153
2
4
港鐵深水埗站 A2 出口, 步行約6分鐘 繼續閱讀
所有分店 (2)
電話號碼
36191133
開飯介紹
以麻辣雞煲作招徠,雞肉嫩滑,辣度有多個級別選擇,走辣亦可。必試自創爆芝紫菜響鈴,流心芝士相當吸引。 繼續閱讀
營業時間
今日營業
17:00 - 23:45
星期一至日
17:00 - 23:45
公眾假期
17:00 - 23:45
公眾假期前夕
17:00 - 23:45
付款方式
現金
座位數目
100
其他資料
網上訂座
酒精飲品
自帶酒水
切餅費
電話訂座
外賣服務
加一服務費
電視播放
有關獎賞計劃
食評 (167)
今日收工後想食好野,醒起呢間位於深水埗荔枝角道既豐鍋雞煲。呢間豐鍋雞煲唔近港鐵站,港鐵站出黎要行一陣,不過門口都易揾。招牌雞煲有四款,有麻辣,滋補,藥膳等。我哋揀左養顏嘅滋補螺片花膠雞煲半隻。另外叫左肉類,丸類,菜同烏冬。火鍋配料仲有海鮮,肉類,手工丸/滑/餃類,同其他常見火鍋配料,當然仲有蔬菜同小食。滋補螺片花膠雞煲 (半隻) $218 另加一滋補螺片花膠雞煲真材實料,足足有六塊花膠,六塊螺片,同半隻雞。當雞湯滾起,服務員就幫你成碟螺片花膠雞落落湯度,漏斗漏完就食得,大概5分鐘左右,好方便快捷。建議先飲啖湯,個雞湯好清甜又唔油,感覺超健康。花膠絕不斯場,雖然唔係厚身,不過都唔會薄得可憐,咬落爽口。螺片有咬口又鮮味。雞有雞味,肉質又嫩,雞皮彈牙。其他湯料仲有紅棗同杞子,好滋補。頂級安格斯牛小排 (小) $188 另加一頂級安格斯牛小排 油花平均,好靚,仲有伴碟花添。牛小排一共有15塊,食落非常嫩口,牛味適中而完全唔肥。好食。手工四寶丸 $88 另加一手工四寶丸包括蝦丸,墨魚丸,黑墨丸,同鯪魚丸各兩粒,全部都有蟹籽喺上面,再用一塊生菜墊底。全部丸都明顯手打出黎,超彈牙。蝦丸帶好香嘅蝦味。墨魚丸真係有好多墨魚粒喺入面。黑墨丸仲有鹹香嘅墨汁味,仲正。鯪魚丸都好鮮味。即炸爆芝紫菜響鈴 $48 另加一呢個價錢有3大件。香脆腐皮包住少少紫菜同芝士喺中間,唔好淥太耐就要食啦,咁先食到脆口腐皮。唐生菜 $36 另加一叫左個唐生菜,質素正常。水蜜桃梳打,藍蝶雪梨 $38每杯 另加一野飲都幾多款揀,我哋揀左水蜜桃梳打同藍蝶雪梨。超大杯,夠飲成餐飯。兩杯都要出力攪,攪完之後直頭連色水都靚啲。水蜜桃梳打既水蜜桃味唔假,好飲。藍蝶雪梨既雪梨味都好清甜,感覺滋潤。自助調味區有蔥花,芫茜,蒜蓉,炸蒜蓉,辣椒,麻辣醬,沙爹醬,豉油,香醋同麻油。我冇用,因為食材本身已經好味。總括而言,食材高質,我地清哂全部野食,感覺好健康。入面好光猛,乾淨企理,座位都幾舒服。 繼續閱讀
(以上食評乃用戶個人意見 , 並不代表OpenRice之觀點。)
又打邊爐啦~今晚黎到豐鍋雞煲,環境寬敞舒適,樓底高,二人卡位夠闊落,坐得好舒服。特別一讚係店員好NICE又快手!滋補螺片花膠雞煲 兩個人食半隻就岩岩好~金黃色湯底香濃鮮甜,滋補又重膠質。雞件嫩滑啖啖肉,仲有好多爽滑花膠同肥美螺片。頂級安格斯牛小排油花紋路均勻,口感細緻軟嫩又多汁,入口油香、肉香四溢。手工四寶丸有齊蝦丸、墨魚丸、黑墨丸同鯪魚丸,款款新鮮爽彈,唔會成口粉,特別推薦黑墨丸,彈牙香甜,仲有墨魚粒!自創爆芝紫菜響鈴即叫即炸熱辣辣上枱,咬開有香濃流心芝士,爽脆香口,索滿濃郁湯汁勁滋味。唐生菜翠綠又新鮮特別鮮甜~飲品揀左兩款特飲:藍蝶雪梨、水蜜桃梳打,賣相吸引,岩哂打卡,飲落甜度剛好,解渴又解膩。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-21
671 瀏覽
好似好耐冇食過雞煲,原本諗住搭巴士去第二度食㗎啦,點知喺巴士站見到呢間雞煲好似唔錯,所以就食埋先走。我哋兩個人叫咗半隻招牌bb辣雞煲,佢啲雞都好滑,而且都好多舊係啖啖肉,味道方面都唔錯,夠晒入味又夠晒麻,絕對值得再返嚟食。食完雞煲一定要打邊爐,打邊爐就一定唔少得食牛肉,我哋揀咗個安格斯牛小排,一拎上嚟已經見到佢啲花紋好靚。淥完都仍然見到佢啲油脂分怖好平均,好香牛味又夠晒林,堅正。之後我哋叫咗一個手工四寶丸,分別係墨汁墨魚丸,墨魚丸,蝦丸同埋鯪魚丸。其中我覺得佢個墨汁墨魚丸幾好食,因為咬開仲有粒粒墨魚肉,夠晒彈牙。原來我哋見到佢有一個幾特別嘅係爆芝紫菜響鈴,首先佢係新鮮滾熱辣即叫即炸,所以絕對係脆卜卜。而佢中間除咗包左紫菜之外仲有芝士,呢樣野都幾特別,啱晒啲芝士迷。食完咁多油膩野梗係要食返啲菜,等自己內心好過啲,所以我哋揀咗油麥菜,佢啲菜都幾新鮮,可以索下油。嘢飲方面朋友就叫咗杯鹹檸七,我自己就試咗佢哋嘅玫瑰柚子。不過佢哋個玫瑰柚子真係太甜,都唔係好飲到玫瑰或者柚子味,所以都係飲返可樂會好啲。 繼續閱讀
(以上食評乃用戶個人意見 , 並不代表OpenRice之觀點。)
未食之前呢間雞煲已經好有期望,因為老公已經食過好多次,但一直都未有機會同我黎食,今日行完黃金電腦廣場,終於可以過來食啦☺️就係荔枝角道,搭巴士好方便,一落車就係!好幾次跟朋友去嘅餐廳環境都比較一般,所以今次見到呢間雞煲環境咁乾淨都好開心!我地點了招牌麻辣雞煲半隻(小辣),雞件份量足夠,有大半鍋,上枱個時仲冒緊煙,見到都好滿足啊~一打開個玻璃蓋,好香花椒八角味道,香辣得來又唔會食得好辛苦,唔食得辣記住揀小辣啊,雞肉啖啖肉,仲幾滑🤩 配埋芫茜同洋蔥好入味,一齊食超好味!食半隻都唔夠喉,我地之后再挑戰叫多個招牌麻辣雞煲半隻(中辣)!!中辣調味更加好同惹味,麻香帶辛,辣得過癮!最重要係啲雞入晒味🤤🤤 真係係咁食!所以絕對推介食得辣嘅話就點中辣!肉質煮3分鍾剛好,不會過老,超好味!食完雞煲後,職員主動幫我地加湯轉火鍋,我地可以去自助調味bar整火鍋醬料,入口帶溫暖辛香感,更加開胃啊~!頂級安格斯牛小排呢個擺盤望囉已經流口水,呢個超級推薦,大碟牛得來每塊都好有牛味,肉片好新鮮啊!手工四寶丸,有墨魚丸,蝦丸,黑墨魚丸和鯪魚丸,我們一致認同最喜歡黑墨魚丸和蝦丸!彈牙爽口~自創爆芝紫菜響鈴有驚喜,落鍋5秒左右就拿起,吸收湯的精華好好味,仲好脆口,咬開一層爆芝士,一層紫菜,口感好豐富呢~火鍋以定要叫個菜呢~!唐生菜夠新鮮!正!玫瑰柚子是杯粉紅色的飲品非常去火,清甜又有淡淡的玫瑰味!藍蝶雪梨藍藍的,好吸睛,打卡一流呢~~飲品中嘅蝶豆花汁係從花中萃取液體同精華,色澤天然,無人工色素,含豐富嘅維他命 A、C、E 同花青素,有助提高免疫力,促進皮膚彈力同骨膠原,同時有保護眼睛嘅功效。下次一定要帶一班朋友來食! 份量足夠之餘又惹味~超正呢!店名:豐鍋雞煲地址:深水埗荔枝角道240號地下A-C號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-24
472 瀏覽
今日買完電腦野,就去左豐鍋食雞鍋,想食多d肉!二人餐 $498豐鍋招牌麻辣雞煲辣都有走辣、BB辣、微辣、小辣、中辣同大辣!我哋當然揀咗BB辣啦,哈哈哈哈。上枱嗰陣已經好香麻辣味,味道都好濃郁,都有少少驚太辣。點樣好貼身幫我哋炒起佢!芫荽、紅洋蔥、蒜頭、雞件樣樣齊全,仲有好香麻香香料!蒜頭勁林,食多幾粒!食落夠麻,好正!麻得嚟好少辣,完全接受到,掂!雞件半隻,好juicy!熟耐d麻味重d!頂級雪花肥牛一開始覺得八件好少,但係咁多嘢食之後,八件都好夠食。唔知係咪因為頂級嘅關係肥肉唔算多,所以食得好放,哈哈!因為雞又有坐令到個肥牛更加香口,所以一家園火鍋錯即刻食就最好!頂級黑豚豬腩片豬腩片比起肥牛多肥肉,相比之下冇牛肉食得咁爽。不過佢嘅豬藍玉都唔會有一陣蘇味,應該都尚算新鮮!水餃韭菜水餃,皮薄多餡!另外去整個醋油汁點水餃,岩哂!墨魚丸手打墨魚丸夠晒彈牙,美中不足係佢啲蝦子會散開晒喺嗰個火鍋度,變相食唔到!自家炸響鈴多兩件就好啦,新鮮熱辣辣上枱!豆香重,食落無油壓味。一定要最後先食, 吸收晒成個湯底嘅精華。雜菜籃菜心、白菜、生菜、油麥菜。最可惜係生菜同埋油麥菜,夠晒清脆清新!稻庭烏冬兩小隻一大個,佢嘅彈性都OK,就算熟耐少少吸湯,都唔會爛晒!同埋有汽水,今日又濕又熱。追加左飲品!鹹檸七半個鹹檸檬,保護返喉嚨!比汽水解喝,連半個鹹檸檬都食埋fur哂!水蜜桃梳打好解辣,有益力多味道加持咁,甜度剛好水蜜桃! 繼續閱讀
(以上食評乃用戶個人意見 , 並不代表OpenRice之觀點。)