豪隍點心工房 (已搬遷) 新店位置

唔好講笑啲點心真係超好食啲肉咬落去係鮮味嘅同埋啲骨髓唔會有浸雪櫃萬年肉油益味個北菇雞飯啲雞勁滑又多肉飯底好靚 係蝦仔米金錢肚炆得好林 好香 叉燒包皮薄餡靚真係冇乜嘢可以彈啲蝦又好新鮮冇食過蝦仁係有味嘅而且啲燒賣同蝦餃勁大粒雖然得兩隻但17蚊一籠，差唔多啦要數嘅我覺得個腸粉正正常常未去到其他點心咁出奇地好食囉同埋個溫泉蛋牛肉飯第一次嗌嘅時候隻蛋熟到硬曬唔好食要喺張單度同佢講隻蛋生啲先會係溫泉蛋我唔知其他人係咪咁可能只係我黑仔

去開觀塘呢頭，諗唔到有咩食，喺openrice搵下搵下，就見到有間食點心好似唔錯，就決定一試！環境/等候：呢間餐廳位於工廈，地點都真係幾隱蔽，終於，行咗一段樓梯上到一樓，估唔到現場有咁多人等緊位，可能呢排疫情大家都真係太耐冇出嚟食飯了。不過好彩啲位都算郁得快，本身前面有七至八張枱，但係等下等下15分鐘內都入到去。入到去裏面，以一間點心舖嚟講地方都算大，而且仲要係坐滿曬人，真係估唔到呢度咁出名，吸引左咁多人嚟食。不過坦白講，因為實在太多人，我哋被安排坐喺門口位，就一定冇咁舒服㗎喇，不過都尚可接受嘅！食物：整體食物質素尚可接受，但係唔算太特別， 不過食物勝在足料，夠大份！鵝肝醬鹹水角：其實老實講就係一個普通嘅鹹水角，完全食唔到有鵝肝醬嘅味道，但係卻足以令一個鹹水角由小點提升到去中點價錢...蒜蓉芝士長春捲:呢個嘅份量都幾多，每一條都有成條筷子咁長，而且入面好足料，有蝦有芝士仲有蒜蓉，正！奶黃包：奶皇包方面就冇乜特別， 正正常常普普通通！蝦餃燒賣：雖然得兩粒，但係大大粒！味道仲要唔錯，絕對係必叫品！蜜汁叉燒腸粉呢個叉燒腸好足料，好多叉燒餡係入面。但係你問我算唔算好食，佢又唔算話好好食，只可以

已經嚟咗呢度好多次，好有親切感，感覺員工氣氛都好和諧，態度唔錯，點心足料十分大份。兩人食最多只嗌到6-7樣野，已好飽。油菜(一整個生菜)-夠大可兩人分，飲茶減少罪惡感🤣例牌會叫蝦餃(2件)-蝦鮮餡料入味流心奶皇包(3件)-細細件但流心食得好滿足，唔會太甜味道啱啱好馬拉糕-十分香甜，但唔算好鬆綠茶紅豆煎堆(3件)-好香芝麻味，餡料亦唔會太滯，但建議一人一件已足夠古法叉燒包(3件)-略有少少甜，整體都唔錯芝士春卷（三大條)- 個人覺得有點肥膩，可能本身唔係特別鍾意食春卷，不過一如既往十分足料，啖啖蝦燒賣-幾濃味，不過二揀一會揀食蝦餃

今日突然想食下點心，但又唔想去茶樓，所以就搵左依間隱身係工廈既點心工房。佢個位置真係有d隱蔽，要係工廈一個類似後樓梯既門口入去再上一層先到，由於個門口唔太顯眼，所以都搵左一陣先見到個門口。咁個日都幾多人，但疫症期間要隔開，所以d位都算幾闊落，不過環境同用具就唔算係好乾淨，因為一坐低就發現個碗係污糟要叫人換過隻，另外地下仲有少少食物碎，同埋可能個通風麻麻，然後個日又好熱，所以人一多就會有陣酸縮味咁今次就叫左幾樣上網見都幾受歡迎既點心，首先係依籠蝦餃，雖然得兩粒，但佢個size係比一般既大，所以蝦既份量都比較多，而d蝦唔算話好鮮，但唔會有陣蝦腥味，而且調味適中唔會過咸，但個皮就稍為厚左d。其次就係碟素腸，佢餡既份量唔算多，但味道都係適中唔會過咸，個皮都好滑，但如果可以薄多少少就更好啦～之後到依個紅棗糕，佢真係一上枱就係依個經歷左地震既樣，但佢個味係唔錯既，係偏淡既紅棗味，唔會話好甜，而質地Q彈唔痴牙，同埋係好滑身。然後就到依個溫泉蛋牛肉飯，個人就覺得麻麻地。首先個蛋已經熟晒，完全無溫泉既感覺。另外個牛肉應該就係山竹牛肉既牛肉，份量唔算多，但個牛肉味幾濃，唔會好大陣膻味，同埋都彈牙。而底下飯

本身上openrice見到呢間最近都係負評有啲驚，但去到個陣12點已經好多人等緊位，又有外賣個啲，就決定試下啦！我想係入面等因為戴住口罩真係好熱，但收銀唔比，我唯有出外面坐，好彩有個小冷氣吹住，都ok，同埋只係等15分鐘就有位。最驚喜係我地一行5人，比左間房仔我地，好大冷氣足，坐得好舒服！啲款式有啲都幾特別，而且仲有奶茶，叫左但太為食所以冇影到。個燒賣好似係米芝蓮？得2粒但幾大粒同彈牙。啲野食都係即叫即蒸，都幾新鮮，但又唔會話等好耐，又唔會一次過上曬。墨西哥叉燒包幾好食，個皮脆薄啲叉燒又多汁同熱。都叫左幾多野食，但係我掛住食所以冇影相最後計番每個人都係$100內，我覺得都幾抵啦！

之前食過一次， 都唔錯， 最好味蝦餃， 唸住帶我爸爸去試下， 間餐廳距離地鐵站一段距離，喺工廠大厦上面，要行樓梯上，由地鐵行到上去已經身水身汗， 上到去要等三張枱， 拎完飛果短髮收銀阿姐要客人係後樓梯等位，仲要又要又焗，雖然餐廳有為客人準備咗一把風扇，但嗰把風扇淨係可以吹到坐喺風扇前面嗰兩個人， 形同虛設， 我頂唔順行入去等，點知佢叫我等位一定要喺出面， 話阻住人行， 我同佢講我頂唔順好熱， 佢都唔理一定要我喺出面等， 咁我冇理佢照入去等 ，咁佢話我阻住人行我咪企過少少 ， 點知企過少少，竟然出手拍我叫我唔好企咁過人地張枱， 我忍唔住同佢講唔該你唔好用手拍我， 然後佢即刻同我講話佢隻手要消毒， 簡直極度過份， 一間餐廳好唔好食都係其次 ，態度唔好都唔會再回頭

呢間點心店位置有點隱世，位於工廠大廈，真係專程特登去食架!! 我同男朋友都有飲茶癮，定時定候就要去飲茶，今次去到觀塘都抱住尋寶心態嚟試試，結果喜出望外啊!!去到係下午茶時間，好多心水點心都榜上有名，而且特別嘅係仲有奶茶咖啡特飲選擇；我地叫咗幾款點心，大概等咗15分鐘，就新鮮蒸好上枱啦。流心蛋牛肉飯，係我飲早茶必食之一，所以我好期待。結果真係做得唔錯，無令我失望，米飯軟硬剛好而且有米香，牛肉份量很多，油肉比例好好，無過稔過硬，加上馬蹄切得比較大粒，口感十分討好。香菇滑雞飯，上碟已經飄嚟一陣雞油的香味，油潤之餘肉質仲蒸得嫩滑，冬菇都好香不馬虎上湯鮮竹卷，出奇地很高分，平時好怕鮮竹卷會有油溢味，入口咬出一口油，但呢度做得很好完全無呢個情況，反而食到鮮竹的豆香，很有驚喜竹笙上素餃，呢個係最有驚喜而且性價比最高的點心，只是$14有三件而且餡料十足，有不同的素菜加上少許蠔油調味，很清新

這間豪隍點心工房是我飲咗咁多年茶最不知所謂的一間，因為首先呢道D員工的服務態度極之差劣,我叫一碗蓮藕煎鯪魚餅湯米線，味道是極之淡而無味,我覺得就連醫院的病人餐都會比佢更好味，於是我問她有沒有胡椒粉和鹽,她們竟是沒有,接着，我問她可否到廚房替我取?她們的答覆竟然是廚房都沒有,試問在一間食肆內，怎可以沒有胡椒粉和鹽呢?他們所謂的晶瑩剔透蝦餃，真是不敢領教，蝦餃皮有一公分厚，真是令人大開眼界啊！

我太后媽打要我再帶佢食，已經第二次去，必然有原因！太后居然 👍👍👍話腸粉丶蝦餃正！ 羅漢齋腸粉相都未影已經畀媽打食晒，真過份我一條都未食 其他都有水準！由於我係奶茶控，最滿意居然有奶茶飲， 平時我唔鍾意飲茶，因為冇奶茶叫，現在 可以一間滿足兩個願望招牌點心墨西哥叉燒包味道好，不過我自己覺得有D油膩感！馬拉糕香丶軟丶新鮮， 係我心目中想要嘅食物位置雖然難搵少少，不過用心做嘅點心始終有人欣賞！

觀塘工廈美食多ヾ(*´∀ ˋ*)ﾉ呢間點心工房位置都幾偏僻但星期日下就3點黎到依然滿座有好多人等位😆點心選擇眾多✨價錢由小點$23到皇點$50大部分點心都係$30有找💕每款即叫即蒸熱辣辣夠新鮮，無論賣相定味道都係💯呢到除左傳統茶葉茶仲有特式/港式飲品🍹亦有米線選擇，選擇眾多😆✨必食推介🌟豪隍蝦餃王 $25 熱辣辣大大隻！蝦餃皮好煙韌 餡料紮實飽滿有兩隻蝦😋啖啖蝦肉 鮮味十足口感爽彈🦐真係必食啊(๑•̀ㅂ•́)و✧牛肉香茜腸 $25 腸粉皮晶瑩通透 好滑溜🤤牛肉餡超足料 啖啖都食到！（咁足料既腸粉都唔係常見🤣）豉油擺左係檯面自己落😝鍾意落幾多都得😋醬汁茄子併尖椒 $30 又係我既最愛😆💕茄子大大舊 鯪魚肉彈牙 食得出好新鮮！配埋個醬汁鹹鹹甜甜帶微辣好香好惹味😋🌶️尖椒辣辣地好過癮🌶️啖啖鯪魚肉！真心推介😘豉汁蒸鳳爪 $25 我既最愛🤣💕醬汁調配得啱啱好 夠入味！唔會太鹹太濃 味道帶甜 連墊底既花生都好好味🥜蓮藕煎鯪魚餅 $28 鍾意食香口野必嗌🔥蓮藕份量佔好多 一粒粒爽爽脆脆的 好有口感♥️同鯪魚肉好夾😋調味香夠惹味 正👍🏻其餘點心整體都唔錯！正常質素😋👇🏻{鮮蝦腐皮卷 $28}

今日同朋友一行4人黎食熱辣辣點心😋等左一陣就有位，都幾旺場，入面坐滿人👍🏻埋單每人9十幾蚊，食到好飽！點心味道唔錯，唔會好油膩，又新鮮出爐熱辣辣咁👍🏻問服務員拎公筷，佢仲自動幫我地用熱水淥過先比我地👍🏻

呢間係工廈區既隱世小店，無地址真係會錯過呢間咁正既點心舖。已經試過幾次，帶過幾個朋友黎都讚不絕口。👍🏻飲茶點少得蝦餃燒賣。呢間點心舖樣樣都大件夾抵食，比起出面既燒賣再大粒d，而且粒粒都好飽滿！蝦餃皮薄餡靚，蝦肉夠彈牙，一啖食晒，好味！ 🦐 🦐 包點類就叫左奶皇包同墨西哥叉燒包。奶黃包一搣開流晒餡，仲有蛋黃奶味好正。🍳墨西哥叉燒包面頭香香脆脆，配埋甜甜地既叉燒好開胃。酥皮幾鬆化，叉燒餡都豐富。✨煎炸類，必叫咸水角。全部都漲，外皮脆卜卜，中間軟糯，🤩唔會有空心感覺，而且唔會炸得油膩。 甜品就叫左芒果布丁，加埋花奶，布丁入面仲有d芒果粒添，凍凍地清下個口，為呢餐茶畫上完美句號。🍮整體黎講呢間點心店環境舒服乾淨，而且食物價錢好親民，一定會再去😻😻

飲茶飲到入工廠區都真係第一次但呢度既環境係比想像大 同舒服黎都好少會響正lunch time,,, 11點/ 2點左右黎都唔洗等位最記得呢度既蝦餃同羅漢齌腸雖然呢度既蝦餃同燒賣都係得2粒但係好大粒蝦餃皮唔會太淋唔會太硬 岩岩好少少Q入面都有2,3粒蝦 爽口彈牙羅漢齌腸皮夠薄夠米香羅漢齌少少酸都無餡料新鮮鳳爪排骨飯 正!米係一粒粒 有飯香其他野都好正常 牛肉球都好大粒<3之後會帶媽咪黎食!!! 齊齊支持黃色經濟見到好多後生既樓面,,, 佢地都好醒目 同主動張飲茶呢件事變得young 左!

約左兩位長輩，諗住同佢地飲茶，要揀喺觀塘區，所以又上網睇左介紹，來到呢間豪隍點心工房。早上打電話想book 位12點，但對方表示最快要1點。來到拎飛等位，老實講，門口位呢d天氣真係熱，不過都有幾張椅子放左係到，長輩叫做有得坐下。等左大約半個中，中間遲過我地嘅好多2位枱就入哂去啦，我地4人枱就仲未有位，專登入去睇過，真係好幾張4人枱都擺左留座，但又一直未有人坐，開過聲問職員幾時有位佢，回應係：有人走就有位架啦（問題係，我見到好多人走都未到我地）好啦，最終大約等左40分鐘，有一個走廊位，我地都照坐。目測有2張較好既4人枱郁仍然擺留座牌，但未有人坐，我都唔想問，究竟d人book 左幾點食野時間，我地4個人，最後叫左8個點心（唔記得左影menu，所以唔記得價錢）鵝肝醬咸水角見到係有特別推介。因為第一個到既點心，最餓，只係得返一粒比我影食落鵝肝醬味道淡淡的，都叫有既，但唔係好濃，不過咸水角來講都算好食，脆既！菜遠排骨炒河呢個色水足夠，聞落都好惹味。食落味道唔差，不過感覺比較油，長輩覺得有用豬油炒，我都唔識分啦。味道的確吸引既，我都食左兩碗，但感覺好肥蝦餃粉果雙併菜苗餃因為上網推介呢到點心好大粒，

食物： 點心大大粒，種要好夠熱 好有水準👍🏻 唔想食點心，種有米線，熱奶茶，好多選擇環境： 位置都好寬闊，疫情下又有阻擋板👍🏻好好價錢：合理，我下午茶時間種要平d 2個人5碟 埋單 86蚊服務態度又好好 ！