豬肚雞一人一爐火鍋 (已結業)

新年價期未完, 陪阿妈去花墟買花, 買完想醫肚, 因為天氣好凍,緊係最好食火鍋, 但係只有兩個人, 點打? 點知行行吓, 係旺角警署後面有一間叫'豬肚雞一人一爐"的食物館, 心冧 一個人都可打邊爐? 我亞媽唔食牛,所以佢叫佐個海鮮套餐$78豬肚雞湯底,我就謹係要安格斯肥牛套餐$68韓國泡菜湯底, 打邊爐點可以無肥牛!更+$10炸魚皮.個侍應教我哋豬肚雞湯滾後,飲佐湯、食佐裡面D雞同豬肚, 先開始打邊爐. 當時覺得有D奇怪,通常最後D湯才是精華, 點解開始就飲湯? 但是試後D湯好味,D配料亦OK,個爐好夠力, 較大細火又好方便:), 同埋我好有煮嘢食的feel,自己話是 價錢底食 無加一,無醬料費,只+$2茶錢. 值得推介!…查看更多

19/2(五) 7pm豬肚雞的定位可說是一針見血.對單身貴族或小貓兩三隻的爐友,這裡可說是不二之選!一人一煱作招徠,五款湯底,難得的是主打的兩個火煱套餐內的火煱料不甚相同,可多試幾款.除此之外,點心及燒味亦似乎是本店的拿手好戲!我倆點了安格斯牛肉拼盤$68,海鮮拼盤$78,另加炸魚皮$10.湯底--要了豬肚雞湯及馬來蝦湯;兩者的味道皆相當濃郁,豬肚湯內的豬肚沒異味,馬來蝦湯底帶中等辣度,蝦味不淺.此外,附湯的豆卜索盡精華!炸魚皮--不甚脆口,經浸泡良久後變得耐嚼,好吃多!安格斯牛肉拼盤--肥牛,魚蛋,牛丸,芝士丸,貢丸,魚皮餃,金菇,芝士腸,粟米及油麥菜.海鮮拼盤--大蝦,帶子,蝦丸,墨魚丸,鯪魚滑,魚片,冬菇,凍豆腐,蕃茄,粟米及油麥菜.材料稱得上鮮度高,全沒挑剔之處!加上環境企理,服務貼心!沒加一及醬料費,僅收$4位茶錢,看得出心機的小店,必定鼎力十卜!…查看更多

琴晚同友人行花墟行到攰攰地就去附近開飯原來太子係甘多人食飯...每間食肆都好多人等搵左陣隻腳都好攰甘求其就黎左呢間豬肚雞天氣十分熱..打邊爐好似有點儿失常..但就試一次甘多開行冷氣打邊爐..都幾過隱等左15min終於輪到我啦...本身我都係一個沒咩耐性既人最吾滿意係出面櫈都沒張坐下..入到去一坐底..就嗌左個安格斯牛拼盤68蚊有芝士腸2條,幾粒丸,油麥菜好多,肥牛8細條,豆卜好多,栗米2細舊冬菇2舊,少量米線,西芹蝦餃2粒*****好食我order蝦湯底同凍檸茶點知話沒哂..甘就嗌左1支可樂8蚊..我覺得汽水真係好貴..192ml only同友人另外嗌左鳳爪同蒸鯪魚球點心就都好味...價錢都吾係貴個湯底黎到係沒蝦既只見幾隻豆卜浮左係面..成煲野紅色既好淡既蝦味,完全沒有鮮味!開頭以為拼盤好少野...但原來都幾多野食下..2個人share1個拼盤都夠我覺得栗米係最好食因為好甜...肥牛都錯..西芹蝦餃d蝦好爽..不過得2粒.其實姐好似魚皮餃甘但入面全部係蝦食食下都嗌多支可樂...真係好吾夠喉最值得一讚就係服務態度...好快手好nice最想彈就係坐得吾舒服..地方好細...張枱好細...友人嗌左個大蝦拼盤78蚊...個侍應就話呢2個拼盤做緊7折先甘平埋單88蚊22蚊茶芥..90蚊吾洗加一…查看更多

因為食過深圳嗰間褔x記豬肚雞, 所以就嚟食吓香港呢間, 結果發覺完全唔係'嗰回事'招牌主打豬肚雞湯一人一鍋, 同埋香蔥乳鴿飯叫咗一個火鍋一人套餐($7x), 當然係揀咗豬肚雞湯, 另外叫咗啲配料: 四宝丸($2x), 芝士丸($2x), 水餃雲吞双併($2x), 同埋一個香蔥乳鴿飯湯嚟到, 細細的鍋, 湯白色的, 但係一'撈', 裡面得兩小件雞同埋兩片豬肚, 味道嘛.......唔係褔x記的胡椒湯味, 而係似'金x'忌廉湯, 只有咸味:(一人火鍋餐只有幾片牛, 六七料丸, 四隻蝦, 菜同埋一堆米線, 加埋配料, 兩個人食都夠飽的, 四宝丸同芝士丸都ok, 但係個水餃唔知點解有莞茜, 啲雲吞又好'實', 唔好食食晒啲嘢個乳鴿飯先嚟, 但係已經飽咗, 結果要打包拎走, 後尾番熱嚟食, 也不錯的招呼ok, 不過著黑色衫嗰個女'部長'同我哋點菜嗰陣, 冇提醒我哋'叫得太多', 我哋食到一半(當時個乳鴿飯仲未到), 聽到後面嗰枱客啱啱到, 紅色衫的姐姐提議人客, "兩個人叫一個豬肚雞湯+一個乳鴿飯就夠ga嘞", 好細心. 如果我哋點菜時係由紅色衫的姐姐落單, 就唔會叫啲'配料', 咁就可以即場試個乳鴿飯啦整體上冇咩特別, 茶餐廳格局, 打邊爐收醬料費每人$10, 但係又唔係有咁多醬料俾人揀, 唔抵:(…查看更多

一入去, 搭木台, 木台又冇位,d位都迫架啦, 第2木台個人仲霸多張椅黎放野, 我就貼住張木台黎坐, 算啦~叫野食叫左一個豬肚雞湯底$68餐, 同埋一個啦沙雞湯底$68餐,佢落單果時講3次 都以為我地只係叫一個餐-__-等..................等...........................再等.............等左2個字, 有湯底出現.....好, 又叫下點心啦, 叫左煎蘿蔔糕同小籠包. 煎蘿蔔糕feel唔到係煎既, 我搵左好耐先見到有蘿蔔XD, 小籠包, 唔睇, 我唔知我食緊小籠包...再等...............睇住D湯自己係度滾.料下佢, 發現有2小塊豬肚同3舊冇肉既雞呀!:另一個仲勁, 有5隻豆卜自己係度滾.....等.........再等.3個字, 終於有野上, 佢懶勁咁同我一盤上曬, 用D牛肉好似好靚咁鋪曬係米線面,我唔食牛既, 下面D米線同其他料都比D牛血染到血淋淋, 我有一半野冇得食, 蝦, 哈哈哈.....4隻有3隻係霉既, 我同佢講啦,佢入去拎住條蝦SO, 的隻蝦出黎,話"你試下我D眼光"XD不過, 都唔見得好囉, 丸果D冇咩好講啦, 另叫左竹笙, 鴕鳥肉,墨魚滑同羊片 竹笙~OK, 食得既...都爽口~(唔爽既我唔知係咩黎)鴕鳥肉~生粉落左幾斤, 仲唔知用咩乸過黎, 冇肉味, 一唔洗咬都散咁滯, 食左一塊就唔想食啦墨魚滑~OK, 都可以, 又係粉多囉羊片~勁, 隻羊同人隻揪黎, 有個青色既印, 對面叔叔話係急住解凍既印....問佢咩黎, 佢話雪肉係咁, 換左一碟, 差冇幾...熟左好怪, 又係食一塊就冇食, 啤酒, $26支, 都幾貴, 又收茶錢, 我地TOTAL 2個人食左$27510點去九龍酒店食宵夜自助餐都係咁上下, 真係搵自己黎搞我不但唔會再食, 仲會周圍叫人唔好食對面叔叔叫個鴿飯, 等左半個鐘個賣相仲好似堆填區發現碎屍.....唉…查看更多

天寒地冬, 諗住去打邊爐行過見到一人一爐幾得意入去試下好抵! 夜晚$68有個套餐火鍋仲要9點半有7折, 成埋先$48未食之前太肚餓, 叫左D點心食住先又唔錯wor尤其是夜晚食點心無乜地方有得食, 正!個阿姐介紹個"春風得意腸", 試下啦原來係腸粉包住春卷, 幾特別到主菜火鍋喇叫左個招牌"豬肚雞"湯底好入味, 有好多豬肚同雞可以飲完湯先再打邊爐個套餐D料唔算多但係都夠一個食同埋勝在鮮味整體真係唔錯係有時太多人阿姐應唔切我地一定會再食過…查看更多

近來的點心店子開了一間又一間，是日嚐到的是味道不好的一間。星期六的中午，在看戲前食了︰牛肉腸︰很粉很粉的腸粉，皮好粘，差。鳳爪︰醬汁味濃，是相對好的一環。金錢肚︰很難咬開，不喜歡。蝦餃︰皮超厚，比叮叮點心更差。牛仔骨︰只有肉，沒有骨，為何稱之為牛仔骨？而且肉質有點霉，不吃也罷。食物不濟，連服務也不濟。話就當天老闆娘一而再再而三的要我們換位，為的是遷就她安排座位，我們也不是那不近人情的人，即使食物食了一半而欣然答應。老闆娘為了答謝我們，說免了茶錢和不用我們跟別人拼桌。哪知坐了不一會，又安排別人與我們拼桌，最後收錢時又照收茶錢。雖然那一丁點錢我們並不在乎，但你說了又做不到，確實讓人失望。要客似雲來，食物和服務都得下苦功。…查看更多

今日從大陸返來,2:00PM係太子落車,好肚餓,週為揾嘢食,剛剛經過上次夜晚打個邊爐的豬肚雞,就入去試下食午餐吧!心想,唔通日唞都打邊爐?坐底,原來日唞食點心及燒味飯.但更開心就係有鳳爪排骨飯食,原盅蒸.正!其實我好鐘意食食呢個飯,但通常酒樓先有,但我最曾去酒樓. 飯好大盅,排骨好味,唔太肥,鳳爪夠大隻,:bowl飯都香軟,原本咁大盅飯只係$16元,+$8元有杯凍檸檬茶(我的至愛).好滿足. 哈,這餐同我作日係大陸食個餐差唔多$,其實依家香港都有':)平'嘢的,大陸的嘢越來越貴了.…查看更多

煎蘿蔔糕 有蘿蔔絲，但材料少蘿蔔糕幾多油，麻麻地:(蒸虾腸粉 OK，虾不算細隻:)叉燒包 不錯，叉燒不會太多肥膏，好吃。白灼菜蕊 OK。燒味雙并 (叉燒、燒鵝) 叉燒肉質幾硬，味道偏咸，沒有蜜汁的甜香:(燒鵝OK，當然不可與深井相比。茶就無得揀。Summary:其實近期大熱食米芝蓮點心，但要排隊等位就不是人人願等，這間就比較少人，就算要等都會好快，但食物質素就不能相比，是屬一般貨色。 …查看更多

星期日下午兩點, 四圍都排隊等位:(, 見此店未滿, 唔使等, 於是與Honey 入去試吓, 叫了以下點心:蒸排骨 $10-hk , OK 幾好食, 無雪味, 幾大籠, 鳳爪 $10-hk, 都幾好食燒賣 $14-hk 幾好食, 無肥肉,燒腩仔 $20-hk 好食, 幾脆, 但細咗啲, 多幾件就好喇, 哈哈 香煎羅白糕 $1x-hk 普通, 無乜特別:(叉燒腸 $1x-hk果然係"差燒腸" , 千其唔好叫, 叉燒少得很可憐, 啲皮勁厚及啲皮味有點怪:(, 我食了一啖食唔落:(, (我覺得唔應該浪費食物, 但無辦法, 真的食不下, 我與Honey都放棄了!!!)整體嚟講, 啲點心與大酒樓無異 (除了叉燒腸), 茶每位$2-hk (可以叫waiter比個茶壺你自己加茶), 人多, 枱多, 但地方細, 如果趕時間, 唔想等位, 都是一個不錯的選擇, 快快食完起身走人 **啲waiter 服務有待改善, 唔識抹枱, 唔識招待客人, 無野講, 地方清潔亦有待改善, 價錢方面就幾抵, 無加一, 如果改善埋啲環境及服務, 應該會好好多囉.…查看更多

幾有趣, 個火鍋個設計幾好! 一人一個, 唔怕交叉感染! 同埋同多幾個人去食可以試晒咁多個湯底。唔錯!本人覺得個蕃茄湯同埋莎嗲湯幾好! 同埋本人建議跟餐會好D, 因為我地o個次就"懶勁", 唔食餐, 食到$120 個人, 真係骨都"尺"埋!! 如果佢d 腐竹唔好好似紙咁薄, 個湯唔好咁咸, 同埋可以多d 餐俾食客揀o下都幾好!!同埋唔一定要火鍋o既, 可以叫飯食, 因為我地都見到幾多人叫飯, 應該係有味飯o黎架!! 不過地睇唔到係咩, 但係有趣o既係用個電飯煲裝住俾你。同埋可以用八達通結帳架!! 我地o個次食o左五佰幾蚊, 唔知如果用八達通俾會點呢??…查看更多

呢間嘢係男朋友睇雜誌時發現的我地叫咗一個一人煱, 一個乳鴿飯一人煱原價$68, 9點後有7折, 唔駛$50個煱設計唔錯, 夠深, 唔會放小小嘢就滿晒, 而且係用電磁爐, 所以好夠熱我地要咗個豬肚雞煱湯底, 幾濃味, 真係有豬肚同雞架!火煱料份量唔算多, 貢丸, 魚蛋, 蟹子丸, 牛丸各一粒, 魚蛋幾爽, 有魚味幾塊牛肉, 一隻蝦, 2個珊瑚, 一啲粉絲, 兩舊冬菇, 一啲娃娃菜我地另外加咗生蠔, $28兩隻, 都幾大隻都新鮮到個乳鴿飯, 特別之處係用電飯煲上, 仲會有一碗葱俾你撈嚟食啲乳鴿本身已經係碎咗同啲飯撈埋一齊雖然用電飯煲上係幾特別, 但我自己覺得佢似係一大煲飯整好咗之好先分番落電飯煲後上枱因為啲飯嚟到都唔算太熱, 味道都係一般, 乳鴿香味唔特出, 而且啲飯似撈咗豉油咁o既色不過一試無妨o既, 因為香港應該冇幾多地方會連電飯煲上順帶一提, 鋪頭係接受用八達通找數的, 但簽咭就要$200以上先可以…查看更多

今次個朋友生日想打邊爐,我即刻叫佢地去豬肚雞,因為個度係一人一爐,唔使食洗筷子湯,個爐又夠力,竟然有驚起,原來佢哋出佐個馬來蝦湯一人套餐,聽到馬來蝦湯,我即刻稔起沙巴好好味的蝦麵,所以叫左一個一人SET,估唔到個湯底都唔錯,少少辣好香蝦味,另外有5-6塊肥牛,2隻生蝦都幾大隻同新鮮,仲有2舊粟米,2隻鮮冬菰,2舊豆腐,芝士丸,牛丸,魚旦,貢丸各一粒,金菰同娃娃菜及最後要嚟索湯味的米粉.呢個套餐$68 好底食,唔駛加醬料費. 同個D大X樂及美X的火鍋, 張相就好靚,點知出到嚟"完全唔掂", 呢到出嚟張相同D食物相似度達九成, 但係原來9:00後$48(仲底),我哋帶佐個旦糕去切,上次去的時候,D侍應服務嘛嘛,但今次換哂人,服務好好多,:)仲好識做送水晶包比我哋.都好好味!…查看更多

見到呢間店都開左一陣子 決定同男友來試試叫左...奶皇包 $10 唔係咁好食 d奶黃好實千層馬拉糕 $10即係馬拉糕中間夾住d奶黃 出奇地 呢個點心既奶黃又好好食喎白灼時菜 $12今日得生菜 如果有多幾種菜揀會好d...燒腩仔 $20好食! 但每件肥瘦好參次經典糯米雞 $16超大隻 好食!得意卷 $1x問waiter係唔係無炸兩 佢話變左名做呢個得意卷 咁就要呢個啦!原來得腸粉皮包住春卷 幾特別 配合得仲幾好一般炸兩入面得油炸鬼 其實幾單調而家配春卷 又有蝦&其他配料 又係好食!香煎羅白糕 $1x一般 無乜特別呢間點心店有好多點心都係$10價錢迷你 但size一d都唔迷你每人茶介$2 reasonable啦 (但要叫waiter refill, 可能佢地太忙)免加一我一定會再黎試埋其他點心 & 火鍋除一點心 區內又一食點心好去處 :)…查看更多

初時見到個名甘得意...都唔知好唔好食o既..之後抱住一試既心態啦!一人一爐我又未試過,哈哈....好似幾得意甘...湯底方面,有招牌湯 豬肚雞湯,莞茜皮旦,蕃茄薯仔等...甘我地就點左幾個豬肚雞湯,一個莞茜皮旦湯.飲落啖湯都幾有雞味...ok的~火鍋材料方面..我就比較喜歡肥牛 ,竹笙都好好味.油麥菜都好新鮮呢...食物質數ok...其間,點了脆皮燒腩仔...唔錯..仲有點心,蒸飯供應架..不過已經食到太飽了,下次再幫襯再試啦!最有驚喜既係...服務員阿姐 好有禮貌,不停為你加湯.仲好鬼風趣添~~ 值得一讚佢地既服務.令我對餐廳型式的火鍋店改觀了~ …查看更多