11
18
4
港鐵馬鞍山站 A1 出口 繼續閱讀
所有分店 (4)
電話號碼
26319132
營業時間
今日營業
07:00-00:00
星期一至日
07:00-00:00
付款方式
Visa Master 現金 銀聯
其他資料
加一服務費
食評 (44)
等級2 2017-06-16
735 瀏覽
片皮鴨一食$48,二食$78,價錢都幾吸引。預早幾日訂位晚飯時,已預訂一隻片皮鴨,否則遲左黎就未必食到。經商量後,我地二食要左涼瓜炆鴨件,叫左我鍾意食嘅香橙焗肉排,菜蔬類一定唔少得,我地就揀左海皇雜菜煲,四個人夠哂食喇。大約十分鐘,第一味黎就係香橙焗肉排,賣相都幾好,肉質唔Un,好味道。我再叫左兩碗白飯,跟住海皇雜菜煲上枱,賣相一般,味道OK,有蝦有帶子(雖然唔多)有粉絲有菇類配菜心白菜西蘭花,以88元嘅價錢,合格之上。接住就到片皮鴨出場,麽麽皮不會太薄易爛,值得一讚!片皮鴨都有成十幾廿件,件件肥美,配上海鮮醬夾住黎食,相當惹味!48元,值得推介最後一味,就係涼瓜炆鴨件,由於這個餸黎得太遲,我已經食飽左,再食唔落了,但見阿爸猛挾涼瓜黎食,味道應該OK嘅。由於不想浪費食物,最後把吃剩的涼瓜鴨件打包回家,但就要收2蚊膠盒膠袋費,而家好多酒樓同食肆都已經無收這個費用,佢地真係要檢討吓囉! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-05-31
457 瀏覽
今晚同屋企人黎到豪宴食端午節飯...雖然係節日..但都唔多人食飯..好多吉枱..唔使等位..今晚有端午節套餐..但我地一行9人..叫全圍又太多..叫半圍又好似少左d..所以我地決定散叫..叫左半隻燒鵝..但始終唔及海港好食..薑蔥炒蟹..蟹肉唔算好鮮甜..雜菜豆腐..還可以..另外兩碟菜..加個咕嚕肉..都係普通酒樓野...半打鮑魚..都幾新鮮..仲有條蒸魚..雖然係細條左d..但都好新鮮..總括黎講..不過不失..但唔夠其他酒樓大碟... 繼續閱讀
(以上食評乃用戶個人意見 , 並不代表OpenRice之觀點。)
等級3 2017-04-21
492 瀏覽
放假就緊係陪屋企人飲下茶啦,我屋企人就最中意去馬鞍山,因為飲完茶又可以行下街買下餸!下午茶都幾平下,因為有特價嘅點心紙,我哋次次都畫到好滿!我要推介呢個香芒炸蝦筒芒果又甜又大,估佢唔到咁好食灌湯餃實在太耐冇食啦,冇咩特別😂總括來講,下午茶酒樓來講都算平,啲嘢食都唔差嘅!最緊要夠方便搭馬鐵就到! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-04-02
546 瀏覽
媽媽話今晚好累唔整晚餐,無有怕,因屋企樓下有齊中日韓餐廳。媽咪當然最鍾意中餐,所以揀咗豪宴!酒樓的選擇十分之多,有唔同嘅特價套餐可以選擇。 京式片皮鴨一隻一食只需要HKD48,真係非常抵食;一餐starbucks都唔止呢個價錢! 可惜去到嘅時間已經過咗八點太夜,所以售罄。幸好還有其他的套餐可選擇,我們就點了一個龍蝦伊麵,價錢亦相對便宜只需HKD88。真係有很多唔同嘅套餐我哋點了一份乳豬、海蝦套餐。乳豬皮脆肉多,一點也不肥膩!海蝦非常新鮮爽口咕嚕肉,賣相不錯但味道一般上湯龍蝦伊麵,龍蝦非常多肉, 味道恰當不會太鹹。最後我叫了一碟菜,海參肉碎炒扁豆, 但味道就偏濃味了一點點。 整體餸菜都不錯。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-02-17
824 瀏覽
噚晚我细妹生日,為左同佢慶祝,就去左豪宴擺左半圍,$988,好多個菜,超抵食。當中有炸子雞,不過凍左,好明顯係炸好左好耐;炸蝦卷就好脆口,加D沙律醬就一流,最後仲有壽包,都幾大個,算唔錯啦!! 繼續閱讀
(以上食評乃用戶個人意見 , 並不代表OpenRice之觀點。)