豪宴薈

營業中

休息中

今次來飲茶食點心，每個點心都熱辣辣，味道不錯，保留到地道茶樓的味道。蝦餃、燒賣、馬蹄糕，傳統點心，味道ok，夠大粒，又夠熱。素餃、鮮蝦素餃，餃皮是不同款式，都ok，內裡都足料。牛肚，夠大份，黑椒辣味夠惹味。釀魚腐，蒸出來味道好香，魚腐和釀的涵料十分之夾。炸雲吞、燕麥糕、煎魚餅，就相對來說，非常一般，比較乾身，味道較淡。炒粉麵飯方面，今次點了鴛鴦炒飯，好多新式酒樓都沒有這個菜式了，而這裡有這個炒飯，味道就是一直以來的味道，正！

食完個蛇羹，跟住來跟屋企人過嚟飲茶。基本上因為佢就腳，好多時候都會嚟呢度食晚飯。但係都係覺得佢下午茶點心係出色過晚飯嘅。燒腩仔都幾夠脆，不過有少少鹹，但係都好過我早幾晚係大角咀食萬發真係食肥膏。個魷魚鬚都比起大角咀嗰間做得好起碼佢有椒鹽先真係椒鹽鮮魷。韭菜餃同埋叉燒酥啲餡都執得滿滿嘅，尤其是個叉燒酥唔係一啲碎碎嘅叉燒，反而有一片片嘅叉燒肉口感唔錯。鯪魚肉都打得好彈牙。個臘腸卷都唔會太肥，鹹魚肉餅同早幾日喺型點食個牛肉餅飯真係好食好多。另外試咗屋企人個甜品一啖，燉奶唔太甜都幾好味。唯獨四個鐘表現比較差，個粥底好似溝咗水咁樣，稀冷冷的。都係嗰句建議喺呢度都係食點心多過食晚餐。

係網上預約，去到也要等半小時先可以入座，今日點了一個點心套餐，包括干炒牛河及牛肚，鮮虾豆苗餃，另外點了虾餃，牛肉，小籠包，葯膳鳳爪，香芋餃，煎腸粉，沙律雲吞，饅頭，牛河OK，不會太油膩，但略為細碟，點心不過不失，小籠包皮厚，冇驚喜。但環境嘈雜，枱與枱之間太逼，不大喜歡。

係呢度飲過三次茶、三次都受氣、被不禮貌對待、呢度啲員工好過份！價錢又唔平！又貴！嘢食又好麻麻！又唔衛生！第一次、計多咗我一碟大點、轉過頭發現一分鐘都冇即刻追返、之後唔見咗個收銀、被迫要去燒味部搵個冬姑頭帶眼鏡收銀姐攪返張單、佢好冇禮貌咁話帮你收錢個個人食緊飯你要等佢食完飯先可以攪返張單！我問佢企係度等佢食一個鐘飯啊？之後冬姑收銀姐又話咁張單唔係我收我點同你攪！之後我地嘅對話唔一一打出黎、手累（總之佢講咗好多冇禮貌嘅廢話話唔帮我攪張單）、最後攪咗好耐先話退返錢比我、仲要係退個碟大點正價冇退加埋一個差額！要再三問佢先肯退返正價連加一差額！第二次係門口熱咗一個半鐘排隊、眼見好多熟客都可即入咁滯、心裏都明嘅（香港飲茶文化）！但唔明點解佢安排咗我地入座之後、大約十五分鐘叫我地調枱、因為佢地要食飯！咁如果你一早知就黎食飯就唔好安排人坐個度、第二、個陣九點幾未夠十點！我唔知你食咩飯呢？十一點半十二點先食啦吓話？！第三、我地食食吓、佢再安排新嘅一枱客入黎食！咁得意嘅？叫我地走又叫新客入黎食？咁做咩大約半個鐘至九個字之前已經叫我地走（我地當時只係坐咗大約15分鐘）？房內其實仲有兩三枱客、但又唔叫佢地走？

諗住去酒樓食母親節飯，呢間未試過，所以諗住試吓，七個人叫咗半圍全包宴。上菜次序亂，又唔夠人手上菜，全程冇人換個碗，搵個人都難。上湯焗蝦球伊麵，個蝦球超多粉漿，伊麵勁淋，好難食。蒸魚、鮑魚還好，翅都麻麻，其他食物都是一般，荷葉飯蒸得唔好食，d飯好爛。紅棗糕太重薑味。

3次都係咁～叫燒味瀨粉冇瀨粉就求其塞碗米粉俾你～冇話通知個客冇瀨粉轉其他野得唔得～傳菜阿姐又係差到PK~放低就走～同佢講我唔係要米粉～一句都唔應人好似聾啞人士咁～之後先叫我地問返樓面～一肚氣～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～

好難食未食過咁難食，地方污糟都算，野食都唔熟囉！！！！咩事呢間酒樓，起碼都要煮熟啦，去到門口個呀姐已經好鬼串，入面勁多位又叫我地等等，問佢野一係黑面一係直接轉身走左去，等成15分鐘先比入咪就係坐啲空枱囉。見住好多人都因為頂唔順個呀姐走左去唔食，服務咁差唔怪得星期六日唔洗排都有位，唔會再去。絕對唔推介，負評到爆，伏到一個點原本放假開心食完都想嘔。咁大間星期六日中午都坐唔到一半睇嚟都好快執得。超級難食服務惡劣呀呀呀！！！！

星期日晚去邊度食都一定大排長龍，難得仲有間酒樓有位，博一博既心態喇叫左足足9味餸 分別係豉油王蝦碌，蟶子王，薑蔥台山蠔，蜜汁叉燒，扁皮鴨（醬爆西芹炒鴨絲），啫啫生菜煲，大閘蟹等。上菜速度太快，一下子就上齊了呢度可以改善下，雖然知道廚師很忙，但張枱根本不能放哂所有餸，整體黎講，野食就一般水準喇，比較好食既係蒸蟶子，可能海鮮算新鮮，所以清蒸都已經味道唔錯，但扁皮鴨既皮比較厚，可以改善下，假日如很趕急既都可以一試

今天早上於豪宴叫外賣點心，本人於 11點04分落單，並於11時40分回酒樓拎，竟然可以未齊點心。未齊都算了，負責執外賣既呀姐態度奇差，竟然話跟單出點心同我講話追都沒用，未蒸熟點拎出黎 。在其他號碼較後的單出晒既情況下，而我嗰張都未齊而好明顯是漏單，竟然仲叫我等，完全不合理，仲要如此態度，簡直令人氣憤。還有其他女部長經過，都沒有主動協助，其中一位更對我的憤怒豪不理會，還用眼啤住我，完全唔覺得自己酒樓有問題，簡直不知所謂。最後得一位較正常的男部長，協助跟進及退款。貼錢買難受，大埔其他任何一間酒樓都好過呢間野。

星期日一家人去左豪宴薈飲茶,主要就係就腳係大埔超級城行完街再坐低飲杯茶食個包🎁, 豪宴薈可以講係大埔超級城里面性價比最高概平民酒樓價錢大眾化適合一家大細,有app可以拿飛比較方便!✨首先出場概係前菜-鹵水豬腳仔 鹵水夠入味 豬腳仔咬落有口感值得推薦!👍鮮果炸雲吞 – 小朋友最愛 脆卜卜概炸雲吞🎇 配上鮮果粒食完炸雲吞食返口鮮果粒即刻好似冇錦熱氣錦柴魚花生肉碎粥 – 柴魚都幾香口 ❤肉碎都算足料 個粥底都夠綿但當然唔能夠同生滾粥相比 但以酒樓食概一碗粥黎講算係錦墨魚滑釀魚腐-呢個點心唔係周圍都有得食,墨魚滑夠彈牙,💥魚腐就有其鬆軟,一口食落去兩種感覺混合埋出黎都幾得意南翔小籠包 – 只可以講好食過百佳買到概急凍小籠包,質數一般皮都夠薄,但肉質入口似食緊一粒肉丸唔夠好食生煎韭菜餅-我唔係好鐘意食韭菜都食到,食落同生煎鯪魚餅同口感,韭菜唔重崧子香苧餃 – 食落似粉果,可能我對香苧冇咩好感😂白灼唐生菜 - 午市特價菜黎講有驚喜,爽口唔老煮得剛剛好,加埋個鼓油汁一流💫這里有三張假日午市特價點餐紙埋單$425 人均$70總結:如果你係諗住係大埔平平地錦飲餐茶呢到絕對滿足到你,點心普遍冇中伏,但如果

琴日，同老公帶着一歲嘅BB去飲早茶我哋10點前入席因為想食乳鴿（供應係11點後），食完之後大概11:30埋單因為第一次去，所以唔係好清楚佢哋嘅規矩今日check返張單..發現佢哋收多咗我錢..今日走去同佢講佢收多我錢..佢哋叫咗店長出嚟，係個好大隻嘅男人..態度好差仲好大聲鬧我！！我同佢講我10點前已經入席，但係你哋收我係午市價錢..咁對我唔係好公平之後個店長就話，你可能九點入嚟坐成個鐘再入單..佢又話我哋收乜嘢價錢係睇打單嘅時間…（職員係10:01am打咗我第一個order)..我同佢講你嘅職員打單打慢咗，咁就收咗午市嘅錢對我唔公平…佢又話今次破例回返啲錢俾你，我哋係跟打單時間！！琴日食嘢嗰陣，我拉張凳過少少見到我腳下有曱甴，我叫得好大聲我以為仲識郁..個姨姨仲過嚟好好笑咁同我講曱甴已經死咗，應該係琴晚做清潔嗰陣留低嘅…🤷🏻‍♀️但係依個係衛生問題，就算夜晚做清潔地下都唔應該有曱甴🪳！！ 曱甴仲好大隻好恐怖！**btw, 張單佢收起咗佢唔俾返我，所以我冇辦法upload喺依個平台，但係我句句屬實…如果大家下次都大概九點幾呢個時間入席，俾錢嗰陣最好係check返佢係收早市定午市價錢…唔好

食品質素正常不過係伙記質素普通 有啲夥計好心急冇咩禮貌聽到隔離枱比人蝦一個伙記話預留哂，一個伙記又話冇哂，一個又話冇得預留，玩到個客一頭霧水發火之後又話有玩到個客吹氣，幸好我早到上菜仲好笑我枱落單先，但隔離枱遲黎先上菜 ，有啲混亂

趁假期下午就去帶爸爸飲荼先😊又黎到經常去既酒樓，假日嘅晏晝更加比較忙拎飛嘅時候都起碼等成30幾張呢間嘅食物款式都比較偏多選擇叫咗啲例牌牛肉球燒賣，今次見到一個都比較特別蟹籽瑤柱一口餃，一食落去好香嘅青蔥味，瑤柱都比較多食落去都啖啖肉😋仲有一個要推介嘅金沙脆茄子，佢嘅外皮系炸既將茄子包住，熱辣辣脆卜卜既外皮仲有好香濃嘅鹹蛋黃浸浸嘅香味😍🤩真係一試難忘😝

今日同屋企人做節，我哋揀咗大埔超級城👉🏻豪宴薈👈🏻食晚餐🥰🥰🥰點咗好多菜式，重點覺得三款菜式值得推介👍🏻👍🏻👍🏻🌸🌸芝士龍蝦伊麵🌸🌸味道剛剛好，芝士味好香，龍蝦又新鮮，同埋好大碟🌸🌸香酥黃金蝦🌸🌸有啲奶油味，出奇地唔會太鹹，好香鹹蛋味道，🌸🌸壽桃包🌸🌸包係即蒸嘅，所以好軟熟，裏面嘅蓮蓉好有驚喜，好滑，好好味😋😋😋，其餘菜式一般酒樓水準，不過不失☺️☺️☺️

排隊apps處理有問題試過一早禁定app排隊 等到差吾多時候 到門口又俾好多過左飛既人插隊 到門口要等成粒鐘又試過差吾多到行過去 可以係10分鐘之內過左成10幾要飛 去到又要重新禁飛 尼個apps係認真有問題🤨但 明知有問題 你地既前台員工又吾認真處理問題而且仲要態度差.......吾同我食一餐飯要受咁多氣都係想開開心心飲餐茶啫