影片
港鐵會展站A2出口, 步行約9分鐘
繼續閱讀
電話號碼
63134499
開飯介紹
一間主打高品質牛肉火鍋的港式餐廳，提供逾10款不同部位的牛肉，包括封門柳、牛頸脊、牛匙柄、牛小排及招牌豪牛拼盤等，讓顧客一次過品嚐多種風味，特別適合喜愛牛肉的食客。
繼續閱讀
營業時間
今日營業
18:00 - 00:00
星期一至五
11:00 - 15:00
18:00 - 00:00
星期六至日
18:00 - 00:00
公眾假期
18:00 - 00:00
公眾假期前夕
18:00 - 00:00
以上資料只供參考, 請與餐廳確認詳情
有關獎賞計劃
又係牛, 無錯! 牛魔王朋友又帶我食好西, 今次就去灣仔食港式邊爐, 店名叫得豪牛, 知佢咩料啦!餐廳以簡約工業風格為主, 有大圓枱, 亦有卡位,座位寬闊舒適, 而且一直播放大家耳熟能詳的歌,超好feel, 店員好熱情好客, 不時過來同你傾計,氣氛好好, 我同朋友都食得好開心~香港人打邊爐最重要係咩? 係湯底同碟肥牛! 豪牛就絕對滿足到我的要求! 湯底同碟牛肉一樣係咁正!🌟湯底: 花膠濃雞湯餐廳有5款湯底, 店員就推介呢個花膠濃雞湯湯底, 因為店主將花膠、牛猴菇、雞肉、杞子、瑤柱等配料, 再加上雞湯熬煮一日, 所以湯底十分濃郁, 而且花膠大大舊, 絕對足料!打邊爐前先飲一碗, 果然足料濃厚, 膠質滿滿,好好味! 必食推介: 🌟豪牛拼盤(中)牛肉是餐廳的主打, 當然要試一試佢嘅豪牛拼盤, 拼盤有4款牛, 最低層是封門柳, 然後是牛頸脊,第3層是牛匙柄、最頂層則是牛小排, 封門柳肉質鬆軟, 而且味道濃郁, 輕輕一灼,已經好好味😋牛頸脊是活動最多的部份, 所以脂肪平均,而且肉質結實, 口感爽滑富有牛味。牛匙柄脂肪相對較少，口感軟中帶脆，味道清甜。牛小排脂肪豐富, 口感軟嫩，大愛😍稀有部位: 🌟五花趾|牛心頂呢度連稀有部位都有, 五花趾係第一次食, 係指牛後腿大腿內側的兩小條牛腿肌腱, 部位刁鑽, 五花趾部位富有彈性，食落口感爽脆，好有嚼口。牛心頂即牛的心臟的頂端, 連接血管和心臟的一部份, 牛心頂肉質厚實, 口感特別, 非常的爽脆其他大推火鍋配料:🌟花雕雞翼除了牛肉之外, 花雕雞翼都係店員大推的,好濃郁的花雕味, 未食已有好香的花雕酒香味，而且無平時冷盤花雕雞的苦澀味,即使淥熟後依然花雕味香濃, 而且嫩滑, 推介!🌟炸魚皮即叫即炸魚皮, 上枱時還熱辣辣的, 超脆, 又夠入味,送酒一流!🌟潮州牛丸牛丸都係我私心推介彈牙又juicy, 牛肉味滿溢,食得出的真牛肉肉丸
繼續閱讀
897 瀏覽
近月好多報章雜誌都有介紹火鍋新店「豪牛」，第一句總係離不開其班底黎自早排結業嘅「珍姐」，為食貓們好奇心強，所以決定擇日一試「最難訂火鍋名店」嘅後傳。晚市分六點同八點兩輪，同長輩用餐例必食頭輪。網上訂座成功後有專人確認，流程簡易快捷。六點頭輪入座率約三成，反而八點就全場爆滿。灣仔地舖於謝斐道上有個靚位，落地玻璃窗上貼滿餐牌供路人參閱。店子以「牛」起名，室內當然唔少得啲牛牛擺設啦！對面個酒精角落就似乎唔係幾夠氣勢。。。用餐大堂一眼睇哂，工業風嘅裝潢簡約開揚，最重要係冷氣足！中央位置有多張合拼式方形枱同兩張可容納上六人嘅圓枱。拍牆兩邊則為卡位散座。六人用餐經過小風波後終成功坐圓枱，感激Yan姐姐臨時嘅特別安排！餐桌上擺有齊備嘅自用及公用餐具。飲品牌共有兩頁。酒鬼們搵酒飲時先發現原來餐廳未整好個酒牌，現階段只能靠服務生真人介紹。是日清酒共有三款可選，薯爺應推介點咗樽清爽啲嘅「東京盛 純米吟醸」（$480/枝）。打邊爐都有得揀清酒杯，配套十分齊全。食物餐牌同樣有兩頁。另加黑板上大廚樂哥嘅推介項目。點菜後迅即有十款調味料供食客混醬（$20/位），分別為豉油、醋、蔥、芫荽、麻油、沙茶醬、辣椒、炸蒜、辣油、蒜泥，其中豉油好咸。花膠濃雞湯（$298）：必先預訂嘅湯底原隻雞雞上，以示真材實料！原隻拎返入廚房斬件後再擺返入個煲入面繼續煮。湯品香濃甜美，絲毫不膩口。即炸魚皮（$78）：脆卜卜嘅魚皮熱到出哂煙架，證明即點即炸，香口小食送酒一流！封門牛柳（贈送）：嘻嘻，從友人手中取得優惠券，所以第一碟封門牛柳係送嘅。深紅色嘅封門牛柳紋理鮮明，厚薄適中，肉香爽潤，真心好味，一小碟唔夠喉，結果試完即追加！封門柳（$348/M）：第二碟自費嘅封門柳份量明顯多幾倍，不過可能因為每片切厚咗，肉質稍微帶韌，冇薄嗰碟咁正。豪牛拼盤（$498/L）：招牌拼盤共有四款牛肉，由外至內分別為封門柳、牛頸脊、牛匙柄、牛小排。簡單啲講句，除咗墊底最深色嘅封門柳最爽嫩之外，其他三款牛牛都比較嚡韌，拼盤嘅弊處就係最怕貨比貨！牛骨膸（$68）：其實之前食過好幾次牛骨膸，貨色均全為皺哂皮好老，印象唔係好得。意外地，「豪牛」嘅牛骨膸外表白滑，入口柔順爽潤，成功帶來驚喜。牛胸爽（$88）：小肥最愛嘅牛胸爽極富奶香，厚切薄切都一樣咁爽脆甜美，必吃推介也！澳洲M7和牛牛柳邊（$169）：樂哥推介嘅澳洲和牛顏色就靚啦，可惜又厚又韌，冇肉香之餘仲帶點羶味，不吃也罷！牛心頂（$88）：一條條嘅牛心頂質感柔韌有彈性，不過本身冇乜味，同桌嘅家人意見不一，好唔好食真係好睇個人口味。牛舌（$68/S）：切得夠薄嘅牛脷烚幾烚已經熟，輕巧爽脆，簡單可口。潮州牛肉丸（$78）：圓碌碌嘅牛丸超級爽彈，直令細佬諗起星爺名作！廣島刺身蠔（$128）：刺身級嘅蠔隻肥嘟嘟，煮到熟透仍可保持幼嫩滑溜，掂！墨魚蝦滑（$88）：墨魚滑混蝦滑依個配搭非常夾，鬆得黎有彈性，鮮甜易入口。菜脯蝦醬豬肉滑（$88）：豬肉滑嘅質感其實有啲似蒸肉餅咁嫩，可惜個菜脯蝦醬濃味得黎酸酸地，個人唔鍾意囉！響鈴（$48）：金黃堅挺嘅響鈴外皮酥脆，喺雞湯入面涮兩涮即變得柔軟，煮到半脆半軟食落最過癮。芋絲（$38）：零卡路里嘅芋絲爽彈正常。雜菜拼盤（$58）：幾款蔬菜都好新鮮清爽。娃娃菜（$48）：娃娃菜尤其清甜。灣仔新火鍋店「豪牛」通爽企理，服務生大多親切落力，無奈主打牛牛嘅不同部位質素甚為參差，即使係同一款封門柳叫咗三碟都頗大分別，美人姐姐唯一嘅結論係餐邊爐性價比唔高。
繼續閱讀
之前珍姐火鍋喺中環人氣甚高，非常難訂位，餐廳舊班底於灣仔新開火鍋店。餐廳播放吾少流行廣東歌🎼充滿本土風味，牛肉更系十分出色🐮✿ 即炸魚皮 $78魚皮香脆可口，打邊爐必叫，就咁食定系沾湯食同樣滋味。✿ 花膠雞濃湯 $298花膠雞湯好多人都愛，個湯一黎到已經睇得出金黃色好足料🤩💛花膠湯香氣十足，雞肉亦嫩滑🐔✿ 鮮蝦雲吞 $58✿ 鮮蝦韭菜餃 $58✿ 陳皮魚蛋 $58鮮蝦雲吞同韭菜餃鮮蝦新鮮爽口彈牙🦐陳皮魚蛋陳皮味滲出頗明顯。✿ 珍寶蟹柳 $68✿ 魷魚串 $68超巨型嘅蟹柳😳啖啖鮮味，食兩條真系飽曬。魷魚串新鮮爽口🦑✿ 花雕雞翼 $78✿ 滑雞件 $78花雕雞翼花雕味好明顯，睇個人口味，我覺得都幾正。✿ 刀削麵 $38竟然喺火鍋店食到刀削麵😳口感充滿嚼勁。✿ 豪牛拼盤 $348餐廳系牛肉最出名，當然要叫番份拼盤試試。有封門柳 牛頸脊 牛匙柄 牛小排，店員教我地由油脂最少嘅開始食，封門柳同牛匙柄脂肪部分較少，牛肉味較濃。牛頸脊同牛小排油脂分佈均勻，大家都愛❤️
繼續閱讀
食港式火鍋出名嘅有珍姐海鮮火鍋飯店，不過晚市火鍋之前好難book，最近佢哋嘅舊班底就係灣仔新開豪牛，主打充滿港式風味嘅火鍋，有多款刁鑽牛肉部位、足料高質湯底，還原珍姐特色😻呢度嘅vibes都好正，keep住播大家熟悉嘅廣東歌🎤啱嘅可以同店員jam😎有人生日仲會好有氣氛地播生日歌，嚟聚會一流🤓Weekday好爆場記得book定枱🔥🍲花膠濃雞湯 $268出色！值得叫🫶🏻湯底勁足料，有半隻雞、巨量瑤柱、杞子、猴頭菇等，當然唔少得花膠！湯底煲到帶膠質，好濃郁，要飲多兩碗先開始打邊爐😛影完相隻雞會拎返入廚房斬件，方便啲食，雞肉嫩滑，花膠滑溜富膠質😋🥩豪牛拼盤（封門柳、牛頸脊、牛匙柄、牛小排）（M）$338作為珍姐班底開嘅火鍋店，梗係有好多來貨靚、部位刁鑽嘅牛肉！呢個拼盤份量十足，一次食到4個部位，擺盤好吸引🤩由內圍至外圍、淡至濃咁食，牛小排軟滑、匙柄爽口啲、牛頸脊肉味重、封門柳肉味更濃，帶肉嘅纖維感，4款各有千秋各有水準👏🏻🥩五花趾 $88、牛胸爽 $88、牛心頂 $88、潮州牛肉丸 $68其他刁鑽部位，數得出呢度都有😏五花趾係牛後腿，口感較爽。牛胸爽一向深得我心，有油香又爽脆🥳牛心頂係牛氣管，煙煙韌韌幾得意🤪🍗花雕雞翼 $78、滑雞片 $78除咗牛肉，花雕雞翼都好出色😋雞肉嫩滑，烚完後仲食到好香嘅花雕酒香，好入味🥳🍢脆鯇腩 $128、門鱔魚蛋 $68、鮮蝦韭菜餃 $58、珍寶蟹柳 $68、雜菜拼盤 $58其他配料都有唔少選擇，魚蛋好彈牙，韭菜餃幾足料👏🏻🥠即炸魚皮 $68魚皮好大份！每條都大大條香脆不油膩😛🍹檸檬薏米水 $88／榨飲品有啤酒、椰青水、羅漢果水等，分一杯或一榨，叫一榨抵好多，飲極都飲唔完咁😆推介指數（10分為滿分）：8分
繼續閱讀
今次來訪依間港式風味濃厚嘅🐮 豪牛🐮 打邊爐😍 內裡裝修好有特色👍 尤其喜歡佢哋牆上嘅豪牛壁畫☺️ 打卡影相啱曬😆 座位桌面好闊落，叫多幾味配料都夠位擺無有怕🤭 湯底㨂咗好多人叫嘅花膠濃雞湯😎 湯底份量十足，有有足足半隻三黃雞😍 唔會好肥膩之餘，食落肉味濃香，肉質嫩滑👍 職員仲會協助斬件切細架☺️ 湯底內還有猴頭菇、杞子、瑤柱等高質配料，令湯底更添鮮美😋 火鍋配料當然首選豪牛拼盤😍 內包封門柳、牛頸脊、牛匙柄同埋牛小排✅ 色澤鮮豔紅潤，油花均勻唔會過肥👍 鐘意食牛嘅朋友必叫喲☺️ 有興趣可以試埋牛胸爽同埋牛心頂😆 口感滋味好特別🤭 嚼感一流又入味架🤗 鐘意食雞嘅就必點滑雞片同埋花雕雞翼😎 前者滑嫩鮮美，後者採用花雕調味，令雞翼更顯細嫩✅ 配花膠湯底好讚👍 仲有脆鯇片、珍寶蟹柳、鮮蝦韭菜雲吞、炸魚皮等等高質配料✅ 全部都好足料勁好味😋 真係不能錯過喲🤤 飲品㨂咗清爽又解膩嘅椰青水✅ 配肉食絕對一流😚
繼續閱讀