貢茶 (已結業)

上次一飲貢茶已經可能係6-7年前既事。而家突然唔知做咩有股珍珠奶茶熱潮又擁返出黎，可能太多SOCIAL MEDIA既宣傳。果日天氣熱熱地，本來都無諗住飲，突然經過想懷舊一下，就去左呢間唔洗排隊既貢茶。路德圍盲黎全條制都開飲品鋪，競爭好大，真係睇下邊個鬥快做唔住。不過基本上間間都有人排隊，加上天氣咁熱，真係唔驚無生意啦!第一次叫奶蓋烏龍，意外地覺得好好飲，清清地溝埋奶蓋別有一番風味。有時直接飲到D茶，有時直接飲到奶奶蓋，最正都係溝埋一齊飲，係炎熱既天氣咁飲，真係會好似每朝飲一啖咖啡咁醒腦提神。個WAITER服務態度同N年前一樣都係串串地，不過而家香港好多地方都係咁...  …查看更多

第一次飲百香果QQ,要左少冰少甜，酸酸甜甜咁都幾好飲又解渴，啲蒟蒻粒仲好好咬口添，不過中杯都幾細杯，都係要返大杯抵飲啲------------------------------食物質素：🤤🤤🤤🤤(5🤤最優)價格水平：💰💰💰(5💰最貴)環境裝修：✨✨✨(5✨最好)服務態度：🌟🌟🌟(5🌟最佳)整體評分：❤❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------…查看更多

心血來潮想飲芝士奶蓋但又唔想去旺角買所以就試下係荃灣搵下邊度有行行下發現原來貢茶都有佢無放係menu 係擺係收銀處隔離$20大杯飲左一啖跟著發覺甜既記我之前飲某間出名既芝士奶蓋店d茶係無加糖唉早知佢甜既就叫走糖感覺飲左好多脂肪落肚講番味道芝士奶蓋唔香濃 得個咸字唔係太杰身好少芝士味 好似飲緊奶蓋咁不過咁平就唔可以expect太多畢竟某間店都要賣成三十幾蚊一杯好飲d係正常既總括黎講 想平平地試下芝士奶蓋呢杯都ok既…查看更多

細個好鐘意飲珍珠奶茶乜乜，大個左好小飲了。今次見到出左紫薯系列，所以就買黎試下，誰不知伏到一個點紫薯系列有三款，分別係紫薯冰沙、紫薯奶綠/奶茶同紫薯拿鐵價錢黎講$20蚊一杯唔算平，但如果味道討好既話價錢唔係問題。尼杯紫薯奶綠只有好靚既漸變色，呃得下人。飲落口完完全全無紫薯味，係零係零係零一飲落去只係飲到成口粉，同好多一粒粒一粒粒既野，完全唔知自己飲緊咩所以晒野都係咁做我掉左…查看更多

天氣凍凍地，無咩做行過貢茶，好耐無飲又想飲下，一如既往地多人圍住，好不容易落到單，收銀態度亦一如既往地有性格，拍個八達通都好似阻住佢做野咁，有客數散紙就不意外地換上一個黑面了。今日簡簡單單買左杯熱珍珠奶茶，全走糖，淨係珍珠啲糖已經夠甜了，再加糖真係會飲到糖尿病，茶好濃，但唔夠奶，唔滑，無乜台式奶茶feel，杯野又唔係好夠熱，半溫吞咁，可能太熱啲珍珠會溶？？不過啲珠又幾有咬口，彈性幾好，無食膠咁嘅感覺，過下口引ok啦。…查看更多

今日下午帶小咪去睇醫生，心情低落又肚餓，決定買杯我喜愛嘅紅豆奶茶為自己打打氣！貢茶同ComeBuy兩間平排，因貢茶價錢較清晰，就幫襯貢茶吧！前面個媽媽買完兩杯珍珠奶茶後，我行上前同嗰兩個女店員講：「唔該我要原味奶茶(M$14, L$16)加紅豆(+$4)…」我未講完要咩嘢size, 其中一個即時回應：「廿蚊！」另一個轉身準備去沖媽媽嗰兩杯珍珠奶茶同我嗰杯紅豆奶茶…我邊俾錢邊補充：「唔該少冰同少甜…」收銀嗰個同沖嗰個覆述我嘅說話一次，但唔見沖嗰個有反應…我望住沖嗰個女仔沖前面位媽媽買嗰兩杯珍珠奶茶…嘩～咗幾大匙糖漿同剷咗大半杯冰入杯！我慶幸自己講「少冰少甜」講得快…隨即見個女仔以相同重量級份量嘅糖漿同冰塊炮製我嗰杯紅豆奶茶…我即時講：「我要少冰喎…」冇人睬我…攪掂！封杯！放上枱！「46！」結果，我拎咗呢冰重量級「冰糖」紅豆奶茶返屋企…加咗三份一杯水落去…Well～味道終於啱啱好！…查看更多

好日都唔出荃灣一次，諗住買杯奶蓋綠茶(我老公最愛)解渴，點知就中伏。叫左杯加大奶蓋綠茶，飲第一啖已經知比平時甜左好多。我番轉頭同番店員講太甜，問佢可否換過另一杯，其中一位男店員竟然同我講：如果你飲唔到咁甜，你下次叫少甜啦。可能佢只係出於善意嘅提點，但係佢嘅語氣加埋面部表情話我知佢覺得自己冇錯。前提係幫襯左貢茶咁多年飲左n次，都冇出現過呢個問題，今次真係好失望。…查看更多

大概沒有人會像我這般認真地為一杯香芋奶茶寫食評吧…但這篇真的不得不寫喔！香芋珍珠是我在跑步機上奔馳了三天的原動力呀！向有禮的服務員點了杯香芋珍珠外帶，而且要求了“飛冰”，希望能喝到濃郁的香芋味。取杯後帶著奶茶滿心歡喜直奔回家，插上吸管，一口喝下…哎呀呀～雖已知悉貢茶是奶精沖出來的，但眼前這杯不但香芋味道不足，而且甜味也沒有，比例完全不對呢…活像喝下了一杯奶粉水似的。此刻真心失望，有點掛念日山茶太呢……查看更多

新一年 出街行，經過貢茶 比佢個banner吸引左埋去 。新產品 芒果沙冰 作為芒果控梗係要一試啦。中杯 27蚊 以貢茶黎講好似有d貴喎, 但都死死氣走去買。約10分鐘後 從店員接過芒果沙冰。跟住飲用說明黎試，第一啖啜落去，好凍~好香芒果味，d沙冰好幼細入口即溶，偶爾有1~2粒冰未搞粹。混合埋d奶昔，除左有奶香味而且都幾滑，仲有少少甜。佢完全係一杯沙冰冇任何果肉，一路飲你會聞到自己個口充滿芒果味。而且越飲越凍。真係一絕!飲到一半，沙冰呈漿狀形態，應該落左幾多芒果肉。…查看更多

點解冬天都會咁熱, 呢個已經係香港多年的問題, 但問題不由我地控制, 咁不如自己飲番杯貢茶消暑奶蓋綠加珍珠 (半糖) - $21奶味十足, 但半糖唔會太甜, 綠茶味香, 奶滑, 一絕! 係D珍珠硬左少少, 如果有粉條效果更佳更有口感…查看更多

見到新上市飲品，經過就買杯試下啦，今次選擇左香蕉味可可沙冰，去到收銀比錢至知係$27一杯，而且仲要得中杯size。因價錢只在店鋪左邊一張細宣傳單show左出黎，所以買果陣要留意喇！因每杯價錢都唔同，平時睇開既menu無的。以為$27杯細沙冰會有幾特別啦，點知沙冰好碎，好快溶，而且比平時正常甜還要甜，要試既朋友可以試半糖。幸好朱古力味還可以。不過還是飲回舊產品會吸引D…查看更多

《貢茶》天時地熱，一到夏天最破費的就是不停的賣飲品了哈哈，說實在的，買飲品都快買窮了自己 首先，我想講，我要改下戎下買飲品買野食唔多點睇價錢就去買既呢個壞習慣👊🏻👊🏻我實在太過分了呢杯野，芒果沙冰 $27 😂😂我都係比錢一刻先知咁貴😅😅 我都對自己好無言 哈哈愛文芒果沙冰，芒果味的確幾濃幾出，都幾重愛文味飲到有啲啲啲啲啲芒果果肉溶碎😀加上，炎炎夏日飲沙冰，係消暑既😌😌但如果，唔係睇住店員沖咁濃咁真芒果味，我都會誤以為至少有一半係新鮮芒果整既😀但係，我好似無睇錯情況下見到，用粉or糖漿沖🌚🌚雖然我真心好欣賞包粉or糖漿味道唔錯，芒果味都真係幾突出但...............我用成$27買杯用粉or糖漿沖既就............會有啲心痛囉😀😀會覺得..........有啲唔抵囉.......會寧願買鮮製芒果汁囉…查看更多

:(依排天氣咁熱既時候 每次出街都會想買杯野飲 係荃灣“貢茶”都有少少名氣 但最近飲品質素真係差左好多好啦 我今日決定買杯仙草奶凍 以前我唔會話要小甜 但近排貢茶d出名真係甜得過份 叫左半甜先好似以前既甜度:(另外 以前既我唔會要求少冰 因為以前既貢茶即使唔少冰 茶味飲到最後都仲會有 不過依家真係變左好多叫少冰 飲到最後已經冇曬味 有冇搞錯！依幾年既價格不斷加 但質素又冇提升 “貢茶”希望你可以檢討下啦…查看更多

這間荃灣台式貢茶店飲過很多次，每次去都要排隊，亦知道這間店珍珠奶茶($16)偏甜所以叫了少冰少甜，如果不叫一定會過甜及整杯都是冰，少甜後味道適中飲得出奶茶味(如沒少甜，甜味足夠藍過奶茶味)，珍珠太"林"整體都是不錯，夏天飲更暢快。…查看更多

其實我同我朋友都非常鍾意於奶茶的，台式珍珠奶茶都好鍾意!之前成日飲樓下間歇腳亭，今次就試下另一間啦!我呢個奶茶怪就當然飲珍珠奶茶啦，我FD就叫左杯仙草奶凍。珍珠奶茶個奶茶底偏甜少少，但都好味，個珍珠硬度適中，但唔知係咪受左個奶茶底影響，都係偏甜的，個冰都係適量，唔錯，果然係招牌!我FD杯仙草奶凍都一樣啦，D JELLY就好好味，好夾個奶茶底，同歇腳亭差唔多，但珍珠奶茶上，喜歡偏甜既我都係揀貢茶好!只不過成日飲有D貴!哈哈!…查看更多