3
1
0
港鐵油麻地站 A2 出口, 步行約2分鐘 繼續閱讀
電話號碼
26269287
26269708
營業時間
今日營業
07:30 - 22:30
星期一至六
07:30 - 22:30
星期日
全日休息
付款方式
現金
食評 (5)
等級2 2018-10-09
230 瀏覽
本身係一個炒飯控, 呢一日去開旁邊間酒店聽講座, 趕住要食個快lunch. 咁岩見到財記午餐套餐有咸魚雞粒炒飯, 梗係要試下啦. 午餐有例湯送, 果日係冬瓜豬肉湯, 味好濃, 唔錯!! 個炒飯炒得好乾身, 咸魚味好香, 雞肉夠多而且好軟身. 份量黎講算係大份而且好有鑊氣, 餐飲加左$2要左杯凍檸茶, 野飲唔太甜同夠冰, 好消暑. 而價錢黎講, 對於旁邊其實餐廳都算係划算. 服務態度唔差, 野食都上得好快. 係一間值得推介既茶餐廳.  繼續閱讀
(以上食評乃用戶個人意見 , 並不代表OpenRice之觀點。)
等級1 2018-08-02
228 瀏覽
太餓,3點鐘近近地行入一間餐廳,點左一個惹味酸辣米線配豬扒,清湯配雪菜,不酸不辣,不知何為惹味,豬扒又薄又細,米線一夾即斷,仲要$40連凍飲。真的不知所謂的米線。食左豬扒,4啖碎米線,即走。太難食 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-12
577 瀏覽
以前財記仲喺朗豪坊嘅時候已經幫襯,而家搬左鋪,我間中都會去買外賣番屋企食。今日去完迪迪尼,剛好要番公司拎少少野,變相又喺呢頭出沒,身邊人話晏晝喺迪迪尼食完自助餐,不如晚上炒下小菜,於是我地黎到財記。新鋪細間左好多,座位都幾逼,有卡位嘅。果日食飯時間都有好多客,咁啱有人埋單,我即入。通常黎呢度我都係點呢幾味,我個人比較沉悶,身邊人都好悶,哈哈。點左蜜椒牛仔粒、椒鹽雞翼同蒜蓉炒白菜仔。呢度其實有晚餐,會平少少,但我睇過啲餸唔係好啱食,所以自己喺餐牌入面揀。舊時啲餐湯好有誠意,即日煲,冇乜味精感,我少湯水,所以幾鐘意。而家轉左黎呢邊後,我第一次堂食,個湯都一樣幾好飲,唔會好鹹,亦都唔會淡茂茂。蜜椒薯仔牛仔粒,以前好鐘意喺另一間菜館食,但佢執下又一間,執下又一間,都少去左。財記嘅蜜椒牛仔粒都ok嘅,又唔算話好貴,又幾大碟,薯仔都幾入味,牛仔粒亦都唔韌,唯獨個「蜜」味可以再濃啲,我鐘意食落去有少少辣之餘,仲食到蜜糖嘅甜味。椒鹽雞翼,我試過幾次買外賣番屋企食,路途遙遠,凍左真係好難食,都係堂食穩陣。雞翼炸得幾香口,熱辣辣,椒鹽味道唔重,主要靠面頭嘅炸蒜,食落幾香脆,我收貨。炒菜就真係貴啲,加少少錢都叫到正正經經一個餸啦,蒜蓉炒冇乜難度,真係貴左少少。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-28
299 瀏覽
同學仔相約在這茶記吃過快飯才上學,於是放工便急急腳逃離公司現塲!如果不是同學仔介紹,也不知道有這間茶餐廳!晩餐$50元包例湯和主菜,很抵食😻木瓜雪耳豬骨湯:很有「家」的感覺,我這碗湯有很多雪耳,吃得出放了大豬骨,很淸甜,正😻瑤柱肉碎扒娃娃菜:瑤柱很少,但只是$50元的晚餐,這是很讓人理解的!娃娃菜很新鮮好吃,調味恰當😻其實,我是叫了京都金沙骨的,瑤柱肉碎扒娃娃菜是同學仔叫的!為什麼沒有相片?原因是太好看,顧住食,仲要食哂😅這家店一定會再幫襯,因為它的食物真是好味又抵食😻😻😻 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-31
1379 瀏覽
當日係朗晴坊悄悄地離開既財記,相隔一年,今日又再悄悄地係油麻地重開。記得以前係旺角每當唸唔到想食咩,就會自動走去財記,好似食住家飯甘,兩餸一湯。企理乾淨既裝修,完全唔會有麻甩茶餐廳既感覺,就算兩三個姊妹淘去食都覺得坐得舒服自在。重遇後立即相約男友去再尋當日味道,完全唔需要睇餐牌,一切照舊即可。先黎例湯記得以前有紅湯,而家無左。中湯有味精,個人唔太鐘意,覺得可以唔飲,期待紅湯捲土重來。咸蛋蒸肉飯 $55一直令我心掛掛既就係呢碟看似簡單,但係極有內涵既肉餅。呢到既肉餅係非常嫩滑,就甘睇都覺得粉嫩,入口係嫩得黎有肉汁。上面仲有原粒咸蛋黃,好大方。鼓油唔會太咸,整體配搭非常平均,送飯超正。西檸軟雞 $54另一道我覺得好出色既小菜,看似容易,但係其他餐廳食總係唔滿意,一係太乾,一係太酸。呢到既西檸雞粉漿唔厚已且帶有少少煙韌,唔知係咪用左蕃薯粉。雞扒啖啖肉,檸檬汁唔會係好膠質既茨,但流質得黎又夠掛係雞扒到。好感動,闊別年半,味道依然。埋單時,忍唔住問老闆點解當日甘突然地結業,原來係因為身體問題,應付唔黎。而家休息夠,身體好轉,就決定重開。雖然好掛住呢到既住家飯菜,但都希望老闆要作息定時,保持身體健康,甘樣先長做長有。 繼續閱讀
(以上食評乃用戶個人意見 , 並不代表OpenRice之觀點。)