貢茶 (觀塘廣場)

營業中

休息中

2025年6月5日我於晚上19:10到觀塘廣場的貢茶分店購買了一杯特濃朱古力奶茶。本身唔順路，但係因為喺旺角分店飲咗一次覺得非常好飲，所以離開觀塘特登搵返貢茶去買接待的職員態度麻麻地，全程沒有說「唔該」、「謝謝」重點是這杯朱古力奶茶淡到無味，仲寫明特濃，完全貨不對辦，超級過分。令特登過嚟買朱古力奶茶嘅我相當之失望，希望貢茶會作出檢討，同埋加強店員培訓，統一不同分店的質素

連續幾天呢間鋪買香芋奶茶都話賣曬咁不如唔好做生意，店員做野去太hea服務唔好心情掂；之前光顧開都冇咁差，如果唔想做生意就唔好開門。呢間公司最好培訓下D員工服務態度，我睇呢間鋪既評價都係差評多。

話說我都好鍾意飲朱古力奶蓋，因為飲過一次就繼續幫襯，但係發覺呢間公司培訓不足，某啲員工唔識沖，啲奶蓋返到去係冇晒！好啦我諗住係個別員工，之後再幫襯我已經同店員講明上次同事冇加奶蓋要加番，之後我見到佢用咗另外一隻奶蓋，返到去又係冇晒😢😡搞到我對呢間公司冇信心唔想再幫襯⋯

成日飲珍珠奶茶，今日試吓仙草奶凍，少冰少甜。勁方便，用手機落order, 喺公司行過去，無幾耐就可以拎啦😌😆唔洗次次要去現場排隊買再等拎😎雖然無珍珠奶茶咁，有啲嘢咬吓，但味道又唔差喎。

熱屎辣辣喺條街度行🥵 真係好需要飲杯凍飲🧋 但又唔想飲汽水,果汁, 珍珠奶茶.. .. 😅 茶類飲品就最好不過😋 但剩係茶品又太單調, 加啲甜味就最正!!好鐘意飲貢茶既綠茶可爾必思, 即係益力多, 優益c 咁😅 但加左啲茶味, 完全中和番唔會太甜, 又唔會得綠茶咁清淡, 咁單調, 而且仲要夠晒冰凍, 咁熱既天氣飲, 真係啱哂, 舒服晒!❄️其實店內既可爾必思仲有好多配撘, 百香果, 香橙, 水蜜桃等等.. .. 有果香酸酸甜甜真係好醒精開胃

買兩杯飲品 一杯無配料店員比左兩枝粗管我問“可唔可以換一枝幼嘅”比個gel哂甲嘅店員挖苦左句“方便你吖嘛”其實唔想做生意 出聲就得我咪行去第二間買又唔洗辛苦貴店員沖嘢飲自己都唔洗莫名其妙受氣

炎炎夏日，同朋友係APM附近食完lunch之後想買返杯野飲，朋友話觀塘廣場入面有間貢茶，咁就去買左杯凍頂烏龍茶少甜少冰，仲加埋奶蓋添，貢茶既奶蓋好好味，同烏龍茶個味好夾

記得未有其他咁多茶飲店前 貢茶真係算最早期嚟港嘅珍珠奶茶店 嗰陣時細細個都有得閒會買來飲 而家多咗咁多選擇就發現少咗好多貢茶嘅分店想買都好難今次突然好想飲啲珍珠嘅飲品 咁啱呢度有間貢茶 咁就當懷舊下去幫襯 睇到個餐牌覺得佢珍珠奶茶真係算好平 但係而家自己都唔係話好鍾意飲珍珠奶茶 因為佢實在太多化學成份啦，但係就都仲係好鍾意珍珠嘅嚼勁，所以今次簡簡單單叫紅茶加珍珠都係$18，但記得記得一定要小糖或微糖否則就超級甜，因為本身珍珠佢都有加好多糖杯嘢飲正常嘅，珍珠就細粒啲囉可能我而家要求比較高。果度嘅職員就hea啲，可能諗住都趕收工，匿埋喺入面想落單叫咗幾次都冇人，但茶飲打工嘅都係咁上下服務 都慣

今日去買珍奶飲，想儲印花，發現印花紙仲係2月到期個張既，問過店員話觀塘廣場店係永久使用都得咖，過左期都可以買一送一，好可惜我已經掉左啦，儲得好辛苦掉左😭😭😭然後一個疑似店長既男士即刻拎一張貼滿9個印花既印花紙比我，好開心好感動真係，原來香港都仲甘有愛🥰謝謝你們飲左十幾年貢茶，一期換3張印花紙既我，從未試過甘感動，觀塘廣場的員工真係好好人，以後要再光顧多d先得，加油💪🏻而且觀塘廣場店既珍珠咬口係好彈牙好好食，之前試過荃灣店既係硬身好似可多新鮮甘。極力推薦觀塘人去廣場廣場買貢茶飲☺️👍🏻

夏日炎炎，中午食飽飯後，飲番杯冰涼既飲料，確實好爽，走到apm附近，朋友話觀塘廣場有間貢茶，就走入去望下，記得以前飲開洛神花茶，現在餐牌沒有了，最後我選擇了黑糖薑茶（夠正氣），朋友就揀了普普通通既珍珠奶茶。

成日話珍珠奶茶既熱量，就等同一碗飯嘅熱量，釋放我今日忙到lunch都冇時間食，就叫同事幫我買杯珍珠奶茶，叫做有啲嘢頂下肚，又可以邊飲邊做嘢， 都頂到一餐飯㗎。啲珍珠又幾有咬口， 唔錯唔錯。

天時暑熱行到累累地，途經觀塘廣場見到有間貢茶，就去買杯台式飲品消暑解渴。當時唔係太多人排隊，由落單至收到飲品的速度都算好快， 點了一杯柑桔檸檬$18， 飲品即叫即製確保新鮮質素， 試第一啖的時候覺得味道普通， 好像沒有以前咁好飲，質素下降了不少。 但有時響另一個地區買貢茶飲品又唔錯， 可能水準不穩定， 因為始終每間店舖的店員都不同， 品質與服務質素亦有相差。現在香港開了不少台式飲品， 有了不同的選擇， 客人的要求亦相對提升。 希望下次再幫襯貢茶的時候， 可以回復返以前的水準吧！

兩杯都係鮮奶鮮草凍  不過兩杯既顏色都唔同 左邊哥杯直頭無乜味 都唔知係唔係沖完上一杯洗唔乾淨 右邊哥杯係正常既服務態度好差 點餐哥陣見到三個店員係到打鬧 小編點左兩杯野飲 整好第一杯既時間 店員就叫我的號碼 我話有兩杯 佢話得一杯 我出示完張收據就黑我面 服務態度會唔會差左啲下次唔會再黎呢間 未些過飲到一間貢茶係禁差既😡🤬

今日office farewell叫咗五十幾杯外賣 落order期間 又容易又快收到答覆送外賣時間雖然遲佐5min但五十幾杯差唔多啦～有但最唔理想就係 熱飲杯面有小小茶流佐出黎希望呢方面多improve同埋希望順便攞埋散子 因為有時冇散子 得大子找唔到不過如果外賣有包埋sticker就最好啦 如果唔係買果五十幾杯 真係好唔抵但依家做緊優惠 都係叫成班同事過黎自取就算同埋請問想知遲啲會唔會再出番洛神花同八寶燒仙草？？

之前一直都飲珍珠奶茶，突然想試下新野就飲下蝶豆花鮮奶烏龍，結果真係唔錯喎！不過買野飲有小小阻礙，因為唔太識叫野飲阻到後面。好彩排隊買野飲都無崔到，員工做野都好快同埋細心有講到月經同埋大肚婆唔飲得 唔係既話就比左女朋友飲。不過真係要搖完先飲。好彩今日早左來買，因為平時1，2點食飯時間好多人，唔係既話會等到傻。但有樣野唔係太好係個位有啲窄。不過下次都會再來飲下次再買既話叫外賣請下同事飲 可以唔洗自己行去買。