影片
今晚喺銅鑼灣豪宴薈同屋企人食生日飯 試咗幾道招牌菜同晚式特價開心孖寶，每樣都各具特色，水準不俗： **1. 吊燒雞** 皮脆肉嫩，咬落去「咔嚓」一聲，雞肉依然保持juicy，醃得入味但唔會過鹹。最驚喜係雞胸部位都唔會「鞋口」，火候控制得恰到好處。 **2. 上湯焗西澳龍蝦（配烏冬底）** 龍蝦肉質爽彈鮮甜，上湯汁濃郁得來唔會太鹹，精華完全滲入烏冬度。烏冬吸滿龍蝦鮮味，口感滑溜，簡直比龍蝦本身更搶鏡！ **3. 竹笙鼎湖上素** 清新怡人，竹笙吸盡上湯鮮味，配上各種時令菌菇同蔬菜，口感豐富。食完濃味菜式後，呢道菜正好平衡返味蕾。 **4. 生果咕嚕蝦球** 蝦球大隻彈牙，外層炸得酥脆，裹上酸甜適中嘅咕嚕汁。加入新鮮菠蘿增加清新感，比傳統做法更開胃，食多幾件都唔覺膩。 **整體評價**： 食材新鮮，烹調手法傳統中見心思，調味恰到好處。特別係海鮮同燒味類菜式，盡顯師傅功架。環境舒適，服務周到，冷氣又唔會太凍，連平時怕凍既我都坐得舒服，仲有糖水送，大家都話係一間值得再訪嘅中菜廳。
繼續閱讀
想不到復活節假期都訂到這裡的晚飯時間，可能真是很多人北上了。😅第一次來這裡食飯，門口裝飾很多花，明顯是婚宴場地，大廳有海景位，但樓底矮，也較擠迫，出入要逼來逼去。😅餐牌選擇很多，也有套餐，但我覺得沒有青菜，所以都是散叫，選了特價菜半隻脆皮燒雞＄68，正價菜北菇紅燒豆腐＄98，試下最普通的菜式就知水平。北菇紅燒豆腐，份量足，夠熱，厚北菇片，有幾條翠綠菜心，味道不錯，但芡汁太厚，扣分了。脆皮燒雞🐔很快送到，配一碟南乳汁，皮脆肉淋，味道還可以，這個價錢不敢太要求。服務方面都不錯，我嫌大風要換台，店員馬上幫忙，有求必應，讚👍。食完飯還有西米紅豆沙送，做足功夫，埋單＄238，在銅鑼灣區算是經濟實惠。👌
繼續閱讀
一行五人到這裡晚飯，座位比較窄有點背對背，幸好附近食客都斯文，不太嘈吵。廣東片皮鴨二食$278，鴨肉厚切大片，配料醬汁好多，二食叫左醬爆西芹炒鴨絲，好惹味。雲吞雞半隻$98，雲吞有6 粒，個濃湯都吾錯。沙爹肥牛粉絲煲，有啲芽菜而且份量都多，不過食到煲底略為多油。濃湯鮮竹菠菜苗，清清地，冇乜特別。送糖水，紅或綠豆沙，紅豆沙比較出色。埋單$745/5位，可以。題外話，收銀姐姐和侍應都相當有禮貌，用餐體驗良好。
繼續閱讀
話說同老母親平日11:15到達，去到叫我地按飛，要我地稍等，我地排第一，入面好多吉檯都唔比我地入，可能佢地因為想完左11:30優惠早市先比我地入。期間有熟客黎到都立刻比入。熟客先入無問題，我唔介意，但問題係你咁多張空檯，都唔比我地同後面排隊的茶客入，就居心可測囉。我地等左10 分鐘都無動靜，我地嬲得滯，決定離場走人。待客安排態度奇差，非常趕客。野食好唔好食我唔知，但未入去的體驗已經好差，祝福佢好生意。
繼續閱讀
豪宴薈銅鑼灣告士打道311號皇室堡9樓今日去飲早茶，茶樓供應醒晨孖寶 $39.8，我揀左黃金鮮奶卷，配臘腸滑雞飯茗茶每位$12。黃金鮮奶卷好香口好食，臘腸滑雞飯賣相不錯，滑雞嫩滑好味，臘腸有些少肥油，都係食少少就好。
繼續閱讀