豚之味拉麵 (已結業)

都有一排無黎呢間食，今日個女放學經過之後就再次回味。餃子拉麵的餃子很脆，豬軟骨拉麵的豬軟骨味道很濃郁好食。豬腩肉串燒豬腩肉咸得黎瘦肉肥肉均衡，瘦肉味濃肥肉油脂甜美。牛舌串燒牛舌很肥厚，很多汁味道爽口好味。蒜蓉燒蠔很香很鮮，芝士燒蠔很甜很甘美。…查看更多

遠離銅鑼灣核心地帶, 今晚稍移玉步在天后一間不太起眼的小店, 原於因團購二百多元可供四人餐單非常吸引地點附近都有間精品酒店,已訂位不用等, ,有任食項目, 限時90分鐘, 加油!!!店員ANNA熱情的招呼:), 令大家更開懷…-鴨胸沙律(細圖的右下):-鴨胸片每人一大片,雖然都好味, 但相比香芒牛油果沙律, 略為不夠清新 -香芒大蝦銀雪魚拼日式炒雜菜(細圖的右上及左中):銀雪魚係魚粒, 食唔出口感, 大蝦尚可, 炒雜菜很多    料, 味道唔特別。-招牌鹽燒銀雪魚:sorry, out focus咗, 但...真係幾大條又厚身, 燒得香噴噴, 熟的嚟非常嫰滑, 連唔食魚的友人都大讚好好食。-雜錦吉列盛合(大蝦、魚柳同一口芝士):不過不失-這個天婦羅盛合: 蝦肉仍鮮嫰可口, 日本青椒仔外脆內軟, 蕃薯甜而不膩,南瓜鬆脆可口。串燒盛合:甚有水準, 食材新鮮,樣樣都燒得出色, 連菜心都係燒得恰到好處。**********指定系列食完,咪以為食晒喎, 重頭戲現在才開始*********特色海膽汁燒蠔(任食系列3之1): 我哋四人吞噬了22隻燒蠔, 雖然係團購, 但店方仍堅持交出好貨, 我哋係每次8隻咁叫, 第一輪嚟的蠔隻隻都好平均, 每隻蠔都有手掌位般大, 所以燒完的蠔肉仍大大粒, 他們燒的技巧也恰到好處, 蠔殼內的汁仍浪住...真係食到停唔到金菇肥牛卷(任食系列3次2):名字普通, 誰人未食過呀!不過佢哋真係殊不簡單, 肥牛唔會咬不開的劣肥牛, 雖不至於入口溶化, 但卻係有誠意的作品, 一份有6條, 我哋叫了兩round.軟骨餃子(任食系列3之3): 好特別的餃子, 菜配上軟骨, 份外有咬口, 煎的也金香,這個也叫了兩次共8隻。終於到尾聲....特色吉列流沙湯圓, 不是任食, 但4人有8粒,份量真的比足, 而且別具特色, 芝麻亦甚香口。###本人忙食之間亦遺漏影日式雜菌味噌湯, 湯亦十分足料, 不咸之餘又夠熱, 最like熱騰騰的湯, 另外無酒精飲品係無限添飲, 可樂係一整罐給您的, 就算叫沖的巨蜂提子汁同熱柚子蜜都係落足份量的。…查看更多

天后一帶日式餐廳不少, 大部分也取價中上。早兩日午餐經過此店, 見有不少人在等, 看看價錢表原來取價較積極, 也湊個熱鬧等一會, 試一試。前菜是帶子裙邊, 味道頗惹味.飯餐跟日式蒸蛋, 蛋蒸得很滑, 如果蛋味再濃一點更好. 蛋內有一小塊魚蛋及香菇, 叫做加強口感吧.分別叫了以下主食：燒豬頸肉飯 ：豬頸肉香口不肥膩, 汁料惹味不過略為少了一點點. 但總括來說好吃.燒鯖魚：份量足, 魚肉不腥, 皮再脆一點更好.野菜炒牛肉：椰菜如果再軟身一點就十分完美了。牛肉雖然份量不多, 不過肉味頗香, 整碟也不會炒得油淋淋, 很好.每個餐可選罐裝汽水或熱柚子蜜華田麵豉湯 (華田.....對.....不知為何有華田)...午市不設加一。有下次…查看更多

同妹妹返學, 想食點價格合理又坐得舒服的熱野. 見到呢間個餐牌寫個價格合理就入去嘗試下.點了燒牛舌, 牛肉炒雜菜套餐, 豬頸肉套餐. 旁邊檯的人食得津津有味, 很餓很餓喔.前菜係涼拌帶子裙邊, 無論爽口程度同味道都很不錯;之後來的蒸蛋也很好鮮甜不會太老.主菜牛肉炒雜菜, 牛肉份量很多很抵食而且很嫩, 爽口的菜吸收了牛肉的鮮甜變得更美味, 唔知道可不可以添飯.主菜豬頸肉, 肉爽口也很多很好食, 而且很大碗. 牛舌很嫩而且味道濃郁. 服務也不錯, 咁多樣野都係呢個價錢, 價錢很公道.…查看更多

同事推介, 特登黎試下 !佢有幾種唔同嘅set lunch, 有飯有拉麵比較貪心的我揀咗串燒因為串燒樣樣都有d , 好似感覺上食多d 唔同嘅野 個餐包咗個小食, 都ok 好吃 仲有海鮮蒸蛋喔 !!唔差ga , 好滑同埋都幾鮮味 到重點嘅串燒啦 !原本係有串腩肉, 不過我唔食腩肉姐姐好好人同我轉咗雞軟骨 其他串燒係雞翼, 牛肉, 冬菇, 雞肉每串都熱辣辣, 啱啱好 !又多個lunch 嘅好地方啦 !…查看更多

因為星期五既關係，所以想食好D。就去左呢間日本野食午餐，因為未食過，所以想試下好唔好食。入到就去就有位唔洗等，so good好快手就拎起個餐牌睇下有咩好食，用左幾分鐘既時間已經諗好左想食D咩，就叫左一個串燒定食。等左一陣就有得食，一拎到埋黎已經嗅到好香既味道。再睇埋個賣相就已經流哂口水串燒燒得好香，唔會太過火侯。唔會燒到太過乾身，因為之前有食過一D係燒到好乾身，失去左本來既水份。但係呢間既串燒就唔會有咁既情況出現。味道方面唔錯，每一款既串燒都幾好。白飯又唔會太過淋身，軟硬適中。好快就食完，感覺滿足。而價錢黎講都算經濟，因為以日本定食黎講價錢唔算貴。下次諗唔到食咩既時候會再黎呢度食。…查看更多

上星期，從朋友口中聽到有間拉麵都ok 好食，今晚同朋友行開嗰頭，就不如入去試吓，雖然地方細細，環境良好。我同兩位朋友坐低後，先有位女侍應先介紹餐單及當天的推介，跟住有位男侍應拿三杯茶過來，就再問我哋之前有冇嚟食過，我哋話冇，他就推介我哋食海鮮蟹皇拉麵同日式叉燒拉麵。咁我哋就叫咗這兩款拉麵share食，再叫D串燒及海鮮食。等待嘢食來之際，當時已經9點鐘左右，但見到客人都唔少，太約等咗10分鐘，D嘢食嚟到，真的冇介紹錯，個海鮮蟹皇拉麵超好食，個湯好鮮甜👍，另外叉燒拉麵都好食，聖子及元貝用蒜蓉燒，好野味！還有串燒都幾特別，豚肉荔枝卷，口感唔錯。兩位侍應都好熱情，見他們都忙，但會同每枱客人都有溝通，另客人有種親切感。最後埋單都係$5xx ，超值，味道好，服務熱情。值得再去。…查看更多

豚之味拉面店.....星期日我同男朋友出左銅鑼灣，咁行行下去到天后，見到豚之味拉面，喺門口已經有一個待應招呼，感覺良好=]可能時間早，店舖唔多客人，待應立刻奉上綠茶䁔䁔地，好舒服店員好熱心介紹店舖的招牌菜以及不同的菜單，串燒有辣有唔辣，唔同菜單包保唔會亂，好細心呀店舖招牌菜係蒜蓉大眼雞，好香好好味，剛好熟，香口得黎又保留鮮味之後叫左兩款龍蝦，蒜蓉同芝士，兩款各有不同芝士味濃，蒜蓉香口，各有特色男朋友仲叫左海膽汁焗生蠔，生蠔鮮甜，配上芝士海膽汁，出奇地合味我地仲叫左個前菜--帶子裙邊串燒--韮菜,雞腎,牛脷(依個超正),雞翼就普通，明太子雞翼就好食D最好食埋個甜品--雪榚(我食左綠茶同柚子) 綠茶個味好濃郁，好似話係日本運過黎，同維記果D好唔同 至於個柚子，佢係雪笆，有柚子粒粒係裡面，好fresh ，作為DINNER GE ENDING,真完美…查看更多

之前同朋友係維園打波,之後諗住行去天后個頭睇有乜食行行下見到有間零零捨捨嘅拉麵店入去試下睇到餐牌有好多種拉麵啲名又特別:黑之味 豚之味 園之味結果我揀左豚之味 仲有小食 叫左第一次聽嘅海膽餃子啲野好快就嚟左 個拉麵嘅份量係啱啱好不得止我仲好鍾意個湯汁吾會太淡亦吾會太濃 適中最特別嘅係個餃子 有啲海膽放左係餃子嘅上面再加上海膽汁令到餃子同海膽可以融為一體另外仲有串燒 師傅嘅手勢更令到串燒嘅味道更好味…查看更多

今日和一班朋友一齊行街,黎到天后銀幕街,見到呢見豚之味拉麵.見到幾有日本feel,就入去食晚餐。我地哎左好多野食,有最有特色嘅豚之味拉麵,辛之味拉麵,黑之味拉麵,和一d小食！我系食豚之味拉麵嘅,一黎到就聞到好濃嘅湯味,睇上去覺得好好味！朋友個d拉麵刀很吸引，食上去味道濃郁 拉麵都好彈牙,好好味!我仲覺得佢嘅海膽餃子很有特色,聽上去海膽和餃子好似唔太配搭,我地一人一個, 試試味道, 哇!!!味道一流,極力推介大家試下!!其他個d串燒味道刀唔錯,色香味全!最後送左個送酒嘅小菜,味道鹹鹹地,送酒就啱啱好！大家快d去試下喇^^…查看更多

:)食咗個園之味拉麵套餐，跟日式蒸蛋、沙律、漬物，湯底濃而香，原來用蔬果打成汁，頗有特色，蒸蛋都好滑呀，店鋪的擺設都幾特色，同時店員話9月中起晚市會做居洒屋同串燒叫我去試吓。…查看更多

這日本身諗住午餐同女朋友一起食日本菜,行到天后,這裡有好幾間日本菜,間間都7X以上一個人,最後見到這間又平又多野跟,咁就入左去試,唔試又止可,一試就出事啦.前菜薯仔沙律 - 係幾好食既漬物 - 好鬼死酸呀><茶碗蒸 - 這個正在可以跟白飯食,因為這碗簡直係一碗蒸水蛋><味噌湯 - 超級咸><真係咸過碧咸主菜滑蛋吉列雞扒飯 - 飯超淋,塊雞扒炸到好似豬扒,但估唔估雞扒都可以炸到好似豬扒咁韌,咬到想死><本身有另一個主菜係炒飯,但等左好耐先有人行過黎同我地講,d炒飯已經炒左2次都係淋淋地,問我地介唔介要轉其他,好~我地就轉其他啦,一陣又行過黎同我地講冇材料,又叫我地轉其他,最後轉返佢介紹最快有得食既豬軟骨飯(因為等左好耐,又趕時間走人)所以就轉依個豬軟骨飯 - 個飯又係超淋,d豬軟骨好入味,但入味得黎好鬼韌,有挑戰牙力時間= =…查看更多

自從豚王光速成為熱店後.香港的日式拉麵店就越來越多,去到今時今日連新界也有日式拉麵店.水準當然是有高有低.熱潮總有退卻的一日.現在開的日式拉麵店.已經較少人提及.在天后區也有2間日式拉麵店.其中一間我看過其他食家的食評,意見是差的,我就無謂去試.試另一間一星期前報紙有提及的 豚之味拉麵.我在天后落車後向著銀幕街方向行,3分鍾就見到呢間店.到場時只有2名食客.點菜紙.沒有口味選擇.更沒有加餸選擇.要的食物向店員講出來,店員會在食物名旁加上剔,落單,環境:雖則只可容納20多人的小店.但眼看相當闊落.可能少人令我有錯覺.店的四周有大大小小的貓頭鷹公仔擺設..而衛生也不俗,唯一批評清潔劑味道太濃烈.前菜:食拉麵都有.我很驚訝,其實拉麵價錢只是69元至99元.可惜...除左漬物,酸酸地.相當醒胃外,其餘沙律同豆腐也難食到喊.沙律:應該是最前個碗,入口有點似薯溶.乾的,只是中間有少少青瓜粒.無味賣相同味道都差,吃一啖後.我已經沒有食.至於豆腐我本來有憧憬,點知入口又鞋又無豆味,又硬.唉.....好失望.豚之味拉麵69元:我本身吃拉麵.喜愛吃豚骨味.湯底很淡口.要相當認真飲.只試到有少少豬肉味.麵質合格.至少不會太林仍彈牙,但不要期望會掛湯.絕對無.塘心蛋也虛有其表,完全沒有蛋香味.至於义燒有2塊.味道類似肥豬肉,也有淡淡的肉香味.不算離譜.最後店員也有問我意見.我只答了清淡2字.清淡可以是難食,可以是健康.不過食日式拉麵已豁出去.太淡怎會是日式拉麵?無論如何呢間店都是喊瞼.…查看更多

今日雖然黄雨,但見到東方日報介紹這間拉麵店，就去試吓，報章介紹了"櫻之味"拉麵，我就試吓啦，原來真係0k喎，好有創意，好特別! 再加一客海胆餃子和蟹味豆腐，$150有找,，下次我會再去試吓有鵝肝的"黑之味"和日本温泉蛋，我見到啲相都好吸引!!.…查看更多

我都好鐘意周圍去食拉麵, 有啲要排好耐隊才食到, 但食完都無驚喜, 又好口喝, 好似有好多品精同油, 因我對品精是好敏感的,一食就feel到, 但食完這間的拉麵, 味道真的不錯, 同排大隊的都沒有大分別, 最重要係食完唔feel到有味精和唔口喝, 啲湯和叉燒真係好好味, 值得一試!!:) 估不到, 在天后這間拉麵店, 在外看來平平無奇, 但原來裏面環境好有日式Feel, 座位都幾舒適, 而食品質素都幾高喎, 湯底不但濃而不油, 材料也很有創意, 我試咗"園之味"拉麵, 見到有些綠色嘢係面, 我就好奇地問吓店員是什麼, 原來是用蔬菜打成汁再加入豬骨濃湯, 健康而又不失豬骨湯味, 很特別啊!! 我見到店內貼了張報紙介紹這店, 原來啲湯是用很多斤的豬骨和蔬菜等材料煲十幾個鐘而成, 怪不咁香濃啦!! 而師傅雖然不是日本人, 但曾經跟過幾個日本師傅十幾年, 亦是由間大隊長龍的拉麵店出來,集大成於一身, 香港師傅有日本師傅的水準, 真的不易, 值得讚許!! GOOD!! …查看更多