豪大大雞排 (啟田商場)

營業中

休息中

豪大大食評豪大大食評哇，豪大大的雞排真係正！外面脆脆，裡面鮮嫩，咬下去口感一流。份量好大，根本食唔晒！真係超值，性價比高。醃得好入味，唔會太鹹，正正好。搭配佢哋嘅特製醬，味道更加升華。薯條又香又脆，配埋雞排一齊食，真係無得輸。店內環境簡單明亮，適合快餐，服務生都幾友善。

真系好想知道藍田尼間豪大大分店嘅管理人系唔系特別d，價錢比其他分店貴，但就難食d，垃圾d我好中意食豪大大嘅炸杏鮑菇，食過好多間分店，其他分店都系25蚊左右，但藍田尼間就賣32蚊，咁貴d就貴d啦，都算啦，結果買翻嚟，d杏鮑菇癡埋嗮一舊嘅！？？然後食落口，都無夠脆，出面個d麵糊系唔系未炸夠？唔脆口，仲有少少軟，完全唔咩料，仲要賣得比其他分店貴，，真心好唔好意思啊？？雖然貴唔多，但既然你要比其他分店賣得貴你就搞好d啦，最垃圾嘅豪大大分店！

這幾天突然很crave香香雞🤤🤤因為想查附近分店開放時間而上來openrice結果看到那麼多負評😰 不過衝著真的很饞就還是去了結果我覺得今天的半份香香雞還挺厚道的味道也ok (非專業食評🤣但滿足我這幾天的craving還是現炸的 所以我覺得它值得一個少少平凡的po啦～在等待的過程中看著姐姐們 難以想像如此酷熱的天氣裡還要在小小的店中待上那麼久🥵

多年前吃的時候，遠遠還沒有今天那麼劣。炸魷魚鬚，脆皮極厚，鬚的直徑多數只有 2~3mm 左右，滿 5mm 直徑的就只有三條。簡直有如為脆皮而叫這味小食，80% 脆皮 20% 迷你魷魚鬚，前所未見全港倒數NO.1最差魷魚鬚！香辣脆骨，吃得軟骨位當然是想吃那種爽脆的感覺。不過因為脆皮無敵厚，又是那種 80% 脆皮 20% 軟骨的垃圾比例，根本吃不出爽脆的感覺。因為脆皮太厚佔太高比例，唯有逐粒逐條人手拆，不拆脆皮根本就不知道自己到底在吃什麼！拆完之後，份量之少，連四隻麻將的份量都可能沒有，相信營養師看了都說健康，吃完都不用擔心變肥。就只有地瓜球是正常的好味道，以後只會幫襯地瓜球，沒有別的了。

食過咁多間呢間最唔得一來又貴又唔足二來雞又特別少真係收40俾半份，仲話係一份黎我真係睇唔出邊到係一份黎囉😒😒越嚟越貴，下次唔會再幫襯真係官塘，旺角買35蚊唔知點解啟田永遠係貴5蚊完全好唔合理囉

我買左一份香香雞，成40蚊，喺旺角店會裝到滿哂，但藍田店係半袋都冇，我覺得好過分，問個阿姐呢個係一份，佢話係見到佢本身有幾粒雞粒炸好左，再扔哂落去翻炸，咁就叫一份，我仲以為佢會再整啲新嘅出嚟，我真係真心嬲咁嘅份量都叫一份，比到盡都只係叫做3份1袋，真係好離譜我好少會嬲到即寫食評，見到有食評話佢比得多，咪玩啦，試下自己買一次就知我最嬲係豪大大間間分店個份量都唔同，一份可以一間滿，一間半包都冇#炸雞 #份量超少 #負評 #比錢買第二間好過 #最差嘅豪大大

基本上早上到下午有2個呀姐都係冇禮貌，手腳慢，炸嘅野食炸到硬掘掘，用鋼牙都搞唔掂。 所以基本上見到個2個開工都唔會幫襯。最近其中一個遞然晚上至收工都見到佢，真係人生悲劇，宵野想食都要三思。🤦🏿‍♂️🤦🏿‍♂️🤦🏿‍♂️。 最近食過佢經手個幾次，叫墨魚鬚，一係炸到過哂龍，又硬，魷魚縮哂乾哂，一係個份量冇左1/3，啱啱個次仲離譜，得4條5cm鬚仔，幼到飲管咁。 炸粉就一堆。真係想爆佢一穫，請佢唔好炸咁耐，扮聽唔到，唔鬼應你。原本夜晚至凌晨個幾個呀姐都唔錯，炸得好食，俾呢2個搞到火都黎埋。啲分全部係俾個2個極差呀姐。填星提到衛生，呢個就眼見好似個個都係咁，紮丟垃圾同炸野食都係同一隻手套😖😖😖😖

鹽放超多，誇張的鹹，真懷疑是不是不小心把一整瓶鹽都倒下去了，尤其是杏鮑菇和香香雞，而且從裡到外超乾超硬，雞腎簡直是在嚼鹽漬橡皮筋，吃兩口就吃不下去了，絕對不是放冷了，吃的時候還是很熱的！跟台北的天差地遠，不要跟台北豪大比的話，也是沒有吃過更糟糕的，沒想到可以做到如此難吃

online睇完食炸雞扒就好想自己都買一塊嚟咬下豪大大有細雞扒($23),size啱啱好可以當係一餐,又可以過下口癮。平日都唔係經常買豪大大嘅我,一般只係會買香香雞, 但係今日細心睇下個餐牌,想買份地瓜($16)畀屋企人食。地瓜加梅粉酸酸地甜甜地又香又脆,番薯本身都幾甜,屋企人都覺得好食㖭至於細雞扒我就覺得炸粉比較多,雖然肉質唔會太乾但係亦冇乜驚喜,下次都係買返香香雞好啲。不過如果口痕,又冇辦法就一轉台灣,豪大大既小食都算係有質素保證嘅。

前一排興起炸雞潮，開左好多炸雞店。熱潮過後剩返嘅鋪頭得返好少，豪大大雞扒就係其中一間。平時會食炸大雞扒加炸菇，有時仲會嗌雞鎚添。不過今日喺藍田掃街，所以決定每樣食少少就算啦。炸雞扒份量真係超級大，有成2塊面嘅Size。咁多年來都好似冇咩點加價，性價比高。雞扒薄身，炸出黎比較乾，加埋炸粉食落好脆口。每次都會加辣粉(中辣)，更加嘢味！食一塊基本上已經飽咗八成，所以通常都會同家人分享。

行行吓街跟住炸雞嘅香氣行到嚟豪大大雞扒，啟田街市嘅食店範圍原來裝修得好有規模。豪大大亦都由路邊小食店，變到望落更企理。原本聞住啲炸雞嘅味道，已經疊埋心水諗住叫半份香香雞嚟食，但準備落單之際，竟然畀我見到豪大大竟然有呢樣新產品！十五十六之下，都係決定試試！燈燈燈凳～ 鮮炸香蕉 $15！我落單之後都要等一段時間，我都理解，因為我都唔肯定除咗我之外仲會唔會有人走去雞扒店叫炸香蕉嚟食😂 拎上手之後，數一數，有六至七舊，份量嚟講似乎偏少。一咬落去，外皮超薄！輕輕一咬已經咬開咗外皮，我就因為咬得太大力，第一吓就辣親嘴仔了🥵 因為中心嘅香蕉真係又熱又淋，一咬開就盡情「咇」哂出嚟 (所以大家都要小心啲🙊) 香蕉都甜，加埋炸嘅口感都幾好食，不過一路食一路會滴油，可想而知有幾多油。平時香港好似唔多見有得買炸香蕉，雖然價錢唔多抵，但都值得一試嘅！如果你鍾意睇我嘅食評，不妨關注我，支持吓我，謝謝你☺️💕

藍田啟田商場裝修左幾個月搞到我好耐無得食豪大大雞排😞終於開返啦，仲多左好多嘢食，正！夜晚十二點幾去買雞排，點知店員話大雞排賣曬了☹️咁唯有食香香雞啦，唔知點解覺得今次個份量好鬼多😂可能太耐無食，唔記得左個份量😂香香雞都好好味，炸得好脆同埋d雞肉覺得好嫩，食得辣既人一定要加辣粉，加左之後惹味好多，唔食得辣既都唔怕既，佢有第二隻粉都係正！但都係覺得大雞排好味d，如果想食大雞排既朋友就要早d啦，通常十一二點都無架啦

街市裝修，搬左新舖之後，估吾到咁難食！叫左個地瓜，一擺落口，不禁問左一句系咪無炸過？不但止，無味，咁慳D味粉做乜?其次，個香香雞真系好一般，不過已經吾期待有幾出色，但系又無乜味，同問：咁慳D味粉做乜？？仲有個雞扒粉漿成尺厚，不過我原諒你，因為不溜都系咁厚，但系要辣味無辣味，三問：咁慳D味粉做乜？？？好好反省下，短暫未來我吾會再幫趁。同場加映，隔離間茶飲—好似叫清玉都吾好飲叫少甜都甜到喊出嚟，吾知點調味。失望食野一條街。