豪牛

營業中

休息中

唔講唔知呢間「豪牛」原來係火鍋界名店珍姐嘅舊班底開嘅～同樣專攻啲牛隻少有又刁鑽部位老饕真係有口福喇！豪牛提供快餐店式開放座位午市仲有客飯食夜晚就變身火鍋店地方唔算大但企理乾淨坐得舒服最大驚喜係店員超熱情又識介紹我地第一次黎佢就會根據人數幫我地搭配份量上菜時又會解釋晒每款牛肉出處點樣食最正感覺真係好貼心我地由原本「試下先啦」一食就成主顧😂先試左welcome drink先由鮮果製成嘅cocktails酒味唔會太濃Warm up下剛剛好🍲 招牌豬骨蜆湯一上枱已經聞到超濃骨湯味乳白色湯底用豬骨慢熬12個鐘記得未打邊爐前要先試湯頭飲落去濃郁甘醇有種「食得出時間同誠意」嘅感覺😍豪牛拼盤（推介！）四款牛肉一次滿足：•封門柳：細嫩滑口，有啲似嫩牛柳•牛頸脊：油香重，啖啖肉超juicy•牛匙柄：少少嚼勁，肉味濃郁•牛小排：我最鍾意❤️，油花勁靚，入口即溶，有啲似食和牛！特別部位一定要試：•牛胸爽：爽口又彈牙，膠質多多，食完嘴唇都有黏黏感，勁滋潤！•牛心頂：稀有位，真係唔係間間有，口感嫩中帶彈，牛味勁香濃！•五花趾：筋肉分明，口感脆中帶咬口，啱晒鍾意有嚼勁嘅朋友！其他火鍋料都有驚喜：•花雕雞翼：雞肉超滑溜

又係牛, 無錯! 牛魔王朋友又帶我食好西, 今次就去灣仔食港式邊爐, 店名叫得豪牛, 知佢咩料啦!餐廳以簡約工業風格為主, 有大圓枱, 亦有卡位,座位寬闊舒適, 而且一直播放大家耳熟能詳的歌,超好feel, 店員好熱情好客, 不時過來同你傾計,氣氛好好, 我同朋友都食得好開心~香港人打邊爐最重要係咩? 係湯底同碟肥牛! 豪牛就絕對滿足到我的要求! 湯底同碟牛肉一樣係咁正!🌟湯底: 花膠濃雞湯餐廳有5款湯底, 店員就推介呢個花膠濃雞湯湯底, 因為店主將花膠、牛猴菇、雞肉、杞子、瑤柱等配料, 再加上雞湯熬煮一日, 所以湯底十分濃郁, 而且花膠大大舊, 絕對足料!打邊爐前先飲一碗, 果然足料濃厚, 膠質滿滿,好好味! 必食推介: 🌟豪牛拼盤(中)牛肉是餐廳的主打, 當然要試一試佢嘅豪牛拼盤, 拼盤有4款牛, 最低層是封門柳, 然後是牛頸脊,第3層是牛匙柄、最頂層則是牛小排, 封門柳肉質鬆軟, 而且味道濃郁, 輕輕一灼,已經好好味😋牛頸脊是活動最多的部份, 所以脂肪平均,而且肉質結實, 口感爽滑富有牛味。牛匙柄脂肪相對較少，口感軟中帶脆，味道清甜。牛小排脂肪豐富, 口感軟嫩，大愛😍稀有部位:

近月好多報章雜誌都有介紹火鍋新店「豪牛」，第一句總係離不開其班底黎自早排結業嘅「珍姐」，為食貓們好奇心強，所以決定擇日一試「最難訂火鍋名店」嘅後傳。晚市分六點同八點兩輪，同長輩用餐例必食頭輪。網上訂座成功後有專人確認，流程簡易快捷。六點頭輪入座率約三成，反而八點就全場爆滿。灣仔地舖於謝斐道上有個靚位，落地玻璃窗上貼滿餐牌供路人參閱。店子以「牛」起名，室內當然唔少得啲牛牛擺設啦！對面個酒精角落就似乎唔係幾夠氣勢。。。用餐大堂一眼睇哂，工業風嘅裝潢簡約開揚，最重要係冷氣足！中央位置有多張合拼式方形枱同兩張可容納上六人嘅圓枱。拍牆兩邊則為卡位散座。六人用餐經過小風波後終成功坐圓枱，感激Yan姐姐臨時嘅特別安排！餐桌上擺有齊備嘅自用及公用餐具。飲品牌共有兩頁。酒鬼們搵酒飲時先發現原來餐廳未整好個酒牌，現階段只能靠服務生真人介紹。是日清酒共有三款可選，薯爺應推介點咗樽清爽啲嘅「東京盛 純米吟醸」（$480/枝）。打邊爐都有得揀清酒杯，配套十分齊全。食物餐牌同樣有兩頁。另加黑板上大廚樂哥嘅推介項目。點菜後迅即有十款調味料供食客混醬（$20/位），分別為豉油、醋、蔥、芫荽、麻油、沙茶醬、辣椒、炸蒜、

之前珍姐火鍋喺中環人氣甚高，非常難訂位，餐廳舊班底於灣仔新開火鍋店。餐廳播放吾少流行廣東歌🎼充滿本土風味，牛肉更系十分出色🐮✿ 即炸魚皮 $78魚皮香脆可口，打邊爐必叫，就咁食定系沾湯食同樣滋味。✿ 花膠雞濃湯 $298花膠雞湯好多人都愛，個湯一黎到已經睇得出金黃色好足料🤩💛花膠湯香氣十足，雞肉亦嫩滑🐔✿ 鮮蝦雲吞 $58✿ 鮮蝦韭菜餃 $58✿ 陳皮魚蛋 $58鮮蝦雲吞同韭菜餃鮮蝦新鮮爽口彈牙🦐陳皮魚蛋陳皮味滲出頗明顯。✿ 珍寶蟹柳 $68✿ 魷魚串 $68超巨型嘅蟹柳😳啖啖鮮味，食兩條真系飽曬。魷魚串新鮮爽口🦑✿ 花雕雞翼 $78✿ 滑雞件 $78花雕雞翼花雕味好明顯，睇個人口味，我覺得都幾正。✿ 刀削麵 $38竟然喺火鍋店食到刀削麵😳口感充滿嚼勁。✿ 豪牛拼盤 $348餐廳系牛肉最出名，當然要叫番份拼盤試試。有封門柳 牛頸脊 牛匙柄 牛小排，店員教我地由油脂最少嘅開始食，封門柳同牛匙柄脂肪部分較少，牛肉味較濃。牛頸脊同牛小排油脂分佈均勻，大家都愛❤️

食港式火鍋出名嘅有珍姐海鮮火鍋飯店，不過晚市火鍋之前好難book，最近佢哋嘅舊班底就係灣仔新開豪牛，主打充滿港式風味嘅火鍋，有多款刁鑽牛肉部位、足料高質湯底，還原珍姐特色😻呢度嘅vibes都好正，keep住播大家熟悉嘅廣東歌🎤啱嘅可以同店員jam😎有人生日仲會好有氣氛地播生日歌，嚟聚會一流🤓Weekday好爆場記得book定枱🔥🍲花膠濃雞湯 $268出色！值得叫🫶🏻湯底勁足料，有半隻雞、巨量瑤柱、杞子、猴頭菇等，當然唔少得花膠！湯底煲到帶膠質，好濃郁，要飲多兩碗先開始打邊爐😛影完相隻雞會拎返入廚房斬件，方便啲食，雞肉嫩滑，花膠滑溜富膠質😋🥩豪牛拼盤（封門柳、牛頸脊、牛匙柄、牛小排）（M）$338作為珍姐班底開嘅火鍋店，梗係有好多來貨靚、部位刁鑽嘅牛肉！呢個拼盤份量十足，一次食到4個部位，擺盤好吸引🤩由內圍至外圍、淡至濃咁食，牛小排軟滑、匙柄爽口啲、牛頸脊肉味重、封門柳肉味更濃，帶肉嘅纖維感，4款各有千秋各有水準👏🏻🥩五花趾 $88、牛胸爽 $88、牛心頂 $88、潮州牛肉丸 $68其他刁鑽部位，數得出呢度都有😏五花趾係牛後腿，口感較爽。牛胸爽一向深得我心，有油香又爽脆🥳牛心頂係牛氣管，

這次的用餐體驗讓我非常驚喜。粟米魚柳烏冬是一道色香味俱全的美食，魚柳鮮嫩，烹調得恰到好處，保留了魚肉的鮮美和彈性。搭配的烏冬麵條滑順，吸附了粟米湯的香甜，整體口感非常和諧。粟米的天然甜味為這道菜增添了層次感，讓人感受到清新的滋味。此外，粟米汁的口感綿密，濃郁的玉米香氣讓人一飲而盡，清爽又不膩口，非常適合作為開胃飲品。更值得一提的是，這裡沒有額外的服務費，讓人感到相當實惠，令人心情愉快。整體來看，這頓飯不僅美味，還十分划算，非常適合家庭聚餐或朋友小聚。餐廳的用心和食材的新鮮度讓這次用餐體驗更加難忘，絕對值得推薦！

最近灣仔新開咗一間港式火鍋店「豪牛」，原來係中環珍姐舊班底開嘅！火鍋控嘅我，即刻拉埋朋友去試！🔥最吸引我嘅，係佢哋主打嘅「豪牛拼盤」！封門柳、牛頸脊、牛匙柄、牛小排一次過食晒，切得厚薄適中，落鍋後牛味濃郁又唔韌，啖啖牛香🐮湯底我揀咗豬骨蜆湯，奶白色湯底用豬骨熬足幾個鐘，未打邊爐已經飲咗兩碗，鮮甜足料，蜆肉又多又新鮮！🍲其他配料都唔輸蝕：牛胸爽爽口彈牙、五花趾肉質有彈性、即炸魚皮超脆、花雕雞翼好入味！😋環境方面，坐位闊落唔迫，仲播住廣東歌，氣氛好 chill ～🎶 應承我，一定要去試下！#豪牛 #灣仔火鍋 #珍姐舊班底

話說珍姐晚市係好叻地 book 到過兩次，反而 lunch 領域展開唔到未有機會試。依家灣仔開咗豪牛，可以try try 佢了~ 作為一間主打高品質牛肉嘅火鍋店，揀佢哋嘅牛肉項目唔使問質素一定有保證~終於可以食到傳說中嘅勁正封門柳豬油撈飯~封門柳本身無乜調味可以食到牛嘅原味，肉質軟嫩但細碎咗啲口感有啲削~撈飯加埋甜豉油同豬油，邪惡得嚟比你自己落可以控制個份量幾貼心~秘製花椒清湯牛展飯個人口味覺得呢款更加正，新鮮牛展慢煮至軟嫩，而且份量都好多，墊底嘅蘿蔔甜美無渣，湯底係微辣帶麻嘅花椒清湯~ 好啱依家嘅天氣，不過啲飯好似硬咗啲有少少失色下次嚟再試埋個拔道腩雞飯同埋羊腩先！

中環出名打邊爐珍姐結業, 佢地舊班底係灣仔新開「豪牛」主打手切封門柳、牛頸脊、牛匙柄、牛小排、牛胸爽、牛心頂、牛黑柏葉、牛舌、潮州牛肉丸等先選湯底, 有花膠濃雞湯、潮州沙茶湯、皮蛋芫荽豆腐湯、招牌豬骨蜆湯招牌豬骨蜆湯大大舊豬骨同好多飽滿蜆, 店員會先裝碗湯飲湯頭, 豬骨味濃厚質感煲至微稠, 而滲入微蜆鮮味, 鹹香而層次豐富. 之後會加入高湯溝稀點打邊爐豪牛拼盤 $348ー碟有齊四款牛肉部位, 擺盤超精細, 依脂肪比例分別有封門柳、牛頸脊、牛匙柄和牛小排封門牛味最濃郁, 油脂感最少卻不會韌,帶肉纖維感牛頸脊帶筋但不韌, 口感有嚼勁, 匙柄爽口d牛小排肉汁豐富, 脂肪較多, 食落較軟滑潮州牛丸 $78牛味超濃, 而且口感彈口, 咬落肉汁爆出, 必食五花趾、牛胸爽、牛心頂$88五花趾係牛後腿, 有爽脆口感. 牛胸爽就係白色一片片, 胸骨前軟組織食落爽口而牛油香味濃, 唔會好油膩. 牛心頂係一條條白色, 其實係牛氣管, 煙煙韌韌就無咩味. 花雕雞翼/即炸魚皮 $78 花雕雞翼超重酒味, 略嫌太重酒有點苦味, 雞肉嫩滑而剛炸起來熱辣辣, 好脆口鮮蝦韭菜餃、珍寶蟹柳 、雜菜拼盤 $58 刀削麵 /

🍲🇭🇰中環嘅珍姐火鍋出名難訂位同埋氣氛好好，知道灣仔開左新店，終於黎體驗一下牛係咪咁正同氣氛係咪咁本土。👍 餐廳以工業風裝修，座位闊落。出賣年齡系列：呢到播嘅廣東歌都揀得超好，由頭到尾都想跟住唱，氣氛超好！同埋店員都好nice,好鍾意同大家吹水，仲同我地討論偏食友討厭的菜等級😂🍲招牌豬骨蜆湯大大舊豬骨慢熬12個鐘，湯頭鮮甜甘醇，記得飲多兩碗先開始打邊爐。蜆肥美新鮮無沙，而且份量唔少，食極都仲有🐂豪牛拼盤一碟有齊封門柳、牛頸脊、牛匙柄、牛小排四款（外至內），一次過可以食晒多款部位、油花和肉質嘅手切牛肉封門柳：肉質厚身，牛味最濃郁，肉質彈牙但唔會韌，個人最鍾意呢個牛匙柄：同樣牛味香濃，比封門柳軟嫩清牛頸脊：油脂感較重，肉質軟滑，口味相對清淡牛小排：油花最豐富，脂肪比例較高，入口即溶🐮除左牛肉，仲有好多稀有刁鑽部位牛心頂：雪白外表口感彈牙，完全唔似內臟，據說營養價值同蛋白質好高五花趾：紋理分明，似牛展，比較有咬口。其他配料 特別推薦以下幾樣❣️即炸魚皮：必叫！脆口指數震驚全宇宙，放耐左都仲keep到好脆，🐔花雕雞翼：花雕酒香濃郁，勁入味，淥完都仲食到好香酒味。🐮潮州牛肉丸：超推薦，手打牛肉丸，

終於去試豪牛！知道佢哋係珍姐班底，當然有啲期望。招牌豬骨蜆湯係起膠嘅質地，鮮甜到可以當湯飲。啲蜆勁大隻，仲有豬手/豬腳食。嚟豪牛緊係要食牛。我哋嗌咗份豪牛拼盤（中）。封門柳、牛頸脊、牛匙柄、牛小排。不論係肉味最濃嘅封門柳，抑或係最嫩嘅牛小排。只要每塊淥8-9秒，咬落去會有爆曬肉汁嘅感覺😆。我哋鍾意有咬口嘅，所以嗌埋牛胸爽、五花趾。牛胸爽口感爽脆，好多地方都食到。五花趾就少見啲，食落去有啲似牛展嘅口感。有時對啲酒醉嘢又愛又恨。不過我幾鐘意呢度嘅花雕雞翼。0雪味，冇酒精苦味，酒香滲晒入去。即炸魚皮記得要即刻食。新鮮炸起熱辣辣脆卜卜。好邪惡但係食到停唔到口🥲。牛丸都幾有驚喜。有少少牛筋，竟然係潮汕三寶嗰種滑滑嘅牛筋。咬落去真係爆汁😨。

今晚同媽咪去咗灣仔「豪牛」食港式邊爐，聽個名就知係牛肉火鍋專門店啦！😍 餐廳裝修走簡約工業風，有大圓枱同卡位，座位闊落坐得舒服，仲一路播住啲耳熟能詳嘅歌，氣氛超正！店員又熱情，成日過嚟同我哋吹水，成個體驗好開心～🎵講返食物先！個招牌豬骨蜆湯真係不得了，未打邊爐已經飲咗兩碗，蜆肉鮮甜，湯底濃郁到爆！🤤 重點當然係個「豪牛拼盤」啦，有齊晒封門柳、牛頸脊、牛匙柄、牛小排、牛胸爽同五花趾，款款都咁出色：🐮 封門柳：嫩滑得嚟有咬口，似嫩牛柳 🐮 牛頸脊：油香超重，啖啖肉超juicy 🐮 牛匙柄：少少嚼勁，牛味好出 🐮 牛小排：我至愛！油花靚到癲，入口即溶 🐮 牛胸爽：爽脆有驚喜 🐮 五花趾：筋肉分明，口感一流 其他配料都唔輸蝕：潮州牛肉丸彈牙、雞件嫩滑鱔片鮮甜、韭菜餃皮薄餡多，即炸魚皮脆卜卜，掛湯一流！邪惡午餐肉，夠晒邪惡好味🤤最後仲有雜菜拼盤同刀削麵，飽到上心口～🍜飲品方面試咗羅漢果水同檸檬薏米水，清甜解膩，打邊爐必配！🍹總括嚟講，呢間由中環珍姐火鍋舊班底開嘅新店，無論牛肉質素定氣氛都keep到水準，仲要易book好多！灣仔打邊爐又多個好選擇啦～👍

呢間港式火鍋店由珍姐火鍋舊班底新開，主打刁鑽靚牛同高質食材，火鍋迷必試！招牌豬骨蜆湯
打邊爐最緊要湯底！呢個湯底用豬骨熬製多個小時，湯底呈奶白色，骨膠原滿滿，未開始邊爐前記得飲啖湯先！蜆肉份量多，新鮮又無沙～豪牛拼盤
一碟有四款牛肉部位，按照脂肪比例擺盤，分別有封門柳、牛頸脊、牛匙柄同牛小排✨ 最鍾意封門柳，雖然油脂感最少，但牛味最濃郁又唔會韌
即炸魚皮啱啱炸起熱辣辣，咬落去好脆，但完全會有油膩感！
潮州牛丸咬一啖肉汁爆曬出黎，超彈牙，牛味好濃，即刻encore多碟😆
牛胸爽好多人以為呢個白色一片片嘅係脂肪，其實係胸骨前軟組織，咬落相當爽口，富有陣陣牛油香，但又唔會油膩✨五花趾係大腿內側嘅部位，口感爽脆，肉質充滿彈性，坊間都比較少見，值得一試！花雕雞翼一上枱已經聞到花雕香味，雞肉滑嫩，酒味香醇～ 
陳皮魚蛋好少打邊爐舖頭會見到有得叫陳皮魚蛋！口感煙韌彈牙，味道就正常發揮招牌豬骨蜆湯

今日我同朋友去咗呢一間位於灣仔嘅火鍋店食飯，餐廳嘅位置好方便，係港鐵站出口步行一陣就可以到達。湯底餐廳嘅湯底用料十足，湯底非常之清甜可口，可以係開始打邊爐之前，可以先飲一飲個湯。牛肉牛肉嘅種類都唔少，肉味頗為香濃，一次過可以食到幾款唔同部位嘅牛肉。炸魚皮魚皮炸得好香脆，入口唔會覺得好油膩，調味亦都調得好好。丸類用料都好新鮮，入口好彈牙，加上吸收咗湯底嘅精華，基本上唔使沾其他醬汁，已經幾好味。飲品方面，入口好清甜，啱晒一邊打邊爐，一邊飲。整體嚟講，今餐嘅食物質素都好高。食材亦都好新鮮，味道唔錯。