豪大大雞排

大雞扒$33個大雞扒真係好大，仲大過隻手，佢可以加辣粉，加咗辣粉味道真係好香，佢嗰層炸粉都唔會好厚，佢層粉同啲肉中間有一層口感係好似麻薯咁嘅嘢，令到個口感好煙銀，大雞扒嘅肉質口感唔會好乾而且都仲係好有肉汁🤤👍🏻，不過佢係有啲骨，所以其實佢塊大雞扒唔係外表睇嘅咁大。…查看更多

繼上星期食過「繼光香香雞」之後，今日我又決定試吓另外一間炸雞，「豪大大雞排」。其實除咗雞排之外，佢亦有香香雞，不過既然佢最出名係雞排，就當然要試佢先啦！雞排$32一塊，套餐加$3多一支維他樽裝飲品。有咁抵食嘅，我當然揀食套餐啦！真係好大塊，不過薄身，肉唔算厚。雖然油炸，但唔會覺得油淋淋，好乾身。食雞排本來應該揸住成件咬，咁至有 ‘豪’ 嘅味道，但因為我D牙唔好，冇乜牙力，所以都係剪開一小塊、一小塊慢慢品嚐。雞排兩面都鋪滿炸粉，但因為雞排肉薄，所以我個人覺得炸得唔夠鬆脆，而係比較硬同乾，雞肉亦冇juicy嘅感覺。雞肉本身冇調味，全靠後洒上去嘅味粉，我已經叫佢哋落多D，不過我都覺得唔夠味，唔係特別好食，應該唔會再食佢，最多或者試吓佢嘅香香雞，因為見到有人買咗一份$32嘅，似乎多過我上次喺繼光買$39嘅中號。點都係要食同一樣嘢做比較先至公平嘅！…查看更多

今日經過屯門置樂 見到新開冇耐嘅「豪大大」炸雞店又開分店。終於可以一試，因為冇人排隊！嗌咗個下午茶餐，$48，包一pack 炸雞、2塊雞排、一pack薯條(不過我改咗轉炸蕃薯)同2罐飲汽水。幾抵食！即炸，夠哂熱。雞排最好食！炸得岩岩好，好脆好juicy！雞肉又嫩唔老！正！炸雞塊就冇咁好食，炸粉好似多咗啲，肉質都冇雞排咁嫩，一般般！炸蕃薯條就一般啦，因為本人鍾情脆卜卜嘅炸物，而炸蕃薯條又唔脆，蕃薯又唔係太甜。所有份量都好多，食到飽，2個人食都食唔哂，仲會有濟哂嘅感覺，所以真係幾抵食！…查看更多

朋友告知屯門新開左豪大大，之前見就見得多啦，食就今次係第一次呢次試左椒鹽雞塊如果撞到佢新鮮即炸就超美味，多汁皮薄熱辣辣，真係好好食，但有樣唔好就係得表皮有椒鹽，入面肉係冇味既，冇雞味就一定架啦仲有薯條一份同雞粒半份，雞粒真係幾大份，熱辣辣炸起仲有肉汁，但及唔上雞塊咁令人難忘，另外薯條就非常普通，仲要唔熱好彩有帶定支涼茶飲姐，大熱天時咁多炸野真係食到好渴…查看更多