13
3
1
所有分店 (3)
電話號碼
91331253
營業時間
今日營業
08:00 - 21:00
星期一至日
08:00 - 21:00
付款方式
Visa Master 現金 八達通
其他資料
電話訂座
以上資料只供參考, 請與餐廳確認詳情
影片
相片
+245
+11
食評 (31)
等級4 2025-04-30
0 瀏覽
之前喺觀塘已經想試呢間點心,但係佢實在太多人排隊帶住兩位老人家根本冇乜機會可以試到。今次見到佢原來太古城有分店咁啱過嚟行超市同埋藝術展覽,咒術勝利思考。搵咗一段時間點知原來佢係food court裏便間咗一個舖位。啱啱好翻枱,咁就唔使等就可以直接用餐。平時老竇好少食包同酥皮,竟然話要食雪山叉燒包咁就嗌嚟試吓,超鬆軟裏面啲餡都幾足。另外個XO醬蘿蔔糕啲XO醬都落得超多,係大盛嘅感覺,食落去唔會太辣有少少鹹香。啲煎釀孖寶同埋藕餅啲鯪魚肉都好彈牙,同埋藕餅裏便啲蓮藕亦都好爽口,份量亦都好足大大件。點心拼盤裏便啲餃都好薄皮,蝦餃好爽口,但係粉果就偏淡咗少少。紅棗糕就幾清甜,另外流沙奶皇包裏便有啲鹹蛋黃粒亦都唔會太甜係唔錯。但係個鵝肝醬鹹水角就唔係好食到個鵝肝味,不過整體用餐都相當滿意。因為三個人坐圓枱,相當闊落,又可以放好多點心超開心。 繼續閱讀
(以上食評乃用戶個人意見 , 並不代表OpenRice之觀點。)
等級1 2025-04-17
0 瀏覽
講真,今日真係忍唔住要寫呢個食評。一入到嚟已經冇招呼要自己搵位,諗住坐嗰張又話嗰張有人留,明明間舖得幾個個客,職員竟然安排我坐最差嘅位置(下欄污糟碟碗收集位置),我話要調枱,仲要同我講我想調嗰個位等陣要拖地?唔通我坐低食個飯都要配合你哋做清潔咩?最離譜係佢問我飲咩茶,把聲大到成個餐廳都震曬,仲要催促我落單。我諗緊要飲咩都要俾少少時間架,但佢就重複大大聲問我幾次,好似好趕時間咁。希望店方認真檢討員工培訓問題,起碼要教下最基本嘅待客之道同衛生意識。最後,建議各位老友去第二間食啦,呢度真係會影響心情。 繼續閱讀
(以上食評乃用戶個人意見 , 並不代表OpenRice之觀點。)
等級1 2025-01-12
793 瀏覽
侍應服務態度其惡劣,態度囂張,不建議幫襯今日幫襯佢食咗個中午飯,有以下的經歷侍應一路行一路咬住口中的食物走過來,好似係食客多過打工,擋住本人的去路,佢堅持要本人讓路給他,他手上並沒有捧住任何食物,只是站在原地,堅持要本人讓佢。本人禮貌地要求他借開,但他堅持站在原地。其實我只係想攞個水兜倒水,佢用個身擋住個水兜我又點去攞。店舖負責人亦包庇員工,不知所謂至於食物方面,食物應該加入了大量味精,馬拉糕中心亦相當硬,跟其他酒樓比下去 繼續閱讀
(以上食評乃用戶個人意見 , 並不代表OpenRice之觀點。)
當時係1:45 ,門口冇人排隊,店裏面應該得兩三張枱有客人食緊嘢,門口嘅男性收銀員,態度好惡劣,並且非常大聲同我哋講:「出邊好多人排隊等緊位,你哋立即要走!」 呢位男性收銀員仲同我哋講: 「你地食左超過七十分鐘,一定要立即離開!」另外上星期去過,蒸出嚟嘅蝦餃未熟嘅今日我上OpenRice都見到對呢位男收銀員有同一樣嘅評價,本來都唔信,點知原來係真嘅!如果公司見到呢個評價,唔知會唔會對呢位員工作出相應嘅處分!另外祝你哋生意蒸蒸日上!服務態度差,食物唔係特別好食,以後唔會再去 繼續閱讀
(以上食評乃用戶個人意見 , 並不代表OpenRice之觀點。)
等級4 2024-12-16
1168 瀏覽
蝦米腸簡簡單單普普通通,蝦米同蔥花帶少少香味,腸粉本身都幾滑。鮮竹卷唔太油好難得,入面舊餡無肥豬肉,仲食到有爽口的蔬菜絲。蒸排骨就衰在唔夠豆豉,排骨偏瘦,所以變相有啲韌。蝦餃拼潮州粉果,兩樣都唔錯,主要係餡料新鮮,特別係潮州粉果,佢入面嘅沙葛好爽脆。其實唔明中式點心做乜無啦啦有炸雞中翼,又竟然比我叫咗,呢個真係麻麻地,成舊野太過「炸」,唔係幾好食。 繼續閱讀
(以上食評乃用戶個人意見 , 並不代表OpenRice之觀點。)