳香鮮竹翠柳豆香濃郁嘅腐皮加上嫩腍勝瓜浸在清香腐乳湯汁中，簡單中見滋味。🍮香芒西米凍口感爽滑，帶清甜嘅芒果香，裏面仲有粒粒芒果肉。🍯鮮磨合桃露滑溜溜又甜香，充滿濃郁嘅合桃香，以此作為完美嘅一餐，幸福感滿滿。🫖薰衣草配鐵觀音茶送上嘅茗茶係令人放鬆心情嘅薰衣草茶並混合了清香嘅鐵觀音，確實係味覺與嗅覺嘅享受。🥜脆炸花生小食兒時回憶嘅花生小食，脆卜卜夠香口。服務員服務好又有禮，食物質素高，坐得舒服。
繼續閱讀
之前同朋友食生日飯黎過一次😋念念不忘，今次特登帶埋屋企人黎試試呢間新式私房素食🧡餐廳每個月都會有指定菜式，以人頭方式計算收費，8歲以下小童半價，環境清靜，每枱食客都會有屏風隔開，私隱度高👍🏻建議提前訂座～三文魚千色拼盤作為一個頭盤非常eye touching😍 顏色豐富，種類繁多，上枱一刻大家都在驚嘆三文魚做得非常真實😂甚至再三確定這餐是否素宴～胡椒翡翠元寶好精緻既元寶，配上胡椒豬肚湯既感覺🤭當然都係素喇～炙燒花卷雖然主菜係花卷，但沙律配菜都好新鮮🤤好好食火龍胡桃撻睇落好似甜品造型，一咬開內涵竟然係紅肉火龍果餡，好特別，第一次嘗試😋粉葛牛大力養生湯感覺到冇加味精，但湯好濃郁👍🏻真材實料春風花錦繡配藜麥飯好似酒樓套餐入邊既珊瑚蚌炒四季豆🤭仲配比白飯更健康既藜麥飯🫶🏼椰香咖喱素雜錦配黃油法包呢個椰香咖喱入邊既同都好像真😂再一次驚嘆！白玉靈菇扒菜苗食左咁多要食返個蔬菜🤣雪耳茶樹菇菜苗精美甜品（石榴桃粒凍）又一個記憶點，雖然已經好飽，但呢個甜品不得不試，好香好清新既紅石榴味，出面絕對未試過❤️
繼續閱讀
初次體驗素食滋味傳統有言 素食積福 今日專登嚟體驗一下呢間素食私房菜開18:00 我哋係第一位到步客人 之後陸續坐滿店內私隱度頗高 幾乎每檯都有屏風間開 2人餐檯至10人大檯都有🥢如意卷千色拼盤有青瓜絲 粉皮 素肉 番茄 皮蛋等可以當係酸酸甜甜嘅開胃前菜 🥢香草百寶袋百寶袋內係一D雜菇、瓜、玉米等切粒而個湯汁係冬陰功湯 微辣 百寶袋完全可以吸收曬冬陰功嘅味道 🥢照燒釀大啡菇大啡菇釀嘅望落同食落都似肉好好奇係如何做到👍🏻🥢芝香五穀糍粑面層芝士 而下面嘅糍粑由穀物製成 咬落外脆內煙韌 🥢藥膳翡翠包藥膳湯好香 翡翠包就係用椰菜葉包住裡面素材 一口一啖🥢姬鬆茸雪梨養生湯適時養生湯 秋冬天氣絕對滋潤 由細就鐘意飲湯嘅我 一飲就知道係足料靚湯🥢椰香咖喱素雜錦配黃油法包咖喱味道香濃 配法包一向好夾裡面有各類素菜 亦有素魚蛋🥢香椿花錦繡配藜麥飯望落真係好似菠蘿咕嚕肉 而咕嚕肉就用麵筋嚟充當角色🥢馬拉盞芥菜苗芥蘭苗好嫩 味道亦唔錯🥢石榴桃粒果凍石榴味道超濃郁 好爽好清新 呢款甜品真心好味🥢鮮磨合桃露合桃露香濃有滑溜 食得出真材實料👍🏻晚餐餐單方面係OMAKASE廚師菜單 共有11款食物 晚餐價錢係$348/位而午餐OMAKASE廚師菜單就$268/位 少2款晚餐食物 另外午餐亦有外賣便當 $78 性價比都相當高
繼續閱讀
最近去了一間灣仔朋友推薦的私房菜素食餐廳，印象都幾深刻，好想同大家介紹下。😋雖然不是初一十五，但都滿場，見好多人一家人黎食團年飯。餐牌有兩set選擇，坐一陣就送上薰衣草茶，飲起黎好放鬆。☺️第一碟係海珊瑚千色拼盤，擺盤精緻，青瓜粉皮麻醬和麻油的香味剛剛好，不會過重，燻蹄帶點煙燻味，加上Wasabi嘅微辣同酸薑點綴，整體幾有趣。😋杏汁海膽豆腐滑嫩細膩，帶少少甜味，口感絲滑。私房蘿蔔糕外層煎得微脆，咬下去是滿滿蘿蔔嘅清甜香氣。😍😘有機磨菇芝堡色彩繽紛配搭得幾好，好多汁。鴻運甘竹卷裡面有菠菜、紫菜、菇同腐皮，口感不錯。蓮藕養生湯就好濃郁，雖然無肉，但個湯唔會淡，紫蘿花錦繡配黦麥飯，係甜甜酸酸類似咕嚕肉的口味。椰香咖喱素雜錦配黃油包亦很不錯，咖喱濃香濃香的，中間粒素魚蛋口感好真。甜品方面🥰，石榴桃粒果凍酸甜清爽，口感Q彈，鮮磨合桃露就香濃又不過甜，滿意。貴德宮私房素宴 (灣仔)灣仔克街6號廣生行大廈B座UG樓
繼續閱讀