豫園 (已搬遷) 新店位置

豫園一聽個名就知道是食上海菜，走進餐廳就看倒米芝蓮推介，今晚應該會食到好東西。先講一下環境，枱放得好好沒有背貼背的壓迫感，還可以包廂，最令人喜歡的就是窗外一片海景。酸辣湯，不是只有酸味或只有辣味，而是有一種鮮味。脆皮素鵝，腐皮真是非常脆，而且熱辣辣，點小小醋食更加出色。焗釀蟹蓋，最喜愛就是廚師將蟹肉拆肉後放返去蓋裏面，啖啖肉。小籠包，肉汁非常豐富。砂鍋雲吞雞，可以說是今晚最出色的，湯頭好像翅湯一樣，最重要是火腿不像一般食店像條柴乾，食落去鹹鹹地帶少少彈性。豫園惹味豬全骨， 豬肉肉地好軟熟，味道好像鎮江骨一樣。龍鬚鮮魚絲，魚絲是整條魚切肉出來的用了唔同部位，裏面有芽菜仔，加上芫茜，芫茜芽菜仔魚絲一齊食口感爽脆，味道十分鐘出眾。味道: 出色環境: 舒適衛生: 非常整潔服務: 周到抵食: 跟價錢成正比

老公成日都話帶我去上海個間豫園食飯，但係講咗咁多年都冇去上海，今日佢同我黎香港豫園找數先啦！有廳房故然寧靜，但坐外面，即使坐滿人都唔覺嘈吵。侍應好勤快，有笑容，亦會和食客有交流。脆皮素鵝，腐皮真係炸到脆卜卜，但入口又唔覺得油膩。酸辣湯下雨天最適合食一啲辣，酸辣湯鹹鹹地又有少辣。砂鍋雲吞雞有雞同埋金華火腿的鹹鮮味道， 雲吞雖然冇蝦，只係一粒肉，但係好入味，雲吞皮比平咗食到薄身雲吞皮厚身一啲，口感不錯。焗釀蟹蓋裏面有蟹肉、蟹膏、蛋白，所有食材連起來就是鮮甜美。豫園惹味豬全骨一隻嫩滑的豬髀，肉質輕易咬開配上黑醋汁。豫園小籠包熱辣辣小籠包包住一口清湯和肉汁豐富的肉粒。龍鬚鮮魚絲可以食到多款唔同部位的魚肉，有一啲魚比較滑身，一啲有口感，一定要配上芫茜同埋芽菜再加少少醋落去食味道一流。無論味道、環境、服務和衛生都係高質，收呢個價錢都係值得。

有個朋友太耐冇見，之後約左係銅鑼灣食飯，銅鑼灣真係太多選擇，初頭我地不知食什麼菜式，日本菜、中菜、西餐、上海菜等，到最後我朋友話都好想食上海菜，咁就要搵下，我地又想坐得舒服可以吹下水，之後搵到間叫豫園既飯店，這間店舖都坐得幾舒服，環境都華麗。【生拆蟹粉小籠包】蟹粉小籠包來到已經慢慢聞到蟹既鮮味，第一啖食落口既味道真是好鮮甜非常濃既蟹味，湯汁非常多，味道真是鮮上加鮮，好足料。極力推介。【龍井炒蝦仁】蝦肉爽口鮮甜，淡淡的茶香味令到蝦仁食落多了一份清新感覺，令人食不停口。龍井蝦仁清淡的味道再帶點龍井既香味。【原隻鮑魚伴麵】先用蔥油鮑魚醬汁伴勻幼麵，再加上用鮑魚汁煮過的鮑魚，鮑魚爽嫩彈牙，幼麵味道香濃可口。原隻鮑魚忟煮成，香味十足，肉質好有彈性，再配上豉油伴麵非常惹味。【豆沙鍋餅】香脆外表，內𥚃甜度適中，對不想食太甜既我值得推介。

✿╮❤╭✿ ✿雜感女生   好味日記✿ ˚*•✰。豫園．正宗上海菜。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤是夜家族飯聚，本族長老點名吃「豫園」 由大哥負責訂位，本小姐負責吃吃吃 作為上海菜餐廳，師傅的手勢夠正宗  脆皮素鵝啖啖都脆口外皮，內裡是木耳香絲，好吃！龍鬚鮮魚絲 必點心機菜，清甜帶鮮香魚絲彈牙入味，令全台吃不停口！糖心燻蛋 甜心蛋，鹹香足，每人半粒，正！焗釀蟹蓋 不只外層焗得香口，更是有不普通的內涵：鮮滑蛋白與蟹肉！味力非凡！生拆蟹粉小籠包 湯汁勁鮮香，皮薄肉鮮，蟹味濃！龍井炒蝦仁清清的上海菜式，帶來微微茶香的爽口蝦仁，傳統的炮製方式，夠正宗原隻鮑魚伴麵 非常入味，鮑魚大隻好彈牙，但卻被麵麵搶了風頭 因為麵麵不只彈牙更是吸收所有精華汁香份外令人流口水，結果是家人都說最愛此麵！豆沙鍋餅 這是本小姐必食的上海甜品，脆熱香，更有甜甜的豆沙呵呵，滿意了小評： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★

請女朋友家人食飯, 一定要大方得體, 食得好味, 我選擇 銅鑼灣 豫園,   位于  V Point 26 樓, 位置高尚, 交通非常方便. 主打上海菜, 相信女朋友家人都鍾意.豫園, 奪得 2019 年 米芝蓮榮譽.裝修舒適高雅, 坐近窗口的座位,  可以飽覽維港美景. 主廳有手繪彩畫, 帶點上海特式.  美女的旗袍蠻好看 !我們一行六人, 餐廳侍應 介紹經典菜式, 價錢中等.同時送上熱茶及餐前小吃, 服務態度非常有禮！紹興醉雞~~紹興花雕酒味, 撲鼻芳香, 雞肉去骨兼嫩滑, 醃得非常入味, 嚼落有雞味又帶酒香, 滿意. 上海冷盤,   豫園五福拼盤~~冷盤五小碟:  鎮江肴肉,  雞絲粉皮, 香筍,  香辣蒜泥白肉,  上海醬鴨舌,  各有特式, 清爽可口.脆皮素鵝~~腐皮煎得金黃, 不油膩, 內餡素三鮮切絲細緻, 点浙江醋同吃, 好滋味. 龍鬚鮮魚麫~~好特別既手工製作, 賣相精美,  魚香撲鼻.鮮魚麫好香滑, 桂魚去了骨,  大朋友, 小朋友和老人家都啱. 釀蟹蓋~~焗釀蟹蓋, 每人一件, 上檯時散發蟹肉芳香,  蟹蓋不太大, 釀滿啖啖蟹肉餡. 勁好食. 水煮魚塊~~窩內盛著滿

我們很幸福, 身處香港而可以吃到不同的名菜, 好開心.朋友今天請我到 豫園, (上海頗有名氣的食店)  位於銅鑼灣 海景商厦, V-Point, 踏出电梯, 看見那名酒排列, 真個美酒隹餚.我們早已訂座, 餐廳地方寬敞, 裝潢別具一格, 右方是落地大玻璃窗面對維港海景, 另一方牆畫, 可見國粹畫藝, 酒客暢飲盡歡, 感覺豪邁.我們訂的是海景房座, 私隱度高.店長為我們介紹時令夏季菜式,  好貼心.  第一度食品:  豫園五福拼盤  -  涼快上海冷盤, 夠醒胃.包括 ~ 上海醬鴨舌,  雞絲粉皮好爽滑, 鎮江餚肉, 晶瑩剔透, 蒜泥白肉和香筍, 組合好, 口感真不錯. 糖心燻蛋未入口已有陣陣燻茶香味, 溏心的蛋黃像黃金般色澤光亮, 燻出來的溏心蛋, 質感軟, 入口也口感黏稠, 味道醇香美味.茶龍井炒蝦仁有龍井茶的清香及蝦的鮮美,  蝦仁白嫩細滑, 茶葉翠綠, 色澤淡雅, 味美清口, 很適合夏天的一道菜.再來一個極適合夏天吃的清淡鮮美菜式 ~  龍鬚鮮魚麫   這菜在做得很出色,  把桂魚肉去骨切條, 首重魚肉的鮮甜嫩感, 突出桂魚的甜嫩本味.  廚藝優質, 好滿意. 砂鍋醃篤鮮上海的經

由於早排大家工作比較忙，所以連母親節也要推遲補祝，還好媽媽沒有生氣呢！餐廳格調高雅，裝修精緻環境開揚。我們決定每人揀選一個喜歡的菜式，大家一起選比較方便快捷，媽媽已經非常肚餓呢。先上冷盤小吃紹興醉雞 - 一上枱已有聞到酒香四溢，食落雞肉嫩滑，酒味濃郁，非常喜愛。糖心燻蛋燻蛋外層色澤均勻，入口蛋香味濃，特別喜歡流心蛋黃，咸香味俱全，堅正！龍鬚鮮魚鮮魚肉切成絲，加上銀芽炒成，食落清爽鮮嫩，口感爽爽的，有少少似食魚麵，但比魚麵爽彈很多呢！水煮鮮魚片麻辣味香而不辣，但有一種越吃越想吃的感覺，魚片鮮嫩，粉皮吸收了麻辣湯汁更加滋味，令人一試愛上。

今日收工同個舊同事食飯, 好耐冇食中菜, 佢就帶我黎登龍街V POINT上面食好野好細心, 茶壺有火溫熱燻魚份量好多, 足夠4-6人分享味道不錯, 作為開胃前菜, 一流馬蘭頭一直都是我的冷盤最愛白頁絲炒茭白季節性食物茭白清甜爽口 小籠包皮簿, 肉質JUICY!一咬落去, 成口都係湯汁, 好滿足富貴火舫第一次見到有桂花蜜既火舫好味之餘仲好特別十分推介蔥油拌麵又香又可口!! 惹味豬全骨豬全骨肉質嫩滑一D都唔油膩

今晚跟朋友聚餐聊近況，經同事介紹，我們選址豫園，環境舒適、服務周到。因為兩口子都以輕食為主，所以就選了比較少汁醬、少油膩的菜式。舟山海蜇頭 非常爽口及滿滿嘅水份，加醋微調已好夠味 ; 用以青瓜托底，分外清新爽甜上海小食不少得有紹興醉雞嘛~ 放到枱上已聞到陣陣酒香，雞肉更是入味又大件，抵食小食推介因爲想飲碗熱湯的原理，我們選了砂鍋津白，有菜又有湯非常合心水，還不止呢！鍋內更有花膠、海參、竹笙、肉丸、金華火腿、蝦米等，包羅萬有一樣！ 湯頭鮮甜有質感，啖啖金華火腿甘香。一鍋可分四位用，比點其他湯品都划算得多！店家還有不同的套餐可以選擇，適合家庭、公司等聚會，聽說大時大節還可以看到煙花呢！不錯。

「豫園」開業只有半年多   ,  已經深受食家推崇， 同時亦獲得車軚人推介之中菜廳。  位於登龍街V-POINT 已經佔盡地利，來這裡晚宴比時代廣場食通天方便得多。商場內的電梯直上26樓, 電梯門一開已經是有甚有氣派的大廳，設計上以老上海的四大名園 「豫園」為藍本， 設計上保留了全統的裝潢， 大廳內的一邊是巨形壁畫， 另一邊則是一望無際的銅鑼灣夜境, 盡顯非凡的氣派。 除了大廳外， 並設有多間獨立貴賓房；大廳內的間格相當寛敞，樓底高，但密度不會太高，很優雅的一間上海中菜廳。 型格又不失氣派。並設有多間獨立貴賓房。而每間貴賓房設有不同中國特色主題。看看餐牌後， 除了有上海式點心外  ， 還供應山珍海味等矜貴菜式。              們選了幾款精緻上海點心, 先由 「鎮江肴肉」$68 開始每件肴肉大小均一， 如麻雀一樣大小。  色澤殷紅的肉鮮嫩香口，蘸點香醋，解肥不膩，香酥可口。   即點即炸 「蘿蔔絲酥餅」 $48                                        漲卜卜的賣相相當吸引，每層酥皮也是一絲一絲，排列均勻，入口鬆化細緻；微微的咸香襯托出蘿蔔

水準用料與花樣年華不分上下，但賣相又不及佢，整體又不及十里洋場。環境有中國風，但播柔洋西樂，如播中樂，個人認為更好。牆上的畫，我較不喜歡，人物起角，像外國人，人物要有線條美，像大千敦煌觀音，傅儒仕女柔情，假如換上豫園把戲圖更有古趣又或換幅豫園園林景緻相，是否更雅趣？裝潢當然高檔及舒適過2星期前去地庫過間。生煎包雖無爆汁，肉味夠，食皮帶甜，原來從肉帶來酒甜，底煎香硬脆，$48，4個，抵。鎮江餚肉$68，晶瑩爽彈，绝不肥膩，啫喱，肉不咸，帶些甜，鎮江醋~稍甜。芝麻蔥油大餅$58，面層金黄色灑少許芝麻，不厚身，不油，乾身，先煎後焗，香脆，心軟，餡葱火腿，味不突出。紅油抄手$58，纯猪肉無菜， 肉甜香，多咗些少糖醃，皮滑帶點厚，但煙靱，辣汁葱蒜香，紅油辣味不霸道， 微乎其微 。除用餐碟有淡綠色，筷子黑色，金色長柄匙外，其餘上餐全用白碟，壼又係白，杯又係白，枱布又係白，盛筷子器又係白，顏色欠心思。我欣賞枱上松樹盆景，蒼翠有勁，腰姿型格；富中式花瓶雕花木制屏封，有設計。

上海菜是颇受歡迎嘅地方菜，今次和家人光顧嘅豫園是獲米芝蓮推介之滬菜食館，座落銅鑼灣商厦V Point，面對臨海美景，居高臨下，優雅環境，美不勝收。小炒百頁絲炒茭白，百頁絲幼滑豆香，蛋白質豐富，茭白筍嫰脆鲜美，纖維豐富，調味得宜，既健康又好吃。豫園鲜魚碗上，魚肉鲜甜嫩滑，湯清香味鲜。鎮江肴肉光滑晶瑩，香酥味美，不肥不腻，是很可口嘅冷盤。清炒蝦仁清淡鲜甜，入口清香。上海粗炒鑊氣十足，麵條煙韌彈牙。小籠飽肉汁豐富，蒸銀絲卷層次鮮明而有絲絲甜味，真是一頓美味豐富嘅午餐。

豫園是中國上海著名景點，銅鑼灣有間食肆以此命名，著實有其吸引之處。食肆位於時代廣場附近V Point，是米芝蓮推介食肆，裝修瑰麗有氣派。鲜魚賣相精美，鲜滑魚片黃金蛋花翡翠葱花，色香味俱全。百頁絲炒茭白鑊氣十足，百頁豆香濃郁，茭白筍爽脆味香，不愧著名上海小炒。肴肉排列整齊，透明脂膏甘香肉質，入口芳香撲鼻，遠勝一般上海肴肉。醉鷄肉滑充滿陣陣酒香，口感豐富而不腻，鹹度酒香恰到好處。清炒蝦仁清新鲜味，平實又能突顯蝦嘅河鮮，清淡而優雅。在此美景品嚐上海美食，真係一大樂事!

平日唔多走上商業大廈樓上店食飯，今晚經過突然有肚餓，又想食得好，於是決定去豫園食上海菜，整體環境唔錯，食物夠鑊氣。因為肚餓餐前小食的化身我都唔放過，花生唔濕，愛不釋手，成碟清晒。四喜烤麩味道適中，微帶甜帶出胃口，烤麩 軟，吸汁，笋爽配搭醒胃，集軟爽於一身。時令的龍鬚鮮魚絲鑊氣夠，魚肉滑，跟芽菜夾。叉子雞米水準之上，燒餅香脆，見樣知鬆脆，最好食的食法就是將燒餅填滿無空位，大口咬落，食到有有五六種東西爆炸感，正極！第一感到餅鬆香，第二有雞米、松子的充實，雞米有鑊氣。