影片
開飯介紹
沙田的人氣雞煲火鍋，配料新鮮有誠意，最受歡迎包括手切牛肉、手打四寶丸、手包麻辣雲吞同爆芝響鈴等。
繼續閱讀
營業時間
今日營業
11:30 - 22:30
星期一至日
11:30 - 22:30
公眾假期
11:30 - 22:30
公眾假期前夕
11:30 - 22:30
*最後點餐時間: 22:45
以上資料只供參考, 請與餐廳確認詳情
有關獎賞計劃
今日受朋友邀請過來石門晚飯，我們選了京瑞廣場內「豐鍋」晚飯，這家主打雞煲及火鍋，環境乾淨企理，卡坐寬敞坐得舒服。有幾個招牌雞煲選擇，包括有滋補嘅螺片花膠雞、滋潤椰子雞、花雕雞煲，我們最終選了招牌麻辣雞㷛，朋友不太能食辣，就選了B B辣度，熱騰騰上枱，麻香撲鼻，食落辣度剛剛好，不會太嗆喉，雞件鮮嫩，十分惹味，鍋內大量洋蔥配料都好甜好食。食完雞後，服務員過來幫忙加上上湯那邊爐，我點了一客極品牛頸脊，有着漂亮的大理石紋路，輕涮數秒後入口，肉質淋滑，牛味濃郁。還點了罕見的珊瑚蚌，新鮮爽脆，娃娃菜烚熟後夠林甜，加埋稻庭烏冬，真係食到好飽😋
繼續閱讀
踩完單車去豐鍋打邊爐，真係充滿驚喜！「滋補螺片花膠雞煲」湯底鮮甜濃郁，螺片爽口彈牙，花膠滑溜溜，吸晒精華，每一啖都滋補又夠味！再加埋手工即炸魚皮，香脆可口，蘸湯食，完美搭配！ 「極品本地手切牛頸脊」真係一大亮點，牛肉薄切，啖啖肉味，口感超爽滑，仲帶少少牛脂香，食落去勁滿足！「自制韮菜餃」亦唔輸蝕，皮薄彈牙，餡料鮮香，韮菜同豬肉比例啱啱好，一咬爆汁，超惹味！ 自家製響鈴亦係必食之選，炸得夠香脆，入口仲帶陣豆香，吸湯後保持爽口，食落去口感層次豐富，完全係另一種享受！ 最意想不到係，竟然有人帶成個煲嚟買外賣，真係令我大開眼界！呢度啲湯底同料夠晒吸引，難怪有人咁認真對待！
繼續閱讀
石門並唔係一個常去嘅地方，但係打邊爐係我嘅最愛！咁啱經開見到就入去試吓。叫左芫荽豆腐湯底，一放低已經好香濃烈嘅芫荽味，原因係湯底好足料，目測皮蛋最少有兩隻，豆腐有一板，份量多到可以當係一個餸咁滯。蜂巢豆腐好搞笑，切到一碌碌四方磚咁，一啲都唔容易夾起，可以練習筷子功力🤣，佢係我食過最蜂巢嘅蜂巢豆腐，嗍晒啲湯，仲可以keep住滑捋捋，好正！食嘅時候記得要合埋個嘴，如果唔係啲湯會飛對面🤣雪花肥牛唔會過肥，又唔會太薄，淥完唔會好似吉野家啲肥牛咁，打邊爐一流！美國桶蠔一放低已經見到又肥美又新鮮，長過我中指之餘，仲闊過三隻手指咁闊，肥美到淥完之後放入口有湯彈出嚟，差啲淥親小嘴🤭連我食親乜嘢都會中骨或者沙嘅伴侶親證食落口冇沙，必叫！見到有牛胸爽咁特別，，職員話20秒就食得。錄完好似食緊好香牛油脂肪嘅肥膏咁，但係就唔會好油膩嘅感覺，如果係食肉獸未必啱，但係如果好鍾意牛味嘅話呢個值得推介。粟米原本冇咩期待，都係諗住嗌黎放入湯底度調味，又有得食下咁，點知佢啲粟米都好甜有驚喜。
繼續閱讀
P.S.🤰🏻😆兩個人食到捧住個肚走，嚟咗幾次啲水準都係冇得頂😍🐤🥘花雕藥膳雞煲～之前椰子雞煲已經❤️🩵👀，今次試吓花雕雞煲，一黎就聞到好香，如果唔係驚飲到個肚脹晒，真係會一飲而盡🥴！ 湯底裏面都好多補藥材料，估唔到紅棗龍眼杞子都好甜！ 半隻雞份量都好足，又好滑；🐮🥩安格斯牛/小～「小」已經好大份量，均勻雪花，望見已經流口水，唔會過薄有少少厚度，咬起上嚟有口感，又唔會un難咬；🐟🥠即炸魚皮～之前叫開紫菜響鈴，今次試魚皮，😝😝成條手臂咁長，將佢整到薄薄，就咁食同點湯底都好味！ 一啲都唔厚，好似食緊薯片咁🥰🧆四寶丸～一次過試四款口味（蝦丸、墨魚丸、黑墨丸、鯪魚丸），丸裏面都有好多墨魚粒蝦粒，😚好有咬口！🐂👅牛舌芯～切到成朵花咁，師傅有心機，打卡都抵📸！又係厚度啱啱好，爽爽好好味😜！ 🫒🫙🍹大話七～大大杯，鹹檸肉好多，好足料！突然覺得以前淨係識得叫可樂😆🐷仔左！⛺️環境：石門站隔離真係好方便 , 兩個人坐卡位好寬敞❣️： 雖然以哩個價錢唔係叫平，但品質真係好，CP值一個字…高👍🏻，總括嚟講係叫「好抵食」！ 如果夾到時間「晚市八折」 ，真係超超超值～～～👻大Ki@嘴饞姐妹趴趴吃#石門 #豐鍋 #安格斯牛 #牛舌 #火鍋 #花雕藥膳 #魚皮 #自家製 #麻辣雞煲 #椰子雞煲
繼續閱讀
熱到癱軟嘅天氣🌞，胃口失蹤？直踩沙田豐鍋雞煲喪食重口味！未到7點全場爆滿，冷氣凍到打冷震❄️，同街外焗桑拿差天共地～ 🔥 招牌麻辣雞煲（走辣版） 走辣唔等於走靈魂！秘製醬汁濃到黐羹，蒜頭豆豉香氣核爆級👃，雞件連髀位啖啖肉！連洋蔥絲都清碟，抵讚！ 🦐 自家製鮮蝦雲吞 即包現煮睇得到！薄皮爆開成隻蝦+木耳碎，"卜"聲噴鮮汁💦，浸雞煲醬3秒變身邪惡小砲彈💣 🥩 頂級安格斯牛小排 雪花紋靚過山水畫，滾8秒捲成粉紅玫瑰🎀。牛油香撞濃醬，口腔好似颱風登陸⛈️～ 🐟 白鱔片 厚度直逼iPhone📱！魚皮燒到微脆，肉質彈牙零腥味，骨膠原多到黐筷子😙 🍄 金菇 索汁王者！掛滿琥珀醬汁似金絲，嗦嗦聲吸落喉超爽～ 🥤 可樂救世主 雞煲滾到噴煙時💨，灌啖冰可樂直衝腦門！氣泡"嚓"聲劈走油膩⚡ 隱藏攻略： 1️⃣ 雞煲剩醬+清湯變身火鍋湯底 2️⃣ 滾燶前要大叫侍應加湯！
繼續閱讀