影片
🍖招牌蒜蓉豬手 m $400 (8.5/10)韓國人開餐廳真係勁有效率，我當日星期五6點拎飛，排12張飛等左35分鐘就可以入座🫶🏻，入到座落單唔洗兩分鐘已經上曬菜！！大家記得一定要叫蒜蓉豬手！雖然食完個口會好臭( ･᷄ὢ･᷅ )，但蒜泥嘅濃郁度真係可以令到成件事昇華曬，d豬手沾上蒜泥就唔洗再點任何醬汁，豬手豬皮本人都好夠入味，個皮超煙韌(稍微有少少難咬😝，份量方面我就覺得唔算多，m size兩個人輕鬆ko，食完好滿足🤟🏻，同係韓國食嘅味道差唔多豬手本身附送一大盤沙律，幾款小菜，我覺得兜沙律唔錯😂，可以比你食食下解膩，同埋唔怕食太多肉便秘🤨🍖蟹籽紫菜飯 $50 (8/10)係我係韓國食豬手嘅必叫item😎，一定要捏到一個個波咁食先好食，超愛d黃蘿蔔碎！成件事非常夠味又有口感回頭指數:🍧🍧🍧🍧🍧 (滿分:🍧🍧🍧🍧🍧)-好坐指數: 🧎🏻♀️🧎🏻♀️🧎🏻♀️ (滿分:🧎🏻♀️🧎🏻♀️🧎🏻♀️🧎🏻♀️🧎🏻♀️)人均：$200～服務：(7/10)-希望熱潮過去後會易d食到😳，想食真係要6點前黎拎飛
繼續閱讀
每次去親韓國都會食豬腳小姐，而家竟然嚟香港開分店，必須要去試吓同韓國嘅味道一唔一樣。餐廳單點豬腳會送沙律俾你解膩。喺韓國食除咗會有沙律，仲會有辣湯俾人煮埋公仔麵。感覺比較豐盛。🐖每次去我都只會叫一個口味—蒜味佢有超級多蒜鋪喺隻豬腳上邊，而且啲蒜味比一般嘅甜，唔會因為太多而變得好辣。最啱我呢啲重口味嘅人。豬腳都有分大細，我哋得兩個人食，所以叫中size已經可以。如果人多去嘅話，可以叫大size，另外都可以叫其他小食share食。豬腳已經煮到好腍，啲肉好爽口彈牙，皮嘅部份就充滿膠質。我哋都算好早去到，大概6:30已經坐咗喺入面食。食食吓7:00之後出邊已經好多人排隊，所以如果要去嘅話記得早啲到啦。總括而言，除咗無喺韓國飲咁划算之外，味道或者感覺都同韓國一樣。得閒可以嚟食吓一解思鄉之愁😂😂
繼續閱讀
小編今日來到銅鑼灣一間韓國豬腳專門店「豬腳小姐미쓰족발」，餐廳已經進駐銅鑼灣‼️本店在韓國弘大開店超過30年，採用韓國產新鮮豬隻滷煮豬腳，招牌必食蒜蓉醬豬腳🐷 餐廳提供豐富的韓式小食，包括泡菜辣蘿蔔、芽菜及，沙律醬拌刀削麵🧡 午市套餐性價比高，在香港也吃到正宗韓國豬腳的幸福滋味🇰🇷 招牌「招牌蒜蓉豬腳套餐」豬腳上面淋上滿滿的蒜蓉醬🧄 豬腳滷至軟嫩入味，帶偏甜口味，沒有半點豬肉的膻味🙌🏻 豬皮充滿膠質，入口即化而不覺油膩，整體蒜頭味不嗆不辣，豬腳肉汁配上白飯一流，加上沙律解膩🥗 必食推介的韓式蒜蓉豬腳🐷💜 🍽️菜式：招牌蒜蓉豬腳套餐(午市）👅好味指數：8.25/10💰消費：HK$95📍地址：豬腳小姐 (銅鑼灣) 銅鑼灣登龍街1-29號金朝陽中心二期 - Midtown地下C號舖🈹推介優惠：N/A
繼續閱讀
今天是公眾假期，到豬腳小姐吃午餐，不用排隊。地方不是很大，大多是三人、四人枱，凳是可以揭起，把背包或其他物品放在凳底內，不怕被人拿掉銀包或背包。地方很特別，不停播放着音樂，歌曲也算輕鬆愉快。看餐牌主打是豬腳，有原味有蒜蓉也有辣的，有大和中的選擇，今次叫了一個蒜蓉豬腳，侍應提議我們蒜蓉另上，先吃原味，再把蒜蓉鋪上面便可以吃過兩種味道。豬腳很美味，皮和肥膏都肥美。也有一次性的手套可以用來吃豬骨。一個中號的豬腳已經是頗多，價錢是$400，加埋伴菜，兩個人一定夠飽。伴菜有多款，有蘿蔔、洋蔥、海藻等等，還有一碟大菜沙律。而且盆菜可以免費加添，我覺得最好吃的是那些海藻做成幼絲加上沙律醬很彈牙美味。今次亦叫了一個紫菜飯，價錢是$50，侍應提議我們，先把配料撈勻再手握造成一個個波波的伴飯。但覺得反正也是吃落肚，就把所有配料全部撈勻，當炒飯吃，更加可口、更加自由。店內應該有酒牌，日本啤酒和韓國白酒。計及加1服務費，今次共$495,有多種付款方法，食物份量頗多，要用外賣盒走吃剩的豬腳，下次不用叫紫菜飯，那麼兩人份量便剛好。
繼續閱讀
韓國弘大人氣豬手店「豬腳小姐미쓰족발」開到黎香港，唔洗飛韓國都可以試到，開心❤️上年十一月開嘅時候經過見到門口排哂長龍，而家知道可以經佢IG book位唔洗等，而且都唔難book，搞到我食完已經想即刻再book🤩🥢招牌蒜蓉豬手 $400已經包咗沙律同前菜，前菜全部都好！好！食！而且仲有得refill，有一款店員話係海藻有沙律醬嘅前菜，好味到我哋仲refill多咗一碟，前菜全部有得refill就唔怕食豬腳會食到好漏啦！主角豬腳真係超級好味，有口感嘅豬皮入口越咬越出味，連埋豬腳嘅肉，又煙韌又淋，完美咁平衡番皮嘅油膩，食下一件食下又一件，2個人食2-3人份量都唔會話食唔哂鍾意食蒜蓉嘅一定要叫蒜蓉呢款，佢個蒜蓉係又香又滑勁match豬腳🥢招牌魚糕湯 $128充滿濃濃胡椒味嘅湯底，冬天飲一啖真係成個人即刻暖哂，魚糕魚蛋魚片全部都唔會話係硬實嘅質地，出色！🥢蒸雞蛋 $50一上檯雖然好熱，但一定要襯佢熱辣辣嘅時候打卡同食，入口好鬆軟，耐咗蓬鬆嘅雞蛋就會慢慢倒塌啦😂本身都會擔心過江龍黎到香港通常無幾間會覺得好食，雖然我無喺韓國食過，但係我覺得呢間好好味，未食過嘅你一定要比次機會佢呀！而且舖頭氣氛好好，見到有幾檯有人生日，店員會熄燈仲會全部一齊唱歌送上蛋糕，真係…只要你唔尷尬尷尬嘅就係壽星本人😂豬腳小姐Myth Jokbal地址：銅鑼灣登龍街1-29號金朝陽中心二期- Midtown地下C號舖。回頭指數：⭐️⭐️⭐️⭐️⭐️抵食指數：⭐️⭐️⭐️員工友善指數：⭐️⭐️⭐️⭐️推薦𖤐：招牌蒜蓉豬手、招牌魚糕湯人均消費：$318.5
繼續閱讀