貴州牛花溪牛肉米線包包 (已結業)

黃金炒飯外賣，即係蛋炒飯，完全冇成意，仲頹廢過揚州炒飯，揚州炒飯一個叉燒食，呢個黃金炒飯得蔥同埋蛋，賣48蚊係超級貴，完完全全中伏，服務慢而且又冇咗一杯凍檸茶，好彩我發現到。完全唔建議大家再幫襯。

打食評之前已經黎過好幾次 應該有5次或者以上 呢間鋪頭係朋友介紹我去食  間鋪頭唔大 裝潢都稱唔上做靚 但老板伯伯同婆婆都係好好人 佢地兩個廚房同樓面都做哂 而且好有人情味貴州燃麵當時佢地係咁推介燃麵 但我第一次黎果陣減緊肥忍口只係試食左幾啖 已經覺得驚為天人咁好食因為個麵落左豬油渣 所以好香 而且D豬油渣脆卜卜再加入D麵入面真係好好食不過佢嘅缺點就係比較油 所以驚油膩嘅人可以留意下我食果陣通常會加少少醋同豉油 因為個人比較重口味 其實唔加都已經夠味架啦大家都可以支持下D小店!

貴州牛花溪牛肉粉麵，餐牌是傳統中式店舖。廚師也會講廣東話。花溪牛肉米線，湯底有陣特別的香味，湯底清，碗上有層油在面，保全住湯的熱到。湯底味道好好飲。米線彈牙煙靭，牛肉有些厚到，但細細片，而且好有牛肉味，還有牛肉粒，牛肉粒是半肥瘦的。

打完泰拳打算係附近是但搵野食 去左呢間唔太起眼既小店 原來店鋪由2位老人家打理 野食都不錯 我地點左一個前菜 一個羊肉面同餃子 羊肉面夠彈牙 佢地既餃子都好食 有媽媽整的味道 十分推薦

最近有意多啲幫襯細舖仔，行下行下見到呢間。伯伯同婆婆勁有心，傾得兩句。三個人食左一個全家福牛麵、羊肉鍋貼、滷豬手、貴州冰粉、桂花酒釀丸子。全部自家製！味道10/10。先講個麵，全家福係1-2人分量嘅，牛肉味重。湯底食得出係用牛骨淆成，牛腩肥瘦同軟硬適中。另外有牛筋、牛肚、牛展。加多半隻滷蛋同豆腐。個湯必飲。個鍋貼爆汁唔腥但保住左浸羊膻味。食羊肉麵嘅話用原味羊湯底，可惜今次試唔到。不過甜品必食，尤其係個酒釀丸子，係香港應該唔多地方以呢個價食到咁正宗架啦。不過由於得兩位老人家做，出菜較慢，想幫襯嘅話要有耐心。

約咗人去旺角睇戲，時間有啲趕，就喺女人街附近食個快飯 ，快快趣趣食完趕睇戲。韭菜肉水餃八隻$32水餃皮正常 ，唔會過厚，對於餡料就有啲失望，味道有少少奇怪， 有點偏酸 ，不會是變了吧？紅燒羊肉套餐$52紅燒羊肉套餐，係有一碟羊肉 、一碗飯同一碗清湯。紅燒羊肉嘅味道，幾濃沃夠入味 ，送飯一流。 碗清湯就太油膩 ，冇乜點飲。花溪牛肉牛米線$47清湯米線， 幾清， 正常味道。餐廳似係小店， 主理人都係上咗年紀嘅 ，好有小店風味。

呢晚放工去咗試新嘢，其實都唔知人地收幾點，但見到都仲有客係裡面，所以就問下係咪仲營業，見到有個姨姨係厨房度行出黎好親切咁招呼，原來係厨房兼樓面一腳踢，雖然環境一般，地方有的窄迫感，衞生清潔亦有待改善，因為本Menu都有的黏黏既感覺，但味道真係，真心製作，雖然真係等得耐咗少少（因為咁啱有個爐壞咗），但即叫即做，熱辣辣奉上餐桌，碗麵既湯底一流，又清又甜完全飲唔出有味精既成份，窩貼一上枱記得要等等先食，因為即食一定會燙咀，切記!

呢間食肆細細間， 座位間隔有d迫，當我第一次來時候，店內得2個人廚房和樓面兩度走，店門前有個蒸爐，有包子供應，試過南瓜包，有南瓜甜味，足料，食物質素： 全家福麵(全牛) 有紅燒牛肉，牛肉片，牛展，牛肚，牛肉粒和豆腐，係兩人份量， 肉淋夠入味，但唔會散晒， 黃金皮蛋係白色皮蛋，蛋黃夠濃味，醬汁可以再辣d, 貴州糍杷，甜度適中，仲有奇異果汁，唔會太甜，好有奇異果味，飲左兩罐，總括來說： 性價比高， 食物用心制作， 會再來食！！

胆粗粗試新野, 於晚飯時段但當時店內並冇客人，心諗－試冇防, 味道出乎意料好, 味道好有風味，點了牛肉湯麵，酸辣薯粉, 水餃！用心製作，值得推介！雖然環境裝修也是一般, 但如只追求美食, why not !!

想簡單食個晚飯，唔想幫趁集團式搵搵下就搵到呢間幾好評既新開小店剛剛想食下麵類、餃子但唔肚餓，結果只試左酸菜包$6.5 & 3色水餃 $32酸菜包：內裡主要係酸菜，有幾粒肉碎，食出有辣椒、花椒調味，估唔到咁惹味，個包就好鬆，我個人遍好較實既包身3色水餃：上碟穿左2隻⋯有d唔開心。睇相以為加色素，但睇實物就知道係天然顏色，皮係厚，北方既做法，白色最好食，第二係紅菜頭（裡面其實係九菜），菠菜餃最弱，調味不足咁既價錢，有9粒高質水餃，好抵食環境：超級污衊，我入去時得一檯客，上一輪食完既檯完全無收捨，而地面唔乾淨加埋地面&檯面都係粘笠笠，連Menu 都粘手，可想言之，我諗外賣食會感覺舒服好多服務：貼地，老闆nice, 仲識講幾句英文

初次比個名吸引到所以去食離間餐廳。入到餐廳內，可能被員工同客人影響到，覺得有啲似返左大陸，因為有講純正北京腔嘅內地人食緊嘢。睇餐牌叫嘢食！1. 紅燒肉面 ($47) (滿分5個👍🏻) 湯味 👍🏻👍🏻👍🏻👍🏻 夠濃同香面質 👍🏻👍🏻👍🏻 偏淋牛肉👍🏻👍🏻👍🏻👍🏻2. 貴州燃面 ($45) 絕對值得encore !!!!!面質都係偏淋，個材料十分十分好味。特別之處係有糖響底 撈起離食 口感味道都👍🏻👍🏻👍🏻👍🏻👍🏻3. 牛肉包 (6.5)睇個餐廳名應該包都係出名，所以不防一試。結果！個包絕對係超級鬆軟！ 本身自己喜歡食偏硬質地嘅食物，個離個包嘅鬆軟程度真係讚！ ！ 係個餡有少少失望，牛肉鬆，無乜牛嘅味道。 下次試另一款包！題外話，因為叫左凍檸茶。但飲到少少怪味。同店內嘅伯伯講 (應該係老闆) ，佢即刻換罐可樂俾我地！ ！ 好友善！過程中我同老闆講個燃面好好食，佢即刻推介我下次食紅薯粉。我都應承左伯伯 一定會再幫襯💪🏻💪🏻☺️

旺角女人街又多了一間吃貴州味道的小店，但今次賣的是不是羊肉粉，而是牛肉米線。它就是「貴州花溪牛肉米線&包包」除了粉麵外，這裡還有賣自家製的新鮮蒸包。但我當日太晚去，所以蒸包都已賣完，所以就沒有試吃。一場來到，當然要試試這裡的招牌菜，牛肉米線啦！我們點了兩款牛肉湯米線，其中一款加了$10 轉為手幹麵，實在太餓了，還點了水餃。吃粉前喝口牛肉湯，湯頭很清，但很重牛肉香味，忍不住要再喝多兩口。牛雜包括牛肚、牛筋、牛肉，煮得很「淋」很入味。米線普通，但算彈牙，不會一夾就斷開。紅燒牛肉一放上枱已經聞到陣陣的花椒八角香味；牛肉炆得很入味，但份量不算很多；手幹麵很有咬口，配香辣的紅燒牛肉很搭！略嫌花椒粒太多，幾乎每口都吃到花椒粒。P.S. 手幹麵是自家搓成的，如剛好賣完，製麵需15-20分鐘。下單前建議先詢問。吃得出是自家包的水餃，水餃皮雖然略厚，但勝在口感柔軟；餡料方面，韮菜味道很濃，韮菜多豬肉少，適合注重健康的女士們。總結：吃得出的用心製作，將貴州的傳統味道帶到香港。如果路經旺角，想一嚐傳統鮮味，「貴州花溪牛肉米線包包」是你的不二之選！

好食唔解釋 在香港體會過，最舒適的餐廳，而且風味也很道地，相比茶木，這裡的用料更貼近台灣。滷肉飯的滷肉一般，滷汁略少小香腸的味道很肥美，感覺回到台灣調味粉部分，鹽酥雞的胡椒粉與甘梅薯條的甘梅勾起了我在台灣的回憶最後，珍珠奶茶或許對香港人的口味來說有點甜，但這就是正港的台灣味啦！

係旺角女人街街口附近見到有間新既米線店開左，作為米線愛好者，當然立即去試試。坐低店員就比左餐牌我地，睇一睇，價錢都唔平，不過睇相睇落都唔差。我地點左佢店既主打，花溪牛肉麵、貴州燃麵同埋南翔小籠包。不過店內樓面只有一人，落單有d慢，還可接受！首先黎到既係貴州燃麵，本來睇佢個麵超乾身冇太汁，感覺味道會冇味，但食落有意想唔到既好惹味，花生同埋炸蒜配加佢既醬油，惹味又唔會太咸，仲帶點甜味。隨麵會送上一個湯，係紅蘿白湯，清甜好似有落糖咁。之後黎既係牛肉麵，麵底同燃麵一樣，但因為有湯浸住，麵質變得太淋，食起黎唔夠爽口，不過湯底夠重牛肉味，加左幾滴秘製辣椒油，令湯底更惹味，跟燃麵比較，個人比較喜歡前者。最後既係南翔小籠包，皮厚薄不一，可見係全人手製，可惜薄皮易穿，小籠包肉汁夠多，味道唔錯！總結黎講，價值比幾高，以小店水平黎講算係高汁之選！推薦！

天氣咁熱，都想搵d湯麵，酸辣野食下。見到有間新米線就試試啦。貴州牛肉滷蛋米線$57湯底清甜，米線係幼身款都幾滑，入面個兩舊羅白有驚喜，好清甜。有牛肉塊同牛肉粒，有牛味，牛肉粒仲有d 根位，唔錯。滷蛋幾香有蛋味。枱面有香料同辣椒油，兩樣都好香，配米線一流。泡藕尖$20呢款好得意，酸酸辣辣，好爽口，夠開胃。外形好似細條既連藕，入面通心的。小籠包$30有肉汁，豬肉亦香。但皮可能太薄，個頂容易爆開。味道勝過外觀。