豪華大酒樓 (已結業)

一直都係秀茂坪街坊，呢間酒樓之前裝修，等了好久才可以食，貪近屋企，所以同媽媽來打邊爐。是次遭遇非常令人難忘，我從來無試過食任飲任食的邊爐係食唔飽，現在每一個配料點評如下：1. 炸魚蛋：隔好遠聞到陣酸縮味，放近聞一聞，縮到啊媽都唔認得，立即退給侍應，他們說是「雪藏味」2. 咖喱豬肉丸、芋頭豬肉丸、麻婆豆腐丸、香甜芋之果：表面上無縮，但是煮完之後，入面全部都係唔食得的！！食什麼，嘔什麼，全部都吐出來的 其中那個香甜芋之果，我們埋單時見到後面張檯的姐姐食緊，她好小心咁用筷子督穿粒丸，再用筷子取少少來吃，我立即和她說這是縮的，她也有同感然後立即吐掉。。。。。3.芝士丸、山水豆腐、蟹柳：正常4. 走地雞件：第一次叫，他上了雞件（有骨果D），我退了，然後再叫要雞片，都係上了雞件，我費事煩，照食，其中有一兩舊都有雞味的。。。不過個人唔鍾意有骨5. 海生蝦：算係不過不失啦，放得落口，吞得落肚6. 炸芋條，頭一兩條幾好食，好似食緊薯條咁，食到第三塊，中伏，都係縮的！7. 美國肥牛：ok 啦，係真係肥左D，有幾舊覺得自己食緊橡根8. 午餐肉：幾好食，最後一舊有縮味9. 西洋菜：黃色的西洋菜，又是

我同屋企人住秀茂坪區,興起想打邊爐,結果去咗豪華打任食,價錢138算中下,但冇理由gum差,食物質素完全唔得,D菇苦的,D肥牛真係肥膏多過牛,D所謂牛仔肉同街市滑牛差唔多,我諗住清湯清淡d點知真係同水冇咩分別,豉油唔咸的,成碗飲都唔怕,鵝腸都唔多掂,只有生蠔,蝦,羊肉,同生根入得口, 有d侍應十問九唔應,當面叫佢都當你透明,真係下次,dislike

我係秀茂坪街坊，間唔中都有黎呢間酒樓飲茶，呢間酒樓恃住自己獨市生意，食物同服務水準不嬲好一般，餐具又污污糟糟，不過都算，有時唔想屋企老人家去咁遠，就算佢做得差都照幫趁。不過最近一次幫襯真係令我不吐不快。話說我家一行四人去飲茶，其中兩位係八十歲老人家，星期六接近中午去到都唔使點等位，門口知客叫我地入房，咁我地咪入囉，入到去無人安排座行，見到得一張吉枱，但成張枱又魚頭又骨頭，點坐呀？阿姐未得閒執位，咁我咪問阿姐我地坐邊，阿姐指一指未執張枱，然後行開左，未見佢有意欲執野。等左一陣，唔見有人執野，見大廳出面其實有好多吉枱，我就行出去大廳問另一位阿姐可唔可以坐出面，點知呢個阿姐直頭扮聾，連望都唔望我一眼就行左去，我趁佢行返轉頭再問佢，佢又係扮聽唔到，我已經火火地，我大聲問佢可唔可以幫我安排另一張枱，但佢竟然黒晒口面話安排座位唔關佢事！叫我行返出去問知客，當堂火都黎，大佬今時今日仲可以咁服務態度？你出得糧乜野叫唔關你事，就算安排座位唔係你負責，你可唔可以幫我搵同事問一問？講真，如果唔係同兩位老人家一齊，我一定第一時間離開呢間酒樓。我唔想老人家白行一趟唯有忍住道氣幫襯埋今次，我以後一定唔會再幫襯呢間

約左一班同事一齊去飲茶， 一上去就有位望下張點心紙食物都係大路野 棉花雞X2魚肚軟淋,魚肚已浸透了雞油的香味,湯的味道幾鮮美.而且綿密滑溜 腸粉X2皮厚薄適中非常滑，加上鼓油一絕 鮮竹卷蒸得夠熱夠軟身!加上少少筍絲咬落爽口，蠔油湯汁幾入味 蝦餃X2上檯熱辣辣體積大細適中，皮夠薄晶瑩蝦頗多,彈牙，味道ok 牛肉球勝在大粒及內有馬蹄，咬落爽口 燒賣X2幾爽好好食，蝦豬肉比例均勻 整體的服務都滿意，價錢屬中上，環境不錯相信日後必會再光臨 !

老豆果邊D人提議話今日食團年飯，原因系因為驚正日果日好多人，費事迫餐死。團年飯ge套餐只有一個，我地一圍系HK$3988.睇落去個menu好似好豐富，但系食落去就系領一回事。首先講下D差ge食物。芝士焗加拿大龍蝦配伊麵果盤龍蝦一上臺睇落去就真系開心，好鬼多舊。但系當我地夾果時，就發現原來龍蝦系一舊肉都無，唯一一個地方有ge就系起個蝦鉗道，其如果D呢，我就唔知起邊啦！ 我num果D龍蝦肉系好有可能系比D廚師食鬼曬去。真系不知所謂！乳豬個乳豬本身就無豬味，我只系食到距塊比果D味。但系最大問題系點解張紅紙會脫色，聽講果D色素系會對人體有害ge。富貴花蝦仁玉帶一上臺就睇到距個賣相好差！ 食落去呢，就好似食鹽一樣，超級鹹。wa，我都唔知道D廚師有無用個心機去整。我最記得就系有一只蝦，鹹到苦，食得多呢D野都傷腎啊！ 紅燒竹笙雞絲D翅呢其實就系素翅，話就話雞絲翅，但系我一條雞絲都唔見，而且呢，D翅全部都系粉絲，而且碗翅入面仲有豬肚tim！ 明知無雞絲就唔好起個menu入面寫有雞絲啦，明知無真翅就唔好用D素翅來頂當啦。我真系寧願呢個套餐無翅好過。但系我最怒ge系點解要欺騙我地。唔知錦啊，我食完

為左就老人家同埋我地一家三口，我老豆果邊D人選擇提前跟我地慶祝中秋節，呢個系因為正日好多人ge關係。我地一行13人去豪華食晚飯，叫左一圍臺，果圍臺系1680蚊，唔使加一。聽落去系幾好聽，但系食起上來就食到人火滾，我依家就同你來講果D食物有幾恐怖，我講最恐怖果兩樣食物，鮑魚同埋魚翅。 呢個系鮑魚，因為我食完先影相ge關係，所以鮑魚少左幾隻。D鮑魚系用果皮蒸，本來睇落去個賣相系ok，點知食落去就系大件事，D鮑魚超級喊同埋苦，差唔多系苦到你要即刻lure番出來果隻。呢個系魚翅，但系最正確來講距應該系素翅。仔細留心果碗所謂魚翅ge野。我食果時，我完全睇唔到系有一條完整ge魚翅，全部都系碎到不得了，不知所謂！我講呢兩樣都只系最離譜ge。其他果D食物都唔好得去邊。大蝦伊麵話就話大蝦，但系全部都系我起街市買ge白灼蝦，然後加落去，冒充大蝦。錦都算啦，點知食落去系硬到不得了，我唔知距系未煮熟正系死左好多日ge蝦。服務方面又系錦，果D侍應成日起到黑口黑臉，尤其系當我地評論緊D野食果時。唉，難怪晚市錦少人。果日去食全場四分一都唔知坐唔坐得到。因為我都系住起秀茂坪，周不時我都會同我爺爺麻麻來飲茶，當時系好

好耐無飲茶，收工同行三人去左秀茂坪商場酒樓食，因為知道有下午茶，不過好失望，所謂既下午茶並唔係所有點心，而係指定既食物，叫左個干炒雞柳河，無味，仲衰過茶餐廳，反而湯瀨就唔錯，點心一般，服務一般湯瀨好味超難食既炒河 千萬唔好叫叉燒腸厚皮左小小，一般呢兩款汁夠濃 ，好味九菜餃即煎，唔錯特價下午茶 ，無咩點心揀

很夠也沒回秀茂坪了團年飯很想大家回老家一聚雖然人不很齊但也吃得非常愉快我們六個大人一個小朋友預訂了豪華酒樓7:00酒樓安排了一張十二人枱給我們很寬敞我們點了一個$688套餐驚喜推介有四道葉發財好事都非常大碟心諗都係生菜多豬行十零片但看真點並不是豪豉是次一級金豪有4-5cm南乳燒雞半隻名乎其實南乳脆皮燒雞好味!清蒸石班嘩嘩嘩!成兩斤重街市買死的也要$150-$200紅燒翅雞粉味重但真的有小許翅仔整體來說真的超值，還有果皮紅豆沙，生果，吃得飽飽老闆也親自招呼客人，這間酒樓非常有誠意

二十四日,我在港最後一日.....之前反覆響度諗:啊！今日係最後一日在港,之後返洛城,對於我黎講,今日之後,唔知最後幾時可以返黎香港?究竟係咪要食豪一D呢?我又唔想食大家樂、大快活咁平平無奇,了無新意.其實反覆去想,差一盅兩件未試過....好!就去飲茶吧.因為呢次我住曉麗苑,所以去飲茶,一下落去觀塘市中心,其實我又唔想搭車出去.近近地,睇Openrice食評,秀茂坪商場有一間酒樓,就近近地,去呢間飲囉,反正搭電梯就到.其實又唔難搵既,就響商場二樓,隔離係惠康超市.但因為早上八、九點飲茶,會有好多公公婆婆去飲茶.不過香港興搭枱文化,我就座無耐,就有一對公公婆婆坐我同一張枱,反正一支公去飲茶,無所謂.同十幾二十年比較,係咪時代不同呢?而家叫點心先響點心紙上剔上心愛點心,再點心阿姐拎過黎.我反而鐘意推車仔年代,因為比較似飲茶,熱鬧嘛.在洛杉磯,至今去飲茶仍保留呢種傳統,但香港仍舊用竹籠裝點心,幾十年不變;相反洛城已改用鐵籠裝點心,可能當地政策係咁.一個人,叫咗五樣點心食....似乎有點過態.蝦餃係必然要點既,始終唔夠大粒,但還算爽口既,都OK啦...魚餅反而我幾鐘意食,新鮮剛炸,熱辣辣,有魚

同屋企人(老人家)去飲早茶，劃哩張紙，兩面啲內容差不多，價錢卻不同。我地寫完叫waitess落單，個個都當睇唔到，一系揚一揚手就行開，等左五分鐘終於頂唔順行去落單個位，終於幫我落，點知我落左貴啲果面佢又唔講我地叫左蒸腸粉﹑排骨飯﹑蘿蔔糕﹑糯米包，等左差不多２０分鐘，啲野先黎齊晒！我本來叫左兩個「自選孖寶」啲野黎晒睇返張紙，先見到啲價錢多左，咁就搵返落單條友講，佢搵返張紙先話我落錯，要寫後面果頁先岩。同佢嘈起上黎佢就叫經理，個經理態度又勁差，大聲夾惡我唔系為左果小小錢而嘈，而系叫佢落單時已經話要兩個「自選孖寶」，但系明知我地寫錯佢都唔講出黎。間野擺到明就系厄人錢！！要等勁耐，服務態度又超差，啲野又唔系特別好食！以後都唔會再幫襯佢！只系想同屋企人食餐飯，點知成餐都食到谷心谷氣！

叉燒飯 $15.8 ~ 全程廋叉!黑椒咸菜豬肚湯 $25 ~ 好咸,豬肚OK排骨蒸腸粉 ~ 排骨很肥, 可能要配合那沒味道的腸粉吧鮮竹牛肉球 $13 ~ OK四寶滑雞扎 $15 ~ 也比出面的酒樓OK豉汁蒸鳳爪 $13 ~ 麻麻, 因為唔新鮮古法馬拉糕 $11 ~ 好! 沒有被那超甜的味道蓋過味蕾蒜茸炸春卷 $13 ~ 差! 應該係晨早炸起, 上枱即食既不熱, 且放林了, 一點脆口也沒有蕃茄海鮮炒飯 $48 ~ 差!

今年吃的第一口月餅，不是平常吃開的美心，也不是什麼奶黃月餅，而是在公司有同事分給我的八份一個月餅，始終吃得多身體有危險呢！這月餅是一飲食集團的出品，當中在觀塘有一所茶樓，但不知它月餅的出品又如何了？月餅最重要都是皮、蓮蓉及蛋黃三大元素，其油皮都真的幾夠薄，皮入口油潤得來又不會過份濕爛，但就完全吃不出焦了的糖香；至於月餅的靈魂蓮蓉，是三者之中最差的一個環節，吃入口不夠油香，更最弊的是不夠蓮子香嘛；蛋黃都不錯，都有點點油，但如果可以再多一點油就更好，所以香味就不夠強，但總算是合格有餘的貨色。總括來說，是吃得過的月餅，但本人就還是較鍾情吃了多年的美心，而且只限油皮，屋企有幾盒冰皮我都冇掂過，咪搞我！

今天早上跟老公去喝茶兩個人吃不了很多蟹皇燒賣不錯，一般酒樓的水準煎腸粉難吃死了，腸粉很厚河粉比它更薄更滑炸雲吞外皮是脆的，但…已經放涼了鳳爪排骨飯份量剛好，因為早上食不了很多飯飯軟硬適中，不太油…

話說我嘅外公、外婆都住係觀塘秀茂坪邨，但係我自己就住係西環!可能係因為大家住得比較遠嘅關係，除咗過時過節之外，我都好少特登返去探吓佢地，所以大家見面嘅時間好少!我今次的起心肝約佢地嘆餐茶，的確係好難得呀!豪華係秀茂坪邨果度唯一一間酒樓，可謂獨市經營!其實好耐以前過時過節都有幫襯過豪華，但係每次食完都失望，所以之後都改去觀塘市中心嘅富臨，兩三年冇幫襯啦!今次嚟到，發覺間酒樓好簡單咁裝修咗，少少唔同咗樣，至於質素普普通通啦!味道方面，今次3個人叫咗幾款點心、1碟豉椒涼瓜肉片炒河、3碗甜品，味道不過不失!食物包括1)豉椒涼瓜肉片炒河:肉片新鮮，河粉淋咗D!(2)豪華蝦餃皇:蝦隻唔係幾新鮮，唔夠爽口彈牙，個皮亦唔晶瑩剔透!(3)流沙奶皇包:餡料相當流，可惜冇蛋黃味，唔夠香!(4)盅仔鳳爪排骨飯:冇乜特別，不過不失!(5)北菰雞蒸燒賣:北菰太咸，雞同肉球都新鮮!(6)香草綠豆沙:味道不過不失，綠豆分量幾多!環境方面，據我所知豪華近排好簡單咁裝修咗，門面同環境都有少少唔同咗樣，地方尚算新淨!其實豪華唔算落本裝修，當初開張果陣對比番上一手幸福樓嘅裝修都係差唔多!我覺得佢嘅裝修算唔錯，有幾棧燈飾作點綴

近日去咗豪華大酒樓(秀茂坪店),當然要同大家分享本酒家的質素呢!芝士焗海蝦伊麵:芝士夠香,抵食之選!五柳炸雲吞:炸得幾好!流沙煎堆仔:流沙味都幾香的呀!燒賣豬肉夠滑,易入口!牛肉球:都幾好食呢!價錢尚算公道!環境大!裝修幾好!不失為一間好酒家!