影片
食評 (15)
一行六人，在海鮮街路口的「海鵬」買海鮮。老闆娘幫手挑選了有膏的重皮奄仔蟹，還有些扇貝，蟶子和東星斑，就到「豪門海鮮酒家」吃飯。我們坐窗口位，有景又寬敞。 服務也很好。 經常換新餐碟。蟹選10-12 兩，膏多。鹽焗，在家很難做到😜 比大閘蟹還美味！廚師蒸那東星班魚很有水準，能做到香氣四溢及魚肉剛好離骨，口感鮮滑。 不愧海鮮專業餐廳！別外特別喜歡咕嚕肉和蟶子+「米粉餅底」。最後水果盤是木瓜加芒果一起吃，層次升級。高水平美食，大滿足。🥰
繼續閱讀
今晚家庭聚會， 朋友特別介紹咗呢間位於鯉魚門的豪門海鮮酒家， 我們一行九人六點都得， 我們就在酒家對面的海鮮檔裏買海鮮， 分別買了鮑魚，蝦，深海大老虎斑， 聖子和花甲。 首先，清蒸游水蝦，新鮮爽口有蝦味。之後就黎個油鹽水煮蜆，蜆夠大又有肉，味道不錯。 另外還有薑蔥炒鮑魚片， 鮑魚切到一片片，然後用薑和蔥爆炒，香口夠鑊氣又野味， 之後條深海大老虎斑就炒兩味，分別是炒斑球和炆魚骨，兩個都整得不錯，夠香有嘢味。 最後就係個聖子，豉椒炒蟶子配米粉底，豉汁夠濃和野味。 你間酒家整體質素不錯！ 可以再試
繼續閱讀
今日同同事聚餐 所以就嚟咗鯉魚門食飯 我哋喺出面買完啲海鮮然後入嚟加工 都整得幾好食嘅 不過我就覺得可以再濃味少少 但可能廚師覺得海鮮新鮮原汁原味都可以啦我地間房要上多層 地方就比較舊同埋雖然畀咗間房我哋 但係有其他人要經過我哋間房先入到入邊間房 所以有少少古怪😅加工費最後再加多兩碟菜埋單＄3200左右啦 個人認為最特別係呢尾芝士龍蝦 因為第一次食芝士飯底而唔係伊麵😆黃金蝦都整得唔錯 因為炒得比較乾身唔會好似平時嗰啲咁油膩
繼續閱讀
屋企人過黎鯉魚門食海鮮會選呢間，雖然裝潢設計比較old school，但佢哋整出來的海鮮味道幾唔錯。海鮮會係酒樓隔離個間直接挑選。🦞龍蝦意麵🍝湯汁鮮美，鹹味適中，龍蝦肉質鮮嫩。火候岩岩好。鮑魚火候掌握很好，鮮嫩易入口，Q彈無過硬。只係差d橙皮味道⋯總體而言，係一間識推薦識煮海鮮 值得一試嘅酒家。
繼續閱讀
今晚屋企人生日, 老豆請食好野!!呢D機會唔多, 鯉魚門食海鮮喎,諗起都興奮!! 一於有大食大!!不過佢地海鮮係俾個冧心價,之後老闆再寫菜單, 如有唔同...唔好怪我一黎到就上左個象拔蚌刺身!!件件都好鮮味, 好爽口, 加埋WASABI豉油!!簡直一絕, 作為第一道菜, 非常開胃!!第二道菜: 鼓油王大蝦!!味道好有鑊氣, 隻隻蝦都好彈牙入味!!而且炸到好鬆化, 成隻吞埋都可以!!真係好正!!第三道菜: 芝士龍蝦焗伊麵龍蝦開邊啖啖肉, 又無煮過時!!唔會好似香口膠咁, 做到入口即溶!!咁講都無誇張!!芝士味濃!! 係典型中國菜既芝士香味!!好濃郁!! 講真個伊麵黎多盤都食得晒!!第四道菜: 陳皮蒸南非鮑呢個好誇張, 好耐未試過用刀叉食鮑魚!!陳皮好香加乘埋個飽魚!! 好高貴!!隻鮑魚真係好大隻!!第五道菜: 豉汁炒蟶子皇蟶子皇係黎自紐西蘭!!條條都好大條, 加埋佢豉汁快炒!!唔韌之餘, 鮮味無流失!!又係得意之作!!第六道菜: 清蒸東星斑其實蒸魚真係好難!! 要計到啱啱好!!少左時間又唔熟, 長左時間又會老!!但係呢條真係蒸到啱啱好!!連平時唔太食魚既我都食左好多!!第七道菜: 椒鹽鮮魷 / 椒鹽象拔蚌骨呢兩味送酒一流!!熱辣辣, 炸到脆卜卜, 下酒聖物!!第八道菜: 薑蒽炒蟹呢味雖然好多地方都食到!!但係佢D肉蟹做到啖啖肉,可能係鯉魚門關係, 乜都新鮮D!!而且味道好惹味!!第九道菜: 清炒時蔬第十道菜: 楊洲炒飯第十一道菜: 生果拼盤有芒果, 有黃西瓜, 全部襯晒色!!因為有壽星仔關係,所以老闆好貼心, 安排左壽包!!食海鮮梗係要開枝靚酒~~呢度唔收開瓶費架!!
繼續閱讀