豬仔點心專門店 (已結業)

呢間係粉嶺聯和墟開嘅點心店，第一次同屋企人幫襯，質素都不錯。星期日光顧，都見到好多人等位。今次叫左薑蔥牛栢葉、排骨蒸陳村粉、蜜汁叉燒腸粉、糯米卷同埋養眼紅棗糕。食物質素同酒樓嘅點心相差無幾，感覺上份量偏多。茶位每位10 蚊，值得一提係全日免加一，相對上性價比較高嘅點心店。…查看更多

我今日叫咗燒賣，粉果，鳳爪，煎堆，炸鮮奶。燒賣煎堆粉果一般，難食過唐記少少。鳳爪有少少酸味懷疑壞咗。炸鮮奶皮厚到咩咁，啲鮮奶冇乜奶味。疫情之前食過都幾好食，今日見佢開番就買外賣，點知難食咗好多，都唔知係唔係將之前賣唔曬啲嘢拎返出嚟賣。…查看更多

環境光猛整潔，食物選擇唔算好多，但都係大眾款式，總有款啱你🤪即叫即蒸都唔洗等好耐，茶位每人$5，仲係全日免加一🤓🔸豬仔流沙奶皇包🐽 $24係黃色既豬仔🤤一咬落去，個流沙真係好流沙，要小心熱🤣味道就正常啦~🔸原隻鮑魚燒賣🦪 $30佢係面頭有鮑魚，第二層有隻蝦，之後下面燒賣都幾足料👍🏼🔸大良炸鮮奶🥛 $25炸得好脆🤤但入面鮮奶味唔夠，剩係食到甜味，一般般🥲🔸水晶蝦餃皇🦐 $28呢款最最最好食😋蝦餃大大粒，蝦肉爽口彈牙，皮薄餡靚！🔸滋味長春卷🍡 $23脆卜卜，入面滿滿蝦肉，伴碟仲有沙律醬可以沾黎食，又夾又好食😋🔸蜜汁叉燒腸粉🥢 $22腸粉係即拉，果然皮薄夠滑🤤入面叉燒足料，而且預先切開左，夠晒方便，味道就正常啦~整體而言，味道正常，最出色係水晶蝦餃王🤤每款都夠晒足料，價錢又合理，性價比唔錯呀😍~~~~~~~~~~~~~~~~~~~🔍 推薦指數: 7.5/10…查看更多

全日免加一茶位$5豬仔流沙奶皇包堅係流嘅 係流沙個流😂但流心煎堆就無流心效果芝麻餡排骨蒸陳村粉唔夠滑同薄 啲排骨蒸得好好 一D都唔硬帶子菜苗餃餡料幾飽滿店員服務態度幾好…查看更多

有日係OPENRICE搵有咩餐廳食果陣就見到有間新開既點心店~ 於是就抱住嘗"新"既心態去食下，結果第一次食完係絕對會再次去食!!!今次就係第2次去食啦~座位方面係類似茶記座位，算係闊同坐得舒服。然後野食方面今次叫左4樣野食。1.帶子菜苗餃望落張相都睇到粒餃係幾咁肥大，相對地餃皮算係薄，然後佢入面嘅餡料份量係超多！2.酥炸韭菜餃同時都係佢煎炸嘢入面選咗一樣野，試完結果比想像中好，食落去唔覺得太多油，然後佢個外層唔算厚同時亦好脆，冇炸嘢嘅油膩感之餘入面嘅韭菜份量多！3.香茜牛肉腸當然食點心腸粉亦都係一個不可缺少嘅一環，第一次食佢啲腸粉嗰陣其實比佢外面果層腸粉皮嚇親，因為太滑！！！完全係一種驚喜！！！算係我食過咁多種腸粉入面最滑完全唔黏嘴既一次，上次仲再加單叫多一碟！當時果碟係我心目中既第一名！！！所以今次都一定再叫佢，但坦白講今次比上次既印像中已經冇咁滑有少少黏，另外食腸粉最驚佢餡少皮多變都冇咩味咁，但佢呢度嘅餡料同一時間都畀到好多，所以係一個滑嘅腸粉皮襯托底下入邊嘅芫茜味出曬嚟然之後再加啲牛肉味！呢個配搭緊的就係絕配呀！！！！！非常推薦~~~4.手工燒賣佢呢間舖頭比我嘅感覺係用料非常之多+極度大方，因為唔知佢menu上面嗰個手工燒賣究竟係乜嘢所以就抱住個嘗新既心態叫咗啦，圖入面亦都望到其實佢淨係得啲肉啦，冇菇係入面，係好食嘅但係對比其他黎講反而就有少少落差相對地較為一般~最後補一句，茶位都係5$ 仲要冇加1，絕對係好食抵食，平又高質既一間小店呀!!!…查看更多