豪隍點心工房

今天約12點到此店本想買外賣，卻惹來一肚氣。我第一次來此店，便問店內小姐怎做，她指我往門口找數處排隊。我見排隊中有人持有點心紙，便想攞張剔點心。剛巧收錢那位「大佬」行開，就順手在枱面有個小簍子裏拿起一張點心紙。說時遲那時快，「大佬」回來大喝一聲：[靚〕仔，快D放低。我話祇是攞張點心紙，他居然講我點知你喺咪偷錢？方天化日，前面還有幾個客排隊睇住，我當堂氣到不能說話。跟住有另一「大佬」出來，本以為做好做丑平息事件，殊不知是撥火鬧埋一份！我話他們態度為何這麼差，反說我態度差！勢兇夾狼，我唯有擲筆而走，不吃點心了！我在香港土生土養67年了，當然不需他們敬老，也不至於出言不遜、聲大夾惡。講真，這亦是我遇到過香港食肆最惡劣待客態度。食物多好亦無意思！…查看更多

一開頭係喺觀塘食過，個時已經覺得佢啲點心熱辣辣又大大粒好好食！然後返工偶爾發現佢喺太古有分店，間唔時就同同事一齊嚟食🤣每次一定會食：墨西哥叉燒包 - 唔係間間茶樓都有！超鬆軟又熱辣辣好食！金錢肚 - 唔會韌，好入味銀絲腸粉 - 脆脆地入面好足蘿蔔絲…查看更多

之前喺觀塘已經想試呢間點心，但係佢實在太多人排隊帶住兩位老人家根本冇乜機會可以試到。今次見到佢原來太古城有分店咁啱過嚟行超市同埋藝術展覽，咒術勝利思考。搵咗一段時間點知原來佢係food court裏便間咗一個舖位。啱啱好翻枱，咁就唔使等就可以直接用餐。平時老竇好少食包同酥皮，竟然話要食雪山叉燒包咁就嗌嚟試吓，超鬆軟裏面啲餡都幾足。另外個XO醬蘿蔔糕啲XO醬都落得超多，係大盛嘅感覺，食落去唔會太辣有少少鹹香。啲煎釀孖寶同埋藕餅啲鯪魚肉都好彈牙，同埋藕餅裏便啲蓮藕亦都好爽口，份量亦都好足大大件。點心拼盤裏便啲餃都好薄皮，蝦餃好爽口，但係粉果就偏淡咗少少。紅棗糕就幾清甜，另外流沙奶皇包裏便有啲鹹蛋黃粒亦都唔會太甜係唔錯。但係個鵝肝醬鹹水角就唔係好食到個鵝肝味，不過整體用餐都相當滿意。因為三個人坐圓枱，相當闊落，又可以放好多點心超開心。…查看更多

講真，今日真係忍唔住要寫呢個食評。一入到嚟已經冇招呼要自己搵位，諗住坐嗰張又話嗰張有人留，明明間舖得幾個個客，職員竟然安排我坐最差嘅位置（下欄污糟碟碗收集位置），我話要調枱，仲要同我講我想調嗰個位等陣要拖地？唔通我坐低食個飯都要配合你哋做清潔咩？最離譜係佢問我飲咩茶，把聲大到成個餐廳都震曬，仲要催促我落單。我諗緊要飲咩都要俾少少時間架，但佢就重複大大聲問我幾次，好似好趕時間咁。希望店方認真檢討員工培訓問題，起碼要教下最基本嘅待客之道同衛生意識。最後，建議各位老友去第二間食啦，呢度真係會影響心情。…查看更多

侍應服務態度其惡劣，態度囂張，不建議幫襯今日幫襯佢食咗個中午飯，有以下的經歷侍應一路行一路咬住口中的食物走過來，好似係食客多過打工，擋住本人的去路，佢堅持要本人讓路給他，他手上並沒有捧住任何食物，只是站在原地，堅持要本人讓佢。本人禮貌地要求他借開，但他堅持站在原地。其實我只係想攞個水兜倒水，佢用個身擋住個水兜我又點去攞。店舖負責人亦包庇員工，不知所謂至於食物方面，食物應該加入了大量味精，馬拉糕中心亦相當硬，跟其他酒樓比下去…查看更多

當時係1:45 ，門口冇人排隊，店裏面應該得兩三張枱有客人食緊嘢，門口嘅男性收銀員，態度好惡劣，並且非常大聲同我哋講：「出邊好多人排隊等緊位，你哋立即要走！」 呢位男性收銀員仲同我哋講：　「你地食左超過七十分鐘，一定要立即離開！」另外上星期去過，蒸出嚟嘅蝦餃未熟嘅今日我上OpenRice都見到對呢位男收銀員有同一樣嘅評價，本來都唔信，點知原來係真嘅！如果公司見到呢個評價，唔知會唔會對呢位員工作出相應嘅處分！另外祝你哋生意蒸蒸日上！服務態度差，食物唔係特別好食，以後唔會再去…查看更多

蝦米腸簡簡單單普普通通，蝦米同蔥花帶少少香味，腸粉本身都幾滑。鮮竹卷唔太油好難得，入面舊餡無肥豬肉，仲食到有爽口的蔬菜絲。蒸排骨就衰在唔夠豆豉，排骨偏瘦，所以變相有啲韌。蝦餃拼潮州粉果，兩樣都唔錯，主要係餡料新鮮，特別係潮州粉果，佢入面嘅沙葛好爽脆。其實唔明中式點心做乜無啦啦有炸雞中翼，又竟然比我叫咗，呢個真係麻麻地，成舊野太過「炸」，唔係幾好食。…查看更多

太古城一早無乜食店開，想食早餐揾到去2樓food court 有豪隍點心工房。早餐點心比其他時段平，蝦仁燒賣皇都只係$24兩件，份量水準一樣 同平時一樣，都係大大隻蝦，好味😋 鍾意佢有玄米茶提供，茶芥$10位叫左4個點心，埋單百零蚊👍🏼下次會再幫襯…查看更多

點心工房太古太古城道18號太古城中心2樓255號舖我最愛點心做早餐，今早又去《點心工房》食點心啦，今次食左：鮮蝦菜苗餃 $26，生煎菜肉包 $24，茗茶每位 $10。點心新鮮熱辣，鮮蝦菜苗餃大大隻，材料豐富好好味，生煎菜肉包好香口，皮脆內熱，好味又好食。…查看更多

估唔到呢間喺觀塘好出名食手工點心嘅餐廳開到嚟太古城，由於太古城太大所以搵咗一輪都搵唔到，最後問太古城啲職員先至知原來佢匿埋咗喺二樓嘅food court入面。要試佢哋嘅點心梗係要先試蝦餃啦，呢度一籠有兩粒，不過佢個蝦餃真係好大粒，蝦餃皮唔算好薄，但係入面係爆多蝦嘅，塞到實曬咁樣，而且啲蝦嘅肉質都幾新鮮，呢個好食。馬拉糕熱辣辣，夠晒鬆軟，幾香幾好味。佢嘅炸春卷就麻麻地，主要入面啲餡麻麻地。反而個炸饅頭有驚喜。整體嚟講都係覺得觀塘總店嗰邊嘅味道好啲。…查看更多

點心工房太古太古城道18號太古城中心2樓255號舖最愛食點心，一早起身去太古城食點心做早餐，我食左杞子濃湯鮮竹卷$24，香茜牛肉腸$30，茗茶$10。杞子濃湯鮮竹卷好味道，湯底濃郁；香茜牛肉腸牛肉香濃，腸粉幼滑。…查看更多

今天我買了一個排骨鳳爪蒸飯（外賣），誰不知等了愈20分鐘都未到，女服務員最初答我「部機壞了！」那我要求退錢，女服務員於是幫我再追Order，終於3分鐘後收到。可憐有位印度籍送外賣的人不懂廣東話，心急追問食物情況，相信他都是等了很久，他說話很細聲，脾氣溫和。不幸那位男收銀員大發脾氣，勁大聲用英文：”I don’t know, GET OUT!”其實他之前仲說了幾句英文，但我忘記了。那聲浪大到整個Food Court 都聽到。最終那位送外賣員無奈地跑走了。我希望這餐廳的管理層能跟進此事，希望這位男收銀員能給任何人多一點尊重。…查看更多

來了這店好幾次，試過堂食和外賣，都覺得他們的出品不錯，性價比高。職員有禮貎，會主動幫助顧客，超出預期的，現時還有這種服務態度真是難得也值得一贊地方乾淨企理，入座有限時的，限時合理👌🏻食物方面，全部都夠熱豪隍蝦餃皇︰好大件差不多乒乓波咁大，而且味道不錯蝦仁燒賣皇︰大件，有大隻的蝦蒸飯︰大致上都不錯點心拼盤︰有蝦餃兩件，菜苗餃兩件，流炒奶皇包一件，叉燒包一件，適合一至兩位的份量。鮮竹卷: 都很好👍🏻潮洲粉粿山竹牛肉…查看更多

星期日大概下午2點到達，已經小量人在等位。我在門口等候取飛時，看見有一位男同事行過來，我便告知三位，見他沒有什麼反應，再次告知人數，怎料那位男同事便講些好奇怪的說話：我聽到 我跟你打聲招呼 下次你都可以同我地打聲招呼 不用那麼資本主義！我頓時感到十分無奈 他到底在說什麼？在我等候位子的時候，我看見有個男士同樣跟那位職員取飛，那位男職員又是同樣講些好奇怪的說話，而且再加點教訓的語氣，我真是不明白那職員是否工作太辛苦，而向我們發洩？重點是我們並不是沒禮貌，所以感到有點冤枉。所以員工服務真的有待改善。而食物方面中規中矩，墨西哥叉燒包和金錢肚味道是不錯，而流沙奶黃包是最失望的，完全沒有流沙的口感，而味道只有吉士的味道。所以這間我認為都應該不會再次光顧，因為無論服務上和食物上都會有更好的選擇。畢竟沒人會想受著氣去吃一餐飯…查看更多

友人話個師傅喺觀糖果邊嘅時候食過, 啲蝦餃好好味.  今日專登蒞試下.第一次來唔知要等人帶位定點, 猶疑咗一陣致行入去, 個侍應好好笑容噉打招呼, 話可以隨便坐, 仲話下次見無人理直接行入去同佢哋打個招呼就得.今餐點左一籠温泉蛋牛肉飯及一籠豉汁蒸鳳爪:温泉蛋牛肉飯($44) - 我就好奇嘞, 蒸飯又點樣做到温泉蛋嘅效果呢, 除非係後加生蛋遮, 果然上菜嘅係一粒熟蛋. 牛肉好滑又美味, 就係山竹牛肉嘅質地與味道, 我鍾意呀. 致於飯係粒粒分明, 又唔會過硬, 可惜我本身喜歡食軟飯.:)豉汁蒸鳳爪($34) - 我最愛點心頭三名之一, 好味, 軟硬都正常, 不過我怕我太鍾意食唔夠中肯(哈哈).茶芥$10一位, 無加一…查看更多