豬屋日本料理

營業中

休息中

數落上水都唔太多日本餐廳，有時想食下平民少少既日本野都要坐多兩個站先有，但最近發現係舊墟到多左間平民日本野!今日就叫左幾樣野返屋企同呀媽SHARE，試下餐廳既質素。餐廳有唔少便當類既野食，亦有小食﹑壽司，應有盡有，選擇都好多。青森便當青森便當入面有一個咖喱/燒汁飯﹑三文魚壽司兩客﹑七味燒豬頸肉﹑蟹棒沙律仲有個辣味螺肉，首先係種類方面夠豐富，試左三文魚壽司厚身新鮮，咖喱飯味道正常係有少少甜味既日式咖喱，但份量竟然多到媽媽要分一半出黎先食得哂HAHAHA 燒豬頸肉既口感都做得不錯，有肉汁得黎又夠乾身油香配埋飯食就剛剛好。福岡便當青森便當入面都有係咖喱/燒汁飯，配炸豬排﹑餃子﹑辣味螺肉同埋魚餅。個人最鐘意食個炸豬排，可能因為當日我係6點去到，同場仲未有太多人入座，師傅收到ORDER即叫即做，熱辣辣既豬排配埋咖喱飯好好味!灸燒芝士大蝦反卷芝士大蝦反卷都值得推介，師傅微微燒左芝士，大蝦炸得脆身再配上沙律醬非常好食，成個卷切開有足足8件，超級抵食。炙燒左口魚壽司左口魚壽司雖然單價會比較貴，但物有所值，灸燒過之後既左口魚入口微微溶化，魚油香味加埋壽司飯既醋味非常夾。整體質素良好。今次兩個人叫左4樣野

呢間餐廳門口好有地道日本餐廳嘅感覺，裝修幾特別幾年青😌😌一入到去店員態度好好，又好有禮貌。餐牌選擇都好多，有便當，刺身，又有吉列炸嘢，套餐仲有甜品跟埋🥰🤭我哋叫咗一個至尊惹味套餐，包括三文魚蜆肉味噌湯，蟹籽粟米沙律，刺身三款，三文魚兩件帶子兩件甜蝦一件😍仲有炸軟殼蟹，蒜香牛油比目魚，咖喱飯，仲有一件福岡濃厚，朱古力蛋糕🙃🥰🥰呢一個套餐簡直抵到不得了！刺身新鮮又好食，全部都好足料大大件🤭我最鍾意係佢個炸軟殼蟹，唔會好粉，又唔會太燶，啱啱好！個蒜香比目魚都好香！咁豐富嘅套餐都只係$148🤭🤭啲嘢食全部大大件，好足料，刺身又新鮮，真係抵到爛😂😂😂

Vivian好耐冇黎上水，經過見到新開餐廳，好似幾正，order左個便當，超級抵食，份量多（Vivian表示超開心）味道仲好好味Menu👉👉🏻👉👉🏻吉列豬扒蕃茄濃湯烏冬 $74蕃茄湯底好香，好濃，烏冬唔會煮到太淋，啱啱好，吉列豬扒炸得好夠脆，又唔會好硬，咬落去脆卜卜，豬肉好腍，正正😋薩摩便當 $108便當超級豐富，有豬頸肉，仲有牛肉，兩隻肉都好好食，未完，仲有前菜，三件壽司（蟹籽加州卷），仲有便當唔少得嘅飯，超多野食，味道仲要好味日式蜜糖烤雞翼 $21蜜糖雞翼，好好食😋咸檸樂（冷）& 柚子蜜

今次嚟上水終於唔再係成條街都係藥房多咗唔同食店 小店喺度四四方方設計 左右兩邊卡位總共有兩層 裝修簡約為主 加上少量和風裝飾極尚套餐 三文魚蜆肉味噌湯蟹籽栗米沙律＋刺身3款（三文魚2件，帶子2件，有頭甜蝦1件）蒜香牛油燒帶子 照燒原隻魷魚筒日式料理饗宴 豐富嘅一餐 餐湯勁大粒勁多蜆肉 三文魚肉嚟嘅湯的確比較鮮甜 一次過可以食晒刺身 燒烤 一定夠飽 另外可以揀咖喱飯或者升級轉食烏冬或者拉麵 亦都有唔同湯底選擇最後食埋甜品福岡綿綿芝士蛋糕收結宮崎便當🍱 $ 82（照燒雞扒 1件，鹽燒雞肉大蔥1串，照燒翠玉瓜，咖哩飯，味付螺肉）呢個便當主打係食雞 佢有刻意設計 有牛有豚肉為主題 嗰日式咖喱汁幾正

最近睇Openrice，發現上水開左間新嘅日式小店。食評雖然唔多，但見佢價錢唔貴，決定試一試。星期一晚上六點左右到達，當時只有兩枱客人。小店用QR落單，選擇好多，睇到眼花遼亂。最終揀左一飯一麵再加一款卷物。無加一，TOTAL $186。吉列豬扒配咖哩飯 $59豬扒即叫即炸，上枱果陣仲熱辣辣，食落外脆內軟；豬扒輕輕調過味，雖然薄身，但依然有肉汁，呢個價錢，呢個質素同份量嘅豬扒，無投訴。咖哩偏甜，味道似以前KFC咖哩飯嘅味。飯量好多，男仔食完應該會好飽。豬軟骨拉麵 $65本身對呢個拉麵無期望，因為通常呢個價位嘅麵唔會好食。點知呢個麵出奇地好味 麵條雖然無麥味，但亦無鹼水怪味，而且煮到係我中意嘅偏硬口感。豬軟骨偏碎，但個味唔差，撈埋個麵好好味。個溏心蛋浸到入味，係熟左少少扣少少分。至於湯底就略鹹，不過整體比想像中好。吉列炸蝦卷 $62呢個價錢都有八件，非常抵食。蝦卷好脆，不過蝦味偏弱，食落主要係沙律醬味😅，加上淡淡嘅芝士香。食物整體味道算合格，未到好正，但價錢相當親民，如果我住呢度附近，久唔久都會嚟食😏。以我所知，餐廳暫時只收現金，請各位食之前做好準備。

><有好多種款式嘅便當揀如果可以DIY自選埋配料會更加好👍🏻福岡便當(82)吉列豬扒/爆汁爆餡炸餃x2/日式圓蔥魚餅/味付螺肉豬扒粉漿厚度適中 唔會皮肉分離炸餃同樣剛炸起 咖喱撈飯入味日式安格斯牛肩胛烏冬(71)𨍭黑蒜油豬骨湯(+3)牛肉有炒過 唔係就咁涮熟 烏冬滑捋捋附送三文魚味噌湯及小食螺肉另外嗌咗小食日式炸雞(+15)/香炸一口小甜薯(19)好耐冇飲波子汽水(+16)亦有香港最近流行嘅飲品 激爽手打鴨屎香檸檬茶(+18)福岡直送綿綿芝士蛋糕(+24)加埋甜品開心share><><><><><><><><><><豬屋日本料理 Pig House Japanese Restaurant 上水馬會道170號地舖

脆脆巨炮航空母艦 $58 就係為咗佢專登過嚟食 呢個喺香港第一次見 食落脆卜卜紫菜皮，又有芝麻香味，加埋微酸嘅醋飯，配上店舖提供嘅豉油樽仔，一啖一件，超正，但要留意嘅係舊壽司要打側食先食到，如果唔係就比較戒口😂同場重叫左杯巨峰爆多多 ， 都算好飲但偏甜，可能下次要叫小甜🤣 蔥拖羅手卷 賣相就平平無奇 但係算幾好食 有油脂香味 入口就化👍

曾在大圍分店吃過，覺得還不錯～今晚在馬會道選餐廳，決定翻這間的牌子😂原因是價格很親民，壽司好吃～單點了三款壽司，分別是山型蟹籽壽司，灸燒左口魚裙邊壽司和醬燒三文魚壽司🌟個人覺得這間的壽司水準不錯♥️下次可以全都點壽司🤣山型是真的😂蟹籽像小山一樣堆放在壽司上，想一口塞都有點難道🙈醬燒三文魚入口即化～肥美鮮甜，同樣很好吃～限定濃厚龍蝦味噌湯拉麵套餐 ，套餐除了拉麵本人，還包括了三文魚蜆肉味噌湯、蒜香牛油帆立貝、蒜香牛油珍寶皇帝蟹棒、精選蛋捲～把拉麵轉為了稻庭烏冬♥️湯底很濃，味噌的味道重，很適合重口味的朋友🌟如果是喜歡清淡口味的也能轉為選擇其他湯底～味噌湯有驚喜♥️不只是足料，而且味道還很鮮甜🌟一點都不腥～還能吃到香甜的三文魚肉和飽滿的蜆肉🌟蛋捲是草莓口味～草莓味很香，也不會很甜♥️蛋糕質地鬆軟又綿密～好吃🌟

豬屋日本料理(上水)我哋order咗蒜香牛油燒珍寶皇帝蟹棒(2件）💰38呢個蒜香牛油燒珍寶皇帝蟹棒好正味！個蟹棒肉質鮮嫩，牛油同蒜香味好夠，令人滿足。個珍寶蟹棒配料豐富，令口感更加豐富。汁煮豬軟骨蕃茄濃湯烏冬（稻庭烏冬）💰74呢碗汁煮豬軟骨蕃茄濃湯烏冬真係好好味！湯底濃郁，有豬軟骨嘅鮮甜味道同埋蕃茄嘅酸甜風味。烏冬麵彈牙又入味，同湯底完美結合。仲有啲蔬菜同蕃茄粒入面，增加咗口感同層次感。一碗熱騰騰嘅湯令人心暖，真係好開胃同滿足！秋田便當咖哩飯包咗刺身三種（三文魚2件，帶子2件，有頭甜蝦1隻）💰94呢個秋田便當咖哩飯真係好正味！刺身三種都新鮮得黎，三文魚嘅鮮味加上帶子同有頭甜蝦嘅鮮甜，令人嘴齒留香。咖哩飯本身香氣四溢，味道濃郁醇厚，配合刺身食更加美味。便當包嘅份量亦夠飽足，滿足我嘅食量。仲有啲配菜同湯，增加咗層次同均衡嘅口味。整體嚟講，一個令人滿足嘅便當餐！跟兩杯嘢飲🧃💰22/each荔枝爆多多🥤呢個荔枝爆多多真係好好飲，荔枝汁甜度適中。爆多多脆口香甜，同荔枝一齊食更加滿足。草莓爆多多(少冰)🍹呢個草莓爆多多好解渴！草莓鮮甜多汁，爆多多軟綿香甜，一口咬落好開心。少冰令味道更突出，冰涼又不

今日在上水附近工作完，順道要附近搵食，在人來人往的馬會路有這間既多選擇又抵食的日式小店。小店有很多別致的日式裝飾，裡面有小食、拉麵、烏冬、刺食、日式咖喱、特飲等，一定有你心水！我點了：日式蜜糖烤雞翼（4件） $40激爽手打鴨屎香檸檬茶 $24黑松露三文魚壽司（2件） $24山型松葉蟹膏蟹棒軍艦（2件） $35貝三味壽司（3件）$35魚三味壽司（3件）$42首先來的手打鴨屎香檸檬茶估不到茶底好香，配香水檸檬很清新！再來的日式蜜糖雞翼烤得好香，啖啖肉的。最後來的壽司都不錯👍🏻貝三味壽司包括了北寄貝、帆立貝、赤背壽司，三件都新鮮爽甜。 魚三味包括了三文魚、油甘魚、吞拿魚壽司，三件都肥美富油香。松葉蟹膏蟹膏豐富，非常不錯👍🏻最後再點心愛的三文魚，完成美味的一餐！人均約$200📌豬屋日本料理 (上水)上水馬會道170號地舖

最近上水開咗間日本嘢，於是今日帶埋最愛日本嘢嘅媽咪嚟試下！我哋叫四樣嘢食，鹿屋便當（$92）、限定濃厚龍蝦味噌湯拉麵套餐（$108）、赤貝壽司（$28）同三文魚壽司（$20）鹿屋便當有咖哩飯、刺身三種（三文魚2件，帶子2件，有頭甜蝦1隻）同味付螺肉。刺身好鮮甜，油脂分布平均，口感滑嫩😍咖哩醬甜甜地，有粒粒薯仔同蘿蔔，螺肉有蒜香同好彈牙，送飯一流😆限定濃厚龍蝦味噌湯拉麵套餐包勁多嘢，啱哂大胃王🤭單單係味噌湯就已經有成五六粒蜆肉，好新鮮；帆立貝同皇帝蟹棒好重蒜香同牛油味，呢個咁邪惡嘅配搭都食到我lam lam 脷😋；主角拉麵嘅硬度啱啱好，湯底有濃濃嘅龍蝦味，我真係成碗飲哂🫣士多啤梨卷蛋甜甜地，用嚟作結非常完滿！另外赤貝同三文魚壽司都係好有水準、好新鮮，呢間嘅刺身真係值得一讚整體嚟講呢間餐廳值得再食😆咁多嘢埋單只係$248，性價比幾高👍👍👍

大圍食開，黎到上水開分店。💥尊享豐盛一人前💥🌟至尊惹味套餐🌟▪️蟹籽粟米沙律▪️三文魚蜆肉味噌湯▪️刺身3款 （三文魚、帶子、甜蝦）▪️香炸軟殼蟹▪️蒜香牛油比目魚▪️豬骨湯拉麵▪️福崗濃厚朱古力蛋糕🌟極尚套餐🌟▪️蟹籽粟米沙律▪️三文魚蜆肉味噌湯▪️刺身3款 （三文魚、帶子、甜蝦）▪️蒜香牛油燒帶子▪️照燒原隻魷魚筒▪️黑蒜油豬骨拉麵▪️福崗綿綿芝士蛋糕➡️經濟抵食既日本定食由刺身、主食、小食到甜品。滿足❗

3個午巿定食，食到3個都灑手擰頭。拉麵千其唔好叫，硬到傻，好明顯係即食麵，加即食麵湯粉，幾乎都食得出係咩牌子添架啦。豬骨湯底又唔知點解要加牛油落去，九唔搭八，炸雞難食，色水都唔開口，味噌湯都鹹到傻。豬軟骨飯，得3舊骨，但俾成筒飯你。比目魚扒飯，多油到傻，又係唔知點解仲要加牛油落去，食到反胃。一小塊魚，又傻成筒飯你。仲要加一，又貴，一啲都唔值得。No more!!!

住開北區都知呢度係美食沙漠發現附近嘅開左間好特別名嘅日本菜呢間餐廳主打日式定食🇯🇵裝修行年青路線 光猛企理主食有豬，雞，海鮮🐷🐓🦐嘢食幾高質之余 份量都好足沖繩便當（$98）🍱有三款刺身 包括三文魚 帶子 甜蝦魚生幾新鮮 亦都夠凍👍🏻熟食方面有吉列千層芝心豬扒同埋金菇牛肉卷配埋咖哩飯食落非常滿足特選五色丼（$98）有5款魚生 包括三文魚 北寄貝帶子 赤蝦 同埋海膽當中三文魚同帶子幾出色👍🏻好新鮮鮮甜荔枝爆多多（$22）益力多同荔枝味原來配埋一齊咁好飲 愛甜人士必叫柚子蜜（$12）飲落幾清香 有淡淡柚子香味

上水新開咗一間日本料理，以平靚正作招徠！作為北區之友嘅我，自然立即去探店！由於係新裝修，全場都乾淨企理，座位間尚算寬敞，坐得幾舒服👍🏻用qr code點單方便快捷！食物種類繁多，亦貼心地已將唔同種類嘅肉類分類，例如雞、牛、豬......非常方便秋田便當、宮崎便當~由於便當可以試到唔同種類嘅嘢，所以我及朋友都選擇咗便當，當中咖哩汁頗為甜口，好適合女仔！刺身亦厚切新鮮，當中炸雞扒非常juicy，炸粉亦唔算厚！爆汁爆餡炸餃子~炸餃子一共五隻，隻隻都非常飽滿！一啖咬落去，內裏嘅肉餡完全充斥滿整個口腔，完全係肉食者至愛！