貢茶 (已結業)

夜晚去咗奧海城睇戲，等緊入場嘅時候，喺商場周圍行吓，見到商場都有貢茶，所以就諗住買來飲，當係飯後甜品貢茶好出名但係我就好少飲，我就叫咗仙草奶茶，好似有啲嘢咬下，有啲口感咁 同埋似飯後甜品多啲🤣🤣呢一間排隊嘅人唔係好多，所以好快就有得拎，大概等左5至8分鐘，就已經整好了呢方面都係算唔錯👍🏻 仙草奶茶睇落仙草份量都好多，所以覺得都算俾足料😍👍🏻 加分加分～ 但係一飲，味道就好一般，奶茶好甜，奶味唔係好重，少少似糖水，仙草就唔錯，但係成杯野飲落冇乜特色，味道好淡，因為本身仙草味道唔重，奶茶味道又唔重，所以成杯野好似好淡味道咁，淨係甜，可能本身貢茶就係咁，我太耐冇飲，所以孤陋寡聞，但係如果有得選擇，我就唔會再揀貢茶，或者仙草奶茶

老婆最近迷上了飲奶蓋茶系列，只要經過連鎖飲品鋪而佢又口渴嘅話必定會話要飲，基本上所有大型連鎖嘅飲品店嘅奶蓋類佢都已經試勻曬，係就係差貢茶未試，今日終於有機會了！奶蓋既顏色亦比較淡，但味道都算幾香濃，唯獨可惜係分量唔多，幾啖就飲曬啲奶蓋。當然底層嘅奶茶就同平時冇分別，都係飲開珍珠奶茶嗰種奶茶。面頭仲貼有貼紙教你點樣飲奶蓋先係最好，雖然方法同其他鋪頭一樣，但此舉都算幾貼心嘅！$22杯，奶蓋類呢講算係平的了！

今日叫左四杯熱飲，薑茶、桂圓紅棗、奶蓋紅茶、黑糖奶茶。眼見4杯野飲個杯都濕濕地又*笠痴痴*，感覺店員好求其、衛生有啲差。重點係，朋友一飲話唔熱既，我接受唔到心諗唔係掛，熱飲可以有幾唔熱呀？飲左啖，係完全接受唔到既室温，仲要竟然四杯都室温！但我地唔敢換，怕加料，其實當下應該退錢但一時諗唔起。浪費左四杯野飲錢，絕無下次👎🏻👎🏻👎🏻👎🏻👎🏻大家叫熱飲要留意一下！飲過咁多間貢茶，呢間係第一差！！

而家D台式飲品店多不勝數一街都係之餘仲多過7仔我個人就覺得貢茶既質素係最好因為佢既水準可以KEEP到間間都一樣咁今日行街行到口渴就去買野飲今次買既都係一樣就係我最鐘意既仙草奶茶我覺得呢度最正既都係D仙草同奶茶既份量比例都係好完美飲到八九成都仲有仙草係入面而D仙草同係台灣食既真係差唔多無論係口感定係口味!!不過而家價錢就不斷加仲記得上次飲都係16今次已經要18了就黎仲貴過M記特價餐希望佢黎緊會多返D優惠同埋儲印花比我地啦

從不知道幾時開始, 每次經過貢茶都會不自覺的去買一杯來飲由他10幾元買到現在廿幾元也是這樣買最近我發現自己最喜歡的就是他的 仙草奶茶和其他店家相比, 這家的仙草份量最多而且能一大片一大片的在吸管裡吸上去而其他店家的都比較易散開, 相比之下更岩我胃口因為可能更食得出仙草的味道哈哈另外一樣想提的是不同店是有著完全不同的服務質素有一次我去銅鑼灣店, 我說：「一杯仙草奶茶，要印花」店員沒有給我印花，我再跟他說要印花他竟然大大聲說要印花要一早講我真的是O左咀，希望不要讓個別員工的態度影響整個店子的形象

二人等睇戲，指定動作去買飲品入去睇，先前飲過幾次仙草奶茶太甜，今晚試其他。大薄荷奶綠18見新推广又幾平就即刻試，雖然感覺少少怪。一飲 wa好薄荷呀，綠茶味有點sweet夠曬冰凍。飲後感：和台灣的差太遠，有待改進。薄荷清涼但欠抹茶味，實在不值一喝。趕住去睇戲，竟然又咁失策無拍照飲品tim伊，激死人喇

正所謂口味既ya，真係好見仁見志，佢覺得好飲時你未必鍾意。。。。仙草奶茶18味道偏甜有點強差人意，喜甜者會觀喜的，我倆覺得仙草本身的味道幾甜下，成杯奶茶大家飲時記得要攪拌呀，咁就好飲好多喇。

點了珍珠奶茶，要16、17蚊不過份量很夠，喝到最後已經覺得很飽，不想再繼續喝奶茶的味道很足，仔細嘗，其實分得開茶味和牛奶味。珍珠很彈牙，很有口感。店員速度算是快，除了價錢有點貴，其他都可接受。

夏日炎炎的一天，往新界走了半天，回到九龍，路經此地，見有推介的「薄荷朱古力」凍飲（$17）售賣，一向少喝台式飲品的自己，按捺不往霎時的衝動，雖然明知道約了老婆仔吃飯，仍然買來一解口渴之苦。味道濃甜的「薄荷朱古力」果然是透心涼地快，令人渴意全消，快快地把這冰凍的飲品喝光，暑氣同樣全消。

其實好少會喝這種台式飲品不過這天路經此店,看到這裡原來有賣冬瓜茶系列宅女一向偏愛冬瓜茶, 不能抗拒的便買來一杯試試寒天冬瓜茶 (HK$15)十多元這裡大杯其實都幾抵, 只見寒天原來是一粒粒像珍珠奶茶那種粉圓, 只是顏色換了透明帶白色喝入口冬瓜茶都幾甜, 但味道亦都幾假而底下的寒天份量多, 不過口感很膠質的, 但吃吃下又幾有嚼勁其實整杯又不算太差, 只是味道有點假當然如果要求不太高, 只是想路過喝點東西, 也可以考慮的.

去奧海城看《追擊赤色風暴》前先買一杯貢茶。在櫃檯前看到新品上市的介紹牌，就想試試新東西。我喜歡飲果汁，不太喜歡飲茶，便問問店員那標明有「荔枝」的貴妃烏龍以茶味為主還是果味較濃。她說：「主要就係荔枝味呀！」好，我就試一試吧！$15大大杯，可惜味道與我期望的有偏差，根本就是烏龍茶加一些荔枝果肉嘛！荔枝味極淡，不甜，烏龍茶有點嚡，不太好味呀！下次嗜甜的我還是喝果汁類飲品或珍珠奶茶吧。

等朋友見工等到我發呆了一小時呢.幸好因為近聖誕了,有很多主題佈景呢,跟肥雞拍一下吧.想不到在這裡也能找到這店,便立刻買一杯喝一下吧,照舊巧克力奶茶特濃好了,呵呵XD這店的員工有點傭懶的感覺啦,幸好影響不太大呢,反正也是等而已,啊終於到了,很口喝啦肥雞,快喝一口吧.味道仍是依舊的好.朱古力味很濃呢,而且還有粒粒朱古力,很好喝啦,令我等了那麼久的疲勞恢復了一點元氣呢.好啦她們終於見完工啦,現在去跟她們集合,呵呵XD

叫香芋珍珠,佢完全忘記咗落糖,香芋粉又未溶,好似飮緊有粉嘅水速度比其他分店慢幾倍,問攞膠袋居然話要買兩杯先俾其他分店完全未試過咁,唔通老闆為咗慳錢唔入細膠袋?寕願去埃華街飲其他品牌......

尚少許時間，就買了一杯桂圓紅棗茶，因生病了，買了杯熱的，見到剛整的飲品，有點怪，沒有熱飲的蓋子，只有凍飲的膠紙，因由我是手盒，沒有紙皮套住當然熱的很，要主動問有沒有紙巾才遞上，病到頭暈的我，不以為言用飲管吸了一口，熱到口腔紅腫，嬲!

之前飲過幾次貢茶既飲品, 知道佢既招牌係奶蓋紅茶/奶蓋綠茶。當時覺得, 好飲, 不過就未到好鐘意好鐘意既程度。直至, 遇上呢杯: 奶蓋綠森林 而且, 今次先真正知道, 奶蓋之所以受歡迎, 好飲既 "秘訣" 真係要多謝那位服務生細心為我貼上既貼紙!!!我跟住貼紙上面既步驟, 打開蓋, 先飲了一啖上面那一層奶蓋。厚厚既 cream 好滑, 好純既抹茶粉味道, 但鹹鹹地。然後, 插入飲管, 飲到帶有清香既綠茶。清洗了頭先飲到鹹鹹地既口感。之後, 再用飲管將兩層 mix together, 再飲, 的確別有一番風味。珍珠又煮到剛剛好, 唔會太腍 當時既一刻, 真係被貢茶既出品驚艷到! 呢一杯奶蓋綠森林, 真係比之前飲既奶蓋綠茶更出色!!!有較濃既綠茶味, 而且, 奶蓋那一層 foam 真係好特別!難怪係貢茶既招牌之作 依家有點迫不及待再試其他口味