豪大大雞排 (已結業)

每隻雞翼都好香，聞落去已經有大好陣香辣味，咬落去有好重既胡椒味同埋條脷會麻麻地既感覺，雞翼皮就炸到好脆口，但唔會覺得太油太膩，另外招牌大豬扒都係比叫之選，大大塊脆卜卜

經過聞到好香嘅炸雞味，所以忍唔住去買翻半份香香雞止口痕。今次叫左要辣，啲辣粉唔係好潵得均勻，所以食落有啲唔夠辣，有啲又成塊都係辣粉，好重辣粉味，不過啲雞幾滑，同份量都唔少

雖然難以控制的「武漢肺炎」疫情，令到我最近難以出九龍光顧食店，但是常言道「物極必反」，凡事始終會有見底反彈回升的空間，我見晚餐時間只能在西貢「外賣自取」購買「咖喱牛腩飯」。但是我還需要食雞肉食品，而我未光顧過的西貢食店又不多，所以急需出外。阿媽見我需要外出，前往九龍購買「外賣自取」炸雞雞肉小食食品，所以交給我一個類似空氣清新機的小型吊飾配件，吩咐我外出期間一定要戴上。九龍很多食店在晚上六點後，已經停止提供堂食，只剩下一些街頭小食店，還有即場製作提供外賣自取炸雞小食食品，例如「西洋菜南街」裡面的「豪大大雞排」。其實「西貢」也曾經擁有屬於自己的「豪大大雞排」分店，可惜我還未在擁有「開飯喇」戶口的時候正式光顧西貢分店，西貢分店「豪大大雞排」就已經率先宣布結業關門，我想再食也食不到了。我購買了一大塊，已經沒有食很久的「豪大大」「大雞排」，店員問我需不需要為「大雞排」加入辣椒粉調味，我跟店員說只要「小辣」，只需要少許辣味就已經足夠了。新鮮炸起的「大雞排」，「大雞排」裡面的雞肉實際溫度還是非常灸熱，我也因為急着享用「大雞排」，所以幾乎裡面「大雞排」裡面的雞肉燙傷嘴唇。不過太久沒有購買嚐試「大雞排」

我好日唔寫食評，燥到即刻上黎，半份香香雞得8粒，唔好問我有無相，食左幾粒先發現得咁少，咁我廢時影。 大圍都間就正常份量，我係買太子女人街個間豪大大，唔該學下繼光雞咁量下先比客啦，請埋d大陸呀姐無標準咁比d客

曾經瘋魔一時嘅豪大大雞扒，而家已經開始靜落嚟，今日行過突然口痕，見唔使排好耐就去買件食下⋯記得當初開始有呢一間豪大大雞扒登陸香港嘅時候，到處都係人流，排好一段時間先至可以買到，不過香港人實在有太多選擇，好多小食熱潮一過，就會變得門庭冷清，而店舖質素，亦都會隨之下降。似乎豪大大亦都逃唔過呢個厄運，今日食到嘅豪大大雞扒，已經同當初唔同，雖然份量依然係大大塊，但係已經冇以前果種外脆內軟，食落juicy嘅感覺⋯$33一塊， 感覺有點不值⋯

又係男朋友用外賣平台買嘅，所以原價幾錢我唔知，但因為有coupon所以都應該幾抵下嘅食豪大大點少得食炸雞，叫左一份大雞排同一份椒鹽雞塊，兩個人食得勁飽😂😂😂😂平時食豪大大都預咗啲炸雞冇咁脆，因為總係覺得擺咗好耐，但出乎意料地今次食又覺得幾脆同好夠熱！不過雞扒又係好薄啦，顯得炸漿好厚，食到中間先至開始有多少少肉，下次再食應該會叫返雞塊比較好啲，最起碼淡淡都係肉。不過見佢炸得都幾好味就算啦

豪大大，台灣食到香港。其實台灣都唔係佢最好食。不過係香港想食下，就一定要揀佢。不過有啲內地人做嘅感覺。試新嘢，雞軟骨，槳粉太多，無乜骨食。調味料，一如以往好味。

今天收工有點餓，到豪大大買一點小食，平常都吃雞塊、薯條，但今天想試一試朋友介紹的甘梅地瓜（$20）。地瓜，換言之是炸蕃薯，香口的蕃薯面上加上了甘梅粉，食落特別開胃🤤甘梅粉是酸酸的，是我十分喜歡的味道，甚至想再加多一點甘梅粉，加上甜甜的蕃薯，是額外的驚喜！但有點可惜的是有少部分的蕃薯有點硬，可能是煮得不夠耐，令它不夠粉，這是比較失色的地方☹️總結：甘梅配上地瓜是不錯的選擇，下一次可以多一個飽肚的選擇，而且$20都有一大包，價格合理！

豪大大雞排，很多年前只在南京見過有賣的。在香港偶然碰到，好多人買了吃，正好饞買一個吃  拿到手真的是🤯驚呆了，沒想到這麼大，大概是國內雞排的四倍大吧，有兩個男人的臉那麼大，大到嚇死人。咬一口脆脆的也很入味，好吃〜

收工肚餓。當然食下D小食過下口瘾。遠遠飄來陣陣炸雞的香味。已經急不及待去排隊。每次必叫香香雞。小份的。$20元。1個人食已經很飽了。因為旺角呢間系比得好多份量。之前食過大圍那間。價格$22元都算。而且份量離奇地少。所以我通常出旺角食。旺角有2間分店也是價格没有上漲。而份量也是超足的。

旺角依間豪大大，係最足料，唔會好似其他分店咁，少到飛起，我最鍾意食個大雞扒，感覺最抵食，啖啖肉，如果去埋骨就正 一定要多粉多辣，不過食完就好飽，可以當一餐，但好熱氣，唔可以成日食

豪大大雞扒就成日食 但係就女朋友介紹下今次就嗌咗花枝丸 豪大大嘅花之苑非常有特色就係將花之丸炸到脆一脆 令到食物外層金黃香脆內層又柔軟綿綿咁 非常好食 可以話係豪大大招牌雞扒外另一個好非常好嘅選擇喺價錢方便更加係冇得輸 因為佢只係賣十二蚊係十二蚊 12蚊有四粒 高質素嘅花枝丸 為返埋都只係三蚊一粒 所以我呢間每次行過豪大大的時候都會帶一串來食 誠意推介題外話平時對外帶店嘅店員嘅 服務態度都冇乜要求 但係發覺呢間外帶店嘅職員服務態度唔錯唔錯幾好禮貌

放學行經旺角又想食啲野咁就去左睇下喇見到佢有啲新野出左咁就買黎試下喇買左個胡麻雞翼（$35/7隻）咁阿姐伸問我加唔加辣咁我食依個辣妹緊係話好嫁喇聞落就胡麻味嘅但食落麻辣味係0囉說好嘅麻辣呢🤷🏻‍♀️？加左辣係啲紅色辣粉令到啲雞辣 而唔係佢啲胡麻味囉成件事係辣粉加炸雞翼唯一一樣係唔錯嘅佢唔會炸到好乾即叫即炸仲有啲肉汁唔會超級厚粉算係一般囉不過試完依個我會簡佢其他小食好過食依個雞翼其他小食花枝丸 地瓜 魷魚鬚仲好食Ps 魷魚鬚唔係間間分店都會有 即叫即沾粉漿即炸🙈

前日經過新寶戲院隔離間豪大大雞排，其實豪大都都開左好耐，開業初期都有試過，係ok既，不過都好耐無再食過，所以特登買件試下，買完咬落第一啖，感覺好似無以前咁好食，雞無雞味，炸粉又無味，感覺好似食緊炸過既紙皮咁，計價錢係抵食既，食左半塊左右已經好飽。為免浪費，我將剩低個半塊轉贈比我細佬食

我去咗旺角做嘢，經過登打士街，所以就決定掃下街✌🏻 第一站去咗好大大雞扒，其實之前都有食過豪大大雞扒，但係就好少經過呢一間，叫咗一個輕量雞扒🤣 因為太耐冇食，所以已經唔記得咗係咩味😊啱啱撞正佢炸完，所以好開心，食到熱辣辣嘅雞扒，店員好有禮貌，而且好細心，見我唔要咁多辣，仲特登俾多啲調味粉我，叫我小心啲，會熱襯😊 雞扒外皮真係炸到好脆，食落肉汁流哂岀黎，好滋味，不過外皮既粉比較厚，所以難咬少少！但係都冇破壞到裡面肉質👍🏻👍🏻 好香口！