豪華咖啡茶廳

營業中

休息中

灣仔老字號 ＂豪華＂冇人唔識，奶茶多士三文治，每次都會幫襯。今午，第一次叫番茄雞翼意粉，食回兒時的味道，亦是最簡單傳統的煮法。。不是，現在新派西式的番茄香草或芝士意粉，味道層次沒這麼複雜。。有時，吃回簡單味道，感覺唔錯

2018年第一個假日,香港的天氣陰雨,想起了台北的天氣,到了冬天也總是這樣容易陰雨綿綿的感覺,反而香港的冬天總是相對比較多的日子是天晴乾爽的日子，讓人特別喜歡這樣的香港，原先今天也想趁著跨年後的第一個假日，想來個行山之旅，但天氣不作美決定一早就在市區吃個早點，在灣仔市區原先只是想來吃個MOS，但發現在MOS對門有一家非常有香港味道的咖啡茶室，所以馬上改變了心意去試試。除了老店面外，在隔壁同時也是動漫基地的店舖，同時也有一家以紅色復古磚頭，有類似台灣古厝風格的仿復古店鋪，但我們當然是選擇老香港店鋪，才有滿滿的香港懷舊風味，喜歡櫃檯上面的鐵窗，有台南老屋的鐵窗感，貴台中冒出陣陣白煙，是老式鍋爐正在烹煮著奶茶，店裡的夥計與外賣的客人閒聊著，週六早上因為天氣濕涼，不需等待有幾個空位，立刻來點了豬扒包與鴛鴦，豬扒包送來時，發現上面的竹籤好像個小樹，以為是店面的DECO裝飾，仔細一看原來是塑膠紙而已，但喜歡這個飽，酥鬆脆而不乾，好好味，鴛鴦也是將咖啡與茶各自天然的風味表現的非常Balanced,好味道,老闆送來時,也溢出杯子到盤子上滿滿，每次看到這些風景，都會想到這就是香港的浪漫啊!!!!!但吃完

揸車車仔返學又車老婆返工，最後身處灣仔，轉兩個灣泊英皇過對面幫襯豪華。蛋牛治咖啡唔該。呢度又係老字號大排檔上樓，有新舊兩舖位，一條佬就梗係入舊舖啦，啱feel得嚟，D飽同啡唔使過街嘛。水吧喺舊舖，您一落order真係fifi聲就到，快到破錶！好處唔駛講就係熱辣辣。蛋牛治係鹹牛肉撈蛋炒，匀為一體夠味；咖啡香濃夠熱。不過這裡沒套餐提供，全部散叫，像我叫蛋牛治咖啡承惠28，但其實未飽！再叫又可能過量兼貴囉噃，搞到有D唔三唔四添！除此之外，啱feel。

難得早到灣仔，不想直接回辦公室，決定去吃個早餐，踢走 Monday Blue 灣仔的茶餐廳，我只想起金鳳和豪華。金鳳的份量作早餐對我來說太多，所以我來到豪華 這裡沒有套餐，食物飲品分開叫。碗通粉幾好吃，比一般茶餐廳好食，和我屋企煮的相似。檸檬茶也好喝，檸檬靚。算是灣仔有水準的早餐，32元

中午飯食得不多﹐到下午有點肚餓﹐又係下午茶時間﹐講到食特別精神的﹐今次試下灣仔呢間豪華㗎啡茶廳﹐因有朋友推介一定要試扒芝牛多士﹐所以專誠來到這裡試一下﹐未坐低已 order 扒芝牛多士﹐再加奶油多及奶茶。件扒芝牛多士真係正喎！而奶油多都5錯﹐奶茶更好﹐茶奶比例剛好茶香口感滑﹐如果去灣仔飲杯靚奶茶﹐5洗四圍搵喇！

呢間都幾出名嘅快靚正港式懷舊茶餐廳嚟，緊要試下，就同FD嚟咗飲杯野張Menu個FEEL都好懷舊，我同朋友各自叫咗一杯熱杏仁霜$15 夠香滑，又有種杏仁香個杯感覺都好懷舊，但又好整潔而且感覺好新淨，無崩無花，抵讚奶水蛋$14奶好軟滑，蛋都打得幾靚，香濃軟熟幾好味，第一次嚟食，下次都嚟試下先睇下除咗野飲得之外會唔會野食都咁正十幾蚊杯唔算貴但都唔平，不過可以坐下同FD吹下水都OK少有的懷舊餐廳，個感覺都幾懷舊，值得支持

近排天氣又凍又熱, 中午想食個快餐同清淡d就諗起豪華點了一份火腿通粉, 通粉硬左少少, 火腿絲就好多, 搭左幾條生菜, 清清地幾好, 份量對女士們來說應該足夠👍🏿呢到既三文冶, 無論選擇麥包/烘底與否, 一律同價比起其他餐廳應該做唔到要加錢, 三文冶份量會比出面細少少, 是即叫即整. 煎蛋算厚, 仲有少少蛋汁流出兩份加埋都係25蚊, 係灣仔區黎講, 算是最平既茶餐廳, 雖然店內比較舊式, 但早餐及中午時段仍有不少人到店內用餐

難得假日終於可以一試灣仔懷舊餐廳嘅早餐沒有套餐，所以單點了熱奶茶和蛋牛治烘底唔使加錢，正開始一食落仲以為比錯左餐蛋治因為無咩牛味，只食到很濃雞蛋香奶茶有啲澀整體來說覺得比較一般，但勝在有懷舊風

逛一逛書展之後，難得來到灣仔這一邊，為免每一次都吃同一間燒味舖，今次過多一條馬路，試一試這一家看來非常之舊式的茶餐廳。其實現在這一間茶餐廳和隔離的新式豪華茶餐廳有什麼分別呢🤔🤔？豬仔包不大不小，面頭和底下分別都烘了一烘，塗上牛油，在面頭淋上少量煉奶，煉奶不算多，沒有怎麼流到外面，但也總算可以密鋪麵包。豬仔包有輕微香脆，又不至於碎落滿碟。以一間舊式茶餐廳來說，這兒的奶茶不算極之香濃，反而加入了煉奶後成為茶走更佳，甜中更見奶茶茶香。很多中年男士都坐在這間茶餐廳打躉，大談政治，本土新聞，非常之地道。率性的茶餐廳，即使場邊有一隻打死了的小昆蟲，也沒有人來把它清除。之後再看一看利東街，原來現在已經變了另一個光景，好像外國的康莊大道一半。

60多年既茶廳,老過唒你同我今日去一嘗老香港既味道,重點係要試下個"奶水蛋"(因為我未飲過)牛奶及雞蛋沖泡既熱飲，係香港久遺了的經典茶記美食。一黎到,隻蛋係入邊, 要自己搞散佢!搞完! 又幾好飲! 最尾隻蛋冇熟晒,好滑!仲叫左蛋牛治有小燶, 但依舊好味!沙嗲牛肉麵略咸!Overall:又平又好味既懷舊老味道!

蛋牛治洪底 未入口已聞到多士香雞蛋再加鹹牛肉吊一吊味又香又脆 一口接一口 轉眼就食清熱奶茶 糖都唔落 嘗其茶香奶滑味道未算頂級 但都係合格以上作為行山前既能量早餐 絕對稱職

一個人來食，點左蛋牛治烘底，$13，價錢好便，烘底又唔使加錢。不過份量就比較少，麵包烘得夠脆，蛋牛餡係比較薄一層，個人認為唔係好夠味，食完一份都無乜飽葛感覺，都係新香園葛比較好食。

在灣仔住的, 應該不會不知道這間豪華咖啡茶廳~ 這間茶龐已有多年歷史, 裝修也很舊式, 和以前一樣沒什麼改變的~ 平常星期六, 日, 有時我都會叫外賣, 最常叫的就是豪華了~ 因為佢既送餐速度實在快得驚人~ 只需10分鐘就能送到府上. 當然我住得很近!今日叫了一個蛋牛治, 沙嗲牛腸蛋麵加杯凍冷茶和熱奶茶~ 真係叫完收左線後唔夠10分鐘就送到黎~ 沙嗲牛腸蛋麵 - 佢唔係用出前一丁, 唔知係咪用福麵~ 黎到都唔太淋~ 湯既味道濃, 牛亦好味好淋~ 總括黎講係正既~蛋牛治 - 份量不算太大, 但可接受. 蛋和咸牛肉既比例OK, 不過黎到個麵包唔知係咪索左D油, 淋左...其他都算好味~凍冷茶- 最中意飲舊式茶廳既奶茶, 有著傳統既味道. 茶味濃度剛好!

一直都知道灣仔有間老店茶餐廳,成日經過都冇機會試豪華應該係店名而並唔係佢間野走豪華路線今日路經灣仔,行到攰攰地就係去食啲野叫左個蛋牛治烘底唔知點解去親茶餐廳就會叫蛋牛治呢度既蛋牛治烘唔洪底都係一樣價錢,所以叫左烘底,幾抵包烘得金黃色,脆脆地,入面咸牛肉同蛋既味道都過得去質素就中規中矩啦,但略嫌餡料唔算好多若果係灣仔番工/番學,食一份當早餐都ok既

今日下午去灣仔辦事，所以先去附近看看有什麼好介紹。//身為港人，港式茶餐廳一向是我的最愛，所以見有不少好評，就去找這間一試。//一入去有位剩，不過沒有想太多，就坐低啦。//餐牌選擇不多，由於正值午餐時段，點了白汁腸蛋會意粉，和一杯凍啡//意粉不用等就上檯了，因是意粉加兩條白灼的腸加兩隻爆黃煎蛋加一殼汁，收29元//其實係一件感覺十分錯的東西，因腸沒有煎過，蛋黃又爆了，沒有蛋汁，淥意粉的水由未乾，白汁是稀的，錯哂//咖啡（只可散叫收15元）漏了單，提醒才來，普通質素//可能係我選不中他好食的，但佢餐牌已經少選擇，如果係咁，不如只做佢叻的食物吧。我就不再試了